金不換泰國餐廳

营业中

休息中

星期五晚上跟朋友來到海港城，因為沒有訂座的關係，等了大概十五分鐘，換來了一張海景枱，友人跟我都感到很滿意!友人點了海鮮東蔭公湯，我淺嚐了一口，感覺像普通湯水，帶點辣，它不是我那杯茶。我倆都喜愛點小食拼盤，因為可以在一籃子裡吃到幾款食物，夠多元化! 小食拼盤可在四款中選三款，我和友人決定捨棄魚餅，點了泰式炸蝦餅、香葉包雞及春卷。泰式炸蝦餅蝦膠彈牙，因為新鮮炸起，又脆又燙口，配上開胃黃梅醬份外美味! 香葉包雞拆卸外層比較花時間，但這做法能將肉汁鎖著，也能維持食物的溫度。春卷則是三者中不太受注目，其用料雖多，但外層欠脆身，稍稍影響了口感。小食拼盤附有醃菜，其酸味可以除去口腔的油膩感黄咖哩牛筋腩的咖哩微辣但稍欠香味。牛筋腩不會過於硬，口感軟身且彈牙。滿滿的咖哩汁當然不可浪費，所以額外點了一碗白飯與友人一起以咖哩汁伴飯! 唯一可改善的地方是咖哩汁比較稀，若是濃縮版會更好!

今天和朋友一起去海運大廈行街買野，去到1800左右就肚餓了，由於本人十分喜愛食泰國菜，所以就去左金不換食晚飯。乾咖喱炒鱔球，賣相一看絕對唔對板啦!呢個好明顯係紅咖喱炒鱔球啦…算了，名稱我都不太介懷，但鱔魚本身肉質欠彈性，over cook,紅咖喱無咖喱味無香料味，紅咖喱個芡汁埋到太杰身，失望。酸辣鳳爪,幾好食，夠凍，爽口彈牙，夠酸辣味。蝦膏粉通菜,完全食唔到蝦膏味道，失敗。迷你拼盤,蝦餅肯定唔係全蝦糕制作，無蝦的香味。魚餅味淡，可落多點紅咖喱糕調調味。香葉炸雞，肉質鞋。生蝦刺身，幾好，爽口彈牙。香草肉碎炒飯，味道幾好。燒豬頸肉，豬頸肉本身無味，個汁亦欠佳。上菜速度真的很快，落左單之後唔使15分鐘全部飲品及餸菜已經到餐檯上，唔知以為去左快餐店惠顧。由於全部菜式差不多同時間上檯，所以我覺得所有餸菜温度大概只有攝氏60幾度，唔太熱。本人覺得泰國菜賣得呢個價格，應該要有好啲質素，我都唔會再幫襯了

We initially wanna have vietnam cusine downstairs but there are long queue so we went upstairs for thai food which is surprisingly good. i say it is surprisingly good because i dont like the one in whampoa. we ordered veg, green curry, fried rice, oyster pancake and mango sticky rice. it is in good portion for three gals. i luv all the dishes very much especially the fried rice which is ton yum flavour. not too salty or spicy. oyster are fresh and juicy and the green curry goes so well with the

呢排思食泰菜，膽粗粗就向女神搞手建議去試下"金不換", 皆因之前見過朋友既食物相超吸引囉, E~~又通過左, go go go...為左方便各方好友, 女神特意選址尖沙咀海港城, 屬遊客區, 價錢會偏貴但環境較好,坐得特別舒服。旺區多人, 雖然我地訂左8點, 早到或準時到都係一樣要等几個字先可以入座, 一來太爆場, 要等客人埋單後執位, 二來我地成廿人, 要等偏廳大房啊！我地被安排坐偏廳内既大長枱, 無得嘆無敵靚海景, 但自成一廳, 廳内格局清雅, 都唔錯吖 ！呢度既泰菜一d都唔油膩, 又唔算太辣, 食物既款式又多, 多到真係試唔哂咁濟, 最適合一大班人去食㗎嘞,可以order唔同既菜式, 更何況味道仲very骨添 ……1.酥炸雞軟骨-熱辣辣, 雞軟骨好有咬感。2.炭燒豬頸肉、辣椒豬頸肉-切成薄片, 肉質爽滑。3.咖哩海鮮焗南瓜-甜甜地既南瓜混上咖哩汁後, 加上墨魚、蝦、青口等, 令人有極豐富甜美層次既海鮮囗感 呀。4.肉碎生菜包-軟滑既肉碎配合脆囗既生菜, 簡直香辣兼開胃。5.蒜蓉包- 本來打算order几客薄餅來點咖哩食, 點知呢度無, 唯有改用蒜蓉包, 可惜d包唔夠硬脆

十個八個人嚮街食飯,除左酒樓cafe外其實都唔係特別多選擇,呢次去左食泰國菜.人多既好處就係可以嗌多幾樣野share食.另外仲嗌左冬蔭公湯同炒金邊粉,味道都OK,其實各方面既食物水準都唔錯,而且我地一行9人可以有個偏廳位自成一角,價錢唔算貴,呢餐都唔錯丫.

Girls' lunch at Sweet Basil Thai. The pomelo salad was very spicy. Fried chicken soft bones are tasty and crunchy. Chicken feet, don't ask why this was ordered, were extremely spicy. Fried shrimp cake was extremely good. The best was the seafood fried rice in coconut, creamy sauce and tasty seafood, the fried rice was excellent. The dessert was horrible (I don't know what it was), the green sticky cake, bland and warm and sticky and yucky. The waitresses were absent-minded, kept serving the wron

與5位喜歡飲和食的友人一起試此舖的水準,此店其它分店已試過,獨尖沙咀店未試,此店每桌分配比較濶,客人感覺比較好,環境及裝修很舒適,感覺上較靜, 泰國員工很有禮貌, 服務很好, 加上有–面有海境, 未試食物已很開心.先叫了椰青,很新鮮,椰肉很滑,十分好生中蝦很有口感,但沒有蝦的甜味柚子牛油果沙律,有水準,可以試泰式拼盤普通水準咸肉抄介蘭,限特別因為菜牌很少有此菜, 可以一試咖哩蟹味調得好,蟹有肉,有水準 (近年我一年不少於一次往泰國,很多食店都很普通,這店已不差了)胡椒蝦很香胡椒味,蝦煎得剛好,蝦肉沒有太干,很好甜品有應有水準平均食物都有正常水準,環境位置都好,有空可再去.

去到金不換, 已是晚上八時許。時間不早, 卻全場滿座, 我們一行四人等了15分鐘方能進場。先黎一個前菜 - 刺身虎蝦鮮甜虎蝦與生蒜一起, 入口前點一點旁邊的辣汁, 甜酸辣集於一身,刺激我的味覺神經, 正! 溫馨提示:要留低伴蝦的辣汁, 待用 鐵板蠔仔煎 唔好睇少佢蠔仔細細, 雖然佢細細粒, 但係...原來佢脹卜卜咬落... 啖啖肉, 很肥美兼且幾夠味!! 超級好吃!菠蘿炒飯有魷魚、蟹柳、腰果、肉鬆及菠蘿等材料炒成, 屬平穩之作...伴蝦的辣汁撈飯, 好惹味!生菜包食泰菜必叫ITEM, 不過不失, OK!冬蔭功湯(細)夠4人份量, 一人一隻蝦, 湯底有鮮蝦味, 夠酸夠辣夠濃郁, 並且唔頸渴! 值得ENCORE!甜品們... 這裡的甜品唔會太甜, 我個人喜歡簡單的甜品, 這裡的木薯正合我心意, 木薯咬落有D口感, 唔會太淋太粉, 甜甜地, 伴著椰奶, 增添椰香味, 帶點奶滑感! GOOD! GOOD! GOOD!芒果黑糯米, 芒果清甜, 香味濃郁, 可能椰漿黑糯米份量偏多, 有點膩的感覺...南瓜燉蛋, 唔太甜, 頗健康, 不過我覺得燉蛋唔夠滑... 一定要飲MA

近期海港城成為左必去熱點, 因為有rubber duck係度今日約左朋友仔出去, 影相前梗係去醫醫肚先啦!我地揀左位於lcx樓下, 人流唔太多ge <金不換>可能時間比較早啦, 唔使等位就入得侍應安排我同朋友近玻璃窗位...good!!位置好闊落我地oder左 蛋網海鮮炒金邊粉同埋酥炸軟殼蟹此終得2個人, 怕食唔晒浪費....諗住黎到唔夠食先再re~oder !過左15mins左右, 食物黎喇好sprise....好大碟, 金邊粉好好味...小酸小小辣味道好正宗!軟殼蟹食落好新鮮, 好有蟹味又多膏, 而且唔太油~掂!!!最後我地都冇再order到其他, 因為已經夠飽了....下次一定耍來試下佢ge咖哩蟹

週五晚到金不換辦點事，晚上到海港城用膳。因沒有預訂餐廳的關係，都要花點時間才找到餐廳進餐。餐廳裝潢簡約時尚，當中放置了數件富泰國風味的擺設。或許週五晚人客較多，擺位方面難免有點擠迫感。一行五人點了以下美食：柚子沙律：粒粒柚子挺大，清甜度及水漾飽滿度一般般，作為開胃菜不失為好選擇。大拼盤：內含蝦餅、魚餅、香葉雞及春卷各三件。蝦餅賣相飽滿，蝦味不算濃郁，但口感挺彈牙熱辣。相較之下魚餅味道更濃郁，調味更富泰菜口味。香葉雞肉質較預期細嫩，個人已覺滿意。春卷外脆，餡料以蔬菜絲為主，蘸上酸甜醬汁吃更可口。肉碎生菜包：選了豬肉作肉碎食材，調味略為鹹了少許，另口味辛辣惹味。包上生菜葉除添爽脆口感外，亦有助調和那份辛辣刺激感覺。咖哩炒肉蟹：咖哩汁甜而不辣，肉蟹雖不算大隻，但羔多甘香，肉鮮結實，唔錯唔錯！鹹魚炒通菜：通菜未算特別嫩口，普通喇！蛋網海鮮炒金邊粉：賣相不俗，海鮮食材不算突出，金邊粉炒得不錯，不油有咬口，甜酸交集。

寧靜一隅星期五辦妥一些私務後已是下午四時許，此時肚子在投訴得利害，唯有急急祭五臟廟。路過港鐵站九龍公園出口，雙腳無意識地與妹妹朝著海港城方向進發。尖沙咀一帶似乎是一年365日總是熙熙攘攘，人車爭路情況屢見不鮮。明明面前就是一條大路通羅馬，怎麼也要左閃右避，花了十幾分鐘排除萬難才到達目的地？其實心中對目標食肆亳無頭緒，我們愣著愣著穿過了人堆和整在裝修的大型店舖，於海運大廈2樓一路走到盡頭，估不到竟然找到煩囂中的寧靜。也許不遠處是遊輪旅客等候大堂又或是未到晚飯時間的關係吧，此時遊人旅客並不多。這個位置有著悠閒的一面，與海港城其他樓層的喧鬧可謂大相徑庭，而我們更在這裡找到金不換。奉陪到底上月到過金不換銅鑼灣分店，印象中水準平平，而今天妹妹提議到尖沙咀店用餐，就本著一試無妨的大無畏心態，好! 一於捨命陪君子! 由於是"落場"時間，餐廳人客寥寥無幾，站著不消片刻，有禮的泰籍女侍應安排我們到一卡座，環觀四周，餐廳的裝潢佈置揉合了傳統的泰國工藝與現代元素，顯得氣派優雅、時尚。今天捨棄嗜辣的念頭改為吃香口的，點了泰式拼盤、燒豬頸肉及泰潮鐵板煎蠔仔餅。拼盤組合可從四款中揀三各兩件，我們選擇了炸蝦餅、魚餅

真係失望昨天和朋友二人去了金不換食飯,由於肚餓,叫了很多食物: 椰青、冬陰公湯、柚子沙律、炭燒豬頸肉、咸魚炒芥蘭、酸辣鳳爪,但全部無咩驚喜,我覺得普通泰國菜館還比它好。冬陰公湯 : 無海鮮的鮮甜味, 味道還可以柚子沙律 :得個大碟, 但柚子唔甜又唔酸,係無味酸辣鳳爪:本來係我最愛的, 但係佢真係整得唔好味,應該係話無味,炭燒豬頸肉: 好普通,又係得個大碟, 都唔香口咸魚炒芥蘭 :算係最正常, 不過就略帶油膩我唯有講,佢只係得個名, 份量係算叫大碟,但係食物質素和味道唔多得,下次唔會再去

生日飯，朋友要求去一間坐得舒服o既餐廳。呢度應該可以合佢心意o既。食泰國點可以冇o既冬陰公。色香就俱全啦，味就偏咸左小小。燒豬頸肉，一放低唔食5mins冇哂。足以證明味道係好o既。但我反而係欣賞佢酸maymay伴碟o既椰菜同青瓜。呢個真係唔知係青木瓜沙律定係椰菜沙律。個拌碟椰菜仲多過D沙律，仲要係生o既，佔左半隻碟。係食定唔食，定佢一陣用完會用黎煮返野用。4選3，我地要左魚餅、蝦餅同春卷。生菜包ok啦！冇咩香料味同都係好咸。就係荔枝炒鴨咁，冇咩特別。所以其實可以唔洗食。因為朋友仔一句未食過，我地就叫左呢個椰漿焗飯。真係夠哂漿，一pat野係哂個面。只可以話真係太個杰，完全撈唔到個飯，椰漿還椰漿，飯還飯。個人覺得幾好食。但朋友A話好甜佢唔鍾意。如果鍾意食甜野o既人，應該都會鍾意

係habour city行街行到好肚餓..決定去金不換食dinner! 同朋友2個人去食…要排隊都幾多人…reception話2人枱好快有..叫我地企係度等一陣就到….點知等左半個鐘以上….差d餓到暈左…入坐後被安排坐窗邊2人位…係冷氣位泥都幾凍…即刻order左1炒飯1咖喱炒河1炒菜! 因為本人食素..所以問waitress有冇素dish推介…waitress主動提議可幫我個咖喱炒河走肉…值得一讚!不過我自己對個咖喱炒河幾失望…因為太重香料味…同埋覺得個咖哩怪怪地….我朋友都話唔好食…食完半個鐘陣味仲係個口度……不過可能鐘意香料既食客會鍾意既!個菜就炒得幾好食! 可惜對正冷氣位上左菜冇耐就凍晒…..

光棍日，五個人去了金不換泰國餐廳聚會。門外人山人海，事關iPhone4S正在發售，我們就坐在玻璃旁，總覺得旁邊不停有人經過。我們吃了～大拼盆($188)：有蝦餅、魚餅、香葉雞、春卷各三件，侍應很體貼地替我們把每種食物分成一半，方便我們分享。蝦餅和魚餅都不算油，有蝦/魚味；香葉雞體積大，不會很韌；春卷餡料豐富，外皮很香脆。正！柚子沙律($78)：柚子非常多，每一粒都又甜又大，充滿水份，好味道！咖哩炒肉蟹($280)：餐牌上有辣椒圖案，初時還擔心會很辣，幸好咖哩味不算特別刺激。肉蟹的蟹殼太碎，對於吃不慣蟹的我來說有些難以招架，但整體而言仍覺得這道菜有質素。蒜蓉包：為了不浪費那些咖哩，我們另外點了一客蒜蓉包。其實單吃蒜蓉包也覺得很滿足，包很香脆，好！蝦膏炒通菜($60)：不喜歡吃蔬菜的我難得會主動吃了兩三條，可想而知味道不俗。蛋網海鮮炒金邊粉($98)：賣相佳，味道好！份量充足，金邊粉一點都不油膩，正！這頓飯實在很美味，唯一美中不足是坐了接近一個半小時，侍應便走來要求我們結帳，並提醒我們要交枱，本來還打算吃甜品呀！