財記辣蟹私房菜

营业中

休息中

乾炒牛河呢個經典粵式小食真係管用!牛肉鮮嫩多汁,同埋河粉彈牙夠味,仲有酥脆蔬菜增添層次,真係幾正!第一口落肚,即刻停唔到食,太好味喇!避風塘鮮魷呢個真係超正!軟嫩爽脆,調味剛好,香辣入味,仲有回甘持久,好正好正!呢道經典粵菜既融合多種風味,突出食材本質,又錫住廣東特色,真係圖像上癮呀!鮮蟹肉冬蓉羹滑溜Q彈,蟹肉鮮甜,同埋蔬菜嘅清甜,幾乎要溶化咗入我口啦!層次成好,回味無窮,作為粵菜精華,既養生又好味,簡直係大快朵頤嘅必選!水蜜桃雪葩超正呀!水蜜桃香氣清新純正,同埋雪葩質地綿密細緻,冰涼順滑,好似置身桃園一樣,感受夏日清涼同埋甜美!呢個夏日消暑佳品,可以完美收尾呢頓豐盛嘅粵式料理!

如果係銅鑼灣區想食好味小炒，本人首選呢間位於駱克道嘅「財記辣蟹私房菜」。餐廳佔地三層，地下入口、二樓係餐廳，設有大電視，啱曬最近有奧運直播，可以邊睇邊食、而三樓主要係提供廂房，有更高私隱度。今次阿仔暑假外國返嚟，想食的外國難搵嘅特色小菜，所以專登嚟搵食。餐廳主打有招牌避風塘炒蟹及各款時令海鮮添。除此之外，佢嘅小炒菜式、炒粉麵飯及煲仔菜都很出色。《鹹蛋黃焗鮮魷 》（$128）鹹蛋黃超香濃而不會太鹹，鮮魷肉厚爽彈牙。超正好味推薦一試。《 椒鹽九肚魚》（$120） 炸粉香脆惹味，即叫即炸，九肚魚新鮮肉滑，入口熱辣辣，香口不油膩。《薑葱美國生蠔煲 》（$228)呢個煲夠惹味，生蠔大大隻，煮得夠乾身吾會出晒水。再配上不少香脆火腩及超多薑葱，又係好好味。《蒜蓉粉絲蝦乾蒸勝瓜》（$108）勝瓜上大量蒜蓉，蒜味十足。加入適量蝦乾及粉絲。呢個蒸勝瓜有少量畧為太老有筋難咬，不過整體來說味道都不錯。

今日黎到銅鑼灣食小菜餐牌有好多選擇脆皮炸大腸外皮金黃酥脆，咬下去時發出清脆的聲音，內裡的腸肉則鮮嫩多汁。獨特的調味讓人感受到微微的香辣，搭配特製的醬汁，更是增添了風味，令人一口接一口，欲罷不能鹹魚粒煎肉餅這道菜的味道濃郁，鹹魚的香氣與肉餅的鮮美交融，讓人感受到家的溫暖。肉餅外層略帶焦香，內裡卻柔軟多汁，鹹魚的咸香味道讓整道菜更加立體，令人回味無窮海鮮豆腐煲這道菜的清新鮮美，豆腐滑嫩，海鮮的新鮮程度讓人驚喜。蝦仁和貝類的鮮甜與豆腐的柔滑相得益彰蠔仔粥這碗粥的米粒滑順，蠔仔的新鮮味道濃郁，讓人感受到一種極致的鮮香。粥底清淡卻不失鮮味，搭配上蠔仔的彈牙口感，讓人一口接一口，感受到幸福的滋味

脆皮炸豆腐 - $98個外型勁靚個炸皮都好薄咬開啲豆腐仲出緊煙而且豆腐好滑食完都唔會覺得好鹹鹹蛋黃涼瓜 - $98涼瓜唔會太苦鹹蛋黃都唔算好鹹仲要有啲鹹蛋黃粒粒喺度增強口感窩貼蝦多士 - $178/8件蝦多士上面層蝦膠好厚實多士都整到好脆咬開個聲勁清脆而且食落唔會好油芝士焗蝦球伊麵 - $208炸蝦球每隻都好大隻而且好鮮甜彈牙芝士汁勁多多人食嘅話都唔會十分膩伊麵整到好淋而且好掛汁脆皮炸乳鴿 - $98我哋揀咗一開四每人都可以食少少炸乳鴿皮脆肉嫩好Juice咬開食都唔會食到成嘴都係油燒汁雜菌牛柳條 - $148啲菇同啲椒都好入味雖然濃味但係又唔係嗰啲死鹹嘅味牛柳條肉質都好淋一啲都唔會鞋口薑蔥美國生蠔煲 - $228美國生蠔超級大隻而且好肥美食落都好大陣蠔味不過冇諗過係用炸嘅形式嚟整所以食完都有啲飽滯但個調味係幾惹味嘅啲薑蔥用嚟送飯好好食椒鹽排骨 - $98呢個排骨整得好香口啲肉都係好滑嘅用嚟送飯好好但如果就咁食就略嫌有啲鹹脆皮炸大腸 - $118食完一大輪炸嘢呢個炸大腸相對上有啲失色覺得佢冇乜特別不過好彩佢都唔會臭

薑汁炒芥蘭❤甘香既芥蘭爽脆鮮甜零苦味，淡淡既香辣黎自薑既香味，2個人share份量再多啲會更好，健康又好味。西蘭花炒蝦球❤蝦球好爽口彈牙，大大隻，一啖一隻，如果可以多幾隻就更滿足喇。西蘭花唔會有草青味，口感一D都唔粗硬，夠哂翠綠煮得岩岩好。豉油雞 (半隻) ❤雞皮脆肉，入口清爽唔油膩，肉質都彈牙，最緊要新鮮滾熱辣~ 撈埋啲醬汁送飯一流!時菜炒魚塊😀 一個人食就啱啱好，魚塊都有返咁上下size，食落爽口肉質唔霉！菜心大概有10條，一個人做餸嘅話啱啱好

今晚同朋友一齊食中菜，找到這間。朋友話佢常常經過，但無食過🤭因為用餐時間較早，剛才下有幾台客，到後來基本上都full。一坐低佢先上一碟花生👍🏻🌟沙薑走地雞半隻（$148）一上菜就已經聞到沙薑味👍🏻隻雞幾乎浸喺沙薑汁之中，肉嫩味濃，正😋🌟西蘭花炒蝦球（$178）西蘭花翠綠，蝦球橙白，賣相清新👍🏻西蘭花爽脆，蝦球新鮮彈牙又幾大隻，唔點醬都覺得夠味😋🌟鹹蛋黃焗鮮魷（$128）少見有咁嘅煮法，好香鹹蛋黃，咁樣整嘅鮮魷好香口😋🌟粟米海皇羹例牌（$118）份量都幾多，裝到6碗左右，食到蝦肉和帶子肉👍🏻上菜都幾快，餐廳內可以望到街景，亦冇限時，坐得算幾舒服。

係銅鑼灣做完FACIAL，約左朋友係附近食晚飯，佢推介呢間財記辣蟹私房菜，大讚中菜出色之餘店員又有禮貌～一於試試先！餐牌有超多選擇，圖文並茂，清晰易明～特別一讚侍應親切有禮，又會熱情推介菜式，要讚！！🔹鹹蛋蒸肉餅肉餅又香又滑溜，一啲都唔嚡口，加入鹹蛋增添鹹香鮮味，香口又惹味！🔹南乳粗齋煲砂鍋煲上可以保持熱度，入口熱辣辣，南乳味道濃郁帶點鹹香，配以多款時菜，燜煮得相當入味！🔹栗米海皇羹大量帶子增添咬口，爽滑又彈牙，粒粒栗米夠哂香甜，暖胃一流。🔹肉絲炒麵將麵條炸脆至兩面黃，食落硬脆有咬口，面頭再淋上軟嫩肉絲等配料，絕佳組合～財記辣蟹私房菜✨📍銅鑼灣駱克道447-449號中威商業大廈2-3樓

食物味道一般，食物不夠新鲜，環境普通，叫極待應都设有上來寫菜，要等很久才有人回應，最终自己要清走枱上碟，待應见到你在更换枱上碗碟，待應见到也扮看不見，待應服务态度有待改善。

四個朋友一起來吃晚飯，其中點了招牌的避風塘炒蟹，來到的時候看到是一大碟，因為炒蟹的料頭很多，基本上幾乎把整隻鞋埋住，但食起上來隻蟹非常少肉，就算連蟹鉗拆開都是得很少肉，我感到非常奇怪，味道方面OK啦，就係食料頭嘅味，埋單的時候，朋友話隻蟹要接近$1000 ，我認為性價比真係超低，肯定冇下次！難怪當晚咁細間餐廳都坐唔滿，連遊客都唔多，咁嘅價錢，俾咁嘅嘢客人，實在唔應該！香港食肆繼續咁樣落去，實在搞唔掂！

最近同朋友去咗銅鑼灣一間樓上私房菜，喺樓下已經見到好醒目嘅霓虹招牌～職員好友善！一入到去就見到有新鮮生猛嘅龍蝦等海鮮❤️❤️我同朋友都叫咗職員嘅推薦菜 辣酒煮花螺，仲有酥炸美國生蠔！食得出食材好新鮮！份量好足！🌟辣酒煮花螺一上菜就聞到好惹味嘅香辣味！花螺呢隻品種係偏大隻，又多肉！試咗一啖辣酒汁，微微酒味好香醇，唔會嗆口！花螺好爽口嫩滑，辣酒汁已經入味，食得出來貨好新鮮！！👍🌟酥炸美國生蠔啲生蠔好大隻多肉～我估應該係美國筒蠔！炸得外表金黃色，炸粉配合得非常完美～薄薄的一層炸粉，一食落去就有卜卜脆嘅聲，肉質非常肥美嫩滑！值得一試！👍👍大家經過銅鑼灣可以嚟試吓，支持香港私房菜！❤️

同阿媽去食飯，突然想食蟹，銅鑼灣求奇入去間，隻蟹超細收1200，仲貴嗰隻龍蝦😂唔知咩料，西澳龍蝦好大都係1000，可能有季節問題？真係好細隻，兩啖食晒😮‍💨

宵夜銅鑼灣選擇不多，這間財記辣蟹私房菜是不錯的選擇！餐廳空間大，有獨立包廂。有很多小菜選擇：豆豉炒蜆、豉油王炒麵，非常有鑊氣，鹹蛋蒸肉餅：有住家菜的感覺，避風塘辣蟹：非常惹味！

海鮮小炒最重鑊氣，財記辣蟹私房菜即叫即炒，鑊氣將味道昇華，菜式熱辣辣又色香味俱全。豉椒炒蜆豉椒炒蜆火喉十足，醬汁濃郁，蜆肉沒有離殼，入口亦無沙，啖啖鮮味。蒜蓉蝦乾蒸勝瓜炸蒜份量多得驚人，完全蓋滿勝瓜，鮮嫩勝瓜及底下粉絲盡吸炸蒜精華味道。脆皮炸豆腐炸豆腐做得外脆內軟，一口一顆，外層薄脆，豆腐豆味清香，十分嫩滑。粟米魚肚羹粟米魚肚羹份量大概有四飯碗，粟米清甜，魚肚爽口，用上湯熬製，最後加入蛋花，簡單美味。

餐廳位於銅鑼灣駱克道，銅鑼灣站C出口，只需行3分鐘就到，很是方便😌！今次第二次來食，因為之前跟另一位朋友食過，性價比高，所以就二訪！餐廳地方尚算寬敞，而且店員態度友善，亦不忘介紹每道餸菜的特色👍🏻我們二人點了時菜炒魚塊、日本扇貝-蒜蓉粉絲、秘製沙拉骨、 魚香茄子煲、瑤柱蛋白炒飯😲🌟 時菜炒魚塊 $108魚塊彩用新鮮大班，魚肉雪白且結實，大廚用上芡汁，令魚更香滑。🌟 日本扇貝-蒜蓉粉絲 $176雖然$88/隻，但建議一試！因為超大隻！啖啖肉，再配上蒜蓉粉絲，簡直是完美配搭😋。🌟 秘製沙拉骨 $108沙拉骨，餐廳選用多肉部位，食落肥瘦適中，再配上大廚秘製醬汁，如果配飯就一流🤤🌟 魚香茄子煲 $108茄子，再加上碎豬肉，茄子醬並不是市面上一般可買的，而是大廚自己調製👍🏻所以味道並不會太鹹👍🏻，餸飯又一流！🌟 瑤柱蛋白炒飯 $108炒飯粒粒分明，瑤柱跟蛋白都好足料👍🏻 是炒飯健康之選

燒汁雜菌牛柳條，🐮牛柳味道嫩滑，而且菇菌的份量頗足。🫑加上三色椒，顏色豐富，更添多重口感。魚香茄子煲，🍆茄子多肉軟淋。加上肉碎，味道濃厚，🍚拌飯又香又好吃。財記小炒皇，炒得香口，🥬韭菜花夠嫩，食落好香，而且有腰果脆身的口感，魷魚鮮味，味道唔錯，🥰如果加多幾款配料會仲正。炒飯，加入帶子粒同午餐肉一齊炒，🔥粒粒分明，乾身不油膩。同朋友聚餐，呢間唔錯，可以食下中式小炒，有鑊氣而且多選擇😉