豪宴海鮮酒家 (已結業)

話說當日是星期日的晚上，小編約家人到新港城晚餐，結果想去的酒樓在半個小時之前一直在輪候，輪候號碼完全沒有變動過，所以就在OpenRice裡不斷打去不同的餐廳，唯獨只有這間酒樓不用輪候，雖然從來沒有去過，藉着這次機會去試試吧。小編一行6人要了6個菜式和2支大啤酒-藍妹($56/2支，推廣價)。首先是「餐前小小食」中的海蜇手撕雞($42)，主要的味道是甜的泰式汁，其實覺得十分不配搭，通常都是麻油和芝麻。還以為是要了雞絲粉皮，因為海蜇完全沒有彈性又軟軟的；手撕雞完全沒有肉味，而且質感粗糙。還有一些蘿蔔絲，形狀切得特別隨意，小編平時都沒有特意執著這點小事，但這次是看得出來這道菜格外的沒心思。然後是「晚爐燒味」中的金陵乳豬與叉燒($178)，乳豬有5件和叉燒約有6件，乳豬底下的是乳豬骨片，是完全沒有一點肉的，全家人們都沒有吃，只有喜歡吃帶骨肉的小編吃了。乳豬的味道是一貫水準，略嫌吝嗇，沒有肉只有皮，而叉燒就特別的不美味，肉質是粗糙和乾的，還有每件的大小很不一，當中有一兩件是特別切到很大件，所以吃下去的粗糙感就更加突出。還有「大廚推介必食」的招牌菜，鮮果咕嚕肉($108)是用了一片橙黃色的脆片裝著，裡面有4-5粒菠蘿和蘋果。脆片是沒有味道的，不清楚究竟這道招牌菜有什麼特別，而且是這個價錢，味道是非常一般，是因為特別在用了脆片裝著肉嗎？性價比很低。其實吃到這裡，大家都已經明顯地不太滿意這一餐的食物，雖說侍應們做事都很爽快和乾脆。之後是「名廚精選推介」中的淮山百合炒胭脂蚌($108)，可能這道菜已是這一餐裡最為正常了，整體的味道是淡的，裡面各種的配料都是普普通通。胭脂蚌沒有很爽脆；蔬菜沒有特別的新鮮；淮山的口感是較粉；嚐不出有百合的味道和香味。還有「名廚巧手小菜」中的沙嗲粉絲肥牛煲($83)，看到色水都知道不會很濃味，吃下去果然是很淡味，沙嗲味完全是不突出，可說是幾乎沒有？想吃這道菜當然會期望是惹味的，但小編覺得這是健康版的煮粉絲肥牛煲。終於到最後的飯類，其實主要是知道爸爸每餐都要有飯吃下肚子，然後就讓他選擇，所以就要了黑蒜海皇炒飯($88)，聽其名字竟意想不到是濕炒飯，而且味道十分淡，主要的味道來源是甜味的黑蒜。炒飯中的配料還有稀少的炒蛋碎、菜粒和蔥粒，如果可以的話，其名字中的「海皇」應該要刪去，然後重新命名為黑蒜菜粒濕炒飯。最後六人結帳是$809 ，當中有茶芥是每位$12。因為是小編太心急不想讓家人還在其他心儀的餐廳等候，就來到了這間從未來過的酒樓吃飯，而且吃到了不怎樣美味的晚餐，心裡有點難過。食物的質素平均約是水平之下，基礎都不太達標，已不能說是普通，不要求食材，但煮食的技巧太隨意和沒有用心。…查看更多

放假瞓到中午就係附近商場搵嘢食。馬鞍山而家都有好多食肆進註，不過今日突然想嘆一盅兩件呀！夜晚有套餐一圍價錢都合理。又有火鍋任食選擇，小童仲半價收費。隨意點要幾款點心，粟米雞絲腸粉，腸粉皮幼滑平時多吃叉燒同牛肉腸粉，今次試下粟米雞絲腸粉不錯。上湯鮮竹卷，湯底唔喊鮮竹卷新鮮腐皮滑，豉汁蒸鳳爪，不過不失。點心拼盤 (蝦餃、燒賣、粉果、奶黃包同薑汁糕各兩件) 好豐富蝦餃燒賣樣樣齊。山竹牛肉，大件有咬口。酥炸鮮蝦零吞，炸得鬆脆唔太油膩。蒸荷葉飯…查看更多

今日同朋友剛好在下午茶時間經過豪宴海鮮酒家，發現好多人在門口等位。 睇見咁多人排隊，估佢點心味道應該幾好。 同朋友一齊等位食下午茶，好耐未試過。 下午茶點心價錢也便宜，而且份量也夠大，味道也幾好。叉燒腸粉皮夠薄餡也足。芋頭酥這個有點失望，用脆條包著芋頭蓉，芋頭蓉不好味。夠脆又有粒粒蝦，不過淨沙律醬有點單調。外層麵包粒炸到十分香脆，不過皮層十分厚，只得脆中間中味道一般。金錢肚這一款夠味又好食糯米燒賣原來用糯米包著燒賣餡蒸熟，幾特別又十分飽肚。…查看更多

今日朝早去左西貢行街，返來經馬鞍山食晚飯。去完洗貢特別想食海鮮，就馬上揀左間酒樓～見到餐牌上面樣樣都想食，特別見到星斑兩味，街外都好少見，大多都係龍躉兩味，所以就點左來試試～斑球炒西蘭花好多肉，肉多過菜，而每一舊斑球都唔會太熟，煮得岩岩好，又充滿魚香，滿口香噴噴的鑊氣。而蒸斑頭腩就比較少件數，但勝在舊舊都有好多肉食，唔係剩係得骨。我地仲叫左四隻扇貝，不過質素麻麻，細細隻，唔太特別。再叫埋糖水，完滿我地豐富嘅晚餐～…查看更多

今晚同爸爸媽媽去咗馬鞍山豪宴食晚飯， 哪兒有打邊爐，而兩位老人家都係鍾意食中菜，所以我們選擇咗食中菜 ，餐牌有好多優惠， 三選一有片皮鴨、 有雞、同埋蒸魚; 而我為咗老人家嘅健康著想，我就叫了一條一斤重的清蒸石斑、 一碟皇帝菜、 一个南瓜海鮮盅！清蒸石斑: 肉質鮮甜，非常新鮮 ，點上豉油將魚的鮮味提升了， 而且整條魚非常之大條， 足一斤重， 爸爸媽媽食得非常之開心！皇帝菜: 清清的上湯把皇帝菜的鮮甜帶出嚟， 清湯又不油膩皇帝菜又嫩口， 真的清甜得嚟又爽口！南瓜海鮮盅: 南瓜好清甜又夠淋、 海鮮夠鮮味、蝦夠爽口 、帶子夠清甜 ，淡淡象拔蚌再加上薄薄的芝士汁簡直將整個海鮮提升得至上！總體來說全晚的餸平靚正！…查看更多

除了藍田，沙田這間豪宴也久不久光顧！週日同屋企人在附近商埸行街大家見肚餓興沖沖來到豪宴吃晚飯。事關即興關係，沒有訂位...偏偏碰上人太多 不過等了十分鐘就有位。呢度地方大，裝修雅緻，環境光猛整潔。燒乳豬半隻，份量都好多，肉嫩脆皮正常....醃料不太鹹，不沾柱候醬也OK。波士頓龍蝦應該有一斤重另外加左＄30生麵底。如果要芝士底要加$30但吃龍蝦我會揀上湯焗是最新鮮嘅做法而隻龍蝦就開兩邊，size唔太大龍蝦肉爽實彈牙鮮甜。而上湯汁好重龍蝦味連麵都入味。麵食落又脆又甘香。滿足我個人口味，真係食到停唔到口。沙巴龍躉特價$68，應該有一斤。師傅蒸得岩岩好！皮厚煙靱⋯⋯肉質好嫩滑又有魚味！我同家人都幾喜歡來這裡酒樓來說平日來的話算靜...最欣賞呢度豐儉由人。我地叫哂特價嘢，亦有水準。…查看更多

早幾日阿媽係豪宴買左片皮鴨優惠券，$48一食咁平?一於去試下先。我同阿媽，同老婆3個人，咁無理由淨係食片皮鴨，以過往經驗，呢啲幾十蚊既片皮鴨，一定係得嗰幾塊鴨。所以諗都無諗就加左30蚊叫埋個2食，涼瓜炆鴨。同埋嗌左兩個小菜，金銀蛋莧菜，麻辣雞煲(半隻)。上菜時間有啲耐，見啲傳菜阿姐走黎走去我都唔好意思催，畢竟自己都做過飲食，明白佢地既苦況。同埋真係太多人食片皮鴨，我見阿姐推出黎啲車仔都有麽麽皮個蒸籠。片皮鴨一上枱我都嚇一嚇，師傅片到大大塊，仲起碼有20塊，絕對無偷雞量足，皮脆，油多，略嫌鴨味稍淡，但以48蚊黎計絕對是上品。唔知點解師傅會係啲麽麽皮中間切一刀，攪到有啲難包。金銀蛋莧菜咸蛋黃夠多，正！雞煲半隻送啤酒，幾好諗頭用片皮鴨卷，cp值高，可以再戰…查看更多

我們今天飲茶點了一些正常食品、例如叉燒包、蒸腸粉、皮蛋瘦肉粥、炸魷魚鬚、牛柏葉，和乾炒牛河。這些以上食品全部都是冷不夠熱、有一些食品只是和溫暖。 叉燒包沒有餡料只得叉燒醬，皮蛋瘦肉粥沒有皮蛋是凍要求返熱十五分鐘後回來這碗皮蛋瘦肉粥還是凍的，乾炒牛河有（隔夜油液味），炸魷魚鬚是返炸不夠鬆脆，蒸腸粉是冷蒸得太久有點(霉)夾不起的。不過牛柏葉都不錯夠熱，沒有太多白蘿蔔只是有幾片豆卜，都煮得幾(林), 件數都可以。…查看更多

今日約左阿姨飲下午茶, 阿姨鐘意佢好抵食😋. Around 3點半酒樓門口都好多人等位. •我地叫左: 叉燒河粉, 芋頭酥叉燒斬得算大件, 而河粉都好大碗, 最緊要係熱辣辣上, 炸芋頭酥好味😋•蒸蘿蔔糕Li個蘿蔔糕一大件原籠蒸, 啖啖蘿蔔絲, 臘腸碎之類都有, 蘿蔔口感感多過粉perfect!!•牛柏葉, 金錢肚, 心太軟流心包好味好味😍尤其係金錢肚勁濃醬汁呀, 流心包一meet開爆槳der! 啲餡係熱到辣親手的.•腸粉一碟好多條齋腸粉好滑👍🏻•埋單每人都係around HKD50咋🤩🤩抵食!!! …查看更多

今晚去了馬鞍山的這間酒樓食火鍋，想試下不同的湯底，就叫了沙嗲和芫茜皮蛋兩種湯底。上了火鍋湯後，還送了一碟鮑魚和蝦，都非常新鮮的。汽水、啤酒、酸梅湯任飲。各種火鍋配料都有供應，入單叫了肥牛、雞件和炸魚皮。牛丸、貢丸、腸仔、其他火鍋料和蔬菜都可以自己拿，個人推薦水餃和雲吞。…查看更多

星期六去飲茶，呢間茶樓係馬鐵站附近，出左閘上二樓，就會見到，好方便。要排隊，不過唔係等左好耐姐。門面閃閃ling，都有d豪既feel裡面幾大，有好多張台 好熱鬧。有好多款點心，包點 同埋小菜。另外仲有粉面同飯，想食可以叫叫左叉燒腸、馬拉糕、蝦餃、燒賣、灌湯餃，仲有炸雲吞，都好好食！四個人食，好飽！蝦餃同埋炸雲吞d蝦好大粒，好正！馬拉糕好大份，又唔會太乾，好味～上菜都幾快，一路食一路來各種既野食！waiter都好友善～價錢來講都唔係好貴～…查看更多

臨近中秋節，與友人們一起到這裏吃飯，之前來的時候通常我們會點小菜，但近中秋節，菜單都改了不少，變得不化算，所以我們決定打邊爐！六點半入坐，人數不算太多，大概七點，開始人頭湧湧，坐無虛席。這店分了兩個時段6:00-8:30 / 8:30後，價錢$138 / $118（連加一），任飲任食，飲品有夏枯草、酸梅湯、汽水（百事系列）、啤酒，部分食物自取，部分寫紙，醬料方面對我來說有點美中不足，沒有我最愛的芝麻醬，有點失色湯底方面，我們點了皮蛋沙嗲鴛鴦鍋，但不見沙嗲，食物方面種類算多，而且這裏的肥牛不錯其他食物正常沒有太大的驚喜。…查看更多

經常約爸爸到「豪宴海鮮酒家」飲茶和晚飯, 為了就年邁的老人家方便, 在最近的酒樓食, 今晚也和爸爸吃飯, 這酒樓是我們的最理想選擇了。 酒樓的面積頗大, 裝修亦不俗, 光線充足, 枱與枱的空間亦算足夠, 衛生方面亦算是清潔整理, 待應服務的態度可以, 大多數是有禮的。 :)  酒樓有小菜和火煱供應給客人選擇, 我們屬細胃口, 多數選擇小菜, 點了一個孖寶菜式 ($188) : 「白灼海生蝦」+「脆皮燒鵝皇」,  和一個家常菜 : 「黑椒牛仔骨煲」($108)  ,  甜品糖水 : 「紅豆沙」($6.8/碗)。 「白灼海生蝦」    ~ 海蝦很新鮮大隻 (雖然聽聞細隻既基圍蝦做白灼蝦最好味), 蝦灼得剛好, 不會過熟 蝦肉彈牙鮮甜, 加上蝦膏的甘腴, 鮮味十足, 而且份量很多, 我們每人都食了很多隻, 食得滋味又滿足。「脆皮燒鵝皇」:) ~ 燒鵝的份量也很多, 肉鬆軟入味, 但未夠嫰滑, 相對以燒鵝作招牌菜招徠的同區酒樓「海X」, 這裏的燒鵝質素就遜色了。「黑椒牛仔骨煲」  ~ 牛仔骨的肉質腍軟入味 (其中只有一件有筋位咬唔開), 牛仔骨吸收黑椒汁, 十分滋味, 佐飯好正。「紅豆沙」  ~ 紅豆沙很大碗多料, 沒有欺場, 紅豆大顆粒, 而且很腍起沙, 糖水的甜度適中, 不會太甜, 很認同「甜品為餐飲劃上完美的句號」這句說話, 吃了甜品糖水, 真的覺得整餐飯好完滿呢 !     心情也靚晒 !  是次總消費 : $397雖然菜式水準在同區未算是最出色, 仍覺是水準平均好味, 份量多, 平常日子有多款孖寶、特惠套餐和特價精選等供選擇, 就算是正價也很經濟實惠, 性價比相當高, 作為家常便飯的家庭聚會, 也是一個不俗的選擇喔!…查看更多

今日晏了點，接近4點先去食下午茶 (下午茶時段到4:30)， 幸好都有我想食的。酒樓算乾淨，坐位與坐位之間又唔會太迫。鳳爪排⻣飯，排⻣汁滲入飯味道OK。鮮蝦菜苗餃，好味道，皮透明夠薄。什菌雞包仔，個包唔錯，甜甜地，餡料都算甜。白灼唐生菜，即整，熱騰騰，新鮮爽口。…查看更多

昨晚是我的大師姐在護理界工作的最後一天，她將到內地去進修中醫。我們一行7人，放工後相約到馬鞍山廣場的豪宴大打特打(邊爐)一餐。 😉我已是第三次到這裏打邊爐。其吸引我之處是二百元內任飲任食。打邊爐的食材不外是那幾十款，這裏的食款式，與其他店鋪都大同小異。至於飲品，有自製的夏枯草和酸梅湯，叻外還有啤酒和三款口味的汽水，算係咁啦！至於招呼，侍應都隨傳隨到，雖則大多不是本土香港人，但他們的獨特招呼方式，都令人覺得幾親切。原先，我們被安排坐一張六人枱，但我們覺得太迫，又沒足夠地方放食物，後來就讓我們坐八人枱，服務態度算不錯。…查看更多