辣宴

营业中

休息中

旺角豉油街轉角位有間主打穿川湘農家菜，店內環境大且闊落，裝潢設計獨特，食物款色多，仲可以揀辣度，一家大細都啱食。出邊有個冰粉自助區，桂花蜜、糖水、花生、提子乾、山楂片，搭配冰粉真係透心涼，如果可以放入雪櫃會更加清爽，不過免費就唔好要求咁多啦😂前菜小食有牛肉餡餅，一分為二有四件，外層酥脆，餡料沾滿，味道鹹香，值得一試。農家小酥肉炸至金黃色，皮夠薄，食落唔油膩，越食越上癮。菜品有手撕包菜同有機花菜，一大盤上，煮至入味，十分鮮甜，營養價值豐富。臘味石鍋飯有驚喜，咋咋聲，粒粒分明仲有鍋巴，讚！