野玩田店

营业中

休息中

自K11分店起已經有幫襯野玩田店，唔鍾意佢嘅田園氣息同埋有質素嘅清新食材，搬左isquare 新店，一定要黎朝聖下！呢度比舊店更加大更寬躺，裝修走田園自然風，自家種植嘅香草同配菜架及用唔同菜苗砌成嘅玻璃牆成為店裡面標誌性嘅裝修。我叫咗美國安格斯牛扒配燈籠椒芝士大啡菇，扒嘅質素唔錯，仲要又大塊又厚，大啡菇去五顏六色嘅椒令人胃口大開！泰式紅咖哩車厘茄意大利麵幾得意，冬陰功味就試得多，紅咖喱意粉就真係第一次，又幾惹味！墨西哥海鮮餡餅有驚喜，半溶芝士配海鮮出奇地夾！嘢飲都非常之多選擇，朋友叫咗Avo Apple 沙冰，唔係太甜，好有清新嘅感覺！我就飲桃膠桂圓茶，滋補養生！

呢度嘅環境幾寬敞舒適，仲見到餐廳中間有好多可愛植物。一開始上咗餐湯同麵包，個湯一飲真係不得了，係真材實料嘅粟米湯，之後我哋叫咗牛扒同risotto，仲加多$58升級做自助沙律吧。安格斯西冷扒配黑松露燒汁及薯條一上枱想想像中大塊，我叫咗三成熟，一切開仲有少少血紅色，啱晒我呢啲唔中意食熟牛嘅人🤣而且調味唔會調得太鹹。日本頂級帶子蕃茄汁意大利飯 大大粒嘅帶子經過表面炙烤之後咬落更有口感，仲好貼心咁切開咗一半，成個飯都唔會太濕身，啲汁亦完全入味。沙律吧嘅食物種類非常多而且新鮮，有甜品、水果、蔬菜仲有啲熟食，最令我意想不到嘅係有自家製紫薯蓉，味道仲好天然。呢間餐廳我會再encore，星期一至五頭20位walk in仲可以免費升級buffet bar (原價$58)！

假期前夕來一個漫活lunch, 呢到環境舒適, 好光猛, 坐得好舒服! lunch set百零蚊起跳, 仲可以加$58食埋出面既自助bar, 有2款熱食, 沙律, 甜品, 糖水等等~~我同媽咪叫左2個main, 再加左自助吧, 佢揀左蟹肉忌廉意粉, 我揀左西冷牛排, 店員好好會比埋碟我地share~之後就出左去拎沙律菜, 都幾多選擇, 除左菜/粟米/菇之外, 燒南瓜都值得一試, 好粉好甜, 而且仲有幾款cold cut, 同煙三文魚, 其實淨係食salad bar都夠食!蟹肉忌廉意粉估唔到咁大碟, 意粉煮得岩岩好彈牙, 忌廉汁好掛汁, 唔會太漏, 好香, 仲有好多蟹肉, 相當唔錯!西冷牛排又係好大份, 2個人share比較好, 因為都幾厚, 5成熟整得剛剛好, 牛味重, 唔韌, 好吃! 旁邊既烤薯條都好香脆新鮮!最後試了幾款甜品, 瑞士卷小小的一口不錯, 芋頭西米露都好吃!

好耐冇嚟ISQUARE，今日經過呢度見到有間西餐餐牌好多選擇就決定食呢間。環境有好多植物，好似有自家種植嘅菜苗，牆上都會有圖文解釋～落單後會送餐包，微暖都幾柔軟～小食叫咗芝士磨菇釀雞翼，每隻都脹卜卜，好飽滿，入面釀咗好多餡料，趁熱食仲會有芝士拉絲嘅效果。牛肝菌野菌忌廉闊條意大利麵，醬汁超濃郁，醬汁掛面，食落口感creamy~加拿大AAA+安格斯炭燒無激素西冷配黑松露燒汁，份量十足，食得出炭烤嘅味道，面頭有少少焦香，但內裡仍然保持粉嫩，有少少血水，正！肉味都幾出。另外值得一讚嘅係旁邊嘅配菜，有番茄之餘仲有個小小嘅蔬菜碗，有大量芝士！

琴晚唔知食乜好，見到呢間野玩田店既食評唔錯，就入左去試試！我地嗌左兩個set dinner，但餐湯一上，心裡覺得好似有少少伏…個南瓜湯好淡無咩味…不過稠度係有既..跟住到主菜，首先就係佢個蟹肉忌廉闊條麵，見餐廳同食評幾乎個個都會嗌，就試下啦！um…. 蟹肉味道唔太出，忌廉味都偏淡…有d 平平無期，唔係好get到佢出色既地方係邊度…但令我地驚喜同挽回唔少分數既係佢個豬鞍架！呢個真心出色，豬鞍肉質非常冧，grill到外面好香又成功鎖住曬d肉汁，真係救返成餐飯返來😂之後我地又點了個小食，係食評推介既芝士蘑菇釀雞翼，erm…對我來講佢用既cheddar唔係好夾個味，呢個反而用淡芝士會好d…總括來說，來呢間食，只需點佢個豬鞍架食就ok啦！不過我都覺得有d overpriced😕 （呢餐total食左$671，性價比高的餐廳有更多）

工作一星期了，終於有時間鬆一鬆係尖沙咀isquare 有間野玩田坐得舒服，食物亦很健康餐廳走田園風，細選本地有機食材中間位置仲有自家種植的菜而且餐單都有不少的選擇叫了套餐，有麵包及味噌湯湯料都算多同量多，麵包仲要暖的暖下個胃都唔錯香蒜炒蝦配多士蝦仁爽口彈牙又大隻，蒜片爆香鋪在面層勁香多士切成四小塊，亦有烘底，很香脆上碟時要小心，真係鐵鍋上，很熱德國咸豬手配沙律咸豬手大隻而且已經去骨，切的時候算容易處理豬手入味，肉汁豐富，豬手皮彈牙，甚有骨膠原認真的係要兩人分享，因為真係好大份配上黑醋沙律，加上酸菜絲，非常醒胃又去膩炭燒加拿大AAA+級安格斯無激素西冷因為我好喜歡食牛，加上仲要無激素所以食左都唔怕對身體有好大的影響西冷的面層有燒過的格仔紋食落去仲有炭燒味，很惹味肉質鮮嫩，蘸上黑椒汁真係好夾套餐仲有甜品及飲品芝士蛋糕唔算太甜，芝味滿分呀食左甘多肉，飲返杯檸茶就岩曬我就梗係嘆杯咖啡，提神呀嘛

早前和朋友於尖沙咀iSquare的野玩田店吃午餐， 因為這兒有半自助午餐，只要點一個主菜再加$58，便可以任食很多不同食物。職員先送上栗米湯及黑糖包，黑糖包微甜又鬆軟，好吃。任食區食物選擇都蠻多，頭盤方面有煙三文魚，栗米，車厘茄，南瓜，青瓜，火腿片，沙律菜等等。 各式蔬菜都十分新鮮，爽口。主食選擇也有不少。北海道帶子蘋果芝麻汁沙律半熟帶子味道鮮甜，青蘋果酸酸甜甜，非常清新。德國咸豬手乳豬的外皮燒得香脆，而內層的肉質嫩滑又充滿咸香味，肉味濃郁，再配以沙律去減低油膩感，而且去骨方便進食，很細心。飲品點了奇亞籽檸檬蜂蜜和朱古存力咖啡。

今日食既呢間係位於尖沙咀iSquare入面既野玩田店, 呢間店最大既特色就係西餐夠哂出色Pork Rack $368呢個豬鞍架超大份, 但係完全唔會un, 超juicy, 即使食哂成塊都唔會覺得好「流」, 當然share黎食就最好啦, 雜菜少左d但係都幾爽口幾新鮮, 特別一提係個汁超好味, 食得一定要點埋黎食!!香咖哩虎蝦配墨西哥餅 $288呢個真係超推介!! 唔好覺得$288有點貴, 但係虎蝦超大隻, 出面食都唔平, 超爽口同埋入味, 個咖哩汁MIX埋個虎蝦超夾不得不提一定係個墨西哥餅, 超香口, 唔係脆皮既質地, 淋淋的, 但係沾埋d咖哩超好味, 一份都有成10塊, share黎食真係一流

黎到既時間大約係7點半, 入面已經坐滿左人咁黑松露炒蛋意大利麵我點既呢個係黑松露炒蛋意大利麵, 呢度既份量唔算大份, 但係材料超足, 蛋係有我手掌咁大, 一黎到就好香既黑松露味蛋入面超多既黑松露, 好似唔洗錢咁, 入面超creamy, 麵既質素好高質, 唔會太dry, 即使得蛋都好夠味香燒丹麥無激素自然雞(半隻)呢個等左大約20分鐘, 因為係即叫即焗所以要等得耐少少, 但係值得的!!超大隻雞的, 肉質同平時港式既完全唔同, 呢個會鞋身d但係食落個味道又幾好味, 最好食既地方就係連皮既位, 個味道係完全入左隻雞入面, 加上係無激素雞, 加分

不知哪裡來的多讚評，從未吃過如此劣質食物，整碟意粉可以完全無味，食物質素像地獄廚神，蛋糕也差到無譜，服務員也沒有服務可言，問嘢要講多過2次先聽到，仲要黑面回答！回答也不知道說什麼，好似含住舊嘢講，又唔清唔楚，最清楚個句就係埋單那句多謝，無論食物或服務質素，整體來說是一個大伏！

一間好有田園風味既西式餐廳，好啱一班親朋戚友齊打卡，聚會的好地方😚😙😗芝士蘑菇釀雞翼-呢道好值得推薦比大家試，蘑菇釀雞翼意想不到的咁啱得咁橋，好搭配，食落完全唔覺係兩樣野，一體化左😍😋炭燒原隻魷魚🦑呢款一上枱就已經聞到陣陣既香炭燒香味，一咬就feel到肉汁仲保存到，唔會乾身😋😋鹹蛋淮山條食落口啖啖鹹蛋黃粉遍布成口，再咬一爽口既淮山，鹹蛋黃粉包裹住淮山，有兩層滿滿的口感😆蟹肉蘆筍意大利麵配忌廉汁🦀🦀佢既忌廉汁整得好夾碟意大利麵，再加埋蟹肉蘆筍，更添加左口感，碟麵雖然係細份左，但其實都夠哂飽架😄西班牙植物雞燈籠椒配菠菜忌廉汁意大利飯🫑🫑🫑可能見到張相會有些少抗拒，唔好睇佢成碟都綠色，亦唔駛驚會有好大陣燈籠椒味，實質佢整體個味道係好平均，完全唔會有任何一款材料特別濃味到你接受唔到，一齊都剛剛好，值得一試，又特別既一碟飯

本身以為Isquare無咩特別野食🤔 原來高層位置都有唔同餐廳選擇！今次…走咗入一間充滿田園風味嘅餐廳🌱去感受一下田園既味道🫢分別叫咗一個小食拼盤🍴羊奶芝士蜜瓜火箭菜沙律🥗 炭燒加拿大AAA+級安格斯無激素自然西冷配黑松露燒汁🥩同埋一杯Hazelnut Berry 🫐 好豐富呀🤤小食拼盤裏面有鹹蛋淮山條、炸流心海膽餅、芝士磨菇釀雞翼、鷹嘴豆蓉多士同埋炸蟹餅🦀淮山條配上鹹蛋，味道易入口容易接受，就算本身唔鍾意淮山，都唔會好抗拒😛炸海膽餅同炸蟹餅既質感都差不多，外脆內creamy 👍味道唔錯！芝士蘑菇雞翼係必食🤤肉質嫩滑多juicy !至於沙律🥗 有三塊烤過既羊奶芝士，食落唔會好重羊酵味，蔬菜新鮮🥬 配上蜜瓜好Fresh 👍 主菜係頂級安格斯牛扒😍 牛扒肉質柔嫩新鮮，5成熟岩岩好，大塊又高質，配上黑松露燒汁，好惹味👍 唔錯唔錯💯加埋一杯新鮮嘅蔬果汁🫐真係好清新，唔會好溜👍真係好似去咗蔬菜園一轉🤭值得去依個田園風餐廳試一試🤤

職員Wing姐視顧客如朋友，對每一個客人熱情款待。當日我的朋友生日，Wing姐主動給壽星女送上小件蛋糕及生日牌，使我們有額外驚喜及喜悦🤣又見她抱著小女孩顧客取沙律給她媽媽，果然視每一顧客如朋友相待，增加親切感👍食物質素非常好👍👍

上次同朋友gathering試咗呢間野玩田店，今日決定encore，試吓餐廳嘅半自助午餐。餐廳傢俬以木系為主，落地玻璃採光十足。我座位旁邊放左一排既小幼苗🌱，加上天花上面嘅樹葉裝飾，令餐廳散發一陣田園氣息。我地加左$58就可以任食buffet bar既食物，食物款式幾多，沙律有好多配菜選擇。甜品方面有布朗尼、芒果布甸等等。星期一至五walk-in頭二十位可以免費升級buffer bar🤩今日既湯有南瓜湯，不過略嫌質感太稀。- 香辣蒜片海蝦意大利麵賣相普通，但整體味道唔錯，辣度非常持久。蝦亦好大隻，肉質彈牙。- 慢煮烤草飼安格斯西冷扒配黑松露燒汁及薯條本身西冷扒無咩脂肪，肉香多過脂香，西冷扒經過慢煮後肉質幾嫩滑，食落唔覺有筋。黑松露燒汁好惹味，另外仲有薯條同沙律。總結而言，西冷扒幾出色，buffet bar都值得加錢，餐廳環境非常適合週末brunch！

很久並沒有帶朋友去吃美味的西餐了，一起吃快樂的晚飯，這店子的地方非常木感～木桌和木椅子加上種植小盆栽～蟹肉餅餅之香酥脆嘅，蟹肉滿滿～芝麻鮮奶一杯芝麻鮮奶，用芝麻香濃，棒，彷如置身於大自然一樣，感到餐廳採用一些本地農場的新鮮食材 丶肉類及可持續海鮮，令食客吃得有營及健康 ! 而且服務員很有禮貌。牛肉義大利闊面朋友也獨個兒點了這個，有新鮮味，牛肉調味很好，不會很鹹，新鮮感覺覺重，為炎炎夏日中帶來一道清新。不可不提～非常欣賞個麵包，想吃。豆腐乾面香氣很重～大滿足正宗經典的義大利面！ 吃得健康，最大分別就是吃完也不口渴，不會有太重的調味味精，調味來自蔬果的味道～食物之賣相很棒～食用花味很不錯喔。旁有人吃甜品～好像很棒，因為今次沒有叫甜品～下次吃了～