越風味地道越南料理

营业中

休息中

旺角同油麻地之間有好多小店，性價比在這區來說真的比較高。今晚在朗豪坊做完facial後找到這間越南菜，真的有驚喜。🚩鮮茄蟹肉湯檬 $78鮮茄蟹肉的湯底很濃很鮮，而且配料多，有魚蛋、獅子狗、腐卜、蝦、蟹肉等。🚩咖喱軟殼蟹飯 $82這個咖喱適合不太受辣的人吃。不辣的咖喱，撈飯一流，我們可以把整碟飯吃光光🍚。🚩牛肉米紙卷 $62這個小菜真的要必點，牛肉大大舊，其他配菜很爽脆，吃起來感覺很fresh。🚩牛油果沙冰 $38真的真的是必點的飲品。本身在芒果沙冰和牛油果沙冰之間選擇，因為芒果比較保險，而牛油果曾經在別的地方試過很水，完全中伏的感覺。但今次都決定試一試，怎料牛油果非常真材實料🥑，用匙羹吃一有很厚實的牛油果，非常滿意！

今日我哋去咗油麻地嘅越風味地道越南料理啦！話說呢間越南餐廳開之前都係另外一間越南餐廳，見到呢間開咗，所以入去試一試！😋🍅蟹肉蕃茄湯檬粉檬粉煮得非常鮮甜，加上啲蟹肉同埋蕃茄湯底，味道好豐富，令人一試就愛上。配料有非常多，而且非常正宗。🍲特級生牛肉河粉河粉煮得好彈牙，而且有啲微微嘅甜味，同埋啲生牛肉都好新鮮，肉質好嫩滑，係新鮮牛肉，配合芽菜同埋蔥花，真係好好！🥗牙車快即係越南嘅雞絲沙律，除咗雞絲沙律之外，仲有蝦餅送，配埋薄荷同埋檸檬葉，味道清新🌯鮮蝦米紙卷米粉造的薄皮質地好輕盈，食落唔會覺得好飽。包裹蔬菜同埋蝦，加香草同調味料，味道清爽唔會太油膩，啱哂追求健康同清淡口味嘅人食。🍥雙味扎肉肉質好嫩滑，有兩隻唔同口味，有一隻係裏面有豬耳嘅，我會鍾意嗰隻多啲。🥑牛油果沙冰牛油果沙冰就好綿密，牛油果味道好濃郁，係夏天清涼之選。越風味地道越南料理嘅食物真係幾正！味道好鮮美，質素高，而且係越南師傅主理，俾人用公道嘅價錢來品嚐高級嘅越南美食！👅味道💛💛💛💛💛👨‍💼服務💛💛💛💛💛🍽環境💛💛💛💛💛💦衛生💛💛💛💛💛💯抵食💛💛💛💛💛越風味地道越南料理📍旺角砵蘭街108號地舖

燒豬頸肉燒得外脆內軟，外層燒得好香口，仲有少少燶邊，食落又焦香嘅香味。豬頸肉裏面仲保持豬肉汁，好嫩身，口感唔會乾柴。一碟嘅份量都唔細，有八至九大塊。生牛肉牛骨湯河湯河嘅湯底非常夠熱，上碟嘅時候啲牛肉仲係生嘅，浸一浸就已經去到八九成熟，啱啱好。河粉亦都好幼身，滑脫脫。牛骨湯底味道濃郁，食得出應該冇落味精，食完唔會好頸渴。燒牛肉撈檬燒牛肉嘅醬汁味道好濃，唔使落撈檬醬汁成碗嘢都已經好夠味。最欣賞係花生同埋炸蒜片嘅份量好足夠，再加埋生菜絲，同埋其他蔬菜，所以食落去淡淡都有唔同口感。整體嚟講價錢親民，份量十足，非常抵食。

係油麻地一帶嘅一間越南餐廳，見到menu都有幾多選擇，有多款粉麵飯，仲有好多唔同嘅小食，所以就入左去試試。鮮茄蟹肉扎肉湯檬 鮮紅嘅蕃茄湯底望落好吸引，仲要好豐富有好多餸，有軟殼蟹 扎肉 豆卜 豬肉丸 香葉肉卷同蝦，岩哂咩都想試下嘅我。見到湯入面有新鮮嘅蕃茄，飲落微酸，另外有碟辣椒同青檬，可以自己再調較酸辣。咖哩軟殼蟹飯軟殼蟹分開一碟，保持香脆嘅質感。另外咖喱就用另一個碗裝住，入面仲有薯仔，按住自己喜好將軟殼蟹放入咖喱或者分開食。扎肉米紙卷煙靭嘅米紙包住新鮮爽脆嘅菜，係夏日食好開胃清爽。見到有好多嘅選擇，我就揀左扎肉，點埋酸酸嘅醬汁，真係好開胃。自家煲椰汁珍多冰椰汁都幾甜，加埋一條條嘅綠色粉條，又係消暑之選。

今天相約好友往油麻地行街shopping,行經砵蘭街,見有一間地道越南料理"越風味",正值下午都係醫肚嘅時刻,一於入去餵飽個肚😋😋😋進入店鋪地方雖然不大,但座位都算舒適.食品方面有好多選擇😋😋😋,越式湯河/檬類、越式撈檬類、太陽蛋飯類、越風美沙律、越式法包、廚師推介烹調、還有下午茶餐再配搭多款小食可供選擇.我哋就點了小食拼盤(春卷、蒸粉包、蝦餅、墨魚餅和扎肉)、特級手切生牛河和紅豆冰.越式春卷皮薄炸得香脆,放喺生菜面,配上點魚露和酸甜辣醬,入口清香美味👍👍😋蒸粉包用料勁多,粉皮嫩滑,入口味道豐富😋😋😋蝦餅和墨魚餅炸得酥脆好吃,配上生菜、魚露滿滿越式風味👍👍👍扎肉有濃濃的肉香味,非常可口😋😋😋特級手切生牛肉河真的要一讚👍👍👍一個好吃嘅生牛肉河粉精髓在於牛骨湯,能夠做到濃而不膩嘅湯底,真的值得一讚👍👍👍生牛肉被熱辣辣的湯底輕輕灼熟,嘅有牛肉味又不失嫩滑口感,大家真的要試試,.最後再嘆杯清甜又充滿椰汁味紅豆冰,肚皮舒服哂!"越風味"由正宗越南師傅主理,食材新鮮,味道可口值得推薦畀大家😋😋😋

越南美食以其獨特的口味和風味而著稱，好耐冇食總會掛念。今日跳舞後途經油蔴地發現了呢間餐廳，仲等咩呢？拿拿聲走入去。牛肉丸湯河轉為湯檬，似乎更越南，更地道，這是一道由檬粉、牛丸、豆芽和香菜製成的湯檬、再另配有辣椒和青檸，牛丸有5粒，真材實料，有弹牙口感，成個檬河味道鮮美，清淡怡人。朋友點嘅豬扒湯河也同樣轉為滿檬，湯嘅鮮美也令佢大為讚賞，分開上的豬扒保持幹身，有質感，我偷偷食咗一塊豬扒，好香脆可口。越式小食拼盤有春卷，蒸粉包， 蝦餅 ，墨魚餅 和扎肉 。這些小食全部都好新鮮，口感清爽，非常適合在炎熱的天氣裏享用，墨魚餅更令人難忘。冇飲越南咖啡，而揀咗阿華田和柚子蜜，唔使10蚊就有得飲，超抵，唔知仲有邊度有呢？

芒果軟殼蟹米紙卷 $68軟殼蟹炸得幾香脆、而且厚身、係炸粉和軟殻之下都真係有蟹肉。米紙卷都幾軟韌。蟹膏香爆雜菜煲 $72雜菜煲一上菜嘅時候，味道都幾香，蒸氣上頭到熱辣辣咁款。蔬菜有西蘭花，椰菜花，蘿蔔切片。味道唔算太鹹香茅豬頸肉撈檬 $68豬頸肉都燒得幾好，邊緣位置有炭燒咖色、入口味有炭燒的香味，而且texture 彈牙。檬粉口感都OK.兩杯野飲分別叫咗⋯⋯兩杯都幾大、抵飲足料🫘龍眼紅棗杞子茶和香茅薑茶餐廳侍應服務態度好好，親民 welcoming

Sun 14th May Mother's Day喺朗豪坊向油麻地方向行多兩個街口，就搵到佢。可以逃離 hot spot，又可以食返啲正宗嘅越南嘅。咖啡好正宗。睇住啲咖啡一滴一滴咁滴落去杯底嘅煉奶到，都幾療癒。同你喺越南街邊飲嘅一模一樣。鮮茄蟹扎肉湯檬。鮮茄湯底好醒胃。老闆娘話呢個湯底用咗唔少秘密材料新鮮蕃茄每日新鮮打出嚟㗎。蟹肉唔多但係勝在新鮮，扎肉正常爽口。炸軟殼蟹。推介 香口得來，又唔會炸到乾爭爭。同埋都幾大隻吓，咬落除咗有香脆嘅蟹殼，仲有鮮甜嘅蟹肉。酸菜牛肉炒飯。呢個配搭好醒胃，啲飯炒得幾好，粒粒分明。個碟仲係心型㗎，用嚟打卡都唔錯。墨魚餅。相比之下就比較一般。素春卷。一樣係炸得好香脆，裏面嘅餡料好多樣化，口感豐富。都係值得一試。

喺旺角行完街，啱啱好下午茶時段，就去咗越風味地道越南料理食下午茶！環境不錯，坐位寬敞。🌟🌟食物種類好多，湯河、檬粉、炒飯……加錢仲可以追加小食。🌟🌟手打蝦餅撈檬，蝦餅香脆可口，口感鮮香，檬粉幼滑，加埋惹味魚露，真係好食到不得了！🌟🌟越式春卷餡料十足，外皮香脆，內餡軟綿，食多兩件都唔覺得滯。🌟🌟海防牛丸湯河，份量十足，牛丸爽口彈牙，湯底濃郁鮮甜，加埋紅椒🌶️就惹味d。🌟🌟下龍灣墨魚餅，表面金金黃黃煎得香口，入口帶點彈力，充滿墨魚粒。🌟🌟椰汁紅豆冰、鹹檸七，大大粒紅豆充滿口感，鹹檸七味道甜中帶咸，炎炎夏日飲返杯真係一流呀！❤️❤️總括而言，食物抵食，價錢相宜，環境舒適，服務不錯！

啱啱係呢間野食左素春卷，咖哩雜菜飯。 個春卷係一條中既size斜cut變成所謂既兩條。 盛惠20。咖喱雜菜飯， 裏面包含豐富既咖喱水，幾片薄既紅蘿蔔，幾粒細薯，幾粒西蘭花，一d乾蔥。仲有少少菜尾，係有噏味。 充其量係咖哩水撈飯，盛惠48。如果今日唔係十五，大家肯定唔會睇到我呢篇血的控訴。 素食者完全中伏最後，我從空虛來，到空虛去。 感覺無食過野，空空如也。第一次寫食評，為左獻出第一個表情，同200字浴血奮戰，希望大家笑納。

行完朗豪坊做完facial ，係時候醫肚，想食下d小店，咁就隨心行下啦，啱眼緣就入，見到有越南嘢食，鋪頭新裝修價錢亦合理，俾個機會佢啦！鮮茄蟹扎肉湯檬 $62酸甜濃郁湯底好開胃，蟹肉鮮甜，大蝦新鮮，好足料，性價比高酸菜牛肉炒飯 $68酸酸甜甜嘅酸菜好爽口，加埋牛肉去炒飯，飯粒乾爽，粒粒分明，成個組合好惹味，越食越上癮軟殼蟹 $36乾爽香脆，蟹味濃郁，蘸蕃茄蟹膏湯食，啖啖驚喜墨魚餅$28香脆彈牙，唯獨係份量太少，唔夠食灼生菜$18用牛肉湯底灼至脆綠，估唔到好入味素春卷$20香口惹味，不過都係唔夠食滴漏咖啡 CafeFin $18越南特色，好飲過任何連鎖咖啡店出品熱奶茶 $0跟餐免費，濃郁香醇，茶底厚不知不覺食左好多嘢，越南嘢真係好啱夏天食，行開旺角不妨一試！

位於油麻地的親民越南菜餐廳，好受街坊歡迎☺️ 餐廳裝潢呈越南風，環境乾淨企理，食物價格合理，質素不錯，好抵食！食物選擇多，唔怕冇嘢啱食👍🏻 好適合朋友或家庭聚會晚市二人消費：$248 🫧不設加一費用🫧💖💖💖食評💖💖💖𝑭𝒐𝒐𝒅香茅豬頸肉牛骨湯河 ($68)✨ 好大碗，牛骨湯底味道清甜👍🏻 河粉口感很不錯，不易斷，份量多，豬頸肉好軟腍入味🥰香茅牛肉太陽蛋飯 ($62)✨ 牛肉口感軟嫩，香濃惹味，配上太陽蛋好好味🤤 份量多 好飽肚！越風味自製春卷（6件） ($68)✨外脆內軟，炸得好香口，餡料豐富 有粉絲、紅蘿蔔絲、菇等等😚 有附上生菜包住食𝑫𝒓𝒊𝒏𝒌椰汁芒果西米露（凍） ($28)✨自家煲椰汁西米露（凍） ($22)✨必點！椰香味好香甜，好味😚👍🏻

河內生牛河湯河 $58超足料 勁多牛肉🥰 牛骨湯底好濃郁 牛肉半租熟咁上 牛骨湯浸一浸熱就熟 唔會太老 十分嫩 $58 好大一碗 十分抵食！ 香茅豬頸肉撈檬 $68香茅豬頸肉超好食 煎到啱啱好 醃得好香 有濃濃既香茅味 而且份量都唔少 配上青瓜絲紅蘿蔔絲仲有啲山菜同埋花生碎 加上秘製醬汁 夏天食真係一流 清爽而唔油膩越風味小食拼盤 $118又係超抵食之選 仲有五款小食 炸墨魚餅 炸蝦餅 粉包 炸春卷 扎肉 所有小食都好好食🤤 最出色係炸墨魚餅同蝦餅 兩個都食啦係新鮮炸 唔係冰鮮野 春卷都好足料自家煲椰汁紅豆冰 $22超多紅豆 椰汁香濃 對得住$22 重點係呢間舖頭服務好好 但反而冇+1服務費！ 真心抵食

呢幾日都想食越南Phở 牛肉河粉，同埋香茅豬扒😌😌 所以去咗旺角砵蘭街，揾越南餐廳食。我哋入餐廳嗰陣時見到都坐滿，輪流有客人接住出入餐廳。坐低揀左餐牌上三樣野 & 一杯特飲。其實佢哋都有二人套餐、四人套餐。我地叫既嘢食好快就到生牛熟牛湯河粉夾咗出嚟見到芽菜好大條，粗身，河粉係有幼身既河粉，生熟牛各佔一半。而個香茅豬扒太陽蛋飯， 賣相算吸引太陽蛋好吸睛，sharp，橙紅色嘅蛋黃搖搖欲墜，令你好想即食。香茅豬扒入味，外表炸得好脆，所以我地入去見一隔離坐低左手嗰枱人都有叫呢個香茅豬扒。而呢碟蔥油都係必配香茅豬扒，好彩有叫店員拎番黎配香茅豬扒。😆😆小食拼盤依下面相逆時針次序在分別有春卷、蒸粉包、墨魚餅、蝦餅、扎肉小食拼盤勝在夠多種類，可以滿足貪心想食多啲唔同款嘅人。最後我們還是叫了杯特飲 - 青檸檬梳打，同現場應該都有三枱叫做呢杯特飲，證明都好受歡迎，飲落係幾清新。單如下😂

星期五收工去左旺角行街，所以嚟呢度食飯，揀左價錢貼地的越南菜！平均50幾就食到碗粉，仲冇加一添🥰我哋嗌咗一份青木瓜沙律，份量又係好多，食落酸酸辣辣，好鬼開胃🥰🥰我哋嗌左番茄蟹肉湯檬😝蕃茄味都幾靚，入面有好多豬肉粒，所以每一啖都好豐富㗎，上面仲有隻軟殼蟹同埋幾件扎肉，一個女仔食其實係食唔晒！另外都嗌咗一個墨魚餅撈檬，墨魚餅好彈牙，taste正常🤩豬頸肉都好大一份，而且燒得都幾香，每一件都有啲吹口，食落真係唔錯㗎！😝😝#hk #hkfoods #hkfoodie #hkfooddiary#hkfoodblogger#hkdessert#coffee#hkig#goodwest#hkfoodies#hkfoodporn#foodies#hkigers#hkfoodblogshare#好味道#好西#香港好西