貓員外精釀酒館

星期六夜晚GO PARK非常熱鬧，我同老公就揀左間中西式crossover嘅酒吧餐廳食晚飯。 餐廳有室外同室內，兩者空間都幾大。室外可以帶埋自己心愛嘅狗狗或貓貓齊齊用餐，而室內有幅貓貓壁畫，另外仲有啤酒罐作天花同作牆做擺設，配合返RICHKAT Craft Brewing店名。餐牌選擇都OK，好多菜式都係中式crossover西式，好有創意，而啤酒就係自家研發同生產嘅精釀啤酒。最後老公就點左pizza、意粉同烤雞各一，另外點主菜以優惠價加$25就可有飲品，都幾抵。貓員外“星仔”啤酒醉烤三黃雞：烤雞賣相吸引，色澤夠亮，外脆內嫩，啤酒烤嘅過程產生蒸氣，令雞唔乾帶肉汁，雞肉吸收左啤酒苦味帶甘，都幾好味。 另外伴菜有泡椒，泡椒都幾辣。烤鴨薄餅：烤鴨切成小粒，配料有肉腸、菇同京蔥，味道甜甜。pizza係正宗拿坡里餅底，配場自定製麵團，薄餅邊有空氣感，口感軟軟較濕潤，烤到有少少焦香，幾好食。鹹蛋卡邦尼意粉：鹹蛋味道剛剛好，加埋蛋黃同芝士，食落好有層次感，啖啖掛汁，中西合璧味道又幾match。飲品：老公叫左杯熱咖啡，佢話咖啡味道濃，都幾好。我就揀左“星仔”啤酒，呢款啤酒易入口，味道清爽，酒精含量較高，我就幾鐘意喇。…查看更多

風和日麗的一天，最適合就是出外走走去呼吸新鮮空氣，今次去到馬鞍山西沙全新地標的「西沙GO PARK」，是一個集娛樂運動和餐飲於一體的綜合休閒場地，逛了一會，發現場內有不少特色餐廳，就找了一間舒適Relax的餐廳〔貓員外精釀酒館〕。餐廳主打不同風味的手工啤酒，手工Pizza、特色Fusion菜及不同送酒小食，店內亦有桌球檯等娛樂設施，而且還是寵物友善餐廳，室外都有不少座位給帶有寵物的客人享用，而且帶同狗狗用餐還有全枱賬單折扣優惠，不時都看到狗狗經過，感覺這地方特別悠閒寫意。【炸魚墨西哥玉米卷】(HK$90)墨西哥玉米餅有3件，大大件份量十足，餡料顏色繽紛，玉米餅餅皮入口不會很乾身，夾了不少餡料，有炸魚、蕃茄、沙律菜、洋蔥及蔥花，酸酸辣辣很惹味。【烤牛腹排配中式韭茜青醬】(HK$178)中間還呈現鮮嫩紅色，脂肪不多入口肉質鬆軟有咬口，配有中式韭茜青醬，醬汁酸辣的味道令人很開胃。【雲貴麻辣川臘腸薄餅】(HK$158)用店中傳統石窯烤爐製作的特色薄餅，適中厚度的餅底，餅底烤得香口，薄餅配料有番茄、蔥花及麻辣川臘腸，臘腸鹹香煙韌而且麻辣辣味刺激過癮，薄餅份量十足非常飽肚。【Peach Apple Juice】(主食跟餐+HK$25) (左)桃味混合蘋果果汁，甜甜的微酸味道，透心涼解渴的飲品。【Star Boy 星仔】(主食跟餐+HK$25) (右)是啤酒大賽獲獎牌啤酒，啤酒不算很多泡沫，入口時略帶苦味但啤酒餘韻甘香。…查看更多

新商場Go Park主打人寵共融來過這邊幾次，喜歡這邊relax的風食店多數有室內和戶外座可和寵物一起進餐，享受陽光和自然風室內有投影設備，播映各類球賽更有一張桌球枱供客人玩樂雖然我是下午來到，但氣氛一樣好！貓員外有自己的手工啤酒不貴，凡點主菜一份可以$25換購桂花小麥，帶淡淡的桂花甜味「秀才」golden ale清爽容易入口Happy hour更是買一送一呢！（僅僅好錯過了～）酒吧系餐廳食物一點也不馬虎多帶一點印度或是四川菜的twist印度咖喱配薯條，佐酒恩物沒想到這麼大的一盤！點這個再加上啤酒，足夠快樂一下午！雲貴麻辣川臘腸薄餅這個是真的好吃！喜歡麻辣刺激過癮臘腸鹹香且煙韌，更勝意大利香腸（我覺得啦）薄身餅底是我喜歡的！薄餅款式超多每款口味也很吸引有機會一定會再試其他口味（但也很想在吃雲貴麻辣）烤牛腹排配中式韭茜青醬牛腹排就不多說了，烤得外邊帶焦香內裡肉汁滿滿韭茜青醬真是畫龍點睛之作一直覺得芫茜比蕃茜更帶草香味喜歡的必須一試還附兩顆焗薯，內裡有些以麻辣油炒香的蒜片非常具fusion風味的菜式，而又恰到好處價錢不貴，happy hour有更多優惠再訪Go Park的話，此餐廳會是我不二之選！…查看更多

貓員外精釀酒館位於馬鞍山，是個讓人放鬆的好去處。上星期來這裡試了他們的卡邦尼意粉，令人印象深刻，濃郁的奶油醬與煙肉的搭配恰到好處，每一口都帶來滿滿的幸福感。意粉的口感滑順，與新鮮的羅勒葉相得益彰，增添了一絲清新的味道。此外，酒館的自家品牌啤酒種類繁多，從清爽的淡色啤酒到濃郁的黑啤，每款啤酒都有其獨特的風味，可以隨意搭配不同的菜式。酒吧內部裝潢現代，氣氛輕鬆，適合聚會或約會。無論是喜愛啤酒還是意粉的人，都能在這裡找到心儀的選擇，值得一試！…查看更多

放假黎到新地標西沙GO PARK行下, 感覺好relax😌, 呢度會定期舉行一啲活動, 仲有特色餐廳, 今晚就揀左呢間寵物🐶🐱友善西餐廳晚飯, 有室內外座位, 提供多款精釀手工啤酒🍺和創意港式fusion菜式👏🏻*烤牛腹排配中式韭茜青醬🥩牛腹排煎得剛好帶點微紅, 味道濃郁, 肉汁豐富，有嚼勁，加左好多韭茜青醬, 一齊食味道有中式原素, 都幾特別, 第一次食, 伴菜焗薯，切開原來有麻辣油, 食落好香又小小辣辣地, 好惹味*榨菜五香肉丁蘭王蛋薄餅🍕第一次食呢款全港首創薄餅Pizza,，榨菜五香肉丁通常配公仔麵, 今次係薄餅, 好有港式情懷, 鹹香肉丁加上爽脆榨菜和流心蘭王蛋, 食落口感好豐富, 拿波里餅底微微焦香，邊邊位好脆, 呢款薄餅創意十足*貓員外香炸雞翼🐔熱辣辣上枱, 炸到外層脆口，食落肉質juicy，餸啤酒好正, 好味跟餐酒花氣泡水🥤 (不用加錢)，飲落又有啲驚喜喎, 佢係無酒精梳打水，味道很清新, 罐裝上面有招牌貓貓圖案，好得意！Order主菜一份加$25換購左桂花小麥啤酒🍺 (Osmanthus Wheat )，有桂花的淡香和小小甜甜地, 爽! …查看更多

我同朋友11月9日下午2點55分左右去了呢家餐廳。入座後，我哋發現下午3點以後點啤酒有優惠;因為手機菜單上沒有顯示優惠價格，我哋就問一位香港人女侍應A是否可以享有優惠。她確認3點以後落單可以，並建議我哋如果結帳時發現冇優惠，可以去搵收銀員要求更正。結果，帳單上冇任何折扣。我哋先按照女侍應A早前的建議去收銀台要求更正；但係，女外籍收銀員就話我哋係下午3點前就座的，所以不能享受優惠; 我哋立即搵反女侍應A跟進，佢都承認了佢先前的說法、然後走開。然而，兩位外籍女員工堅持話我哋係下午3點前就座，所以不能享受優惠。聽到我哋的爭論，一位睇來較高級的男職員或者老闆走過來問究竟；我重複了事情經過，並向佢反映有關外籍員工的態度，他竟然叫我對他的員工客氣一點！然後他豁免了我們整張帳單，我堅持要公道地以折扣價付款，他竟然說別再浪費時間了，他想表達我哋係咩人？食物方面，我哋飲咗幾杯啤酒，種類還算多; 地方算係闊落，當時有大量空枱的 ; 但受埋啲咁嘅氣，唔使錢都唔會回頭，不過反正佢哋都唔在乎本地人生意。這家店提供各種啤酒，價格也是市價，這還可以接受。…查看更多

馬鞍山西沙GO PARK入面竟然有間咁有特色嘅餐廳兼酒吧！「貓員外精釀酒館」真係令小編驚喜，呢度唔單止有各式各樣嘅精釀啤酒，仲有好多創意多國美食麻婆肉碎薯條將川式麻婆豆腐嘅風味融入薯條料理，炒香嘅肉末同調味料配煮軟嘅薯條一齊翻炒至入味。麻婆醬汁鹹香微辣，肉碎香辣頗惹味，份量好足，好似食極都有，最啱同人share烤牛腹排配中式韭茜青醬呢個中西合璧嘅烤牛腹排必試！火候控制得啱啱好，牛扒熟度剛剛好，肉質粉嫩牛肉味濃，口感軟腍又有肉汁！配上強烈味道嘅中式韭茜青醬，味道好突出，刺激味蕾，同牛扒嘅搭配出奇地夾…查看更多

好耐冇同朋友出嚟食嘢，最近嚟到新界呢個新嘅商場西沙Go Park行下，見到呢間餐廳好特別，主打手工啤酒，手工pizza，特色fusion菜，環境又chill又relax ，仲係Pet Friendly，真係好啱放狗人士過嚟hea下chill下🧡佢哋最近仲推出咗一個優惠，每隻同行狗狗可以讓全枱賬單享5% 折扣優惠🐶最多可享20%折扣😍真係好抵⋆🍝鹹蛋卡邦尼意粉普通卡邦尼意粉就食得多啦，鹹蛋卡邦尼真係第一次食，結合咗鹹蛋黃、芝士同蛋黃嘅醬汁非常之香濃，掛汁度高，唔會太油膩，值得一試👏🏻🍅獅子頭蕃茄醬天使麵呢個配搭真係新鮮，獅子頭平時係喺上海菜先會見到，估唔到喺西餐廳都食到😻 獅子頭肉質好鬆軟，蕃茄醬好開胃，天使麵好掛汁👍🏻🦐川式欖油蒜香虎蝦虎蝦非常新鮮，食落爽口彈牙，結合咗蒜香、橄欖油嘅香味，另外仲有麵包可以點蒜油汁食，好味👍🏻…查看更多

最近我來到一間餐廳，佢有好多唔同嘅手工啤酒，環境唔錯。如果有球賽⚽️仲可以喺度睇直播。首先是一系列精釀啤酒，可以先試下味，再揀。我就揀咗手工啤酒秀才 500mL。這款啤酒口感豐富，帶有少少微微麥香，入口柔滑而不澀。另外，叫咗北京烤鴨薄餅。pizza 熱辣辣，配上香嫩多汁的烤鴨肉，再加上香菜等配料 ，甜甜地啲醬汁幾好食。另一道菜式是手撕豬肉墨西哥玉米卷。玉米餅包住滿滿手撕豬肉，搭配爽脆的生菜、爽口的番茄醬等,口感豐富多樣,每一口都令人回味無窮。最後一道是叉燒粒炒椰菜苗。椰菜苗清脆爽口，叉燒肉粒吊下味。另外仲叫咗一杯清爽的橙汁，幾好！…查看更多

今日嚟到「貓員外GO PARK 西沙店」，獨家供應中西合璧創意料理，除咗食物同飲品之外，仲有大螢幕睇⚽️比賽、飛鏢🎯、桌球🎱，而且仲係寵物友善餐廳。🐓貓員外“星仔”啤酒醉烤三黃雞 $178 送🫧酒花氣泡水～ 烤雞以啤酒醃製，外皮香脆、肉質嫩滑，啤酒香氣滲入雞肉 。而伴碟嘅🌶️青辣椒，都幾辣下，食得辣嘅一定要試！🍕🍄‍🟫黑松露雜菌薄餅（素）$168 送🫧氣泡水～ ✨必點「貓員外」pizza 獨有拿波里餅底，用上大型烤爐，廚師新鮮即做，pizza熱辣辣出爐，一件接一件，食唔停口。🌮手撕豬肉墨西哥玉米卷 $90～手撕豬肉特別惹味，加上開胃嘅蕃茄粒、青瓜粒、洋蔥粒、青紅椒、生菜，美味又開胃，口感豐富。…查看更多

位於馬鞍山的「貓員外精釀酒館」絕對係手工啤愛好者的天堂！餐廳提供多款自家釀製手工啤，主要分為清爽、果味同酒花三大類，每款都有獨特風味，容易入口，尤其適合鍾意探索唔同口感嘅朋友。我今次試咗烤牛腹配中式韭茜青醬，牛肉烤得恰到好處，肉質軟嫩多汁，配上特色韭茜青醬，中西合璧嘅味道令人驚喜！另外，麻婆肉碎薯條亦係必點之選，香辣肉碎同脆薯條結合，口感豐富，非常惹味。整體而言，貓員外環境舒適，食物有創意，加上豐富嘅手工啤選擇，無論係同朋友聚會定係自己嚟放鬆，都係一個唔錯嘅選擇！…查看更多

一家有溫度的融合料理餐廳在創意與風味間找到絕妙平衡 pizza餅底火候絕佳焦斑均勻中間的水波蛋流心綿密與牛肉、青椒和濃郁芝士碰撞出豐富層次牛肉料理鋪滿新鮮香草肉質軟嫩入味香草的清新解膩又提香。肉醬薯條誠意滿滿肉醬香濃不膩薯條酥脆每一口都是驚喜 餐廳的細節也頗具巧思廚房旁的冰箱貼滿顧客與員工的塗鴉、拍立得，滿是人情味讓人在用餐時感受到滿滿的溫度。總體而言無論是料理的創意與口味還是餐廳的氛圍都值得專程一訪。…查看更多

同屋企人去左Go Park 玩，之後去左貓員外精釀酒館食野飲野，佢算係幾有特色嘅地方，裝修走工業風但唔會太冷冰冰，啲燈光暖暖地，坐得舒服，啱晒同朋友chill下。啤酒選擇多，有啲本地釀製款式，味道幾有驚喜。至於食物，佢哋嘅印度咖哩真係幾有水準，香料味夠但唔會太辣，食落層次分明，配埋香脆嘅烤餅或者白飯都好夾。雞肉煮得入味又唔乾，啱晒配杯清爽啤酒。整體嚟講，係一間可以慢慢坐、慢慢食、慢慢飲嘅地方，唔會太嘈，氣氛舒服。如果你鍾意試新嘢又唔想太花巧，呢度係個唔錯嘅選擇。…查看更多

貓員外精釀酒館📍香港馬鞍山海映路9號西沙GO PARK G樓G15號舖趁放假就想出去行下，我就未去過馬鞍山新開既西沙Go Park玩，放假特登入去睇下未環境😄入面有間貓員外精釀酒館，佢環境幾有特色，係度食個飯，hea下咁過日假期真係舒服😌餐廳有自家釀制既啤酒，唔同顏色既罐裝都好靚，食物除左主食，都有pizza，小食，墨西哥taco等等👍🏻餐廳係寵物友善，見到好多養寵物既主人特登帶埋佢地既寵物一齊食飯🐱🐶…查看更多

位於馬鞍山西沙GO PARK 的多國菜餐廳，這邊的餐廳都有室內及室外座位，而且是間寵物友善餐廳，鼓勵客人帶同愛寵一起，更享有折扣優惠。環境舒適，入面大電視屏幕播放著球賽，還有桌球枱，播放著輕快歌曲，讓人放鬆一番。餐廳供應多國菜、fusion款式的菜式、特色薄餅、印度咖喱、中式烤焗頭盤、玉米卷；飲品不少得特色的自家研製手工啤酒，選擇甚多。卡邦尼意粉意粉軟硬度恰好，有嚼勁，而且每條意粉都沾滿濃稠的醬汁；食材簡單，煙肉的油香，還有灑上芝士，很惹味。…查看更多