越南表嫂

星期日下午兩點到埗時無位，於是攞飛喺門口外等位，隨後亦有另外兩人攞飛等。等咗大約五、六分鐘有人埋單出嚟，我諗住等店員執埋檯先叫號碼，點知哩個時候接連有兩組人直接行入去座低咗，我同店員講，你哋頭先俾咗籌我，點解其他人無攞飛就先入座？然後兩個店員就互相鬧交，阿姐A問阿妹B，咁多位做乜要派飛？B就話啱啱先有位，頭先係滿晒，但我就揸住張飛企喺度睇佢哋表演。

咁啱有張二人檯食完我先至有得座(打尖入去果檯已經嗌完嘢食)，叫咗個火車頭湯河加蒜蓉牛油雞翼。碗火車頭啲生牛肉係咁嘅：

超熟，超韌，超嚡，硬到成塊黑板咁。
其他餸無乜嘢，無驚喜亦無大問題

之後差唔多食完碗粉個蒜蓉牛油雞翼先至到，味道本身係OK，都脆口嘅。餐牌寫6隻但我哋得到7隻。但成碟雞翼都係俾油浸住。我知你係叫蒜蓉牛油雞翼，但係咪真係要成碟油咁俾我呢？

仲有係我座咗喺廚房門口位，每次有員工出入我都俾佢撞到，成個由入座到食完嘅過程都令人不愉快，應該無下次了。