越北牛肉粉

营业中

休息中

禁堂前最後一餐，唔知大家食左咩做晚餐，我就同謙謙近近地係如心廣場食越北食完去 Donki 買d野就返屋企了。⚛ 越式三寶撈檬 ～ 香茅豬扒， 香茅雞翼和扎肉，一座低明明係謙謙叫呢個來到仲即刻倒魚露的，點知比我個海南雞飯吸引左😛，焗住要同我交換食， 好彩我都好鍾意食加左魚露酸酸甜甜的撈檬，豬扒雞翼好惹味。⚛ 無骨海南雞配油飯 ～ 無骨又滑溜的海南雞， 沾一沾黑醬油，放一點點辣和薑蓉，一野放入口滋味無窮，再食返一口油飯好滿足。⚛ 越式豬頸肉 ～ 薄切但大大件夠爽口。⚛ 會安蓮藕蝦餅 ～ 幾特別兩片厚的蓮藕中間夾住蝦餅再炸，多重口感由脆到爽口再到中間的彈牙，我幾鍾意呢個小食。🍹 鮮椰青 ～ 夠冰凍青甜，幫我解油膩。🍹 椰汁三色冰 ～ 謙謙之選

呢間全日唔使加一，仲要公眾假期都有Tea Menu，每人唔使$100但覺得超多嘢食，感覺冇因為係下午茶餐而份量少咗，值得一讚!! 🔘香茅雞扒金邊粉 $50 🔘炸蝦餅 +28🔘滴漏咖啡 +12雞扒好大塊而且肉質幾滑，雞皮燒得幾脆，個湯都幾好味清甜有好多蔥!! 蝦餅彈牙，食到有魚肉同蝦肉喺入面!!見滴漏咖啡幾特別試吓，杯底係煉奶，咖啡味道濃厚偏苦冇酸味，對我來講有少少太甜，但咖啡味都唔錯!! 🔘三寶撈檬 $60🔘蝦頭膏通菜 +$22🔘椰青 +$22呢個餐有好多餸，有香茅豬扒、雞翼同埋扎肉，撈檬配料有青瓜絲、蘿蔔絲、生菜絲、花生碎等等，口感好豐富，扎肉幾特別食到有軟骨喺裏面!!估唔到通菜份量咁多，係比平時切短左嘅通菜，方便放入口，通菜爽口但有少少油!! 椰青好大個清甜，亦可以食到好多椰子肉，如果佢用粗飲管可能會更好!! Tea真係幾抵食，都坐得舒服，服務都唔錯，絕對會再幫襯!!

今日難得放假，同老婆試下如心廣埸開既越南菜式😊😊估唔到越北下午茶係感抵食👍👍👍我同老婆都唔想食湯粉或飯，於是叫左兩碗撈檬。。分別叫左三寶撈檬同雞扒撈檬！！一上菜，嘩😋😋好大份呀。。完全無偷工減料，唔會話下午茶會少d, 完全無既😋😋而且佢d肉食落鬆軟可口，完全無d肉醒味，食得出佢地每樣肉都有醃過，唔係就感炸就算，值得一讚👍👍而撈汁可任加唔嬲，加到你滿意為止😜另外，在肺炎疫情期間，店員每張枱抹後都用酒精再抹，而且落單後，店員遞上透明袋放口罩，仲有酒精消毒紙巾，非常貼心👍🏽👍🏽👍🏽👍🏽

幸運地被安排到看到園景的窗口卡位🪟😆😆😆 這樣的景色令到我這天的下午茶變得特別chill～🍃 這家店的燈光十分明亮，給人一種舒適的氣氛。其他座位沒有園景的，不過都一樣會坐得很舒服～河內香茅烤雞扒湯金邊粉 Lemongrass Chicken Steak with Pho $50烤雞扒烤得很漂亮，顏色呈深褐色，雞扒邊還炸得酥脆的，帶點金黃色！🧡🥰 麵條可以選河粉、檬粉和金邊粉，我選了金邊粉，份量不算太多，對大食的我來說不太夠飽！建議大食的朋友們要點加配小食，才能吃得夠飽！越式烤豬頸肉 Vietnamese Grilled Pork Neck $28豬頸肉烤得剛剛好，看樣子就知道很好吃！！！表皮烤得脆脆的，肉質鎖住了油分，又爽彈又惹味！伴碟還有一些酸蘿蔔絲，十分開胃！鮮椰青 Young Coconut $22Dia超喜歡椰青！😍😍😍 身為椰青控，一邊舀出滿滿的椰青肉，一邊為鮮甜的椰青水而心心眼，感覺大滿足！🥳🥳🥳≡※≡※≡※≡※≡※≡※≡※≡※≡※≡※≡※≡※≡※≡※≡※越北牛肉粉 (荃灣)荃灣大河道98號如心廣場二期2樓216號舖≡※≡※≡※≡※≡※≡※≡※≡※≡※≡※≡※≡※≡※≡※≡

雖然久唔久都會嚟呢度lunch，但近排見佢越嚟越多人等位，唔通好食咗？今日lunch就同同事落嚟食吓到底係咪真係好食咗先😆其中一個好鍾意嚟呢度嘅原因➡️就係佢哋全日都係免收加一服務費🤓而且食物種類都好多選擇🌟我哋今日嗌咗➡️🥢河內咖喱雞配米飯 $58除咗咖喱汁之外，入面真係全部都係雞扒肉來嫁😳一舊薯仔都冇❗️仲要真係即叫即整，雞扒心仲係熱辣辣嘅☺️而且雞扒撈埋咖喱汁之前有煎過，所以食落除咗有咖喱味之外都幾香口👏🏻咖喱汁味道亦調唔錯，唔會太咸～所以整體來講，呢個咖喱雞係好味嘅🌟分量亦夠多👍🏻🥢越北三寶撈檬 $68呢越北三寶分別係：香茅豬扒、香茅雞翼、扎肉❗️樣樣都係即整嘅，啲油都未完全收返晒入肉😆所以食落全部都熱辣辣嘅🌟雞翼➕豬扒表層都好香脆，而且有輕微醃製過，唔會入面冇味😎至於撈檬份量都幾多下🤨可能因為我點三寶，有成三個餸咁多😆所以真係食唔晒🙈亦可能因為我哋兩個女仔仲追加咗兩款小食❗️😆😆🥢峴港炸蝦餅（跟午餐加$28）其實心水清，就係一件蝦餅切開一片片😂不過$28 就絕對可以一食，當加下餸都唔錯ga☺️少少彈牙兼啖啖肉，都係果句啦啱啱炸起夠熱唔會唔好食😜🥢越式烤豬頸肉（跟午餐加$28）呢個真心係超抵

今日放工早，係荃灣行商場，突然想食東南亞菜，剛好行到如心廣場，於是試下越北河粉。鋪頭好窩心，一入就比左一包消毒濕紙巾，呢個細節位真係💯。鋪頭裝修都幾靚，位置都算闊落，一埋位就直奔主題，我地揀佐兩set套餐，加佐兩杯野飲凍檸茶同椰汁三色冰。三色冰都快上檯，椰子味濃郁，斑斕絲同紅豆加上玉米，形成的三色底，影相都好睇。海防番茄蟹檬，濃濃的蝦膏味，鍾意蝦膏的會好鐘意呢陣味，湯面有蟹膏，蝦丸彈牙有蝦味，扎肉就正常發揮。同圖片相符有一隻蟹腳同一塊蟹肉。而招牌綜合牛肉湯粉裡面啲牛肉都好足料，牛筋好有嚼勁又大塊，牛肉新鮮軟爛，牛肉丸彈牙有味，湯底清甜，鹹淡適中，值得一試。另外單叫佐一碟豬頸肉，似用香茅 等香料醃漬，煎完切薄片，入口非常可口。總得來說喜歡越南菜的話值得一試，菜品有一定水準，盲選不容易出錯。

越北有個清新套餐好抵食，有3樣食物/飲品，包括撈檬/湯粉/飯+小食+飲品/甜品，價錢都唔過$100，而且無加一服務費 ，款式都好多🍜順化湯檬 $88辣味湯底好好味，有牛腩、扎蹄、扎肉、牛肉丸，四種不同款式集於一碗，唔錯嘅選擇 🥠越北炸春卷香脆春卷外皮，入面有豬肉及蔬菜，好有特色🍸薄荷青檸梳打🐷街頭香茅豬扒飯 $82豬扒軟而香，外層有香茅風味 ，仲有塊蝦片🍪會安蓮藕蝦餅煙韌蝦餅，充滿美味蓮藕蓉😋 🍰椰汁班蘭糕

今日老公係荃灣西做野，唔洗湊住2個細🙈就去同老公食個飯…食物海防蕃茄蟹檬我個人黎講，不嬲都唔好蕃茄野😒除咗茄汁🤣介紹返，呢個係我老公叫嘅…佢就好喜歡食海鮮😒點知我個河上到，佢話食我個河，係牛骨湯底(?)我對食真係冇乜研究🤣講返個檬先，我咁大個女係第一次食檬，so far個蕃茄湯都幾好飲喎原來檬粉係咁好食架！呢碗粉有3大塊紮肉、2粒蝦丸、有蟹鉗…食完都好飽🤣個蝦丸超彈牙！街頭香茅豬扒河粉河粉勁滑！個湯勁好飲！一定唔係味精湯！個豬扒外面脆卜卜，入面又唔鞋。仲有個青檸汁唔膩果然係推介之選炸春卷我一路以為係蝦春卷🤣原來入面係有粉絲、木耳絲、冬菇咁，口感勁多層次烤豬頸肉原本唔諗住叫呢個架啦，點知見到隔離枱個豬頸肉好正咁🤣就嗌半份黎食。真係一定要嗌！唔食後悔😝唔油膩！又脆口！兼唔柴皮飲嘢 - 香茅蘆薈、洛神荔枝梳打我就係飲洛神荔枝梳打💕唔知洛神咩味嘛有荔枝係到，一定唔會死！真係好飲我老公就話好少地方有香茅蘆薈，所以試呢個…都好飲嘅，小清新~~有粒粒蘆薈…我老公話瞓得少喉嚨有啲唔舒服，聽講香茅同蘆薈可以消炎🙈服務冇諗到一入去就有口罩袋同消毒紙巾俾我哋同埋舉手叫野食都好快有人黎落單上菜都好快，食完就送

今日提早收工，正值下午茶時間，見有時間又餓餓地去越北食個下午茶嘆一嘆。呢個鐘數去食野真係舒服，人唔多，侍應見我一個人都安排左個比較舒服既位置比我，落單後亦會覆番一次，態度相當好，抵讚👍🏻👍🏻平時正價時段食就貴dd,今日下午茶生牛肉湯河粉都係48蚊，加杯凍飲都係51蚊，唔收加一認真抵食雖然價錢相宜但份量同味道一啲都唔媽夫，香料，青檸，辣椒都比足湯底味道十足，蘿白夠稔又索湯同無渣，牛肉都唔鞋口，性價比十足‼️

甘岩經過荃灣又想食野，就試下啦！平時我都好中意食越式生牛河，簡直係上癮個隻，不過我覺得食落去mama地，因為牛唔太好食，個湯底還可以，以裝潢利講都好舒服。都多兩人卡位既，選擇種類都好多，食左一碗係唔夠飽既，再order個咖哩雞！真心係「鞋」d雞，味道都唔太中意，唔會再食既，但又唔係特別差既，不過青檸梳打係好飲既👍🏼👍🏼👍🏼，加上飲品種類都好多，比起出面既選擇真係多好多。青檸梳打👍🏼👍🏼👍🏼👍🏼生牛河👍🏼👍🏼👍🏼咖哩雞😅

越北牛肉粉專門店喺荃灣收工，去咗如心廣場搵食。天氣熱特別想食麵，就試吓呢間「越北牛肉粉專門店」我哋叫咗兩個餐，有兩碗粉，兩個小食，一杯飲品同甜品。先講碗河粉，我果碗係 「清新 配搭綜合牛肉河粉」牛肉嫰滑不老，牛丸略嫌細粒但有咬口，整體來講正常普通。兩款小食分別係，「abc藕餅」同「炸春卷」兩款都好吃。飲品就試咗「薄荷青檸梳打」入口清涼冰爽，但薄荷味過後就是牙膏味🙈，這個有點伏，下次還是選咸檸七穩陣。最後，甜品點了 「椰汁班蘭糕」，暖暖的，口感軟糯，非常好味，就是份量太小🥲

落到荃灣行下左幾個商場，晚市去如心廣場搵野食，都有一年幾無黎如心行街，原來都多左好多餐廳進駐左入黎一二期。今次突然想食越式美食，見到越北的套餐餐牌超抵食就入去試喇! A+B+C ($88, 全日無需加一)一份主食、一份小食、一份飲品，仲要唔洗加一，都幾抵食，兩個人叫了2個SET 再加左一份前菜前菜青木瓜沙律配燒豬頸肉，通常食越泰菜都會點依個做前菜，份量好大碟，2個人食就真係幾飽! 青木瓜好爽脆，如果個汁再辣D再酸D就更正! 反而燒豬頸肉係驚喜的，因為燒得好嫩滑!主食1. 綜合越式牛河(轉金邊粉)越式Pho最重要係湯底，一試便知龍與鳳，夠濃的湯底一定係落足牛骨、肉先餚到最重要的Pho精髓! 不過依個湯就唔夠濃，但勝在材料夠多，有多片生牛肉、牛展肉及牛丸，牛肉片熱湯浸熟，所以好嫩! 如果配料(芽菜、九層塔、洋蔥再多返D就更好! 2. 香茅雞扒撈檬香茅雞扒新鮮滾熱辣咁炸出，好香脆! 檬粉都好彈牙，加埋其他律配料同埋個撈檬汁，口感好Fresh! 味道正常小食米紙卷+蓮藕餅米紙卷好有層次，好大件，配料都好足(兩件)；蓮藕餅都好香口，同埋係配左魚肉+蓮藕粒粒再炸，口感都好豐富!

今日去咗荃灣呢間越北🐷🙆🏻‍♀️ 叫咗個香茅豬扒飯同埋凍奶茶 豬扒醃得甜甜地幾好味 飯嘅份量都好多 下午茶黎講分量好足夠 同埋凍奶茶都唔算太甜 整體黎講 可以encore🙂👌

星期日瞓醒冇所事事，一個人走去荃灣西hea吓，嗰邊冇咁多人，感覺比較輕鬆！中午先在荃新天地睇場戲，然後揾吓嘢食，沿商場行人天橋行去如心廣場二期極為方便，見到呢間越北都幾光猛，座位濶落，於是決定入去試吓。叫咗碗越北生牛肉湯粉，加杯熱奶茶！雖然湯底唔係特別惹味，都中規中矩喇，勝在份量都好充足，食得飽飽都係50元左右消費。 這店有幾張小圓枱，一個人揾食可自己一枱，自成一角，這裡都係唔錯嘅一人用餐選擇，會再光顧！

第一次喺如心廣場二期搵食，因工作關係要快食，揀咗間越南嘢試吓，平日下午茶時間都要等位10分鐘左右先入座。要飽所以選了越式豬頸肉飯， 豬頸肉味道足夠， 可以唔使點配送嘅汁都可，汁用咗黎配飯食，飯軟硬度適中。下午茶加配咗兩款小食，加$28有一件炸蝦餅， 蝦肉都彈牙，但切得比較薄身，無咩口感另加加$22海蜇沙律(細), 沙律份量足夠，但 海蜇份量比較少，味道清新，尚算ok另有貼身服務，送上紙袋裝口罩&濕紙巾抹手，值得讚吓