野玩田店

营业中

休息中

野玩田店是以田野生活，清新食材及口味為主題的餐廳，從門口到餐廳的通道放置了一排自家種植的香草及配菜，上層一格格的已發芽了，下層多個大箱，上面寫食著"我們再發芽中" We are germinating。配合牆上的大玻璃架精美裝飾，說明了這種農舍自然風："We grow, harvest and serve fresh edible microgreens as our garnish‘’以自家種植、收割及供應可食用的微型菜苗，作為擺盤的飾菜。Microgreens (微型菜苗)與發芽的蔬芽，有豐富的營養和微量元素，在室內自家種植，感覺已經很療癒。麵包及蕃茄湯~番茄味濃郁香滑，酸酸的很醒胃。燒什錦蔬菜串配黑椒汁$88~串起的茄子、小番茄、意大利青瓜和黃瓜， 彩色繽紛，燒得香口但仍保持水份，加點黑椒汁，健康又美味。大啡菇配燈籠椒芝士蕃茄汁 $108~厚身的大啡茹釀入紅黃燈籠椒和洋葱加蕃茄汁。酸酸甜甜與濃郁菇味十分配合，加上半融的水牛芝士，可以拉絲。伴以新鮮沙律菜，口感豐富。德國咸豬手配沙律 $208 ~豬手份量相當大，啖啖肉，肥瘦分明。還有牛油粟米，配沙律菜和酸菜，清新消膩。炭燒加拿大AA

一直都係Something Wild - The Farm 野玩田店嘅客，由N年前佢係灣仔已幫襯。之後佢係iSQUARE開之後，因為方便同抵食所以lunchtime都成日黎，因為佢個扒lunch set + semi buffet性價比高。依家星期一至五lunch time好似walk in 頭20位，仲有得免費升級buffet bar(原價$58)。Lunchtime成日黎，晚餐就未試過，今次睇一次，睇戲之前順便呢度食埋飯。個餐包好鬆軟好味。叫咗：1. 泰式紅咖喱車厘茄意大利麵，呢個我好鍾意，有驚喜，未試過咁樣配搭嘅fusion！！ 鷄肉好嫩滑，個紅咖喱好惹味好辣（真係好辣，呢個4星級辣，5係最辣），所以食得辣嘅人會好鍾意；2. 老公唔食得辣，所以叫咗個松露蛋意粉，個松露好香，意粉彈牙，好味；3. 之後share個炭燒安格斯西冷牛扒，好大塊好厚，真係要share，燒得非常之啱啱好外層香口，入面唔見血但有肉汁。正體服務同食物都好滿意，所以一直支持，未試過失望，推介！！

點咗兩個主菜：素肉雞意大利飯，卡邦尼烏東。另加特飲！兩主菜均有水準！有機食材新鮮、質素有保證！價格也算合理！特飲也清新！用餐價錢與質素的性價比算高。因時限無加沙律吧！下次時間充裕會試，相信食材會新鮮的，看其他客人使用也見食材不錯。另加58蚊應是化算的！另加特飲也要加38蚊。但餐廳氣氛較似快餐店，地方不大，檯較細。坐位也比預期迫！惟員工招呼相算懇切！送餐、收碟也很快手，結賬也快，不用等太久！整體服務滿意！值得推薦！

Bookmark左野玩田店好耐，今日行開尖沙咀，終於可以試一試！晚上有Set Dinner，我地每人揀左一款，再另加小食。先上了餐包和餐湯是日餐湯是蕃茄湯，味道天然有蕃茄肉，啖啖酸甜正好用來開胃！芝士蘑菇釀雞翼外皮煎得金黃香脆，內裡去骨包裹著芝士和蘑菇，芝士的味道很兒童，淡淡奶香，味道香甜，很適合小朋友吃！炭燒原隻魷魚吃得到炭香，魷魚燒得剛好，充滿彈性！畫龍點精的是泰式海鮮醬，微酸又帶點微辣，吃一口彷彿置身泰國餐館！炭燒加拿大AAA+級安格斯無激素自然西冷男友的安格斯西冷，很大一塊，他說肉質很厚實，牛味適中，怕牛騷味的亦可一試！香燒全條新鮮海鱸魚配自家製泰式汁很大條！比我手臂更長，外皮燒得香脆，內裏肉質仍然鮮嫩，口感厚實，有咬口，清吃能吃到魚香配上泰式汁吊味更是鮮美開胃，十級驚喜！必須點！！！最後送上跟餐甜點

在尖沙咀看完電影後有一張票尾，最好不過就是利用這票尾，享受各式各樣的優惠.餐廳環境佈置十分之簡約舒適，座位也十分之寬闊，店員也十分之熱情地招待.這個墨西哥餅十分之惹味，配上自家製的醬汁，水準十足.這個原條鱸魚也是打卡之選，外皮十分之香脆，內裏保持魚汁，十分之細滑，一條魚享受到兩個感覺.泰式的醬汁配上雞肉意粉也是另一個聯合的味道了，也是舌尖上的新體驗.最後這個窩夫配上雪糕，為這一餐畫上一個完美的句號.大家記住睇完戲也要享受各式各樣的優惠.

Isquare 雖然好似死場咁，但其實佢裏面有好多食肆。😋之前媽媽介紹過呢到嘅意粉🍝同咖啡☕️都好食，今日放工我就過咗嚟呢度試吓，不過今次就唔試咖啡了，夜晚黑飲咖啡會瞓唔着。🤣⭐️大啡菇配燈籠椒芝士蕃茄汁我哋驚晚餐唔夠飽，所以叫咗個小食，大啡菇同燈籠椒一向都係又健康又好食，所以冇得輸。👍🏼⭐️晚餐配嘅餐包同餐湯餐包整熱左的，好吃。🍅蕃茄湯我就覺得比較酸。⭐️澳洲和牛面配韓式泡菜炒珍珠米佢個和牛炆得好林！泡菜佢係另外放開，並唔係炒埋泡菜，但係佢都有放到醃咗嘅菜去炒珍珠米，所以佢個炒飯都幾好食，又甜又鹹👍🏼⭐️蟹肉蘆筍意大利麵配忌廉汁❤️媽咪真係冇介紹錯，佢個意粉係幾好，雖然望落去好細份，不過佢個忌廉汁打得幾好味，同埋本身都會有飽肚嘅感覺，所以還好。⭐️餐飲同甜品🍰甜品係兩舊chocolate brownies，飯後一點甜，不過不失。一個晚餐套餐包埋甜品算係咁！💥總結一下，佢個環境唔錯，意粉我都覺得幾好食，所以下次都想去食午餐叫埋杯咖啡！試試佢！🤭

搬了過來I square 都係第一次食，之前舊店的半自助餐，記憶中選擇比較少，但今次見到沙律款式超過10款，又有我喜歡的煙三文魚，加上生果及甜品，$58都算抵食。 頭盤的煙三文魚夠新鮮，又唔會太鹹。沙律亦有分別幾款冷熱選擇，而鹵水雞翼亦都唔錯，食完頭盤都有一半飽。 香煎原條鱸魚配泰式醬汁，目測大約有1斤半左右，外皮煎得夠脆，內裏肉汁仍然保持到，好在鱸魚唔會太多骨，食落口啖啖肉，加上泰式醬汁，酸辣都算平均，估唔到西餐廳都煮到正宗泰國菜。 香辣蒜片海蝦意大利麵，有4隻大蝦，蝦肉肉質結實彈牙，加上微辣的配搭，更增加食慾。 自助甜品有少見的涼粉加西瓜，所以都食佐2轉。另外芝士蛋糕個餅底幾特別， 有少少似曲奇餅底。 最後加上Latte ，好滿足的午餐。

一間西餐廳店面環境好適合打卡，光線、座位安排都非常舒適，係以靚靚花草装置圍繞着木系，每個角落都充滿田園風味，，我哋今晚係平日，但都幾乎滿座，如果係假期嚟，應該都要預先book枱！前菜有蘑菇湯同埋牛油麵包！值得一讚嘅係蘑菇湯真材實料，菇味超濃，啖啖都係蘑菇！😋香蒜炒蝦配多士（8件）$178蝦仁爽嫩彈牙 🦐 加上蒜片 🧄絕對係好食又健康嘅「蝦多士」如果份量多啲就好啦！😆😆另一碟小食係芝士蘑菇釀雞翼！呢碟超推薦呀！雞翼皮脆肉嫩，同芝士蘑菇夾到不得了，又juicy 又香！呢一碟炭燒加拿大AAA+級安格斯牛扒賣相睇見都好想食 肉質味道相當之新鮮味道鮮味😋，好香炭燒帶點牛肉味道好重，而口感肉質嫰滑配埋自製醬汁，正豐富的水溶性纖維和維他命C，非常健康。飲落有種非常新鮮的感覺，又甜又好味😋夏天必備

星期日去isquare 行完街，想食埋飯先返屋企，好友話somethingwild 唔錯，所以就一於試下~一坐低，即奉上餐包，岩岩烘熱好軟熟!我地先左無花果牛油果南瓜羽衣甘藍沙律，樣樣都健康，食落又fresh 又開胃！必試~~香蒜炒蝦配多士，熱辣辣既蝦放上多士上，一啖就能同時享受香脆既多土同蝦既鮮味!!蟹肉蘆筍闊意大利麵配忌廉汁，闊意大利麵好滑溜，蟹肉、蘆筍份都好多，而且好新鮮，唔錯唔錯~我地仲加左黑松露薯條，醬汁好香，薯條又脆，我地食完一條又一條！！最近仲叫左個朱古力心太軟配moviepick icecream，心太軟外脆內軟，movenpick薄荷朱古力味, 食完大滿足！價錢合理, 下次可再黎~ 

野玩田店，菜式設計都以多菜少肉為主，有特式之餘又不失美味！坐位寬敞舒適，環境理想舒服。門前的超值優惠套餐，非常吸引抵食！甫坐下，即送上新鮮麵包🥯及牛油🧈，麵包帶著濃濃的黑糖味道，創新又美味！廚師推介小食拼盤$268 ，有鹹蛋淮山條、炸蟹餅、鷹嘴豆蓉多士、炸流心海膽餅、芝士蘑菇釀雞翼。鷹嘴豆蓉多士，比預期中好，鷹嘴豆蓉綿滑不黏，多士香脆！👍👍炸鹹蛋淮山條，鹹蛋香而不鹹，淮山爽脆，兩者相當夾，有新鮮感，賣相可人，令人忍不住一口接一口。芝士蘑菇釀雞翼，雞翼拆骨釀入芝士蘑菇，三種食材都是小妹大愛，一啖咬下去，香軟嫩滑，好好味！泰式紅咖喱車厘茄意大利麵 $168，意大利麵有咬口之餘亦不會硬，咖喱雖不是大愛的，不過這客的味道調得非常好，令人忍不住不停地吃！有食用花作裝飾，靚仔又好食！大啡菇🍄配燈籠椒🫑芝士🧀蕃茄🍅汁$108，啡菇多汁，完全吃到大啡菇的原始味道，配料雖然都是蔬菜，亦不會覺得單調！ Hazelnut Berry $68, 材料有藍莓🫐、榛子🌰、蜜糖🍯、雪梨🍐，真材實料，高纖少甜，口感獨特。紙筒飲管，夠環保！香茅荔枝茶$68 ，同樣是低甜度飲品，口味清新冰涼；加上香茅飲管夠田園，夠貼題！

係iSQUARE行完市集，見到呢間Something Wild The Farm裝修行田園風，門口餐牌啲嘢食睇落都好吸引，就決定試吓。店員安排我哋坐喺中間一排排嘅苗隔離，好啱打卡。落單之後就有餐前嘅黑糖麵包配牛油。黑糖麵包聞落好香，搽完牛油食落都幾軟熟。係menu見到佢有好多好吸引嘅前菜小食，每樣都好想試。最後決定要小食拼盤，一共有五款小食。鹹蛋淮山條好特別，外面嘅鹹蛋黃粉配埋入面爽口嘅淮山，感覺好新奇。炸流心海膽餅外脆內熱，一切開就見到啲芝士流晒出黎，有好香海膽味，好好食。芝士磨菇釀雞翼入面嘅芝士係另一款芝士，同蘑菇、雞肉好夾，一人一隻啱啱好。鷹嘴豆泥多士，之前喺另一間餐廳食過鷹嘴豆泥，一直都好想再食。呢度嘅鷹嘴豆泥比較幼滑同挺身，夾埋多士一齊食，好好味。炸蟹餅一咬落去就食到啖啖蟹肉，同入面嘅椒味道好夾，我同朋友都覺得好驚喜。另外仲要咗個香蒜炒蝦配多士，啲蝦好大隻好靚，本身就好彈牙爽口，炒落蒜頭同其他配料到，辣辣哋咁，超開胃。主菜要咗黑松露炒蛋配意粉，賣相好吸引，黑松露味好香好突出，意粉唔會過乾或者過濕，仲有洋蔥，口感豐富。嘢飲要咗凍檸檬蜜糖，都幾大杯，感覺好健康，亦都好解渴。最後甜

今日同朋友嚟到尖沙咀 去左isquare嘅野玩田店食lunch 內裏充滿綠色植物 好green！坐低左之後 店員就為我哋送上麵包同埋餐湯 服務周到 我哋揀咗lunch set嘅蜆肉及蟹肉配粟米汁意大利飯 外表平凡 但食落有唔同嘅味道 佢哋將蟹肉融入啲飯裏 清淡得黎有鮮味 海鮮配燈籠椒芝士汁意大利麵 有大蝦 青口 蜆肉 魷魚 意粉有口感 配上芝士汁 好食！加58蚊仲有得升級做半自助buffet 有甜品 沙律 水果 仲有3文魚！甜品款式唔算多 但係沙律方面就比較多選擇飲品方面 加30蚊有鮮果沙冰 我哋點左榛子藍莓 牛油果蘋果 賣相非常吸引 沙冰口感順滑 飲落唔會有好多冰 係新鮮水果嘅味道 推介！

慶祝屋企人生日 所以book左依間餐廳食 因為睇個貌相不錯 而且價錢不平 應該都有返咁上下水準 點知 食完個感覺係失望唯一覺得算係ok既 就係依個烤羊奶芝士沙律 算係份量正常依個勁普通既醬汁 而且個薄餅烤得太乾 唔夠脆依個牛扒其實係好厚既牛肉乾 咬到嘴都攰份量好似法國菜咁精緻 太少結論感受係：貴價 唔飽 唔抵食

睇完戲同小朋友食埋飯先返屋企，呢間餐廳夠光猛而且座位闊落，加上價錢合理我哋就揀咗佢，估唔到見到餐牌之後，聽埋侍應介紹，餐廳主張健康飲食，入邊有唔少蔬菜類嘅食物選擇，不過對於我呢啲食肉獸，我就冇揀到食素菜，不過見到食物入邊都會加咗啲蔬菜，感覺好似即刻食得健康咗。前菜我哋叫咗蒜蓉炒蝦配多士，雖然份量唔係好大，不過每隻蝦都非常大隻，而且好鮮甜好彈牙，辣辣地嘅感覺特別開胃，配埋香脆多士一齊食，做前菜一流。煎蟹餅有六粒，一口一件，蟹餅食到一絲絲嘅蟹肉，加上入面加左紅黃錄椒粒，成個感無咁溜，味道亦都好好。薯條當然係小朋友最愛，黑松露醬好香好creamy ，薯條新鮮即炸全部熱辣辣，唔會唔好食啦。正！主菜叫咗牛仔肉闊意粉， 意粉真係好闊，好得意，入口似係手工意粉嘅口感，闊麵容易掛到醬汁，好香好濃郁，真係好好味，小朋友都食到舔舔脷。呢度有好多健康飲品，有啲都加咗蔬菜入去，我揀呢杯就係牛油果青蘋果蜜糖沙冰，酸酸甜甜，但入口會食到有牛油果粒，清新又好味，下次再嚟尖沙咀睇戲可以再嚟多次試吓其他嘢食先。

首先餐廳的裝潢令人很舒服，因為周圍有植物裝飾的緣故吧！食物上枱是熱的，而且快，味道都很錯，尤其是蟹餅及雞翼。餐廳沒有限時，所以可以好好的吃飯，最後加埋甜品剛剛好呢！