越南表嫂

午餐經過見到好多人排隊，又有時間就試吓。叫咗豬頸肉湯河、越南春卷，同埋一杯越南泡沫咖啡。豬頸肉湯河非常普通，湯底尚可，約$5-60一碗湯粉，沒有跟餐飲品，價錢小貴。春卷都幾好，熱辣辣炸起，春卷皮夠脆，餡料都幾多。泡沫咖啡都好飲，不過就唔係好夠凍。環境就比較差，坐得好迫，同埋要搭枱，側邊侍應會走來走去，好繁忙。令人感覺食得好趕急。如果經開又唔使等位，試吓都可以。不過想坐得舒服啲傾吓偈，就不是一個好選擇。…查看更多

星期日下午兩點到埗時無位，於是攞飛喺門口外等位，隨後亦有另外兩人攞飛等。等咗大約五、六分鐘有人埋單出嚟，我諗住等店員執埋檯先叫號碼，點知哩個時候接連有兩組人直接行入去座低咗，我同店員講，你哋頭先俾咗籌我，點解其他人無攞飛就先入座？然後兩個店員就互相鬧交，阿姐A問阿妹B，咁多位做乜要派飛？B就話啱啱先有位，頭先係滿晒，但我就揸住張飛企喺度睇佢哋表演。咁啱有張二人檯食完我先至有得座(打尖入去果檯已經嗌完嘢食)，叫咗個火車頭湯河加蒜蓉牛油雞翼。碗火車頭啲生牛肉係咁嘅：超熟，超韌，超嚡，硬到成塊黑板咁。其他餸無乜嘢，無驚喜亦無大問題之後差唔多食完碗粉個蒜蓉牛油雞翼先至到，味道本身係OK，都脆口嘅。餐牌寫6隻但我哋得到7隻。但成碟雞翼都係俾油浸住。我知你係叫蒜蓉牛油雞翼，但係咪真係要成碟油咁俾我呢？仲有係我座咗喺廚房門口位，每次有員工出入我都俾佢撞到，成個由入座到食完嘅過程都令人不愉快，應該無下次了。…查看更多

見啲評語(未入舖前)都好好. Bookmark咗好耐, 終於過嚟試.我嘅習慣, 初次試一定係生牛肉粉. 可轉金邊粉加一分. 首先, 呀姐擺碗粉上枱時見佢帶住花卉手套🧤嘅手指公👍🏻成隻隊咗入碗粉度, 內心真係🤬味道: 湯底偏咸, 有少少牛骨味但缺乏鮮甜. 碗粉上枱牛肉已偏熟, 牛肉有啲靭, 而且完全冇牛味. 唔會有芽菜分開上, 減分. 環境: 有啲污糟, 地下滑潺潺的. 加上好幾隻烏蠅不停嬲嚟嬲去, 一路坐得好唔舒服.整體上, 普普通通, 不過不失, 但唔會再去咁囉. 又或者係, 期望越高, 失望越大.感覺佢入咗舖好似冇咗heart, 可惜. …查看更多

家庭式餐廳管理混亂：等位時寫number寫錯number，撈亂我哋同後面。嘢食漏扎肉，對面漏春捲，單都冇比。食物味道係正常。個環境惡劣嘈到頭痛。有個幾歲細路仔喺我哋隔離檯食飯，冇大人睇住，應該係老闆的或者員工的，因為有後廚員工接走同檯細路女，有員工間唔中行過同佢講句。周圍得我哋呢兩檯，正常人出街食飯會睇住自己小朋友。全程開電話打機打到嘣嘣嘣嘣聲，我食到背隻骨落。最慘一陣食食下佢突然中個頭落我碗嘢度聞下味咁，嚇我一凸。細路仔頑皮如果係其他食客無睇住都唔關你哋事，但佢係你間舖的，你哋縱容佢滋擾食客。呢個價錢，冇人要你哋比酒店服務。起碼有一個正常環境比人食餐飯。真係冇下次。👎👎👎…查看更多

平時喺西菁街網球場上完堂之後，教練都話去食呢間，今次就試吓究竟佢有啲咩魅力！～越南咖啡真係好香，同埋入口係好smooth、foamy嘅口感，個人都幾鍾意！仲試咗豬扒飯包！好食！好脆！仲好足料！食咗三份二個包就已經好飽… 推介！如果要坐喺嗰度食，有潔癖嘅朋友可能唔太頂得順… 不過絕對推薦各位買外賣返去試！…查看更多

員工無論收錢定整法包都帶住藍色手套收錢又唔除手套 掂完銀紙手唔沖水即刻掂返法包 ……以為佢咁岩唔記得左………………點知我見佢整左4-5個 每個都係咁……………個法包味道係幾好 夾完配料再用焗爐焗返熱同脆法包好脆 入面雞扒都煎到幾香口………..但我食完真係肚痛 …………..我唔知係唔係個個員工都係咁我見整個女人衛生意識真係好低掂完銀紙再直接掂野食 呢樣野好多年都冇再見過你地最好買之前係門口望下佢地點整先好買…..…查看更多

之前同小朋友去過幾次都食唔到越南包🥲今日終於有機會品嚐脆卜卜既包配搭熱辣辣雞扒加越式醬，越好味另外仲叫左個蝦紙米卷，老闆娘教將汁醬倒入半米卷入面食會再好食，果然真的不一樣越式生牛肉湯河係我小朋友至愛，每次去都會必食👍🏼推薦大家去👍🏼👍🏼👍🏼…查看更多

去嘉發買完雞蛋仔要等，於是同狗狗、狗狗爸爸喺附近行下，睇下有冇嘢啱食。經過呢間小店，出面坐咗2個唔似本地人的食客，見佢哋喺啲食物送到時表現好興奮，而杯凍啡望落都覺得靚，咖啡面層撞咗一層厚泡沫，再加上深啡色，好吸引。其中一位食客主動提議我哋試下，拍心口話食完一定返唔到轉頭，而凍啡、豬扒/豬頸肉飯、生牛肉湯河同法包都係佢哋的必試推介。我哋帶住狗狗，加上小店舖外只有一張檯，最後外賣，企喺對面公園外開餐。越南咖啡（$26）：非常好飲，係會令人追住飲的奶啡。越南咖啡本身有獨特香味，係味道比較強烈的咖啡，好多時一啲餐廳都會整到好甜，所以點的時候嗌咗少甜。咖啡的甜度同溫度啱啱好，果層的泡沫好特別，亦令到咖啡有少少漸層效果，賣相好靚。後尾再聽個食客講，原來佢係越南華橋，佢話呢度的咖啡還原咗喺越南飲到的味道，而小店唔止用一種咖啡沖，而係混合2種自家配方，喺第二度飲唔番呢個味道。熱情食客話佢覺得呢度的咖啡同越南當地飲到的咖啡唔係百分百相似，而原因只係兩地水質唔同，同時，佢又提到，無論係食物、飲品，小店係佢喺香港試過最正宗架喇椰子冰（$26）：冰塊較多，椰子味幾突出，飲落似椰汁大王，不過冰多始終容易沖淡味道豬扒飯（$50；餐飲享半價優惠）：狗狗爸爸最喜歡的肉類係雞肉，所以原本打算點雞扒飯，但經唔起熱情食客勁讚豬扒必食，最後點咗豬扒。佢話未食過咁腍的豬扒，鬆軟度極高。白飯上面有少量酸咪咪的沙律菜同蔥油，再撈少少另上的辣汁，送飯一流，好開胃以外賣嚟講，小店的價錢中規中矩，咖啡出色，飯類賣相幾靚，味道有一定水準。後期見到唔少食客外賣法包，相信法包真係幾受歡迎。舖頭細細，食物需時製作，要預咗等一等（10-15分鐘）。推介！值得一試！…查看更多

深入元朗區搵食，突然想食越南河，搵到這間越南人開的餐廳，便去一試。餐廳非常簡陋，就好似坐在走廊用餐一樣，店舖真的非常很細，侍應好似係越南人，叫咗生牛肉河，牛肉正常味，不太差亦不是勁好，湯底亦不錯，炸蝦餅等咗好耐味道OK。…查看更多

點了3碗湯粉外賣，送來時只有乾乾的粉，3碗都沒有湯！越南粉沒有湯基本上等於沒有了靈魂，打開時真是極度無語。而最令人憤怒的是，再次聯絡餐廳，他們說只會退湯費$40！那有沒完成的餐點只退湯錢的道理？？不說越南粉沒有湯基整4上已不能喇。餐廳熊度也非常惡劣，拒絕退款令人咋舌，真的十分差勁！…查看更多

網上有人介紹過呢間越南表嫂好食，不過佢個位置係後巷附近，環境比較一般，佢可以坐低商場內食，有冷氣，不過商場有少少異味，唔係人人接受到，我會坐低食係因為啱啱做完運動肚餓，見自己出過汗，都有啲臭，所以坐低食少少嘢就走人🙊講返食物，我叫咗碗炸雞翼撈檬，$48，都幾大碗，食得夠飽，檬粉幾多，而且佢隻檬粉幾爽口，個撈檬嘅汁分開上比我，不過我倒哂落去撈，將啲生菜絲、洋蔥絲、青瓜絲等等撈埋一齊食，幾好食！炸雞翼睇個樣好似麻麻地，不過食落去有少少牛油味，炸得幾好食，仲唔油。總括來講食物ok，環境唔得。…查看更多

一直想試呢間野但兩次都有不愉快經歷第一次經dim order apps叫自取一直無接單 去到諗住拎先話已經無合作即場落車又話d野賣晒 好 比多次機會第二次經網上外賣平台自取拎到返屋企打開個撈檬 最靈魂既撈檬汁竟然無比到， 完全唔知點食打去同佢講 佢話退返錢但經網上外賣平台退錢其實好麻煩再打去同佢講時 一個電話轉左三次人佢自己都唔知自己想點 話轉頭打黎轉完個頭就緊係無打黎啦呢啲餐廳真係自己搞死自己😇無下次…查看更多

好好食啊！今次兩個人去專程造訪，可以食多啲嘢，除左豬頸肉法包、火車頭撈檬之外仲叫左鮮蝦扎肉米紙捲、炸蝦餅、越南冰滴咖啡~食物質素依然無令人失望，尤其是法包，真係好香脆又足料🤤 炸蝦餅好厚好多肉👍🏻每人$108.5食到好飽 XD 呢度樣樣嘢都份量幾大，記得食得曬先好嗌！…查看更多

上次食覺得超好味，價錢又平，之後一直心心念念，今日終於入元朗可以再幫襯😍今日叫左椰青🥥、火車頭河粉🐄同埋豬頸肉法包🥖椰青：正常貨色火車頭河粉：第二次食，湯底胡椒香味凸出，鮮+香，扎肉、牛丸、牛肉片、牛腩份量十分慷慨，河粉都較潮州粉麵河粉爽挺，唔係軟爛到斷曬嗰種～ 個人覺得好食過芽莊！豬頸肉法包：上次外賣，成粒鐘後返到屋企嗰時仲係好脆好好食！今日堂食仲正，豬頸肉好juicy，法包好脆好香口，其他配料都好夾好足。必食👍🏻希望下次可以試埋米紙卷同春卷～ 滿足😋註：1. 間舖好細，全間店得四張唔算坐得舒服嘅二人枱俾你堂食，多人一齊食/住附近嘅話都係外賣好啲2. 老闆娘唔算態度差唔會黑口黑面，但都唔會好親切好殷勤咁招待你。不過算啦，咁平價錢又無加一，經營小店係辛苦嘅，體諒吓啦！希望小店可以加油，生意興隆，繼續整多啲正宗美食🤤…查看更多

［📍元朗｜越南表嫂］呢間絕對係近年食過最好食既越南菜佢係一間家庭式經營既舖頭 只有小量堂食位大部份顧客都係外賣 可以電話落定單先都得佢地既野食 每次都係咁熱辣辣 而且好入味越南法包好夠鬆脆 餡料好夠入味 成件事好惹味米紙卷既菜 食得出非常新鮮配搭埋佢地既秘製魚露 酸酸甜甜 好清新 好好食…查看更多