越北牛肉粉

营业中

休息中

Noodle portion is extremely little. There was only 4 thin slices of Vietnamese sausage and a few shred of chicken in my bowl of noodle. The beef noodle my husband ordered was also very small portion. There was lots of soup but not much noodles or topping. The soup tasted like msg soup and was very salty. I was actually quite disappointed

我叫咗個普通生牛肉河粉，無乜特別，真係非常普通，但就唔難食嘅，只係一般其他普通食廳咁囉。不過d蔥算多，蔥、洋蔥幾新鮮，愛蔥人士如我咁就應該幾合心意嘅。所以再去也可以，但唔會特別要推介朋友去。這家店一可取之處就係d位算幾好坐，同隔離分得算開，位又算寬敞，而且都算乾淨。而且有濕紙巾同口罩套提供，疫情之下算幾貼心。我同朋友二人，星期六中午去到，唔洗等位。不過其實店內都full full地。五十幾蚊算幾抵啦。

其實我幾中意食越南菜，尤其係生牛肉河粉，今次比我搵到間平靚正既連鎖店🤣！🐮🍜生牛肉湯河粉💰💲48河粉份量適中，入口軟滑彈牙，浸耐左都冇發脹。牛肉仍見粉嫰，脂肪分怖細膩平均，肉質腍滑無渣，帶牛香。湯底味道算清甜，整體唔錯。🐔🍜雞扒河粉💰💲50雞扒保持到肉質嫩滑多汁，外皮煎到十分脆口，帶淡淡香茅味，好味而唔油膩！河內炸春卷💰💲15春卷炸到金黃酥脆，餡料有紅蘿蔔絲、木耳絲、蒜末、粉絲、豬肉等，十分豐富。🦐炸蝦餅💰💲28蝦餅肉質彈牙多汁，鮮美可口，沾埋泰式甜酸醬更惹味。​⚘🍋玫瑰花果檸檬💰💲+10飲品橙紅漸變顏色，賣相一流！味道好似荔枝味咁，酸酸甜甜，唔錯。凍奶茶💰💲+3茶底唔夠濃，偏奶。

今日真係一個特別用餐經歷。叫左個香茅雞扒湯河配菠蘿熱情果特飲，當時職員落錯單，收到單果一刻我即刻有禮貌同佢講番，但佢竟然話番我轉頭，話我當時講錯令佢落錯單。佢嘅態度超級差，口吻講到好似個客錯晒而職員無錯咁😂 明明我落單講埋食物全名，咁都有得瀨？！😂 我內心真係感慨呢間店職員嘅服務態度😅之後我唔該果位職員比一杯熱水我，然後佢竟然用好重語氣答「聽到啦！」，我心諗一句「唔該一杯熱水」，得罪左佢啲乜😅香茅雞扒外脆內嫩，不錯👍湯河份量適中，湯頭不錯，雞扒令我挺驚艷😋菠蘿熱情果特飲就一般，外貌唔錯，略嫌有啲淡味，應該唔會再試😅但職員態度咁差，野食幾好都係趕客😂希望職員Samxx可以改善對客態度，唔好對個個客好似仇人咁😂😅

小朋友同我食下茶拉住我去呢間 坦白我對越南菜無咩喜好有得揀一定係西餐不過小朋友想食 我都no say 距叫左個香矛豬扒飯 因為天氣乾我就叫左個豬頸肉湯河 另外叫左個滴漏咖啡☕️凍既小朋友一空話好食 其實我都覺得係 香矛味剛好 而家外面香脆裡面仍然有肉汁而且份量大 但係我叫既係下午餐 所以都幾抵食咖啡都係我推介 裡面煉奶配上黑唔咖啡 朱古力既味道 實質係距地撞出既獨有香味 我會為杯咖啡再去

食得太多日式同西式的外賣😅，今次試試越式，這間是新開的，當然要叫我老公最喜歡嘅生牛肉湯河。湯河牛肉兩款，兩款也能吃出不同的口感，湯味有點藥材味，河粉一般般。蒜蓉牛油雞翼有脆的，夠鹹，蒜蓉味濃，牛油味也可接受，值得一試。蝦多士比較油，食唔到蝦，但係芝士足夠，有啲芝麻但冇芝麻香。賣相吸引。咖喱有點辣，小朋我友也可接受，雞有點鞋，飯好食有口感。精粉包一般，冇特別。總括來說，食物可接受，外賣時間準確，員工服務可接受。

本來原意係想食好少少 唔想係屋企求其煮下野食 自己一直都鐘意食開越南菜 所以今晚就叫左我叫左 生牛河 同 撈濛點知生牛河黎到係熟牛黎既仲要本身己經係分湯 唔係浸熟左 都唔緊要 生熟都可以食點知個湯底極差 有浸凍檸茶既苦澀味道牛肉都係得4片好薄 食落就係好普通既牛 呢個都可以勉強比及格佢 但係個湯底真係好差根本放唔入口！！仲有個撈濛， 黎到居然連魚露都唔比我我一啖都無食 無魚露點食！！ 有咩可能魚露係唔跟撈濛架！真係好失望 價錢都唔係平價質素居然係咁

每逢平日中午喺荃灣搵食已好困難，加上4人限聚令可謂難上加難。今次一行5人去如心廣場2期試下越北牛肉粉，點知出晒事。我哋13:04去到同職員講5位，職員只叫我地㩒票等位。但過程中職員只叫1-2人或3-4人入座(遲過我們等位的人已入晒坐)，我哋等了10分鐘唔對路再問職員，佢先話你哋分兩張枱㩒票等咗成10分鐘，仲要唔問就唔講叫人分兩張等位票，浪費晒D食飯時間。喺門口等咁耐，已經揀定左食乜。所以基本上都唔使睇餐牌已立即落 Order。室內環境尚算燈光通明。另外唔知喺咪人手唔夠，我見到其他食客枱上會附上口罩紙袋比食客放口罩，但偏偏我哋兩枱就無比，服務安排令人失望。1. 無骨海南雞配油飯連飲品($62+$3凍飲)，附送的湯無乜味海南雞份量尚算多。油食只是微暖初初以為有一舊細骨頭都算點知食到咁上下又食到雞翼骨，寫就寫無骨海南雞飯，究竟想點食到依度，其他食物都無心機去影相了。整體來講，等位安排混亂，無骨海南雞飯要改名先得

行完街，肚仔餓，見到環境幾企理，都有啲食客，一於入去試一試。雖然話係下午茶，但係價錢就無乜優惠，綜合牛肉粉，料好足本嘅，湯頭有牛味但係唔夠火喉唔似用骨淆嘅湯；峴港蝦頭膏酸辣海鮮湯檬，首先湯頭完全無蝦膏味只有酸同辣，海鮮唔好提，眼可見只有兩隻青口，碗內仲有幾粒蜆肉，3粒墨魚仔(有1毫子咁大)，小食點咗春卷同蝦餅，春卷唔夠酥脆。餐廳有點窩心嘅每位客人都會有個紙袋比你放口罩。

疫情之下人心惶惶，盡可能都留喺屋企用餐，但日日煮實在係令人精神衰弱，屋企附近嘅外賣亦食到厭，放工經過荃灣西，特意嚟搵下新意思。之前同先生嚟行新商場嘅時候都有留意到呢間餐廳嘅存在，但商場餐廳選擇眾多，而且餐廳亦算熱門，人潮不斷，所以一直未有機會成為座上客，估唔到第一次幫襯居然係叫外賣。喺門口望咗兩望已經俾佢嘅餐牌吸引到，套餐包括主菜、小食同飲品或者甜品，相當抵食，而且選擇亦唔算單一。外賣自取仲有九折，算係抵食。香茅烤雞扒湯粉份量算大，湯同粉分開裝非常細心，湯底夠香濃，加入九層塔令味道令鮮味提升。雞扒大大件而且厚切，真材實料，外皮煎得夠香口，而且有稍為醃過，入口香茅味夠出，亦唔會有明顯嘅雪味，唔錯。牛肉粉同樣吸引，加入大量香蔥同九層塔吊味，湯底鮮香濃郁。雖然唔似得堂食咁能夠將生牛肉浸入湯底變成熟牛肉，但牛肉口感軟嫩，而且肥瘦適中，質素唔錯。米紙卷一客兩件，尺寸唔細，除咗有粉絲、生菜同芹菜之外，仲有大大隻鮮蝦，入口清新爽口。越北炸春卷同樣一客兩件，返到屋企依然保持脆身，咬開香脆嘅春卷皮，入面係滿滿嘅餡料，有豬肉、紅蘿蔔、木耳同蝦米，鮮味十足。飲品方面亦唔錯，薄荷青檸梳打清爽醒神，椰汁冰亦夠哂

話說之前咁多人排就想試下，今日經過竟然唔駛等！入到去拿拿臨點左野食，大概五分鐘食物就先後到齊。我叫既係生牛肉金邊粉，係我既認知佢係比錯左河粉我，咁就同職員講 點知佢用筷子夾起左河粉竟然話係金邊粉未切究竟係佢認知能力有問題定我一直都係比人呃咩叫金邊粉咩叫河粉？職員跟住補左句，真係金邊粉，但你想換都可以換比你，但出來既樣都一樣播。見佢講都咁都唔敢話換啦.....拿拿聲食完走。老老實實，佢味道同其他越式餐廳差唔多，唔算特出。但職員真心特別，為左令大家了解更多，我 Post 埋影左既相比大家參考！我真心唔識分河粉同金邊粉

餐廳裝修、簡約明亮， 座位舒適 ，入坐前先量度體溫及提供搓手液 ，十分貼心。咖哩雞飯(套餐)$82咖哩雞， 分量相當多， 雞肉嫩滑， 咖哩汁微辣而惹味，拌飯一流，平時一碗飯都食唔哂，結果忍不住不停添飯！香茅豬扒河粉(套餐)$82人氣越式河粉必食之選， 湯底十分鮮甜又不肥膩， 河粉跟上湯一起食超索， 豬扒大件肥美 ，外皮炸到金黃色， 令人垂涎，豬扒入口鬆軟， 迷人的 香茅味 ，鮮嫩多汁， 與河粉一起吃，十分搭配。配炸春捲春捲即叫即製， 炸得十分酥脆， 熱呼呼， 香噴噴， 入口 發現有大量爽口甘筍絲和肉碎， 沾上越式甜酸汁， 更加惹味， 令人一吃再吃。配海蜇沙律 海蜇晶瑩剔透，十分爽口 ， 配上沙律菜和酸醋， 清新爽脆，酸甜有致， 令人很開胃，食慾大增！ 椰汁冰椰子冰， 清甜冰爽， 炎炎夏日最啱 ，拌勻後，沙冰的甜度和味道， 不會隨溶冰而退減， 十分欣賞。椰汁班蘭糕兩件淺綠色的 班蘭糕， 玫瑰花造型， 賣相吸引 ， 入口黏糯、煙韌， 先是幽香班蘭香氣 ， 跟著是香甜誘人椰汁， 口感豐富，令人忘不了。

此乃真付費食評，日期：12/6/2020果日晚上7點黎到如心廣場，本身想食石燒牛，但太多人同埋太大陣味所以就係商場搵下其他食店，見呢間店唔使等位我地就入去。餐牌我無影到，不過價錢唔貴，主食粉麵60至80蚊到，佢仲有其他2-4人套餐，整體價錢合理。不過呢間店最抵食一定係佢既單人套餐，小食+主食+飲品（包部分特飲）都係八十幾蚊。小食叫了鮮蝦米卷、主食係香茅雞排湯檬、飲品係咸檸七。鮮蝦米卷分了兩件，每件都有原隻蝦，大就唔係好大隻，大約半隻手指公度，味道正常。主食既香茅雞排係即炸，食落有香茅味，唔係亂改既，湯檬分量好足，湯底就一般般啦，八十幾蚊無得挑剔咁多😂。整體我覺得係如心入面坐得舒適，價錢味道合理既食店。至於服務就係茶廳囉，會感受到多人果陣，佢會好快收野想你走。所以唔好期望會係慢慢食既餐廳

星期日隨意食過early dinner， 而家食肆唔係全部枱都開，六點半早啲到見到已經9成入座。入座前响門口見到6-7pm早鳥優惠， 都幾吸引， 48蚊有埋嘢飲。我自己就最鍾意食越南河粉，湯底不算太濃味剛好，自己加上辣椒粒和是拉差辣椒醬，十分可口 越南扎肉配上河粉， 浸一浸湯更好食， 扎肉比較乾身但味道不錯。咖哩牛腩👍👍 香濃咖哩味， 中等辣度， 唯獨有些牛腩部份比較肥唯獨飲品比較失望😑 好少覺得珍多冰係冇味嘅， 我估有機會唔記得咗落糖 但係椰汁味都冇乜......整體位置舒適加上價錢吸引，下次必定再嚟幫襯😍😊

讚1. 服務唔錯，啲夥計好主動咁叫客坐開啲，幾好2. 料幾足，牛河勁多生牛肉彈1. 實在係無味，牛河湯係鹹，但無肉香，啲香料好似辣椒金不換都係無味，馬拉盞通菜就好辣，但辣得黎係無馬拉盞既鹹香