越棧越式湯粉專門店

放工同媽咪去了屋企附近的越南餐廳食晚飯，餐廳店員非常有禮貌，而且主動快捷收碟及下單，值得一讚。其次食物價錢超值，晚餐全部都是四十蚊起，還包飲品，而且款式不少。越式蝦餅蝦餅外層煎至有韌性，裏面蝦膠肉質彈牙。越式春卷4件春卷以米網包裹，炸至鬆脆，裏面是蘿蔔等素菜，簡單且不油膩。越式火車頭湯金邊粉金邊粉爽滑，配上牛丸、牛栢葉、生牛片等，非常豐富，湯底有淡淡的牛骨甜味。無骨海南雞飯雞油飯味道較淡且不夠香，雞肉已去骨且夠嫩滑，旁邊還有些醃蘿蔔及椰菜。椰汁紅豆冰&椰汁沙冰特飲跟餐全部半價$13，兩杯椰汁味濃郁且甜，前者紅豆煮得很腍且多豆；後者則有椰香。…查看更多

特別牛河，胡椒牛札肉，金肚絲，牛腩片，生牛肉，非常大碗香茅豬排撈檬，撈檬有多款香口佐料，包括青瓜片，番茄片，蘿蔔絲，蔥，生菜絲，炸蒜片，花生碎，配上越式魚露非常開胃生牛河分量大，好多河粉，好多牛肉，因為小朋友食所以叫左全走…查看更多

Today I really felt like having Thai/ Viet food and at the end, I chose the latter one.The set for one got a decent price and you could enjoy noodles with one topping, and you also got a drink. Looks pretty attractive.But the fact is ... the 生牛河 I ordered was disappointing. The beef slices were SO OVERCOOKED, almost all of them were well-done, and the soup didn’t get much flavor.This was a disappointing meal.…查看更多

今晚ot到8點，返到美孚9點幾，本來想食太記，但已經收左，咁就食隔離個間越棧啦，橫掂好耐都無食過越南野！咁大個餐牌都一樣係揀返孤獨一人套餐，揀左香茅豬扒湯金邊粉，配凍檸茶。$58豬扒雖然大塊，但炸得乾左少少，至於粉呢，我鍾意食金邊粉，仲好鍾意d配料！…查看更多

越式牛脷湯檬@荔枝角越棧越式湯粉專門店- 湯底清甜帶鹹香，牛骨味濃郁，溫和清潤暖胃- 配料多樣，為湯底添上多重層次。青蔥花爽脆添香；把金不換浸入湯中，期待它遇熱後會散發香氣，惟因不夠新鮮，故香味未能融入湯中，但咬下去時仍是香味濃郁的，只是有點霉；少量芫茜夾雜在蔥花之間，成功添香同時沒霸道地搶去湯底的風頭；少量乾蔥粒及生洋蔥幼圈添辛辣，清爽惹味；生芽菜粗身飽滿，爽脆清甜- 牛脷一片腍滑，另一片煙韌，後者更羶香- 檬粉爽滑但沒米香- 青檸角、指天椒粒及魚露按要求奉上。青檸角及指天椒因早已切好準用，在空氣曝露過久導致頗乾身，青檸只能擠出十滴以內檸汁，指天椒亦乾巴巴了無生氣，雖鮮度不足，幸好味道猶在。將配料加入檬粉後，整碗湯檬的味道變成鹹辣帶青檸清香，又是另一番風味*餐牌上附有越菜小知識，有趣…查看更多

中午吃什麼，真是一個難題，四處游逛都拿不定主意，今天天氣有點熱，不太開胃，行下行下，見到「越棧越式湯粉專門店」，門口望左下餐牌，可以哦，于是入座。好在越南特色的藍色+黃色，令到整間餐廳看起來乾淨有份圍。簡簡單單，中午飯，order左一份「健康三色紅米飯」配香茅豬扒，香茅雞翼，越式札肉蝦片跟一杯自選飲品，一共62蚊野飲方面，可以加錢轉特飲，我今次冇轉，order 左凍檸茶少冰最鐘意糸佢地既自家制檬汁，酸咪咪，十分開胃相比其他菜餐廳，這個午餐質素相當高，環境衛生有特色，侍應態度好親切，一入到已經招呼到位，令人很舒服，而且晤洗加一服務費😌…查看更多

接完小公主放學，想係學校附近吃簡單一點，就到越棧叫了一碗扎肉豬頸肉金邊粉慢慢品嘗😋最近吃得紅肉多，轉轉口味吃札肉，湯粉則是金邊粉🤤金不換飄來淡淡香氣，引人食慾😈洋蔥、辣椒等配料都一併先放到碗裡了金邊粉都幾滑，扎肉味道不錯，而且是長方的厚切版，不像不少地方的扎肉般薄如蟬翼👍🏻豬頸肉口感腍中見彈性，肉色粉嫩，幾好食🙌🏻總括黎講，食物不錯的，不過湯底好多味精...食完返到屋企，整天不斷要狂飲水😰服務方面，剛剛開門做第一枱客，姐姐們都好好禮貌👍🏻講到尾如果食一碗越南河粉可以配埋甜醬、辣醬就更滿足😆…查看更多

食完飯，侍應收拾枱面，整污糟我件衫，本來諗住同食肆反映，自己回家洗，洗唔倒，就拎去洗衣店洗，洗衣費用應該由食肆負責，但店員竟然不會賠償。店員話公司冇這個規矩，問邊個員工整污糟，就叫嗰個員工自己負責任。由客人自己與員工直接處理，都係第一次見！問公司邊個係負責任，都唔敢講，問收銀員佢貴姓，佢回答「係part-time」，咁大間公司，處理客人嘅投訴，都唔識做，冇機制，廚師整啲嘢食好到似米芝連，都冇用啦！客人有問題，要投訴，唔係要個員工出嚟，話有份工自己負責任，要客人同員工直接處理投訴，負責人放假，就無人處理！…查看更多

服務態度好差！！完全唔覺得有服務！叫佢攞啲辣椒青檸，佢叫我等等，但係間餐廳並不多人，我等左一陣佢都冇意思拎俾我，要自己起身去攞！！！食物質素低！！叫咗個生牛肉，啲湯凍的！香茅雞翼冇香茅味！ …查看更多

裝修好好...............但食物真心難食...........食到一半走左.........唔明點解投資禁多裝修但食物可以差到哩個地步..........春卷係淋而無味...........牛肉粉湯底淡到無色無味......:.:河粉又硬又粗😡.........之前行過見到..........以為有正野試................一心開車過來食，超級失望😭............…查看更多

Waiter 唔係好理人。野食ok，會再來外賣。Final minor note - 今日聽左 John Legend's Ordinary People 7 次。可否轉歌？ 😂😂😂…查看更多

工作關係要喺荔枝角消防局附近找地方食lunch, 心想行去美孚方向搵食實無錯。經過第一間太X燒味連鎖店，無大興趣。之後接住一間門口飄逸著越南味道的越棧，香港仔店是我經常幫襯，心諗點都唔會差得去邊，自己又唔想再行咁遠搵野食。入到去發現完全沒有顧客，已經係工作天的12點，午餐時間點解會出現咁嘅情況?二話不說就點了我嘅例牌，生牛肉湯河+咸檸7。第一眼就發現唔對路，點解塊羅勒葉咁嘅樣 ?有一點點黑色東西，瘀瘀黑黑咁! 即時俾我夾走左。慣性當然係飲啖湯先啦，但係點解咁淡嘅? 同食開果間好唔同。OK, 再夾下D生牛肉，點解係碎濕濕又多筋嘅? 再嘗試尋找必備嘅爽口芽菜，點解得幾條開始生銹支離破碎嘅殘骸? 洋蔥圈都係得幾圈.....點解碗河粉帶俾我咁多問號 ?咸檸7又偷工減料，咸檸少得可憐，成餐野收我58蚊，早知就去太興食! 唔怪得頭先經過咁多人啦。點解依間越棧差咁多? 點解?ps. 洗手間仲要出門口行幾分鐘，去到老遠嘅曼克頓山商場1樓先有…查看更多

星期五晚餐廳都唔太多人，入到去一直企都冇人理。最後d人自己入去坐。全程冇人理。終於有人睬下肯落單，塊面黑到好似得罪左佢咁。個匙污糟左想換過另一個既。態度真係差到無極。最後真係頂唔順，走人。Friday night想食餐飯，最後去隔離食返個happy dinner. …查看更多

昨晚一家人經過就入去試下，每人叫咗一碗撈檬,一碟串燒，一碟拼盤，啲食物唔好食，服務態度又差，嗌都冇反應，埋單三百幾，正常唔算貴，但咁既質素就唔值，以後請都唔會再嚟…查看更多

如果你對食物沒有要求，只求填飽肚，是可以選擇的。洗手間要行一段路，洗手間現場，沒冷氣，好焗，好熱，唔乾淨。*還有段小插曲：食物上有「蚊滋」仔，職員不但沒有道歉，雖然沒有說話，但我表演出一幅不滿的樣子！*…查看更多