又约咗食力组组员食饭，佢话想食中菜，买完野就上咗黎呢间菜馆。二楼差唔多坐满，好彩仲有张细枱，食住花生望吓餐牌谂叫咩𩠌。晚餐想要点汤羹，有家的味道就是粟米鱼肚羹 ($108)。例牌份量大约有4碗。侍应好贴心拎埋樽胡椒粉，食时加少少，增加香辣感，同时又食到香甜粟米粒味，鱼肚切成粒状，方便易食之余又不失口感。趁热饮一碗先开餐。今晚无叫蟹，改食豉椒炒蚬 ($108)，放底后已闻到豉椒嘅香味。差唔多每只都有肉同开口嘅，食唔到沙，蚬肉鲜甜。钟意食鸡嘅会系呢度有选择困难症，脆皮/沙姜/葱油/手撕鸡都有，我地叫咗菜胆走地鸡 ($178/半只)。半只份量对眼，鸡肉嫩滑，唔食皮嘅可轻易去皮。加埋个献汁，整体味道唔咸，单食都唔错。捉紧仍然食到合时胜瓜嘅时间，最适合嘅煮法莫过于浸汤或清蒸。蒜蓉虾干蒸胜瓜 ($108)就出现系我地呢张枱上。去皮去得够，只食到入面最嫩部份，清甜多汁。再淋上豉油熟油，加上蒜蓉够晒惹味，再有虾干增加鲜味及咬感，呢个组合相当唔错。食食吓发现有粉丝垫底，索咗豉油熟油，但又唔会好咸同油，又多样野食。见到有个轩尼诗X招牌避风塘辣蟹套餐，揾次同好酒人士黎食吓炒蟹。侍应主动有礼，不时换碟加水，无限用餐时间，可以慢慢享受食物。…查看更多
