越南表嫂

午餐经过见到好多人排队，又有时间就试吓。叫咗猪颈肉汤河、越南春卷，同埋一杯越南泡沫咖啡。猪颈肉汤河非常普通，汤底尚可，约$5-60一碗汤粉，没有跟餐饮品，价钱小贵。春卷都几好，热辣辣炸起，春卷皮够脆，馅料都几多。泡沫咖啡都好饮，不过就唔系好够冻。环境就比较差，坐得好迫，同埋要搭枱，侧边侍应会走来走去，好繁忙。令人感觉食得好赶急。如果经开又唔使等位，试吓都可以。不过想坐得舒服啲倾吓偈，就不是一个好选择。…查看更多

星期日下午两点到埗时无位，于是攞飞喺门口外等位，随后亦有另外两人攞飞等。等咗大约五、六分钟有人埋单出嚟，我谂住等店员执埋台先叫号码，点知哩个时候接连有两组人直接行入去座低咗，我同店员讲，你哋头先俾咗筹我，点解其他人无攞飞就先入座？然后两个店员就互相闹交，阿姐A问阿妹B，咁多位做乜要派飞？B就话啱啱先有位，头先系满晒，但我就揸住张飞企喺度睇佢哋表演。咁啱有张二人台食完我先至有得座(打尖入去果台已经嗌完嘢食)，叫咗个火车头汤河加蒜蓉牛油鸡翼。碗火车头啲生牛肉系咁嘅：超熟，超韧，超嚡，硬到成块黑板咁。其他𩠌无乜嘢，无惊喜亦无大问题之后差唔多食完碗粉个蒜蓉牛油鸡翼先至到，味道本身系OK，都脆口嘅。餐牌写6只但我哋得到7只。但成碟鸡翼都系俾油浸住。我知你系叫蒜蓉牛油鸡翼，但系咪真系要成碟油咁俾我呢？仲有系我座咗喺厨房门口位，每次有员工出入我都俾佢撞到，成个由入座到食完嘅过程都令人不愉快，应该无下次了。…查看更多

见啲评语(未入舖前)都好好. Bookmark咗好耐, 终于过嚟试.我嘅习惯, 初次试一定系生牛肉粉. 可转金边粉加一分. 首先, 呀姐摆碗粉上枱时见佢带住花卉手套🧤嘅手指公👍🏻成只队咗入碗粉度, 内心真系🤬味道: 汤底偏咸, 有少少牛骨味但缺乏鲜甜. 碗粉上枱牛肉已偏熟, 牛肉有啲靭, 而且完全冇牛味. 唔会有芽菜分开上, 减分. 环境: 有啲污糟, 地下滑潺潺的. 加上好几只乌蝇不停嬲嚟嬲去, 一路坐得好唔舒服.整体上, 普普通通, 不过不失, 但唔会再去咁啰. 又或者系, 期望越高, 失望越大.感觉佢入咗舖好似冇咗heart, 可惜. …查看更多

家庭式餐厅管理混乱：等位时写number写错number，捞乱我哋同后面。嘢食漏扎肉，对面漏春卷，单都冇比。食物味道系正常。个环境恶劣嘈到头痛。有个几岁细路仔喺我哋隔离台食饭，冇大人睇住，应该系老板的或者员工的，因为有后厨员工接走同台细路女，有员工间唔中行过同佢讲句。周围得我哋呢两台，正常人出街食饭会睇住自己小朋友。全程开电话打机打到嘣嘣嘣嘣声，我食到背只骨落。最惨一阵食食下佢突然中个头落我碗嘢度闻下味咁，吓我一凸。细路仔顽皮如果系其他食客无睇住都唔关你哋事，但佢系你间舖的，你哋纵容佢滋扰食客。呢个价钱，冇人要你哋比酒店服务。起码有一个正常环境比人食餐饭。真系冇下次。👎👎👎…查看更多

平时喺西菁街网球场上完堂之后，教练都话去食呢间，今次就试吓究竟佢有啲咩魅力！～越南咖啡真系好香，同埋入口系好smooth、foamy嘅口感，个人都几钟意！仲试咗猪扒饭包！好食！好脆！仲好足料！食咗三份二个包就已经好饱… 推介！如果要坐喺𠮶度食，有洁癖嘅朋友可能唔太顶得顺… 不过绝对推荐各位买外卖返去试！…查看更多