影片
营业时间
今日营业
11:00 - 22:00
星期一至日
11:00 - 22:00
以上资料只供参考，请与餐厅确认详情
顺化香茅牛肉捞檬首先个捞檬嚟到嘅时候真系好大碟 而且啲牛肉都好多 除咗份量大之外 味道都好足够 啲牛肉都好重味 再加埋啲碌冧 真系好好食！香茅鸡扒汤檬块鸡扒真系好高质 好大块之余 仲要好嫩滑 六十几蚊嚟讲真系好抵食 而且个汤檬个汤底都好好味马拉盏炒通菜呢个系加$22加配嘅 $22嚟讲 真系好抵 仲炒得好有镬气添 而且食吓啲菜 感觉都健康啲最后嘢饮方面我哋就加钱叫咗两杯特饮分别系水晶芒果沙冰同椰汁红豆冰 呢度嘅椰汁红豆冰系沙冰嚟嘅 而且椰味好重 非常推介😋
继续阅读
烧猪颈肉捞檬烧猪颈肉捞檬真系好抵食 一嚟到见到成个碗嘅面都系烧猪颈肉 起码有10块以上 而家香港都好少啲足料嘅餐厅呀生牛肉牛肉肉丸汤檬另外就嗌咗一个生牛肉牛肉丸汤檬 嚟到食越南嘢就当然要叫佢嘅招牌生牛肉汤檬 牛肉啱啱熟唔会好嚡 而且个汤底都好重牛肉味越式酸辣无骨凤爪之后我哋就跟加配左个无骨凤爪 无骨凤爪唔算太辣 但系酸酸辣辣咁都几开胃冻老姜蜜同三色咸柠七我哋叫咗两杯饮品 呢度普通嘅饮品都唔普通 就算系老姜蜜都唔算特饮 三色咸柠七有话梅咸柑桔同柠檬 好味过一般嘅咸柠七🤣
继续阅读
好友约我去位于荃湾大河道98号如心广场二期2楼216号舖的<越北牛肉粉>食下午茶餐，环境舒适，坐得舒服。我哋点咗：🥢海防蕃茄鸡丝虾丸汤檬粉 $58 蕃茄新鲜，鸡丝嫩滑，虾丸弹牙，檬粉好食，汤底浓郁。🥢越式烧猪颈肉配米饭 $62 猪颈肉烧得外脆内 嫩，肉味鲜甜，配菜有蛋饼，好好味。🥢香茅厚切鸡扒红饭 $56厚切鸡扒煎得鸡皮香脆，鸡肉嫩滑，十分好味。🥢岘港 炸虾饼（半份）$28虾饼炸得香脆可口。🥢水晶芒果沙冰 $8（ 跟餐）芒果是我的至爱，沙冰最啱天气咁热的时候，又食到粒粒芒果水晶。 🥢热越南老姜蜜（跟餐）润喉的最佳饮品。🥢热柠檬茶（ 跟餐）好饮。
继续阅读
叫咗三样嘢一碗牛河、一碗捞檬、一个生菜食咗两啖…发现碟生菜入面有蜗牛🐌同虫🐛…（心谂咁菜有虫出现都好常见，唔紧要啦）咁就叫咗个侍应嚟换咗佢食食下…又发现个捞檬到有只细昆虫喺到行..系行紧….😱😱行紧呢下超越咗我可以接受嘅程度！叫咗个侍应过嚟指比佢睇，今次佢面色有啲不悦🤬唔通我自己加入去叫你过嚟睇？还是觉得昆虫是包左的？唔可以complaint?佢都有换比我…但三样中两样…我已经唔想再食…结论：唔会再帮衬
继续阅读
好耐冇食越南菜，经过荃湾试咗呢间越北牛肉粉。一定要试佢哋招牌菜生牛肉河粉， 牛肉新鲜汤底美味，河粉亦爽口，值得推介。炸虾饼就弹牙鲜味，感觉唔热气。饮品芒果沙冰唔系太甜 但芒果味浓几好，但杯桂圆红枣茶 就味道偏淡，有少少失望。整体而言，餐厅环境舒适，食物味道不错，价钱又大众化，值得推荐。
继续阅读