金不換泰國餐廳

营业中

休息中

話說上次去完泰國，同#墨婆婆join左個當地民村既cooking class，其中一款菜式就係#金邊粉，所以番到香港又想食番，比較下自己煮成點。蛋網自己就整唔到啦，味道大家就差唔多，都有泰國既風味，不過自己整就過癮好多，中意甜d可以叫佢落多d椰汁。

唔想入到九龍城又有無敵大海景又坐得舒服既泰菜， 非金不換泰國餐廳莫屬餐廳裝潢很有泰色風彩--------木瓜沙律很新鮮的開胃菜，不過食落就真係幾辣紅咖哩雞咖哩味道超香濃又稠身，味道很濃郁，又夠足料，雞肉都算滑最滋味就是配上蒜蓉包，兩者是最佳配搭超香濃既蒜蓉包，又熱哄哄新鮮送上，即使單吃已經夠滿足飛天通菜通菜炒得很夠火喉，帶點辣椒絲，少少辣，卻是很正宗既泰國風味

仲記得好多年前呢間金不換曾經係我地屋企聚會既飯堂, 以前覺得麻麻地, 但今次食完好似有D驚喜, 不過總括以泰菜黎講, 價位算高, 不過呢個地點而言, 都應該差唔多今次一行十幾人, 試左好多唔同既野, 逐一講講:生蝦刺身:好夠凍, 蝦肉爽口, 其實都係食D醬汁既味~泰式鳳爪:份量都幾多, 唔係靠D菜墊高, 味道唔錯, 酸酸辣辣幾開胃, 而且已經插開左1半, 幾易食~柚子沙律:真係成碟都柚子, 不過食落有D椰香, 幾特別幾好味!!咖哩軟殼蟹:咖哩汁嫌太少, 汁太稠, 唔係好岩用軟殼蟹黎點, 再加埋蒜蓉包就絕對唔夠汁, 而個汁偏甜, 唔係好香~蒜蓉包就幾好食~羊架:肉質好嫩好多汁, 非常不錯!!菠蘿炒飯:呢個飯無乜味, 配料好多~蠔餅:非常油膩, 蛋好少蠔很多, 不過就咸左D因為太多油既感覺~其實仲叫左個肉片炒金邊粉, 好辣好濕, 個人不太喜歡~甜品方面, 叫左芒果燸米飯同千層糕, 芒果燸米飯有黑燸米同白燸米, 誠意之作, 而芒果非常甜, 千層糕就唔夠彈牙了~總括黎講, 10幾人TOTAL食左4千幾, 都算幾貴, 不過食物質素比之前有進步~

約左大學同學一段時間，今晚終於都齊人啦之前大部分出黎食飯都係食韓國野，今晚就轉下「泰國菜」啦金不換好彩已經預先卜左，一黎到已經有人等緊。但因為星期五，多人，餐廳聲稱會限時一個鐘30分鐘。其中一位大同要OT，我地唯有等齊人先入去啦。入到去，對面就係維港，個view唔錯餐牌既設計都幾grand大家都好肚餓，就叫左6樣餸先黎左一碟炒蜆，蜆新鮮，而且入味，不禁一連食左幾粒菠蘿海鮮炒飯，份量都幾多，海鮮都幾多，有蝦有魷魚等等，菠蘿粒鮮甜，腰果夠脆夠香，肉鬆撈海鮮撈腰果，味道好夾呢個海鮮金邊粉一定要試啦，啲金邊粉條條分明，唔會一「住」「住」咁。每條金邊粉都好入味，夠火喉可以加小小青檸汁，提升金邊粉既味道。炸蝦既外形都好大舊，以為佢會好厚炸粉，但原來又冇啵，皮薄蝦味濃，口感仲外脆內軟食左一輪海鮮野，就食下肉啦生菜fresh，包住已經醃好左既肉，口感一啲都唔「溜」，不過呢個生菜包肉碎比較辣，而且仲係慢慢滲出辣香，啱曬啲鐘意食辣既朋友啦最尾有碟雜菜粉絲煲，粉絲入味得黎又好滑，菜又冇啲青草味，反而多左入鮮味。Btw，我地食到九點幾，出面都冇人等，餐廳都冇催我地埋單，最後可以慢慢坐，繼續吹水

朋友推薦「金不換」，話好好食。試過雖然唔係樣樣都好食，總結大部份都幾好食。我遲收工遲咗到，朋友已經叫晒。炸蝦餅 - 好食，熱辣辣，肉厚，夠料。柚子沙律 - 好好食。之前食嗰啲得個酸字，呢個真係唔錯。無影到，因為我去到已經喺個碗到。冬陰公湯 - 4隻蝦，4個人一仄一隻，啱啱好。湯酸辣味重，椰奶味少。唔錯。炒椰菜苗 - 好好食，炒得啱啱好，唔會太生，本身都新鮮同嫩。椰青炒飯 - 好好食，用椰青裝住，有椰香，好食食芒果糯米炒飯咁。串燒 - 好奇怪，得雞串燒㨂，食串燒最唔好食係雞，呢度尤其唔好食，一串雞肉一大舊，唔知想點。沙嗲汁就ok嘅。炒金邊粉 - 一般，唔夠味，失色。生菜包 - 難食，唔juicy，無味，太淡。蒜茸包 - 一般。佢哋無點咖哩，應該點來食先好味。芒果糯米飯 - 好好食。讚。椰汁膏 - 好食！

同朋友一行六人慶祝生日，有人提議想吃泰國菜，上網睇過食評見呢間好似幾ok, 就決定試一試喇。生蝦刺生，每次食泰國菜都會叫的，肉質彈牙，個醬不會太辣，正東蔭公湯，叫左一鍋，六個人每人都係分得大半碗，但味道鮮甜，蝦肉不似雪藏，讚～牛肉青咖哩配蒜蓉包，我最鍾意個青咖哩，味道濃郁，不會太辣，牛肉都幾「林」，蒜蓉包也香脆，點埋個青咖哩食好味辣膏鈔蜆，本人覺得呢個麻麻地，因為個醬太杰身，我都係最意食豉椒炒蜆多d😅其實我地仲嗌左肉碎生菜包同炒通菜（掛住食唔記得影相），味覺都不錯！下次會再來！

間唔中就會想起佢嘅泰菜，今晚又去食尖沙咀分店都坐得幾舒服，待應亦都殷勤👍差不多次次都會叫柚子沙律，加埋泰式炒金邊粉，呢兩樣菜次次去都點嚟食😋😋蝦餅的蝦肉比例亦都多，炸得鬆化香脆👍😄泰式海南雞好嫩好滑，大大碟，水準依然👍👍仲有叫埋個椰青同芒果沙冰，呢度嘅泰菜真係令人一再回味😋😋

一向鍾意食泰菜泰國菜嘅我, 除咗九龍城嗰d餐廳之外海港城嘅金不換就係我嘅favourite!星期日喺附近行街行到攰, 大約六點幾鐘七點來等位, 好快就有得入啦! 比起平時要等成個鐘差好遠! 所以建議大家要趁早攞位呢間餐廳嘅豬頸肉好好食佢話係碳燒嘅，另外啲肉有肉汁得來又唔會過肥 唯獨是有幾片有少少紅，不過都係絕對接受到再加上甜甜酸酸嘅汁夾埋超好食!另外唔食得辣嘅我仲叫咗青咖喱雞，入邊有大約十幾件細嘅雞，個汁用嚟配蒜蓉包好好食架 ！屋企人就叫咗炸蝦餅同埋菠蘿炒飯，仲有一碟鹹肉炒椰菜，全部都好快就黎。雖然佢話就話有限制90分鐘用餐時間, 不過其實都唔會點催嘅。我哋食到八點半九點嘅時候已經開始見到在場有枱係吉，所以唔使擔心佢會用餐時間會好緊迫

网上看到评价口味不错故逛海港城的时候顺来尝试。一落座，服务阿姨就把菜单仍在我的餐具上，指出后，全无道歉面无表情拿开，然后整个过程臭脸。点完菜，上菜的阿姨或小妹也不会报菜名，基本是扔下菜就走。就口味而言，椰子饭和冬阴功汤相当不错，猪颈肉也不错。青口贝则有近一半没开口，通常我们的认知是经过料理还没开口的一般可能不新鲜，跟坐在收银处的一位先生反映后，他表示这些没问题肯定新鲜，只是没开口，并帮我们打开，如果在上海，通常给你重新上一份了，好在打开的这些青口贝并无异味。芒果饭椰汁很少，糯米很硬。最后结账居然有10%服务费，用朋友的话说，完全没有服务而言，好意思收服务费？虽然有些菜品不错，但还是想对服务打个差评。

9/10/2016晚飯，点了青芒絲軟壳蟹沙律，上枱時不見了蟹只有青芒絲，請落单服務员check,她竟説我復左你单，你系叫青芒絲沙律，她自已聽錯就話我復單冇聽清楚吾願改，其實拿回厨房加少少蟹上面有幾難！硬要堅恃自己冇错人客錯，真係無禮！

a bit expensive for 2 people but it's quite delicious I love that fried crab and pinapple fried rice

星期日去開尖沙咀行街，6:30pm 見呢間餐廳唔洗等位。所以就決定試一試。首先黎個泰式拼盤(小) , 有蝦餅,魚餅及春卷, 每樣有2件, 2個人每人一件剛剛好。蝦餅好味彈牙。黃咖哩牛根腩，味道OK, 不辣，不過牛腩份量較少, 薯仔同牛根較多，如果多番D牛腩會開心D。蟹肉炒飯，飯乾身，見到一舊舊蟹肉,算足料。唔知係咪星期日的關係，用餐時間只有1小時15分鐘。

今次同一班無見好耐嘅大學同學重聚，揀咗呢間食泰國菜。印象中尖沙咀泰國菜館唔多，但我每次看海港城都會經過呢間金不換，今次終於有機會去試。先唔講嘢食，以佢嘅地點嚟講，真係好方便，火車，地鐵，不是，天星小輪，無論你響邊度返工好，放工嚟呢度聚會都一定唔會有交通上嘅麻煩。點裡面裝修到好靚，有海景望到維港，有好多大台，適合大班人聚會。坐低咗之後，侍應就好快同我哋斟水，比menu我哋，服務唔錯！ 頭盤嚟咗個海蝦刺身先，海蝦望落去新鮮，肉質晶瑩通透，同日式甜蝦刺身比泰式嘅生蝦味道雖然無咁鮮甜，但係佢就用多咗好多唔同配料，再加埋佢嘅特製醬汁，味覺比甜蝦更多層次。太肚餓唔記得單影個蝦餅同個柚子沙律，個柚子沙律食落口好清新，柚子肉亦都好多汁，係前菜開胃之選。蝦餅炸成冬甩shape，除此之外無咩特別，同出面啲泰國餐廳差唔多。炭燒豬頸肉呢味嘢差唔多都係每個人嘅至愛，豬頸肉肥美爽脆嘅肉質加上外面燒焦咗嘅脆皮，再點埋少少酸同辣嘅醬汁，無得輸 。蛋網海鮮炒金邊粉望落去已經加咗分 ，佢應該係用蛋漿煎咗個網出嚟包住個炒好嘅金邊粉，呢啲真係講心思手工，識食一定係相機先食。個金邊粉本身都炒得唔錯，好夠味，亦都唔算油，海

香港地泰國菜林立，來到尖咀肯定要試下，哎左幾味餸有菠萝炒飯，泰式咖喱炒蟹等等，泰式炒蟹好的鑊氣，蟹肉结實鲜甜，加入獨特咖喱酱和大葱，咖喱香而不辣，大葱調味裝飾，賣相同味道極正。

那年，在大學認識到一班能保持聯絡的朋友。今天，偶然一聚之際，原來認識已有十年。星期五加年初五，人人仍樂於外出用膳，即使預訂了8:30pm，也要差不多9pm才能入座。其時客滿，要組合一張8人桌也不容易，還好店員先安排我們入座4人桌，待鄰座的客人離席後再組合一起。最近外出用餐，遇著的服務態度勉強合格，這夜遇上的店員服務之好令人驚喜！鄰座雖已離座，座位亦已然安排好，惟當餐廳內騰空了一張較闊落的長桌時，店員也主動地為我們安排遷移，難得的好服務！海蝦刺身 $118鮮甜味雖然不及日式甜蝦刺身，但泰式海蝦較有嚼勁，肉質黏黏彈實，Creamy！柚子沙律 $108雖然味道清新酸溜的柚子汁多香口，可惜說是沙律，但充其量只是一碟柚子肉粒。大拼盤 $268若然想吃小食，但又想多試幾款，有齊蝦餅、魚餅、香葉雞及春卷的大拼盤也是不錯的選擇。當中的蝦餅金黃香口，蝦膠爽彈質感，蝦香慢慢填滿口腔；而香葉雞也見肉嫩惹味~冬蔭功(大) $228冬蔭功是吃泰菜當中最不能缺少的一道，充斥著開邊蝦及草菇的冬蔭功入口辛辣感不低，多喝兩口後卻挺喜歡那酸辣的刺激~燒豬頸肉 $118疑似是烤焦了的豬頸肉帶有自身的爽脆，蘸點秘製醬汁後入口