越風味地道越南料理

营业中

休息中

酸辣鳳爪 $68鳳爪去掉骨，只剩軟骨，方便入口。配菜新鮮，尤其蘿蔔，非常爽口，調料惹味，酸辣甜有齊，係出色嘅開胃菜！蝦餅 $68蝦餅香脆，厚度適中，配上酸甜醬，啱晒鍾意食香口嘢嘅我^^豬頸肉撈檬 $68大片大片豬頸肉，油脂滿溢，入口啖啖肉又即融，超正！撈檬爽口，夏日食就至啱！軟殼蟹咖喱飯 $82軟殼蟹外面香脆，裏面軟綿，配埋甜甜哋一啲都唔辣嘅咖喱飯，幾啱港人口味！芒果沙冰 菠蘿沙冰 每杯$38甜咗少少，但夏日飲返杯補充體力都啱！青檸梳打 $18朋友唔夠喉，叫多杯嘢飲，哈哈整體感覺幾好食，員工都幾nice，服務態度ok，值得試下！

今日又去咗旺角鑽窿鑽罅搵嘢食，試吓越南嘢先！六點幾呢間嘢就好多人，試吓係咪真係咁好食先。我哋先試咗「小食拼盤」（$118），種類好多好豐富，仲用埋越南嘅竹籃盛住，好有儀式感。拼盤有扎肉2塊、蒸粉包2個、蝦餅4塊、墨魚餅4塊，仲有大春卷，認真抵食，呢度啲炸嘢超級香脆，每樣都咁滋味可口，蝦餅、墨魚餅嘅味道都好出，而我特別鍾意大春卷，入面係滿滿嘅豬肉同其他配菜，塞滿全個口，超滿足！另外又叫咗一客「蒜茸牛油雞翼」（$58），四大隻雞翼一上碟就聞到勁香噴噴，一咬落去蒜香牛油味攻曬出嚟，又非常熱辣辣，真係一試難忘！主食我哋叫咗一客「香茅豬頸肉牛骨湯河」（$68）同一客「軟殼蟹撈檬」（$76），無諗過呢度嘅豬頸肉先係NO.1，廚師燒到豬頸肉有少少脆邊，而且肉質甜香味道濃重，撈埋啲河粉嚟食真係一流！湯河好大碗，而湯底因為係牛骨熬煮，飲落格外鮮甜。撈檬就好特別地有軟殼蟹食，嚟到一分為二嘅軟殼蟹已經令人垂涎三尺，配埋特製酸汁，成個檬粉好開胃好好食，軟殼蟹亦炸得啱啱好，唔會油膩，仲有啖啖蟹肉！嘢飲方面，我哋叫咗一杯「越風味咖啡沙冰」（$38）同一杯「自家煲椰汁珍多冰」（$22），用咖啡嚟做沙冰都真係比較少有

位於砵蘭街嘅越風味地道越南料理位置一啲都唔難搵👍🏻老闆通常都係企喺門口到招客 介紹有乜好食今日路經此鋪 見鋪內座無虛席得返一張兩人枱 心諗咁多人黎食 應該都唔錯所以就同老婆入內食個晚飯🕺睇睇餐牌 有套餐同好多湯粉 炒飯炒餸 小食揀👍🏻我同老婆又唔係食得多 反而想試多啲小食所以叫咗一個越式雞扒湯檬 同 慢煮牛腩法包做主食😋湯檬碗粉一黎到就覺得超大碗碗內仲有好多香料👍🏻 食落香氣撲鼻配埋炸至甘脆乾身嘅雞扒 100分👍🏻慢煮牛腩法包：份量非常之大 內裡配料亦唔吝嗇咬落百感之味滿滿 牛腩夠淋 配料香草味出蔬菜新鮮多汁 法包亦搽滿牛油 口感香濃👍🏻👍🏻另外我地亦有叫牛油果軟殼蟹米紙卷賣樣亦出眾 打卡一流🤣👍🏻食落米紙卷包得夠實軟殼蟹新鮮炸 香脆冇臭味👍🏻亦有牛油果香 配上粉絲紅蘿蔔生菜 口感一流😋炸香茅雞翼亦都係即叫即炸 外脆內嫩👍🏻一咬出哂煙 大家食果陣都要灘一灘凍先好食😂下龍灣墨魚餅 每一塊好充滿墨魚細粒咬落好有口感 墨魚味亦夠出 一食就知用料新鮮👍🏻 點上酸辣醬一齊食 非常好食👍🏻飲品方面 我叫咗自家煲椰汁珍多冰😋老婆叫咗熱龍眼紅棗杞子茶珍多冰椰汁味香濃 飲落亦有咬口 非常吸引👍🏻熱龍眼紅

❣特級手切鮮生牛肉湯河 $86 (讚👍🏻)特級手切鮮生肉果然有料到! 牛肉好鮮嫩,極林,牛肉味濃！ 有種入口即溶感覺😍湯底加埋配料好濃旭～ 河粉煮到岩岩好， 唔會過熟煮到碎晒！ 一定要加埋青檸汁同少少辣椒落去! 味道較突出更加惹味😍😊成個組合味道好match! ❣軟殼蟹米紙卷(4件) $62 （必叫😍）軟殼蟹炸到好脆口 而且無炸到乾晒身！ 配埋越式粉絲, 青瓜絲, 酸酸醬等, 食落好清新, 唔會有油膩感! 好好食呀! ❣蟹膏香爆雜菜煲 $72 (好香～ 好惹味👍🏻）份量好多, 有西蘭花, 椰菜花, 蝦乾而且好香既蟹膏味! D菜索晒蟹膏精華～ 味道濃旭😍停唔到口😊❣越式金不換牛柳粒 $108 (極推）第一次食越式金不換牛柳粒! 有驚喜呀！ 牛柳粒超林❤️配埋金不換 更加惹味! 鑊氣好夠! ❣ 青檸梳打 $18 & 可樂 $9成個口腔好清新❤️ 好爽呀😊仲要讚既係待應們好有禮～服務好! 下次我要再黎❤️佢地個menu 款式有好多～ 仲有好多野想食👍🏻而且CP值好高!

終於到星期五，又係出去食飯嘅日子。今次就揀咗喺旺角食，好耐冇食過越南嘢，就比次機會佢啦。點知又真係比我執到寶woo😙越式香辣肉碎生菜包（$88）香香辣辣好開胃，佢嘅辣都唔算好誇張，所以食得辣嘅朋友仔可以試下🤗經典越式法包（$62）包本身焗得好脆身，加埋扎肉同埋烤肉再配上新鮮嘅蔬菜，仲有九層塔調味，口感好豐富👍安南鮮蝦米紙卷（$56）我自己本身就好鍾意食米紙卷嘅，貪佢口味軟軟糯糯咁☺️加埋彈牙嘅蝦肉，好味！最後，我哋仲叫咗個馬拉盞炒通菜（$88），正常水準😚都唔差架🤗食越南嘢，點少得越南咖啡呢？我就叫咗越式咖啡（$16），朋友就叫咗越風味咖啡沙冰（$38）。好香嘅咖啡味，中意咖啡嘅朋友仔依2款都可以試下❤️

今日同朋友去左旺角呢間好近地鐵站，位於砵蘭街嘅越南菜餐廳—越風味地道越南料理。餐廳環境乾淨，有d越南風景畫做裝修。餐廳都幾貼心，有紙巾提供。鮮榨青檸梳打味道清新，消暑解渴一流！鮮榨牛油果沙冰上到嚟杯野夠曬冰，喺夏天飲好爽。杯嘢唔會好甜，飲到好重新鮮牛油果味。越風味小食拼盤蝦餅同墨魚餅煎得好脆，好香口。春卷同埋蒸粉包入面d餡都俾得好足。越風味珍寶火車頭湯河我地叫左一人份量share，都好大份，有生牛肉、扎肉、牛丸同埋牛腱，河粉掛住d湯好鮮甜。越式青木瓜沙律份量好足，兩個人食差d食唔曬。食落幾開胃。經典越式法包好足料，個包咬落去仲脆卜卜。入面有隻蛋仲係流心嘅，好味！呢間餐廳價值合理，又唔收加一，d嘢又好食，一定會再去！

每星期一次去旺角上堂，有樣好煩既問題就係要諗食咩好，呢幾日好鬼熱又冇乜胃口，想食啲清淡啲嘅野就揀左食越南菜。入到去半滿，但唔迫，座位幾舒服。睇餐牌以越南菜黎講，食物選擇算幾豐富，湯河/檬主要係牛骨湯底，配不同嘅餸，早少少黎仲送野飲。順化豬手&牛肉湯檬我揀左呢款湯檬，因為有兩個餸感覺抵食啲，黎到發現真係好大碗，料又多。湯底比起一般既越南餐廳濃味好多，相信係因為呢碗除左係牛骨湯，仲係因為順化version，用料調味豐富好多，有辣椒少少嘅辛辣，香料嘅香味，蔬菜嘅甜味。豬手好大舊，好入味。牛肉係牛𦟌位，好滑入味，檬粉係類似粗少少既米粉，但相對吸湯同順口好多，係真心好食嘅三色冰因為真係太熱忍唔住叫多左杯野飲，應該搵唔到比呢杯更正宗嘅三色冰。綠色粉條好爽口，紅綠豆仁都好淋，椰漿好滑，消暑一流。 朋友叫既牛肉湯河，睇落都幾正，佢話似係純牛骨湯河，甜度好足，下次可以試下

砵蘭街好多其貌不揚既隱藏美食店🧐今晚試左呢間越南料理😀首先係俾門口的店員熱情招攬下才決定要進店享膳的😇店入面枱數不多 但平日晚上都8成滿😯看來真係幾有實力 先有咁多捧場客用暖黃長吊燈再配綠色牆身又令人覺得有幾分溫馨感喎🤣豬頸肉牛骨湯檬🍜肉係分碟上 呢樣要讚❣️因為浸落湯的話除左會淋哂之外會影響埋個湯底既味份量足 豬頸肉都有好多嚿下❗仲要係都有返咁上下厚度同大塊唔係坊間果D薄片仲要切成條型燒到有D脆邊 無over-cooked岩岩好係粉紅色嫩嫩地👍🏻就算無點醬汁都夠味牛骨湯底 完全無油🫶🏻🫶🏻濃! 飲得出唔係味精 係自己落料煲出黎飲到底一D都唔口渴大推👍🏻👅越式蝦多士 (4件)🧀🍞🦐俾佢D流心芝士驚艷左佢唔係原隻蝦 而係打成蝦膠再夾係入面炸好味! 只係上枱唔夠熱 爭咁D溫度🤏🏻芒果西米露🥭🥤唔係放飲品menu同埋有圖真係以為係甜品一碗碗那種🤣芒果粒唔算多 但唔酸 合格的😉西米可以煮耐少少 因為有部分痴埋哂一嚿而唔係粒粒分明🥲甜度適中 無過甜整體上菜速度都幾快選擇款式都好多下次想再試埋佢既串燒同咖哩Btw, 老闆好友善🗣️ 💕會同食客傾計又會問下D野岩唔岩胃口

好耐冇食過越南嘢 突然好想食檬粉 搵咗一輪就入咗呢間越風味 食越南嘢梗係一定要嗌個生牛肉 不過唔係特別鐘意食河粉 所以嗌咗湯檬 啲牛肉好嫩 上送到嚟浸一浸湯就熟得啱啱好好鐘意個湯底 係好清甜嘅牛肉湯 飲完唔會好口渴 加埋辣椒粒 食落辣辣地仲惹味 📍河內生牛肉湯檬係op見好多人推呢個鮮茄蟹肉扎肉湯檬比較少見越南嘢有呢種湯底 第一次試個湯飲落去飲到蟹鮮味 可能因為蕃茄成個湯鮮甜但又唔會有海鮮味嘅腥入面都好足料 特別蟹肉炸完後浸湯 好吸湯好正📍 鮮茄蟹肉扎肉湯檬📍越風味串燒拼盤個串燒好重香茅味 啲肉唔會太柴 個沙嗲醬花生味再重啲會惹味啲見佢地仲有啲set幾抵 下次可以試吓

話說好耐冇去越南旅行，今日放工同朋友經過旺角想懷念一下之前旅行嘅味道，就選了這間越風味地道越南料理😎入到去餐廳整個裝潢風格非常有越南特色，而且燈光柔和舒適，仲有越南漁船帽一頂又一頂咁掛係牆上，有用心裝修，而店員的服務態度也不錯及有禮👍餐牌嘅選擇都好多👏🏻最後眼闊肚窄我哋點了👀越風味珍寶火車頭湯檬（1位用）$88上枱就覺得真係好大碗，而且份量十足，該有的牛肉 牛丸 扎肉 牛腩款式都齊，而且牛肉肉質鮮嫩，加上越式湯底及配料青檸汁、辣椒後特別惹味同開胃。椰青$38仲有我好掛住既大大個椰青，椰青汁鮮甜可口，裏面仲有滿滿香甜嘅椰青肉，更加開胃可以食更多野🥰仲有點了芒果軟殼蟹米紙卷（4件）$68米紙卷皮薄，裏面包了厚厚的軟殼蟹肉、芒果及其他越式配料，整體配搭得很好😋食越南嘢，當然唔少得蝦多士啦！💚芝士蝦多士（4件）$45整體很香口及鬆脆，芝士、蝦肉與多士比例剛剛好😆表面灑上芝麻令到整體更加香口👏🏻蒜蓉牛油雞翼$58💛啱曬雞翼控嘅我哋，雞翼嘅皮炸得好香脆，入邊嘅肉嫩滑👍食晚餐當然唔少得食菜啦😎蒜蓉炒時蔬$58而時蔬我們點了生菜，表面還鋪了我喜歡的炸蒜，圓滿了今晚地道既越南料理🙌🏻仲有好多食物想食，呢

急急腳搵食，上OpenRice見好多好評，經過就試一試。由結論講起，非常普通，可能係我嗌嘅食物太普通，所以食落嘅感覺係普通中嘅普通基本裝修格局，以食個快飯黎講冇咩好要求通常食越南嘢，都會叫生牛肉湯河。湯河最緊要係個湯，好嘅湯底，可以提升成件事。呢個係典型味精湯，冇特別，食完後唔會有想飲多兩啖味精湯的內心掙扎。好既地方係牛肉份量好多，食極都仲有，但味道唔算出色。西米露加芒果，偏甜，可以唔使叫，故事教訓我，下次試新嘅越南餐廳，都係叫返青檸蘇打安全啲可能其他食物會出色啲，但旺角咁多選擇，我都唔會再揀呢度

突然間風雲色變，唯有改變去朗豪坊的行程，直接在就近吃午飯。在砵蘭街下，綠燈光閃閃的「越風味越南料理」成為了今天避雨的美食天堂。三步併作兩步，走了進去，回頭一看，雨越下越大，信步入內找了個位置坐下來。鮮茄蟹肉扎肉湯檬:蟹肉脆炸，放在湯面上，依然保持脆身。越式蝦多士:脆身外皮，蝦肉滑，芝麻作襯托。完美蝦多士完成。牛油果蟹米紙卷:越是越南特色，越是風味濃厚。牛油果，蟹肉，卷在一起，妙在無窮。每一份食材都緊緊揍在一起，環環相扣，將食物的鮮味溶合在一起。越式鷄扒法包:鷄扒法包又是另一特色食物，用烤煮過的鷄扒，用硬身脆口的法包夾著，一口咬著，連著新鮮蔬菜，一口享受。隨著享受過這頓午餐，紅雨的警報也隨之而除下，今天有幸來到此處，幸甚。

［旺角］越風味地道越南料理特級手切生牛肉湯檬食剩指數:0/100手切生牛肉有胡椒調味落到湯半生熟狀態食落口感軟腍又夠牛肉香味湯底夠濃.雙色扎肉牛骨湯檬食剩指數:0/100扎肉有兩款一款正常口感一款比較彈牙如果厚切就更爽😆牛骨湯都好有味食完都唔會口乾～.香茅豬頸肉食剩指數:10/100外層燒得好香口食落有焦香口感唔會乾柴夠彈牙.自家煲椰汁紅豆冰食剩指數:0/100紅豆真係自家煲好淋好甜椰汁都好香.地址:旺角砵蘭街108號地舖

我同朋友都好喜歡食越南料理😋，剛剛在旺角砵蘭街附近行嫻逛，知道附近有一間正宗嘅越南料理（越風味地道越南料理），於是上門試一試，一入門口店內已經坐滿了好多人，可想而知幾受歡迎。✨✨✨店舖裝修簡約，用了幾幅越南風景圖畫🏞️作裝飾。餐牌種類選擇都好多，有湯河、撈檬、飯類、小食和套餐等......而且價錢唔貴抵食！👍🫶😋生熟牛🐮河$62碗粉🍜都幾大碗，生熟牛肉🐮各半，熟牛肉似牛腩但肉身薄啲肉質很淋，湯底鮮甜唔係味精湯底，係自家熬煮牛骨🐮而成，河粉索曬啲湯汁好正！👍💯🤤豬扒🐷🥩撈檬$58豬扒都幾大塊🥩表面煎得金黃，食落肉身唔硬，好juicy😋，撈檬配上自家調製的酸辣醬汁一齊吃，好開胃！🫶牙車快（雞絲🐔沙律🥗）$62開胃前菜沙律🥗，分量大大份2至3人都夠食，大量雞絲🐔再配合青瓜🥒、椰菜絲、紅蘿蔔絲🥕和花生粒🥜，配自家調製的酸辣醬汁，酸酸甜甜小辣，十分惹味！🫶💯墨魚🦑餅$68經理推介墨魚🦑餅，是從越南下龍灣空運✈️到舖頭的，墨魚🦑餅表面煎得金香，內裏肉質彈牙，吃落還有少許墨魚🦑粒碎，很有口感，值得推薦！💯💯💯💯💯💯🫶飲品叫了：咸檸七梳打$18 鮮榨青檸梳打$18青檸

越風味地道越南料理 (旺角)香茅牛肉湯河🍲🍲湯河外皮Q彈有嚼勁，配上嫩滑的牛肉和香氣四溢的香茅湯底，好好味😍😍豬頸肉蛋飯🍖🍚豬頸肉煮得剛好，口感肉嫩多汁，配上煎得微微焦香的蛋😊😊好吸引👍👍小食拼盤🍱春卷、蒸粉包、蝦餅、墨魚餅和扎肉的拼盤春卷和蒸粉包的皮薄餡多，蝦餅和墨魚餅的煎得酥脆，鮮味十足😚😚扎肉入口鮮嫩，十分美味🥰🥰白灼生菜🥬🥬生菜新鮮爽脆，健康😆😆薑茶薑茶加上檸檬🍋滋潤解渴💕💕椰青🥥清爽的飲品，椰汁的甜味和椰肉的鮮嫩口感，正😍😍地址：旺角砵蘭街108號地舖整體評分：4/5味道：4/5抵食：5/5環境：4/5