金不換泰國餐廳

光頭男經理問佢路黑口黑面爭佢好多錢咁the waitresses were not very attentive!!!it takes them forever to take orders, forever to get a take away box, forver to get the bill, and getting the bill and getting the take away box can't do it at the same time, because they were so busy serving no one...牛油果柚子沙律 - 牛油果同柚子好新鮮, 味道鮮甜, 有啲煙肉粒喺面Does it worth that much of money?not really!!!no sauce or anything青咖哩雞炒河夠辣雞肉勁流好油麻麻河粉又碎迷你拼盆---蕉葉雞，魚餅, 蝦餅蕉葉雞Ok 滑太燶啦蝦餅太多粉魚餅反而幾好味又彈牙個汁唔好食…查看更多

美少女牛一，只有lunch時段 給我們。而她最愛泰菜，于是找間高檔少少的泰菜館和她興生。黃埔金不換裝修有泰式風味,用餐區比較大，餐枱也比較多，仕應的制服很有民族feel. 各人點了自已喜愛的食物：迷你拼盆---蕉葉雞，魚餅，春卷。蕉葉雞比較乾身，似是返炸。魚餅彈牙，春卷很脆。燒豬頸肉---泰菜必點食物肉本身有調味，可以不需要醮醬汁。如喜歡刺激，可醮跟配的醬汁，又辣、又少少酸。肉片炒金邊粉---金邊粉很幼細，每條都占有醬料，味道均勻，有疍花及菇伴炒，感覺豐富，但肉片就比較硬身，不夠冧。燒牛肉沙律---味道不錯，但肉質比較過熟，老了一點。清炒椰菜苗---必定order 的，很多泰菜館未必有這隻椰菜苗，清炒可以吃到它的清甜。木薯甜品---在金不換才食到的甜品，是我的至愛，木薯煮到很冧，很鬆，（因處理時很繁複，所以很多泰菜館都不做） 加上椰奶，絶配👍…查看更多

去黃埔食泰國菜已經是十多年前、金不換依然䇄立不捯。頭盤點了泰式燒豬頸肉、買相唔錯、足四人份量好有睇頭、豬頸肉燒得好香、入口油香四濺、爽口又彈牙、完全沒有肉腥及羶味。配以泰式辣椒魚露醋別有一番風味！蒜蓉包是法式麵包、牛油十足、熱烘烘、蒜味焗到好香濃、咬下牛油四濺、非常香口！飛天通菜走了辣、雖然唔知道師傅有冇拋高七尺炒菜，但是味道唔錯，沒有菜青味，菜本身起骨爽口，唔辣都唔錯！海鮮菠蘿飯、用料豐富，有豬肉鬆、臘腸丶粟米、火腿、腰果、葡萄乾、鮮尤魚和蝦！飯炒得幾乾身，沒有食到一口油膩的感覺、味道複雜但是十分融和！餐廳裝修十分泰式、並非華麗但勝在自然舒適！服務有禮！…查看更多

今次黎到紅磡附近工作，somehow應該叫做黃埔。做完野跟呢邊啲同事去食野，佢地介紹黎呢間泰國野。入到去，同事仔竟然講低一句，"我要柚子沙律！"之後話其他野我地話事，就行左去洗手間。竟然係咁，我地5人行就叫一個4人餐，加埋個個好緊要既"柚子沙律"喇~哈哈哈哈。可能我地遲食野既關係，已經唔多人，所以野食好快就到。首先黎既就係個個好緊要既柚子沙律！大家一齊試下，又真係幾好，佢有好多一梳梳既柚子肉，好新鮮，好fresh既味道，加上爽脆既口感，同事仔果然冇介紹錯！接住黎既有湯，事關我唔食冬陰公湯，所以我地揀左要豆腐紫菜湯。味道清清地冇咩大驚喜，但佢勝在有好多料。之後就到呢個炸物拼盤，我地好似揀左蝦餅，魚餅同春卷。賣相唔太吸引，因為好似有啲炸過龍，好深色。我自己淨係食左蝦餅，佢味道都okay，質感唔錯，都幾彈牙，如果冇咁燶就好喇。跟住落黎既餸，好似一次過試晒咁，有咖喱蝦球喇，海南雞喇，鹹魚抄芥蘭喇，同埋好大兜白飯。咖喱蝦尚算可以，佢啲汁多到好似要浸死啲蝦為目標咁，哈哈哈哈。不過都好，多汁可以餸飯食，都幾好味！之後到個海南雞，呢個唔錯唔錯，雞既滑，味道好，唯一可以彈既係雞有點太肥，好鬼多肥糕。最後一味就係我最鐘意既菜，鹹魚抄芥蘭喇。雖然有啲油，但佢個菜炒得幾幾好，鹹魚既惹味，芥蘭又好夠爽口，非常好。最後仲送左糖水，椰汁芋頭粟米西米露，正。…查看更多

姐服務態度超差, 已預約枱, 五人枱竟給四人枱,態度得差不肯換枱,十分沒禮貌。用餐時,餸菜上得慢,又鹹同不好吃,絕對太昂貴,不值這個價,加上咁既服務態度,絕不值得幫襯。…查看更多

剛去完泰國旅行回來。這次旅程令我愛上了泰菜！是晚，終於忍受不了，走入一間位於紅磡黃埔的“金不換泰國餐廳”，甫進店內，不少外地遊客，內地商人在此。餐館裝飾雅緻，很有中國風！被安排後，服務員完全沒有應有的服務態度，任怎樣揚手呼叫都作視而不見這種態度，請多多改善哩！芒果糯米飯其實是我最喜愛的，通常是作甜品；但我同雨田先生都已急不及待要當作頭盤了芒果味道又香又甜，白糯米軟滑；而黑糯米有口感，將所有混合一齊吃。美味！泰式炒椰菜苗，在香港的泰菜館多點椰菜苗，這好像是泰國的疏菜吧！但在泰國又好似不太是名菜。。泰燒豬頸肉，份量十足，而且師傅將豬頸肉皮燒得較脆，又不失肉嫩！配合泰式辣醬，‘以之棒’蛋絲包海鲜金邊粉，不得不讚這個功夫，蛋絲一絲一絲清楚分明，像網一樣包圍主菜。海鲜分量絕不欺場，應有的都有。再加上少許青檸汁，令海鮮味更特出。其實大致上對其食物滿意，唯一扣分的是服務態度！…查看更多

8:30pm 買完戲飛後就找地方食飯, 行過見到這間泰菜就想食生蝦, 見沒人等位就入去食; 入面裝修好別緻, 而座位亦唔算少, 見到好多外國人食.安排我地坐下後, 服務員就放低了一壺滾水給我們, 研究完一輪叫了生蝦, 蝦餅, 豬肉菜包及青芒絲沙律..., 後來服務員通知我最想食的生蝦無晒了, 失望之際我們點筍菇粒豆腐來代替生蝦....首先黎的是蝦餅, 一上第一道菜後, 其餘的是緊貼好快上,蝦餅似大版的冬甩, 味道ok, 同普遍蝦餅一樣, 因為點o既醬係梅子醬(甜)緊貼住上的是青芒絲沙律, 通常我都係食青木瓜沙律的, 第一次食青芒絲沙律, 視覺上好爽口, 點知一食落口是除了爽口就只剩下酸, 好酸...酸的程度係令我諗起酸到盲o既都開眼呢句, 接著口食真的可以眼淚水都流, 我食左三分一...只有少量係無咁酸, 忍唔住問服務員這個沙律係咪真的咁酸, 她答係咁酸的!  朋友話食過泰國人自家弄的青芒絲沙律是沒咁酸的, 我只有無奈...這是唯一食剩半碟的菜. (酸++)再黎是筍菇粒豆腐, 筍粉+菇塊+青椒粒做茨好好食, 爽口得黎又有菇塊的實在口感, 而豆腐就係玉子豆腐, 皮好易就爛掉兼完全無味, 個茨同主角完全分開了....!!豬肉菜包, 除左蝦餅係穩陣的菜外, 我以為這道亦會穩穩陣陣, 點知入口係好咸, 除左一個[咸]字, 完全感受唔到其他味, 朋友好食得咸的也說好咸...係未咸到o拿喉, 一路包菜食, 最終也叫食完這道菜. (咸++)…查看更多

全部份量都大，但味道真係唔知係唔岩我地胃口定係佢地整得差。泰式鳳爪，味道正常但唔係好味「酥炸雞軟骨，油味蓋過主角。胡椒鱔球，太鹹定點呢，幾難食。蠔仔蛋，又係好油又好鹹。菠蘿炒飯同埋炒菜叫做係最無乜野呀。…查看更多

I rarely visit Whompoa but my friend told me I must try this restaurant. He said the atmosphere and environment is perfect for catching up with friends and that I would enjoy their cuisine because it was very authentic. When I first walked in I was mesmerized by the strong fragrant of curryand spice in the air and the interior was spacious and comforting. The service was ncie even though we had to wait quite awhile for our food--almost 20 minute before our first dish was served. Luckily, we ordered a bottle of white wine ($298) to keep us going so we didn't really notice until after awhile of waiting.My friend really likes seafood so he ordered the squid and told me try it (even though I'm not a huge seafood fan). It's super fresh and goes amazingly well with the sweet and sour spicy sauce If you don't like spicy, don't try the sauce even though i think that's the highlight of the dish.This stir fried Tung Choi was bursting with flavor and the texture was cooked to perfection--not to crunchy and not too soft.My all time new favorite Thai dish! First off, I must explain that I adore Taiwan basil and I can eat it by the pound. But it's fairly difficult to find Taiwan basil in HK and I've searched many places. When I tasted this Thai green curry that was filled with Taiwan basil, I immediately fell in love and couldn't stop eating it. The curry itself was creamy and sweet with coconut aromas. This was sooooo yummy with the toasted garlic bread, MUST TRY! =…查看更多

見過網上食評都表示呢間泰菜唔錯，所以一早book位。去到餐廳已見不少人在等位，好在預早book了，不消一分鐘就有枱。人多多可點不少食物試吃。餐廳都有心思，會按小吃，主菜和甜品分次序上。不會求其煮好那款菜就先上。先來燒豬頸肉一上枱己覺得好香！！豬頸肉望落好有光澤，不過好怕食到一口油。一放入口，覺得好正！有肉香又唔油，TEXTURE OK，爽好。配賣辣汁食，好野味！炸蝦餅熱辣辣，出晒煙，好誇張！咬落夠彈牙！佢個汁有蜜糖／庶糖味。不過點左汁之後就蓋過左蝦味，但整唔錯。清炒椰菜苗呢個幾特別，好爽口。色澤非常翠綠，不過唔知係咪清炒關係，無咩味。不過之後有咖喱食，所以清清地當平衡下。如果平日唔見咖嘌，可能就唔好叫清炒好D。黃咖喱牛肋腩 ＋ 蒜蓉飽試過食唔少九龍泰國菜，上左個包一大輪都唔上咖喱，攪到個包凍晒。店員好好，係兩碟一齊上！食完呢個覺得真係必食！好香椰香味！！唔辣！入口個汁仲好滑。D肉比其他人食晒，唔係好夠分。不過佢地話好好食，夠林。我只係食到D肋，不過真係好入味。個包好夠熱，夠脆，夠蒜味，唔加汁一樣好食。食完呢籃包唔夠再加！咖喱蟹呢個汁反而唔夠頭先個好食，不過蛋多同芹菜多。肉蟹SIZE黎講，無特別，一般SIZE。下次黎可以唔再食。椰青海鮮飯個樣幾好笑，唔係咁吸引。不過食落幾好食，勁有椰味！不過入面D飯係白飯無炒底。不過個汁勝在好夠味，所以白飯都OK。海鮮都係平日食開個D，無咩特別。成個飯最正都係個汁。最後叫左杧果糯黑米飯碟野勁香！一落枱未影得切相己比人分屍。 熱熱地，椰汁糯米同黑糯米層次分明，賣相吸引。食落有口感，如只係糯米會覺得太甜，不過同杧果一齊放入口就好正！個杧果淨食唔太甜，仲幾JUICY。下次黎都會再食。最後成餐＄1000…查看更多

首次嘗試這店, 印象不差, 環境舒適, 服務可以, 可慢慢吃一頓呢味道OK, 花生令芝香口, 配料十足, 雞柳不少, 整個份量不錯, 伴飯或薄餅之選很香的煎蛋包著很不少份量的炒飯, 一打開, 飯真的很多, 而且眼見海鮮亦不少, 兩隻很好肉的蝦, 一些魷魚, 蟹柳等, 應有盡有, 飯炒得香, 味道令人開胃!原來椰菜有苗, 即管一試, 結果很不錯, 翠綠,爽口,新鮮, 賣相很好, 鹹肉是像燒肉的, 整個配撘很好呢…查看更多

今日重陽節同好友行經呢間泰國菜~友人話口痕想飲冬蔭公~見餐牌D野都不唔平~不過裝修氣氛很好~點了黃咖哩牛根腩,鐵板蠔仔,冬陰公同木薯黃咖哩牛根腩好味,,,最正係撈飯,牛肉好稔,根又好滑...但略嫌牛份量好小...但好多汁...鐵板蠔仔...好多蠔,蛋好滑~每一啖都食到蠔~份量好多~.....可能地區口味不同....水份較多~所以唔多香口...冬陰公~....不過不失~酸辣度剛好~木薯~...當已經食到頂喉時發現仲有呢味未上~當下好想同侍應講取消都係唔好甘衰~好彩冇叫取消~原來好好食ga....蒸熱的木薯配上香甜椰奶....極之配合...不過.....木薯係好平價的食材~要40幾蚊真係有d貴lor~等我返屋企自己做下先!!後記~總括此店味道算中上...但不知為何在繁忙時間曾光顧了2次..都不覺得門庭若市?!…查看更多

跟大姨的聚餐很多時都是頗即興的。星期天的晚上，大家都不想呆坐家中，帶埋一家大細出外鬆鬆筋骨才是正道...到了黃埔，預備到JUSCO走走。之前經常在美食坊解決用餐，有點生厭。今趟決定走遠一些，到也有頗多食肆選擇的德豐街。想起久沒有到"金不換"了。這裡地方偌大好坐，食物也不太差，只是價錢略嫌貴了少許而已，不太符合我們今天想要達到的預算呢....不過反正一場來到，自然也不會"就住就住"的。先來一份我的摯愛鐵板蠔仔煎蛋。份量大大的；蠔仔很多，隻隻肥大多汁，有少許沙是有點不足，不過其鮮味及飽滿之軀卻可彌補；蛋亦是十分的滑口。油了一些是少不免的，但很奇怪，這道菜若然油水不夠的話，又不會好吃的，真矛盾...小朋友對那籃蒜茸多士可是愛不釋手。試了一件，焗得又香又脆，蒜味又重。不單一眾小友愛吃，就連我們大朋友也覺得十分的不錯....小型併盤內包含了香葉包雞、炸蝦餅及春卷。前者十分的油膩，幸好雞肉尚嫩；蝦餅相反地頗乾身，油淋淋程度沒雞肉那樣嚴重，咬落亦彈牙，不過在蝦鮮方面就失色了點；春卷炸得皮夠脆。餡內大部份都是素菜，是有點出乎意料之外的"清淡"，吃起來也不錯....炒椰芯一向是這裡的招牌菜。椰芯咬落是嗦嗦作響，入口帶清甜，本是十分特別的一款食材，不過很可惜的是店方以一個既厚又濃杰的豉油獻覆蓋上去，是絕對的大煞風景...蛋包海鮮炒飯就沒甚過人之處。飯身偏油，海鮮一類如魷魚及蝦隻都盡皆一口雪味，吃起來自然乏味....一點也不便宜的泰菜。看來要吃平靚正的，還是要回到龍城或銅鑼灣的登龍街才對路....…查看更多

今晚訂左位7點鐘, 但去到都要等一陣, 因為真係好鬼多人, 不過我地黎呢到食都唔係第一次, 所以習慣左, 睇左陣餐牌就好快叫野食啦牛油果柚子沙律 - 牛油果同柚子好新鮮, 味道鮮甜, 有啲煙肉粒喺面, 好好味, 每次黎呢到都一定食蒜蓉包 - 叫左一客4件唔夠喉, 再黎多一客, 包好脆蒜蓉又多, 好食炒通菜 - 通菜唔老冇渣小食拼盤(揀三款) - 春卷, 魚餅同蝦餅 , 每款都有4件墨魚筒 - 味道唔錯, 好軟熟一啲都唔un菠蘿炒飯 - 經典飯, 多數泰國菜館都有得食, 呢到既菠蘿炒飯味道都唔差, 啲料都好多青檸梳打 - 底層有青檸蓉, 撈一撈佢成杯青檸梳打味道出晒黎 總結 - 保持水準, 間唔中都會黎呢到食餐飯…查看更多

兒子歡喜吃泰國菜，趁兒童節，與他去黃埔試下金不換之前聽過人說這裏的泰菜唔錯，滿懷希望來到，結果有點失望而回這日小試牛刀，只叫了幾款推介，包括：迷你拼盤 - 我們點了蝦餅,香葉包雞和春卷；香葉包雞好好味，蝦餅都唔錯，春卷就略為淋咗啲黃咖哩雞 - 因為俾阿仔食，所以叫咗少辣，又真係唔辣喎，但係都仲有好香嘅咖哩味，正蒜蓉包 - 叫嚟伴咖哩，不過個包唔脆，唔好食蛋網海鮮炒金邊粉 - 見到餐牌個圖幾靚，咪叫嚟試下囉，味道普通，料都幾足，有蝦,蜆肉,尤魚,蟹柳等，酸酸咪咪都幾好味基本上呢度啲嘢食唔係差，但係又唔係特別驚喜，不過好多外國人食客，成個感覺好似好高檔咁，但價錢又唔係特別貴，不過不失啦！…查看更多