農米莊 (豉油街)

营业中

休息中

旺角抵食足料養生靚湯米線🍜 — 農米莊呢一間係朋友介紹咗比我好多次話啲湯底好正嘅米線，重話呢間係必食嘅🤣講咗咁耐，終於食到！懷舊藥膳雞湯米線($55)配料好豐富，包括有：雲耳、杞子、紅棗、冬菇、蟲草花、時菜、川芎。米線份量好多！而且夠煙韌！啲雞亦整得好嫩滑😍湯底飲落係覺得佢冇落過味精咁，但係味道都足夠、唔會好淡，飲落都幾鮮甜👍🏻仲有微微甘甘地嘅藥材味😋真係連湯都飲晒🤣食完都冇覺得口渴🧐呢個價錢來講都幾算唔錯、又抵食！值得推薦😆

剪完頭髮之後，髮型師推介我去食依間米線，話自己間唔中都會外賣返屋企食下，咁我都唔執輸去買返碗黎試下啦⋯店家為左保持返米線本身口感，將湯同食物分開左裝。食材非常之豐富，有杞子，雲耳，紅棗，豆皮，蟲草花，豆卜，雞肉都不欺場，有五至六舊，仲有小花菇，倒完湯落去之後發現米線量都好澎湃，同以前嘅譚x有得揮。湯飲落去好清甜，藥材味濃得黎唔會有唔舒服嘅感覺，帶骨雞肉食落有口感，但係用牙都容易咬開嘅，豆皮同豆卜索晒啲湯好正，杞子同紅棗都係鮮甜可以食嘅。唯一美中不足係我食到差唔多尾時食到有條頭髮，如果唔係我個人會想比滿分雖然有少少缺憾，但依然好推介大家試下，味道真係好ok!

疫情之下，想堂食既餐廳唔多難得見到有一間，當然要試一試唔知道係因為太冷清定還是什麼原因入左餐廳後，等左大約5-10分鐘都冇人招呼一到以為係咪閂左門定還是只限外賣午市套餐E. 鮮茄菠蘿牛肉飯$48午市套餐，有附送滋潤雞湯味道不錯，仲有原隻雞腳附送不過本人唔太食雞腳就自動略過啦食物好快送到有別於其他餐廳既碟頭飯先講鮮茄汁，有點太過水，唔夠結身，比較淡味不過餸飯食都還可以牛肉則中規中矩，唔會太靭唔會太嫩而菠蘿方面，比較失望因為菠蘿都偏酸😣另外，蕃茄和洋蔥數量都唔少，保證夠飽👍🏻

昨天經過這間舖，在門外望到餐牌好像很吸引。但當入到去時，侍應生服務態度差，黑口黑面，還被他強廹坐入一個位內，選了那個藥膳雞湯米線，米線太幼，湯底很淡沒有藥膳味，我想以後很難會再去。

今天經過這餐廳，門口的餐牌非常吸引，所以入了去，但這餐廳的服務員態度非常差，求其塞你入去一個位，非常不滿。叫了碗藥膳雞米線，但米線非常幼，不是一般的米線，湯底也非常淡，沒有藥膳味，可以講非常差

又黎到最愛既米線😍佢地既湯底好多都係藥膳湯，冇落味精，食完唔會口渴😋而且藥膳味濃郁，湯連埋米線食真係好正👍雖然賣相差左小小，不過味道真係好唔錯🤣🍜黑蒜雞湯米線（$45）午餐時間黎到，唔洗等位直入lunch set 配一杯野飲黑蒜雞湯係我心中呢間鋪既第二位第一位永遠都係藥膳雞湯米線不過呢個湯黑蒜味超濃郁，中意蒜味既朋友可以試下😋雞肉都算多件而且有肉👍野飲叫左熱奶茶（+$2）熱奶茶就麻麻地，茶味太重而且苦澀，唔會再叫🤦‍♀️/😋食物質素：7.5/10🍽️用餐環境：5/10💰性價比：7.5/10👣回頭率：8/10/📌農米莊 (豉油街)旺角豉油街68號地舖

#旺角 #豉油街 #農米莊 我覺得比以前少咗啲鮮味😅#芫荽雞湯米線 $58 好夠荽，雞湯比以前少咗啲鮮味，其他不過不失👌雞件都係咁嫩滑#喇沙雞湯米線 $57 都係一般😅湯底唔夠濃又唔夠杰身，無椰味👣旺角豉油街68號地舖味道: 6/10味精: 1/10價錢: 7/10環境: 6/10服務: 7/10#vinainmongkok #vinafood #nmcnoodls #hongkongcuisine #fusioncuisine #chineseparsley #chineseparsleychickenbrothricenoodles #laksachickenbrothricenoodles #ricenoodles #foodporn #foodie #hkfoodie #f4follow #f4f #likesforlike #l4l #l4likes

農米莊係多年來最愛既米線😍幾年前岩岩開既時候，果陣藥膳湯岩岩興起一食既時候真係俾佢驚豔到，因為我好中意藥膳既味道😜佢地既湯底冇落味精，食完唔會口渴🤩而且藥膳味濃郁，岩岩開既時候真係成日去食👍而家隔左幾年，水準都仲keep到😉係賣相差左小小🤣🍜懷舊藥膳雞湯米線（$46）午餐時間黎到，lunch set 配一杯野飲咁耐冇食湯底依然keep到同一個味🥲係擺盤爭左啲🤣雞肉都算多件而且有肉👍仲有紅棗、杞子、蟲草花、冬菇、雲耳、生菜材料好豐富，真係好滿足😋野飲叫左熱檸蜜（+$2），冬天滋潤下佢既黑蒜米線亦係好正，值得一試👍/😋食物質素：8/10🍽️用餐環境：5/10💰性價比：7.5/10👣回頭率：8/10/📌農米莊 (豉油街)旺角豉油街68號地舖

趕住返工之前唔知食乜好就喺屋企附近睇下有乜好食 最後揀咗呢間近近哋又方便其實之前已經食過好多次 所以都唔需要點諗就叫咗呢個雞飯 不過lunch就係第一次食 佢可以跟菇飯唔使加錢 就梗係跟啦 因為真係香好多等咗大概五分鐘就有得食啦 真係快靚正 大大碟都係五十蚊有找切雞有5件 一如以往嘅水準都係好滑嘅 飯量都好足夠 不過呢間餐廳真係有啲人手不足 因為接嘅外賣單都有唔少 所以令到堂食嘅客人都需要等啲時間 但其實見啲職員都已經好快手快腳 值得一讚嘅

湯底夠味精好飲嘅，今次突然想食肥牛就+12蚊啦，點知黎到得2塊(係真係得2塊)。即刻叫個男職員埋黎睇，佢話係咁嫁喎，我話肥牛貴到6蚊一塊？個男職員自己都呆左2-3秒先話老闆set好得2塊嫁炸，之後叫個女職員黎，女職員即刻補返幾塊比我話會同老闆反映🙄其實出面食都有4-5塊啦，佢地又唔係用安格斯肥牛，如果真心老闆話得2塊，不如寫返係餐牌到話比顧客聽啦。真心唔會再+12蚊食2塊普通肥牛🙄

🥥椰子雞湯米線 $58湯底清甜唔油膩 帶濃濃椰子味同雞味係意想不到地夾☘️芫荽雞湯米線配溏心蛋 $58芫荽湯底感覺清新 同樣唔油膩相信係自家熬製無落味精 因為就算飲咗幾啖湯都唔會口渴米線比譚仔幼身 掛湯效果更好而且份量好多 女仔有機會食唔哂細食嘅建議嗌少米

尋晚同男朋友出咗去旺角買嘢。買完之後佢就提議去農米莊到食。去到農米莊，我哋等咗張一檯就入得，唔洗等好耐。打開餐牌見到有好多出面米線舖唔會有嘅湯底！(°д°)我同男朋友分別嗌咗藥膳湯雞米線加鴨血同黑蒜湯雞米線加豬軟骨。見到有啲食評話等米線等咗有啲耐，但可能有人同我喺到傾計，所以唔係好覺。|ω･`)我哋碗米線都幾大碗，但我見我男朋友嘅豬軟骨嘅份量好似有啲少，感覺上要加12蚊有啲唔抵。(ó﹏ò｡)但佢個豬軟骨都幾好食，好腍！(✽´ཫ`✽)而我加嘅鴨血都係要12蚊，有兩舊。湯底方面，佢個藥膳湯都幾重藥材味！(´∇｀)我哋都覺得好好飲！但我食到好飽，所以飲唔晒啲湯。黑蒜湯底方面，我本身唔係好識欣賞黑蒜個陣味，所以我覺得麻麻。|ω･`)但男朋友就覺得幾好飲，都重黑蒜味。總括嚟講，唔錯！下次會想試吓佢個椰子雞湯！(〃▽〃)

點左兩碗雞湯底米線加一個小食！服務員落單好似發夢咁，係咁要我講完又講，又再講！等左成25分鐘，一樣野食都無黎過，問佢會唔會係漏單？佢又Hea 覆！在場除左我呢枱客，有幾枱食客都燥曬底！目測有3枱客應該等到唔想再等，起身走左（現場睇d枱都未坐滿，根本唔稱得上忙）又半個幾鐘後，來了一碗麵，又亂咁上錯飲品，問都唔問就車埋黎……！仲有，有個staff 應該係把食物/飲品淋左落個客到，又無講Sorry ,人地嬲到起身就閃，鬧佢都廢事！嗌左小食又漏單，埋單又亂咁print 張單結帳……雖然間野係平，但服務態度同求那其既態度，真係不知所謂！真係慘，老闆請著班咁既員工…..已經比客催，完全睇唔到佢地係想快……10足10 「🟡早🔵」個套：我幫緊你，幫緊你，幫緊你……… 已經Black List

第二次去食今次跌watt 跌得好勁!首先講個服務員,落order 聽d唔聽d 1.麻辣雞米線再加一餸（豬頸肉) 2.花雕雞米線走青！3.小食-泰式魚餅3樣野全部有甩漏麻雞米加少左豬頸肉 花雞米走青又比成碗青我泰式魚餅變左墨魚餅講左話取消小食無啦啦又彈返出黎比我等左起碼45分鐘先到！1.服務員又倒瀉野落客到 搞到個客拍枱走人2.上菜同野飲又上錯枱！3.其他客都有同感話等野食等得好7耐!4.埋單又比錯單我埋 伏到! 食物質素麻麻！無咩事都唔會再去!

公司樓下既餐廳前排出左清潤系列米線（工廈餐廳）結果 居然工廈勝出（？）其實呢度都係朋友介紹話好好食先黎坐低就叫左椰子雞米線上餐速度好快 轉個頭就嚟咗一上到黎 個湯底幾清仲有好多配料但飲湯真係淡淡既椰子味而且係唔專心飲就感受唔到嗰種另外雞油都無乜但又好似得淡淡雞湯味咁唔知係咪因為我走左雞翼（朋友話無乜肉叫我走左佢）雞件得5-6件 但都算肥瘦得宜幾滑既（公司樓下嗰間多好多，我遲啲再寫）米線係比平時略幼身係滑既 但略嫌無左咬口個人比較喜歡正常size 其實我返到屋企之後有諗 5-6又唔算少嘅而且個湯底清清地都幾好呀但硬係覺得佢同我想像中有啲出入唔知到底係我先入為主定係點不過整體觀感都係覺得有d普通並沒有驚艷既感覺下次再試埋佢個蟲草雞寫多次