農米莊 (豉油街)

营业中

休息中

每次嚟親旺角想食米線，都會即刻諗起佢。呢間米線同平時嗰啲食酸辣或者小鍋米嘅唔同，標榜一啲特色同養生嘅湯底。打開個餐牌會見到好多唔同嘅選擇，黑蒜雞湯、藥膳雞湯等⋯⋯座位就多數係卡位為主，小店的關係，繁忙嘅時間有機會同其他客人坐得比較接近，少少迫。主要為食米線，唔係太介意環境，所以冇乜所謂～而我差不多去親都會揀椰子雞湯米線，本身鍾意椰子香味，個湯底白色飲落清甜，上面有少少椰絲碎，飲完返到去亦唔會覺得味精口渴。雞件亦都幾嫩滑，但部位較多骨。一口湯一口米線食得暢快，當日食的米線比之前食淋左少少，如果可以彈牙番啲仲正！

好好味，個湯食落完全冇味精，濃厚的雞湯，食後完全唔渴，48蚊一碗，超抵，米線超多，性價比極高，今日去唔太多人，唔駛同人迫．不過D鷄真係煲湯鷄，冇咩味😋😋😋同枱有人食黃酒鷄，超香，感覺佢D湯真係真材實料👍🏻

又到逢星期二出旺角上堂前食個快飯，唔太肚餓就搵個米線食吓，清淡啲😌好多時出面食完藥膳雞湯都會覺得太燥，如果藥材足料就更加明顯，中午食還好，夜晚食反而容易瞓得唔好。所以就揀左椰子雞湯，真係會冇咁燥咖🫶叫左少米線，但結果都係黎咗個正常版🫢呢個椰子雞湯既椰子味唔算太濃，但雞湯本身就好清甜，而且幾舊雞都好滑，所以最後都係成碗食哂😂整體來講，呢間米線係安全之選，驚為天人就唔算，但勝在味道合理，價錢適中，上菜速度快，又通常都有位。要快食一餐又諗唔到食咩既話，呢間都係唔錯既選擇👍

今日想食醉雞米線不過未夠12點未開店，改咗去農米莊食，星期日treat day比個藉口自己食好D，點咗個花膠雞湯米線,加粉絲春卷小食。湯底好清唔油，呢點抵讃，花膠夠淋但唔係好夠膠質，雞幾好味，總分我比85，如果湯底濃D會加分。小食可以唔叫，D油應該用咗多次，好黑下下次會再試其他湯底，不過等過咗炎夏先。

兩年多前經過太子分店，一試之下非常驚喜，啲雞好滑，個湯底好飲，即時買外賣比家人試。後來知道旺角都有分店，每次出開黎都必食黑蒜湯底，可惜近年水準一次比一次差，啲雞件冇以前咁滑、啲米線又唔夠爽口，今日嗰碗湯又唔夠熱，個米線係碗裡直頭係＜一pat麵餅＞咁款，要自行整散佢，啲雞件又斬得衰，幾嚿都痴埋一齊，仲枉佢加左價！有次去食，埋單時價錢比menu價錢貴左（初時我仲以為自己聽錯），我問個收錢女仔，佢目無表情只重複個價錢，禮貌欠奉！食物水準下降之餘又貴左，唔怪得近來少左客，以前見lunch time要排隊等位的，希望店主睇到各方評語後提升返食物同員工質素，我都好想繼續幫襯你地，唔好再令人傷心。。。

係Openrice落單時見到$56 諗住打電話落單方便d於是打電話落單 但去到竟然收$60 相差$4已經覺得呢間店唔老實喇 不過唔緊要喇 叫左個藥膳雞湯米線 米線係硬既唔緊要 重點係無味既 竟然可以煮到個無味嘅米線真係好犀利 D雞好多碎骨 一路食一路食到有碎骨 d冬菇好似五豪子禁細粒 食完都唔知食咗咩個米線我食唔曬 唔係因為太大碗 係因為太難食 唔好介意我咁講 呢碗米線係我食過最難食既米線 一碗米線$60無飲品 計落其實唔平 但咁既食物質素就真係唔多掂了 附近禁多餐廳 唔會再幫襯呢間農米莊了 抱歉

我係一個香港年輕人，最近去咗試咗一碗「農米莊米線」嘅雞肉米線，真係發現咗好多創新嘅米線口味！哇！話咁快就食晒啦，嚟緊要評價嘅時候，我發現呢一碗「農米莊」嘅雞肉米線真係出奇不意，有佢嘅獨特之處。首先，佢嘅米線好特別，唔係普通嘅米線，而係用綠豆粉同荳粉混合而成，煮出嚟嘅米線好有彈牙口感，唔會太軟太爛。而且，呢碗米線嘅雞肉都煮得好香好嫩，同埋加咗啲鴨蛋同埋香菇，令到味道更加豐富，令人一試難忘。最驚喜嘅係佢哋嘅湯底，除咗有鮮味之外，仲加咗啲芫茜同埋椰漿，帶出一個新鮮又香濃嘅味道，令呢碗米線更加出色！總括而言，「農米莊米線」嘅雞肉米線真係好有創意，米線口感獨特，湯底味道豐富，令人嘆為觀止！

事日係旺角行街 隨機入嘅米線舖落完單好快就有叫咗🥢酸辣雞湯米線🍜生滾懷舊雞湯飯🥤一杯凍檸茶🐓雞肉好嫩滑 雞湯好飲夠濃味😋湯底本身有冬菇 蟲草 枝竹賣單$130 兩個人性價比高

無錯又係米線😂今次係雞湯米線！本身諗住食隔離貴川 結果無開🫠呢間除咗雞湯米線 仲有湯飯 燴飯等等-酸辣雞湯米線 $52 [👅7.5/10]因為我鍾意食酸啲 呢個湯底對於我嚟講唔係好夠酸不過湯底好鮮甜 應該真係用雞熬出嚟🐓同埋無乜味精味👍🏻米線就無乜特別 質地都係啱啱好不過要講下啲雞！好正！好滑好嫩🥹皮又薄😋呢款本身跟雞件 五十幾蚊嚟講 雞嘅質素已經超晒班😗一碗入面有生菜雲耳豆卜冬菇支竹🥬-朋友食咗喇沙雞湯 佢就話唔係好夠味 偏淡🫠鋪頭仲有藥膳雞湯 椰子雞湯 花膠雞湯如果下次有機會 都可以試下🤞🏻

平時黎食都係食椰子雞湯米線或者藥膳雞湯米線，今次決定挑戰新口味～午市時間（每日中午12點到下午5點半）食非常抵食，大部分米線價錢都係$50內——-黃椒雞湯米線配農米雞件 小辣 $42配料有滑雞件、冬菇仔、豆卜、生菜，好豐富！一個女仔可以食到好飽～雞件既位置一啲都唔頹，唔會係無肉既雞背位，而且係滑既湯底有黃椒香味，但唔算好濃，我覺得恰到好處～ 店員話黃椒湯底都會辣，所以叫左小辣。但發現其實呢款湯底似乎無咩辣味，定可能因為小辣左，只有嘴唇覺得有啲辣

一日內地遊經新皇崗口岸返香港可惜觀塘車無通宵唯有搭去旺角再轉車返屋企朋友建議落得旺角不如食碗米線再散band見天氣咁凍梗係應承啦🤣暖下個胃都好1️⃣懷舊藥膳雞湯米線一上枱就聞到濃濃嘅藥膳味道材料都相當豐富有紅棗、蟲草花、枸杞、冬菇、雞等等$59一碗 算相當不錯2️⃣椰子雞湯米線湯底清甜雞肉嫩滑唔多骨配左豆卜、雲耳、椰子絲等可惜米線有少少偏硬生菜🥬係苦☹️導致後半碗無辦法再食落去不過呢一餐都算係平民價錢 中等享受😃半夜可以食到一碗熱辣辣嘅米線係何等幸福🤤

懷舊藥膳雞湯米線 $59******************************每次行旺角諗唔到食咩嘅時候就會過嚟農米莊食米線😂因為真係好鍾意佢嘅藥膳湯底🤤寫呢篇食評嘅時候先驚覺我食過咁多次都只係食過佢嘅藥膳雞湯米線🤣朋友就鐘意椰子雞湯米線😗***藥膳雞湯有藥材味但不帶苦清甜唔膩可以當湯飲👍🏻配料有雲耳、杞子、紅棗、蟲草花等等好足料😋聲稱唔用味精煮湯底飲完又真係一啲都唔口乾👍🏻名副其實係一碗養生靚湯米線

【雷門為食街 Layman's Yummy Guide】 星期六睇戲前覓食，六點幾未開始多人唔洗等位👧🏻 🍴 農米莊 NMC Noodles @旺角豉油街68號地舖 1. 生滾龍蝦雞湯泡飯－跟農米雞件 ($128)😗 朋友之前食過龍蝦米線覺得OK就試下食泡飯，覺得濃味咗少少食唔曬啲飯，不過不失～2. 喇沙雞湯米線－跟農米雞件 ($59)😍 喇沙一上枱已經聞到好香，米線夠份量又掛汁，唔辣又夠香！不過雞件今次比較多係關節位～3. 鮮竹龍蝦卷 ($29) 👌🏻 有甜酸醬，食落似墨魚滑唔太食得出係龍蝦卷，不過29蚊有5-6舊而且唔會炸到好燶，整體還可～我哋每人+$5要熱柚子蜜，埋單$226，不過只收現金所以大家去食要撳定錢啊💰💰💰

旺角呢一間嘅農米莊排隊人數非常之多，即使唔係午餐時間嘅話都有好多人嚟食，而佢咁受歡迎嘅原因當然係因為佢嘅米線嘅質素真係非常之高。今日去咗試佢哋嘅芫荽湯米線，成碗都係綠油油嘅，真係非常之搞笑，以食落去嘅芫荽味都剛剛好唔會話泰龍掩蓋左雞湯嘅味道。而米線亦都住得非常之淋，份量亦都真係好多夠晒飽，個人認為農米莊嘅價錢喺九龍區來講都算係唔錯，呢個質素只係40幾蚊一碗嘅米線，簡直係非常之抵，而味道亦都係剛剛好非常之濃郁

今日凍凍地想食暖暖的食物，就醒起這裏有一間雞湯米線。下午茶時間，不太多人。太多選擇，最終選了椰子雞湯，雞湯充滿着椰子的香味。由於椰子雞湯太好飲嘅關係，忍唔住飲晒，仲要有雞件同配菜。食完暖暖的，真係一碗可以飲晒啲湯嘅米線。價錢相宜，而且湯濃又不油膩，感覺健康養生。最適合冬天食。