車水堂車仔麵

環境5分：隱蔽麵檔細細間，光猛空調足，用餐區域同廚房一眼睇曬，樓面好高，高櫈有個腳踏位都好容易上座，車仔麵店黎講算高級，畀五分。衛生5分：枱面乾淨企理，旁邊放咗不同調味料，完全冇話黐立立，衛生一樣滿分。服務5分：服 務員爽手唔囉唆，唔識電子點菜都歡迎用筆圈响菜單紙上，落單時即付款，上菜快，效率高，滿分。味道5分：1)    滷水五拼麵有牛筋，牛腩，蘿蔔，豬腸，滷水蛋，一共五款餸。湯底好濃郁，啲麵好彈牙，牛腩有好多舊，牛筋好煙韌，隻滷水蛋同兩大嚿蘿蔔非常入味，豬腸非常乾淨，帶啲肥膏最正，好食。2)    跟麵送飲品，冷熱都得，叫咗杯凍柚子蜜好清潤。3)    自選湯麵中嘅米粉柔軟輕巧，湯底一樣濃甜，自選嘅三隻魚皮餃好鮮嫩，三隻韭菜餃好惹味，多件牛筋淋滑有彈性，鮮製豬紅結實得黎好滑，隻溏心蛋順滑香濃，勁足料。4)   跟餐加九蚊要咗杯微甜清涼嘅凍檸茶。5)    韭菜一碟份量非常多，食落好嫩口。6) 沙嗲金錢肚十分爽脆惹味。抵食5分：車仔麵大大碗，份量超級足又飽肚，抵食滿分。…查看更多

# 【食評】中環後街高質車仔麵 —— 車水堂 🚗🍜 今日陪媽咪行中環，陰陰天但心情唔錯，想搵間輕鬆啲又乾淨嘅地方食午餐。途經士丹利街，成排小食店之中，呢間新式裝修嘅**「車水堂」**特別醒目，乾淨、光猛、座位寬敞，仲有冷氣同音樂播住。對於中環後街嚟講，呢個環境真係難得。 ---## 🪑 **環境同感覺**坐入去之後印象好好，枱面乾淨，唔似一般車仔麵咁迫。櫈子新淨，靠窗位仲望到街景，整體氣氛有啲似「升級版港式茶記」。 員工態度唔錯，落單快捷，送上枱時仲會輕聲講「小心熱湯啊」，一啲都唔似匆匆忙忙嘅快餐店。 ---## 🍜 **主角：五餸麵（配牛腩汁＋沙嗲汁）**我同媽咪都各自點咗**五餸麵**，湯底可以揀自己鍾意嘅味，我哋就試咗招牌組合——**牛腩汁＋沙嗲汁**。 湯色深沉但清澈，未飲已經聞到陣香味。牛腩汁濃厚帶油香，沙嗲汁又增添一層堅果鹹香，兩者混合得好自然——飲落唔鹹不膩，好有層次。呢個湯底真係一試難忘。 ### 🥢 餸料方面：- **牛筋**：超出預期！爽彈又腍滑，炆得好入味～一咬就知處理時間足。 - **豬軟骨**：肉質滑，入口即散，醬香啱啱好。 - **牛腩**：厚切實淨，唔乾唔韌，食得出用心炆。 - **雞翼**：皮滑肉嫩，冇腥味，加湯底一齊食有驚喜。 - **貢丸＋腐皮魚卷**：彈口、熱辣辣、香口得嚟唔油。 碗麵份量仲好大！我揀咗少麵份量但都幾乎食唔晒。麵條煙韌唔糊，兜起嚟掛湯一流。成碗麵食到一半都仲保持熱氣滾滾，口感無走樣。 ---## 🍢 **小食：沙嗲金錢肚＋豬腸**金錢肚切得厚但冇韌，沙嗲味唔係死咸果隻，而係香中帶甜，滷得非常入味。 **豬腸**好多餐廳都會處理得腥，但呢度真係乾淨無怪味，滷汁香濃入心。兩樣都墊住生菜上枱，擺盤都幾企理，唔似一般街坊車仔麵咁「求其」。 ---## ☕ **飲品：凍咖啡**我點咗**豆漿**，媽咪試咗**凍咖啡**。 講真，出奇地好飲！凍咖啡好濃郁、有回甘。估唔到一間車仔麵舖會有水準咁高嘅飲品。 豆漿亦都好香滑。---## 💬 **總結**整體體驗超出預期。 以中環地段嚟講，呢間車仔麵店嘅環境真係「乾淨企理＋有心思」， 食物質素明顯用心打造。 ⭐ **推介指數：9/10** - 環境：乾淨舒服 - 湯底：香濃有層次 - 餸料：新鮮入味 - 飲品：水準以上 - 價錢：略貴但合理（兩個人 $255，位置喺中環唔算貴） 📍 **車水堂 – 中環士丹利街 82 號地舖** 如果你喺中環行到攰，又唔想食快餐或者太heavy嘅西餐， 呢間**整潔車仔麵店**真係一個好選擇。陪屋企人坐陣食返碗熱湯麵， 簡簡單單，一樣可以好幸福。 ❤️…查看更多

中環難得的高性價比車仔麵 － 車水堂車仔麵～主打濃味湯底及自選配料。
這次試了兩款自選配搭，均配沙嗲湯底，濃厚度十足，帶花生香氣，掛麵能力強：1️⃣ 油麵＋滷水蛋＋豬軟骨＋蘿蔔＋豬肚＋豬腸豬軟骨厚切炆得軟腍，膠質豐富；豬肚爽脆無異味；豬腸滷得入味，帶少許脂肪香。蘿蔔清甜無渣，滷水蛋流心效果佳。整體配料與沙嗲湯底非常匹配。2️⃣ 油麵＋牛腩＋牛筋＋滷水蛋＋豬手牛腩鬆化牛味濃；牛筋膠質軟糯；豬手皮爽肉嫩，滷水香突出。沙嗲湯底與牛類配料尤其夾，濃香加倍。🥬 小食推薦油菜：菜心嫩綠，淋上豉油膏，簡單清爽解膩。麻辣豬耳：爽脆口感，麻辣調味香而不嗆，佐酒一流。✨整體• 沙嗲湯底水準高，濃而不膩
• 內臟處理乾淨，炆煮火候到位
• 人均$80-$100，中區價位合理📍地址：中環士丹利街82號地舖…查看更多

平時係上環食lunch食到悶悶地，難得星期六返半日，行過去中環搵下有咩食，行到士丹利街見到有間車仔麵好似好正咁，一於就揀呢間啦！坐低嘅時候發現呢間餐廳雖然係食車仔麵，但環境都幾chill喎！車仔麵最正係可以揀幾樣餸，肚餓之下揀左5餸一麵再加小食同飲品！見到有沙嗲湯底，諗都唔洗諗，即揀！真係唔係周圍都有架！至於餸就揀左惹味魷魚，豬紅中，金錢肚，豬腸同埋蝦餅。魷魚好惹味 ，彈牙鮮嫩，Q彈口感配上微辣調味，令人回味無窮。豬紅夠曬入味， 仲有啲juicy添 ，超正！蝦餅勁大塊，鮮味十足！金錢肚勁入味 ，湯中浸泡後軟中帶韌，獨特嚼勁令人上癮。豬大腸煮得軟糯不柴，腸壁滑順，吸收沙嗲精華，肥美卻不油膩。見到枱面有樽魔鬼辣嘅辣椒油，忍唔住要落少少試一試，真係落左少少，都已經feel到好辣！呢間車仔麵整體配料豐富，而且每款餸啲量都算多，經濟實惠！…查看更多

有時喺中環好難搵到一啲性價比高嘅餐廳，一係就係西餐，一係就係其他fusion菜。今日竟然搵到一間車仔麵舖。秘製辣魷魚($38):本身有啲猶豫叫唔叫，不過朋友食到辣，所以就諗住黐下佢。點知其實都唔算好辣，係個種微辣會令到你想追食嘅，魷魚爽口，而且份量都算多。沙嗲金錢肚($35): 煮得好入味，而且好淋，都幾有水準。滷水五拼面($81): 牛筋，牛腩，蘿蔔，滷水蛋，滷煮豬腸。要一陣嘅係蘿蔔好甜，而且都好大嚿，好入味！牛腩同牛筋都住得夠淋，而且份量多。自選五拼:其實好少叫咁多，但係諗住豁出去啦，食得車仔麵就唔好嫌貴。牛柏葉，牛腩，糖心蛋，冬菇，雞翼。因為朋友叫咗蘿蔔，所以自己就叫冬菇，聽講人哋話食車仔麵嘅，呢兩樣嘢就最食到師傅嘅手勢，雖然食材簡單，但係要煮得都難嘅。冬菇入味，而且索哂d沙嗲汁！ 牛腩嘅話，就唔係舊舊都淋，不夠勝在份量多，多數都係一啖就咬到。糖心蛋個食到最尾先開始食，都仲係可以留心嘅。嘢飲就叫咗凍檸水同埋asahi。要留意嘅係佢哋嘅辣椒真係好勁，如果鍾意辣嘅就會覺得好惹味好香😂總結：自己好耐冇食個車仔麵，雖然都知道而家食車仔麵都已經唔係以前咁平嘅事情，所以更加着重佢嘅材料同埋煮法。呢間舖頭又坐得舒服，而且份量好足好大碗，真係會食得好飽。值得支持小店。…查看更多

呢日同朋友趕住想食個快但又唔太頹嘅dinner，路過見到呢間食車仔麵就入去填肚，估唔到普通嘅車仔麵都帶有驚喜！首先呢度不論餸及湯底都唔少選擇，仲要價錢均真，大部分選項都唔需要特別加錢我地分別叫了：秘製辣醬+通菜底 配牛筋、牛腩、蘿蔔、溏心蛋、韭菜餃，濃香沙嗲伴麵 配滷水蛋、生菜、台灣黑椒腸、腐皮魚卷、韭菜餃，再加了小食秘製辣魷魚同炸魚皮！我呢碗湯麵特別欣賞佢嘅牛筋牛腩，大大件又入味，唔會係得啲碎粒粒朋友就特別欣賞佢嘅沙嗲醬，香濃惹味，配伴麵一流呢碟魷魚唔算太辣，魷魚亦都爽口炸魚皮就炸得脆卜卜，我就鍾意浸入湯麵浸冧佢食整體性價比不錯，尤其係中環地段，而且環境乾淨，用手機落單方便，係簡單快食之選！…查看更多

較早前同朋友在中環做嘢～做之前先搵野醫下個肚😅咁岩在附近見到間車仔麵都唔錯咁😛連電視節目都有介紹過😂決定去試吓😛我哋叫左一碗招牌麵同埋一個自選麵😊大大碗份量較多😂個湯底好濃味😍麵條好彈牙😂味道鮮美招牌麵配料有秘製辣魷魚滷煮豬腸爽脆豬皮牛腩蘿蔔麵係粗麵自選麵配料有豬皮豬紅蘿蔔腸仔麵係幼麵小食有炸魚皮～好鬆脆😊飲品凍檸茶凍奶茶餐廳環境比較細😂但座位比較闊落😝而且當日我哋去到差唔多坐滿人～好多遊客專登過嚟食🤣因為車仔麵係香港嘅特色😂…查看更多

星期六做完gym超肚餓想食車仔麵食好多餸聽同事講之前有間車仔麵坐得幾舒服拉埋fd就去食個麵~原來喺中環街市一落行多兩步就係啦，幾就腳揀揀吓都揀咗幾個餸 加埋小食本身以為唔係好大碗點知原來都比一般車仔麵大兜睇落豐富1️⃣牛腩，牛筋，韭菜餃，蘿蔔，冬菇🔥 四川麻辣小辣唔係好食得辣嘅都可以接受到2️⃣豬軟骨，牛筋，時菜，蘿蔔，咖喱魚蛋🔥 香濃沙嗲醬做得幾出色一湯羹咁樣已經好夠味樣樣餸都做得好食～入味得來唔會太鹹車仔麵配菜有咁嘅質素真係唔話得Both 面底揀咗粗麵，份量都已經好夠好彩冇加底，如果唔係真係食唔晒.小食叫咗金錢肚同埋水魷份量好夠，個人特別鍾意食佢個金錢肚配埋本身自己叫咗沙嗲湯底變咗自製沙嗲金錢肚，正.總結大推▶️ 牛筋/豬軟骨/魚蛋◀️小食就金錢肚 一致好評👍🏻配埋道地港式奶茶，香滑濃郁，冇得頂終於搵返間車仔麵好去處…查看更多

去了中環覓食，這家車仔麵專門店整體體驗不俗，值得一試！最重點推介必定是他們的「豬大哥車仔麵」，絕對是店內的實力派主角。相反，豆漿則未達預期，不太建議點選。我們一行兩人，不約而同都點了「豬大哥車仔麵」作為主食。麵底選了幼麵，煮得恰到好處，軟硬適中且帶點彈性。重點在於自選的餸菜配搭：我們挑了溏心蛋、豬軟骨、雞翼和響鈴。當中最為驚艷的，非溏心蛋莫屬！蛋黃呈現完美的流心狀態，橙黃誘人，濃郁甘香，蛋白則滷得入味，軟嫩可口，絕對是整碗麵的亮點，水準非常出色。豬軟骨亦屬上乘之選，燜煮得極為軟腍，幾乎入口即化，醬汁濃郁入味，膠質豐富，不愧為「豬大哥」之名。雞翼亦屬穩陣之選，入味且肉質尚算嫩滑。響鈴則提供了爽脆的口感變化，浸湯後半脆半軟，吸飽湯汁，風味不錯。除了主打的車仔麵，我們還額外加點了青菜，新鮮爽脆，正好平衡濃味。然而，另一道小食魚皮則略為失望。魚皮本身調味尚可，但關鍵在於口感 — 炸得不夠透徹，未達至那種極致的香脆爽口境界，偏軟腍了些，未能滿足對脆魚皮的期待，是當晚的小小遺憾。至於飲品，試了豆漿，確實如之前所聞，味道較為淡薄，豆香不足，甜度也稍欠，未算理想，故不特別推介。總結而言，這次到訪的體驗是正面的。「豬大哥車仔麵」確是招牌之選，尤其唐心蛋和豬軟骨的表現極佳，令人回味。麵底和整體配搭亦見心思。只要避開稍弱的豆漿，並對魚皮的脆度不要抱過高期望，這裡絕對能提供一頓滿足的車仔麵盛宴，值得再訪專攻其麵食！…查看更多

隱藏係 中環美食一條小巷入面唔係個到既打工仔都幾難搵到隔離左右附近都有唔同既餐廳競爭都幾大 但車仔麵係每個香港人都鍾意嘅快餐好貼心咁有埋英文餐牌自選車仔麵 3餸$57起 少有嘅紅薯粉做麵底-滷水雞翼尖嫩滑入味-滷水大腸肥糯彈牙 滷香醇厚無異味外皮微脆內裡爆汁  邪惡但上癮-牛柏葉鮮嫩爽脆無腥味-雞翼滷水味足 顏色都比較新鮮-牛筋膠質滿滿入口即化，滷香濃郁軟糯不膩筋道十足膠原蛋白爆表-魚皮餃皮滑餡鮮魚香濃，湯汁飽滿彈牙爽口-韭菜餃肉汁爆漿韭菜鮮甜小食秘製辣魷魚$38鮮魷彈牙不韌，辣醬香麻帶甜，醬汁掛身夠入味腐乳通菜$18通菜翠嫩無渣，腐乳鹹香濃郁…查看更多

中環本身唔係好多地方有車仔麵食，想試車水堂好耐但一直未有機會，今日行過見到就外賣，入店問有位年輕女員工稱要在店外掃碼落單，揀好食物到付款先發現我無該付款方式（支付寶/微信/八達通app），然後入店問另一年長女員工，她一句就話「外賣就入黎落單喇」，之後落單時態度亦不佳，好似阻住佢出餐/工作咁。。令人莫名其妙。。只想說車仔麵食物幾好味，豬皮豬腸都好入味，而且外賣分湯處理但員工態度問題令我覺得唔需要有下次。…查看更多

這家車仔麵店食物質素很不錯，店員又友善:1. 清湯底清甜：湯底味道清香，入口回甘，沒有過重的調味，非常適合喜歡清淡口味的食客。2. 蘿蔔、雞翼夠入味：蘿蔔煮得軟腍，吸收了湯汁的精華；雞翼則嫩滑多汁，入味程度恰到好處。3. 韮菜嫩口冇渣：韮菜品質極佳，口感嫩滑，吃起來沒有任何纖維感，充滿驚喜。4. 牛柏葉不過火，夠爽脆：牛柏葉煮得剛剛好，保持爽脆的口感，是許多食客的最愛。5. 日本式格局擺設：餐廳的裝潢以日本風格為主，簡約而雅致6. 份量夠多：每碗車仔麵的份量都非常足夠，保證讓人吃得飽足又滿意。7. 牛柏葉加甜醬：店內特別提供甜醬，搭配爽脆的牛柏葉一起吃，滋味更加豐富，令人回味無窮。8. 高質素車仔麵：整體來說，食材新鮮，烹調講究，車仔麵的質素在同類型餐廳中屬於上乘。9. 店員有禮貌：服務態度親切有禮，讓人感到賓至如歸。這家車仔麵店不僅在味道上滿足食客的需求，還注重細節和服務，無論是本地居民還是外地遊客，都值得一試！…查看更多

救命！下大雨在中环乱逛，居然被我挖到一家宝藏车仔面！就是这家车水堂，藏在士丹利街82号地铺，门头不大但超有烟火气～本来是躲雨随便进的，结果一口就爱上！他们家可以自选5个菜，我直接按喜好猛猛加：鱿鱼Q弹有嚼劲，咬起来咯吱响；猪肠处理得超干净，一点腥味都没有，卤得糯叽叽的；牛肚更是绝，耙而不烂，挂满汤汁超入味！重点夸夸咖喱汤！浓郁到能挂在食材上，微微辣带点椰香，把所有料泡进去拌一拌，每口都是浓郁的幸福感，碳水脑袋直接狂喜～配了杯冻柠茶，酸甜解腻刚刚好，和咖喱面是天生一对！还点了两份小吃，麻辣鱿鱼和麻辣牛肚，辣度适中带点麻，当作开胃小菜或者边吃边嚼都超合适。下雨天钻进这样一家小店，嗦一碗热乎的车仔面，感觉浑身都暖透了，下次来中环肯定还会再冲！…查看更多

今次去咗中環一間車仔麵店，真係選擇困難症發作！配料多到睇到眼花，足足有成幾十款揀，樣樣都想試～ 我最後叫咗秘製汁米線，揀咗通菜、辣魷魚、蘿蔔同豬皮。個湯底好濃郁，帶少少甜辣，辣魷魚爽口彈牙，蘿蔔煮到好淋好入味，豬皮索晒湯汁超正！小食叫咗辣汁牛柏葉，辣得嚟好過癮，牛柏葉爽脆有嚼勁。朋友就叫咗蘿蔔、雞翼、魚蛋同魷魚秘製汁米線，雞翼滷得好入味，魚蛋彈牙，炸魚皮脆卜卜，浸落湯食仲正！ 兩碗麵嘅份量都夠晒大，女仔食可能會覺得多。飲品跟咗凍檸茶，茶底夠濃，甜度適中，解渴一流！ 總括嚟講，呢間車仔麵店配料新鮮，湯底惹味，價錢合理（中環地段嚟講算抵食），絕對係打工仔午餐好選擇！午市勁多人，最好早少少去霸位啊！…查看更多

今次點左3餸車仔麵小辣，貢丸，豬紅，蘿蔔。麵黎到見冇落辣醬，結果女職員另外比一小碟，問題唔大。跟住咬左一啖貢丸的時候，發現係牛丸，真係吐都吐唔切(因為我戒左牛好多年)。結果女職員要求攞返粒牛丸入去比廚房睇，好明顯廚師自己都唔知比錯食物客人。跟住換返貢丸，貢丸外面暖但入面係凍既(唔係常溫，係凍冰冰)，結果冇食到，同女職員反映問題，佢收左貢丸，但完全冇覺得唔好意思。 我同朋友每個月都幫襯幾次，今次可以話係咁耐以黎最差既體驗！臨走時我望入廚房，見到個高高大大既男廚師，喺度玩電話，唔怪得知連比左啲咩食物個客都冇睇清楚啦。…查看更多