農米莊 (豉油街)

营业中

休息中

每次嚟親旺角想食米線，都會即刻諗起佢。呢間米線同平時嗰啲食酸辣或者小鍋米嘅唔同，標榜一啲特色同養生嘅湯底。打開個餐牌會見到好多唔同嘅選擇，黑蒜雞湯、藥膳雞湯等⋯⋯座位就多數係卡位為主，小店的關係，繁忙嘅時間有機會同其他客人坐得比較接近，少少迫。主要為食米線，唔係太介意環境，所以冇乜所謂～而我差不多去親都會揀椰子雞湯米線，本身鍾意椰子香味，個湯底白色飲落清甜，上面有少少椰絲碎，飲完返到去亦唔會覺得味精口渴。雞件亦都幾嫩滑，但部位較多骨。一口湯一口米線食得暢快，當日食的米線比之前食淋左少少，如果可以彈牙番啲仲正！