辣宴

营业中

休息中

餐廳環境好有風味，裝修好有中國特色，環境都幾大下，坐得幾舒服，整體食物夠哂好地道，麻、香、辣足😌，川味濃，食完呢餐，好似去左轉四川咁😂，同朋友食完評價都幾滿足😏😆😊牛肉香鍋 都好多料下，椰菜花，午餐肉，牛肉，牛丸，蓮藕等等，食落好香，麻麻辣辣咁夠哂惹味，仲有個爐熱住可以保持熱度川式回鍋肉 回鍋肉份量都幾大，舊舊都大大塊咁，食得大啖肉，好地道川式農家大盤有機花菜味道唔會太辣，有肥豬肉粉，食落幾香

今日就同朋友去左辣宴食飯餐廳座位寬敞，有多個川劇面譜裝飾，幾有川色風味，仲可以免費任食冰粉，可自行加入唔同既配料老醋海蜇海蜇口感爽脆彈牙，搭配醋汁，味道微辣，另鋪咗啲青瓜係底，開胃解膩大盤有機花菜份量超多，花菜口感清脆，融入左辣椒的香辣，又不會太嗆口長沙臭豆腐臭豆腐外皮酥脆，索滿辣汁，咬落軟嫩多汁，配上蒜蓉醬、青蔥等配料，味道濃郁之餘又帶有獨特既發酵香味，食落唔怕會好臭鮑魚辣椒炒肉鮑魚肉質彈牙，同豬肉片，辣椒一齊爆炒，辣度恰到好處，超有鑊氣

旺角豉油街轉角位有間主打穿川湘農家菜，店內環境大且闊落，裝潢設計獨特，食物款色多，仲可以揀辣度，一家大細都啱食。出邊有個冰粉自助區，桂花蜜、糖水、花生、提子乾、山楂片，搭配冰粉真係透心涼，如果可以放入雪櫃會更加清爽，不過免費就唔好要求咁多啦😂前菜小食有牛肉餡餅，一分為二有四件，外層酥脆，餡料沾滿，味道鹹香，值得一試。農家小酥肉炸至金黃色，皮夠薄，食落唔油膩，越食越上癮。菜品有手撕包菜同有機花菜，一大盤上，煮至入味，十分鮮甜，營養價值豐富。臘味石鍋飯有驚喜，咋咋聲，粒粒分明仲有鍋巴，讚！

一進入裡面就見到兩隻大大嘅四川臉譜掛喺牆，紅燈籠高高掛，仲有啲懷舊木桶裝飾，成個格局古色古香，勁有川式風味！氣氛好啱同朋友傾偈食嘢！鐵板水晶粉** 呢個有驚喜！水晶粉炒得夠鑊氣，最正係下面鋪咗層煎蛋，煎到邊位脆脆哋，撈埋啲粉絲一齊食，又香又滑，熱辣辣上枱，食到"滋滋"聲，過癮到爆！椒鹽藕盒** 蓮藕夾住肉餡炸到外脆內軟，椒鹽味夠香口，咬落去"索索"聲，送酒或者就咁食都超正！麻辣醬牛展** 牛展切到薄薄哋，滷得入味得嚟又唔會太韌，麻辣醬香得嚟帶少少甜，辣度啱啱好，唔會話辣到噴火，送飯或者就咁食都好正！ 夫妻肺片** 牛肚同牛脷切得夠薄，口感爽脆，麻辣汁調得好平衡，唔會太油，加埋啲花生碎同芫荽，味道層次好豐富！ 辣得嚟又唔會太霸道，啱晒香港人口味！牛肉餡餅** 外皮煎到金黃香脆，一咬開就爆汁，牛肉餡鮮嫩多汁，仲有少少蔥花提香，食完一隻想再encore！ 任食冰粉真係抵到爛！可以自己DIY加山楂、葡萄乾、花生碎同桂花蜜，鍾意甜啲定酸啲自己話事！食完辣嘢之後整返碗，冰涼清爽，即刻解辣，仲可以無限添食，正！

旺角正宗川菜！自助區有冰粉，仲可以自己加配料。✨鮑魚辣椒炒肉 $138青辣椒🫑嘅味道好香但完全唔辣。肉片瘦瘦地油爆完幾香口。鮑魚細細隻但幾彈牙。整體味道好惹味好啱餸飯。✨老長沙臭豆腐 $88臭豆腐炸到勁香脆，味道同港式臭豆腐有啲似，發酵味唔強烈。配蒜蓉同芫茜食味道好夾。✨農家大盤有機花菜 $78椰菜花油爆到超香！好食嘅秘訣係豬肉渣，好味到忍唔住食返幾塊。✨爆漿紅糖糍粑 $68香口又Q彈，新鮮炸起紅糖餡仲係熱。

同朋友相聚，心血來潮想食辣野，係OpenRice搜尋後見到位於豉油街富達大廈一樓「 辣宴」，餐廳主打川湘農家菜，嗜辣者必食。另外，訂台仲有額外優惠於是相約大快朵頤。餐廳照顧到不嗜辣者，當中提供粵菜、川湘菜、特色菜，任君選擇。鮑魚辣椒炒肉：鮑魚的鮮味，辣椒的辛香和豬肉的濃郁，味道層次豐富，鮮甜彈牙的鮑魚，口感Q彈，帶有濃郁的海鮮甜味，與肉類的油脂香氣相互襯托。辣椒辣味和香氣，既能去腥又能開胃，辣度可依個人口味調整。豬肉的濃郁肉香，油脂滲出後與鮑魚的鮮味融合，形成鹹鮮帶辣的醬汁，非常下飯。金湯酸菜魚：酸辣鮮香、湯色金黃濃郁，酸味來自酸菜、泡椒或醋，清新不刺鼻，帶有發酵的醇香。小米辣，辣度溫和但後勁十足。鮮味由魚骨高湯和魚片的嫩滑賦予，湯底濃郁卻不膩口。湯汁呈現明亮的金黃色，濃稠度適中，能掛在魚肉上魚肉嫩滑無腥味，用上鱸魚，魚片薄切後用蛋清或澱粉醃製，口感滑嫩，入口即化。 搭配酸菜、豆芽、粉絲、金針菇等，吸飽湯汁後酸辣過癮，增加爽脆。 紅糖糍粑：一定要趁熱食！面層鋪滿油炸紅糖，脆口得很，又帶點酥脆，黃豆粉解油膩感，口感細膩。總結：鑊氣十足 調味一流朋友相聚好地方

餐廳裝潢懷舊古典風座位寬敞環境舒適。主打四川風味小菜重慶麻辣烤活魚、香辣雞煲及酸菜魚等。金湯老壇酸菜魚 $238魚肉嫩滑無骨，搭配酸辣湯底及自家醃制的酸菜，令魚肉更入味，口味酸爽帶勁，辣中帶麻。配料還有娃娃菜、金菇、水晶粉等。老長沙臭豆腐 $78強烈的發酵味，吃起來有點像豆干，但不會太乾，咬下去醬汁會溢出來，外焦里嫩，细嫩而不腻。青椒炒青茄子 $88茄子皮薄肉厚，口感更軟滑，青椒鮮辣，濃郁香味，巨好下飯。黃金小饅頭 $58饅頭表面炸至香脆內裡鬆軟，作為解饞點心很方便。

辣妹食辣菜香港旺角首選（辣宴川菜）位於旺角豉油街50號富達大廈，今日點了兩個川湘農家菜包括鮑魚辣椒炒肉$138元 大大仲要超多鮑魚仔，.這道鮑魚辣椒炒肉，肉質鮮嫩，辣椒鮮亮奪目，味道極具熱情和活力，鮑魚一口一粒非常惹味😋水煮麻辣跳跳蛙$198元，紅油滾沸千層浪，蛙肉肉質彈滑裹烈火，熱辣辣🔥舌尖震顫跳雷霆。懷舊中式裝潢👍啱晒打卡，而且座位寬敞舒服😌主打川湘風味的農家鄉土菜，以香辣口味為主，分量足料且定價合理，適合多人共享美食。

平日會一個人來食，菜式很地道，份量也很足！起碼佢價錢絕對對得住佢嘅菜式。環境裝潢設計很內地，夠大間，出菜速度正常。唔記得影低下酒冷盤及剁椒蒸魚頭（有烏冬）。肥腸雞煲份量很足，嗌咗少辣，如果我食，中/大辣會更惹味。小炒有鍋氣，辣椒炒豬頭肉，香蒜炒臘肉，炒花菜必試。所有菜式都喜歡食，一定會再嚟食，下次想試試另一啲小炒。另外，佢哋有冰粉送，去門口自己加啲花生糖水。最後可加入佢哋嘅即時通訊群，show單有九折。*有加一

今日放工同朋友去旺角食川湘農家菜，呢度地方幾大，裝修寬敞舒適，大量卡座食物選擇都非常多，香港人首選的川湘菜味道較濃，下飯一流🍚😝 呢度食到的湖南招牌菜，道道都係經典，食到舐手指🤤呢度仲免費提供冰粉🍧配料仲有花生碎、瓜子仁、葡萄乾、山楂水、黑糖漿，好味道食左兩碗😋😋====—====—====—====—✦ 川湘麻辣類 ✦🌶️🐸水煮麻辣跳跳蛙（$198）牛蛙煮得非常香口，用麻辣湯浸住非常香，色香味俱全，牛蛙口感嫩滑，配上辣椒的刺激，味道十分開胃，味道亦不會很辣，底下還有萵筍、青瓜、蓮藕等配料👍🏻⋄✦ 幹鍋類 ✦🌶️🐖幹鍋肥腸（$128）肥腸經過精心處理非常乾淨，搭配辣椒，味道夠鑊氣又可口。乾鍋的烹調方式保留了食材的原汁原味，肥腸的彈性，調味得宜，還有小鍋子暖住吃，超正😉⋄✦ 小食類 ✦🐄🌮手工牛肉餡餅（$58）手工餡餅非常出色，外脆內嫩，熱辣辣的外層酥皮香酥美味，夾着滋味爆汁的手工牛肉，滋味滿分😋⋄✦ 小食 ✦🐥滷水拼盤（小）（贈送）滷水拼盤每台免費贈送一份，有豆腐、豬肚、鳳爪、芽菜，滷得非常入味😍====—====—====—====—.📌店名：辣宴 (旺角)’📍地址：旺角豉油街50號富達

不需舟車勞動北上於香港鬧市也可以體驗到農家菜宵夜時段至凌晨三時，真真正正的旺角夜繽紛餐廳裝修跟內地一樣富有特色，座位寬敞舒服主打川湘風味的農家鄉土菜，以香辣口味為主檯檯必點金牌Top 1鮑魚辣椒炒肉有鮑魚更香更下飯名廚特別推薦特色菜檯檯必點金牌Top 2來自四川日日新鮮的食材小炒豬頭皮乾鍋肥腸將水份煸乾，有彈牙的口感，送飯一流飲料特大杯檸檬茶名符其實，杯頂以檸檬橫疊成，配襯濃味食物或解辣都相當稱職冰粉自助免費品嚐，有花生碎、糖水、桂花醬等提供

喺旺角星際買完相機用品，睇吓附近有咩食，都有一排冇食過辣嘢。行行吓見到譚仔旁，就發現左呢間#辣宴 川菜餐館。又見裝潢得古色古香，冷氣又夠，又多卡位，勁岩一大班人聚會食😁，就揀咗呢間!❇️夫妻肺片 $68. 00辣油夠哂刺激味蕾，薄片牛肉爽得來有咬口，我哋仲叫咗碗白飯，中和味道，送飯一流。❇️牛肉餡餅 $58. 00入口熱辣辣，又半隻手掌甘大！最重要個牛肉餡夠曬入味，牛肉又多又新鮮！極好味😋！可當正餐選擇。❇️椒鹽藕盒 $68. 00煎至外層脆內嫩，吃時有點椒鹽，口感爽脆，味道依舊鹹鮮。❇️鲍鱼辣椒炒肉 $138.00鮑魚好彈牙，炒肉加上辣椒好香有鍋氣，十分惹味。❇️大杯柚子水 $38. 00重點黎啦，喺旺角區食餐飯都要五六百蚊，呢度兩個人食飯都係4百蚊左右，性價都幾高。

朋友想食農家菜，找了間很有風味的四川菜菜館，那裡的裝潢寛闊舒適，食物味道很地道，很有風味，價錢相宜，非常抵食，所以7点開始，已經坐滿客人。首先來個鹵水併盤，材料非常豐富，有鹵水豬肚，鬆軟的雞腳及豆腐，非常入味，還有麻辣香味的大豆牙菜。湖南鮮炒黃牛肉新鮮肉味濃的黃牛肉，肉質鬆軟，加芹菜一齊炒，美味可口。重慶口水雞食川菜都會点的口水雞，肉質嫩，有雞味，少少辣，好味。農家大盤手撕包菜包菜很新鮮，加入蒜粒炒，很有鍋氣之餘，味道都非常好。爆漿紅糖糍粑熱辣辣，外面脆卜卜，入面軟綿綿的糍粑，中間是香甜的流心紅糖，味道剛剛好，不太甜，好好味。

好耐冇同夜鬼朋友食宵夜😬今晚就約左去呢間位於女人街嘅「辣宴」主打湘菜川菜😬有辣有唔辣🤩雞煲烤魚小炒種類都非常之多👍依家仲按人數送滷水拼盤👍包括豬肚、豆腐同雞腳😬味道都唔錯😀重慶口水雞份量都幾大份😬雞肉嫩滑👍搭配師傅特製重慶香辣醬汁😬香味撲鼻👍少辣剛剛好‼️泡椒肥腸處理得非常乾淨，完全冇怪味且有咬口😊加上泡椒酸辣味道恰到好處🤩配料仲有爽口萵筍條👍鮑魚辣椒炒肉以小鍋直接上枱加熱爆炒傳出陣陣香辣味道😬青辣椒🫑豬肉及鮑魚仔好入味😋送飯一流😍蒜蓉炒萵筍絲🤩脆嫩清爽😬食落鮮甜又解辣😊飲品大大杯鹹檸七🤩酸酸甜甜又夠冰爽👍

今次好想食辣，同老公決定去旺角，食四川農家菜，揀左朋友介紹的辣宴📍-餐廳門面充滿中華文化特式🔎內裏環境乾淨寬敞✅-第一道菜點左潮式蠔仔肉碎泡飯。蠔仔飽滿大粒，口感好豐富🧡然後點左金湯老壇酸菜魚（活爐魚）🐠食落啖啖魚肉，再配上不同配料，包括花椒、大豆芽和麵條等，酸辣開胃。鍾意食辣既朋友岩晒🌶️-特大檸檬茶比平時茶餐廳的大三、四倍🍋冰涼清爽，可以解辣！ -不過如果唔食得辣既朋友，可能選擇相對少， 要留意呢‼️