豐鍋雞煲 (京瑞廣場1期)

今晚同朋友入石门食鸡煲，呢间野系比我朋友大力推荐，佢都食左几次😗七点未到已经全场爆满，好彩有订位！🐔 招牌麻辣鸡煲（半只）$178听隔离台讲BB辣系最好食，即刻同款叫左！一上枱香气攻鼻！鸡件大大件好入味，啖啖肉真系好爽！酱汁浓稠带微麻，辣度温柔唔呛喉。鸡肉嫩滑唔柴，连鸡皮都索尽秘制酱汁，食到最后加汤打边炉，个汤底即刻升级成麻辣火锅汤🦆 台湾麻辣鸭血 $68全场MVP！真心系我食过咁多间最好食嘅麻辣鸭血～厚度切得啱啱好，质地滑溜到似食紧超嫩豆腐，但系又保持到弹牙口感。最厉害系个入味程度，每啖都充满椒麻香，完全冇腥味，连平时唔食内脏嘅朋友都抢住encore！🥩 顶级安格斯牛小排 $198油脂花纹靓到发光，轻轻一渌就食得！牛味浓郁得嚟带淡淡奶香，点少少蒜蓉醋更加提升鲜味～🍘 爆芝紫菜响铃 $49邪恶度爆灯！新鲜炸起嘅响铃卷包住紫菜同流心芝士，浸完汤外软内脆，一咬开芝士浆涌出，超满足！🥬 莴笋片 $36加咗份莴笋片打边炉，切得薄薄哋，渌一阵就食得。口感爽脆清甜，索咗麻辣汤之后更加好味，又唔会太油腻，同浓味嘅鸡煲几夹～🍜 幼身红薯粉 $32同一般粗身唔同，呢度用幼身版本，更加挂汤！渌两分钟就食得，嗦一声吸尽麻辣汤精华，烟韧有咬口，我一个人就KO咗成碗～🍐蓝蝶雪梨茶 $38 梦幻蓝色好啱打卡，雪梨润肺又清热。不过蓝碟饮完系有滑肠功效，朋友饮完出到门口就要去厕所了🍹玫瑰柚子茶 $38 玫瑰花香衬托柚子清甜，解辣一流，两杯都大大杯够冰冻，打边炉饮真系透心凉！最后埋单每人三百零蚊，饱到捧住个肚走。为咗个神级麻辣鸭血，我已经约定班同事下星期再encore！…查看更多

今晚突然想食鸡煲，到丰锅鸡煲，位于香港沙田石门安群街3号京瑞广场1期1楼137号舖。餐厅环境舒适，店员服务有礼。📍招牌麻辣鸡煲 ~ 点了bb辣，辣度刚好适合我，鸡肉鲜嫩，麻香入味。📍十优状丸 ~ 有黑松露墨鱼丸、虾丸、墨鱼丸、黑墨丸和鲮鱼丸，五款口味，每款都弹牙新鲜。📍饺饺阵 ~ 鲜虾云吞、鱼皮饺、韮菜饺和麻辣云吞，四款口味当中我最喜欢鲜虾云吞，皮薄馅靓，鲜味多汁。📍顶级雪花肥牛 ~ 脂肪比例平均，肉质较嫩，厚厚的一块，牛味香浓。📍出前一丁 ~ 打边炉最喜欢的就是出前一丁，吸尽汤汁的味道，非常好吃。📍油麦菜 ~ 清甜爽脆的油麦菜，打边炉之选。📍咸柠七 ~ 微微的咸酸，清凉爽口。📍龙凤柠乐 ~ 淡淡的柠檬香，清爽解渴。整体价钱合理，鸡煲惹味，火锅配料款式多又新鲜。🏷️温馨提示～ 整个用餐体验均属个人分享意见， 只作参考😊。…查看更多

每次想食鸡煲就会谂起石门呢间丰锅鸡煲🤤🤤佢既鸡煲同用料都好正😋#滋润椰子鸡煲 🥥🥘❣️用左一大个椰青加落去，仲刮晒啲椰子肉一齐煲～汤够清甜🤩fafafoodie 饮左4碗汤😗新鲜鸡肉嫩滑又有鸡味👍🏻仲有好多又大又粗嘅竹笙😍呢个椰子鸡煲真系必试HKD198#顶级雪花肥牛 🥓❣️应该系属于牛板腱位置😙肥瘦均匀👍🏻牛味都好出🤤比起牛小排佢系薄身少少HK118#自家炸响铃 🫔❣️即炸响铃上枱时仲热辣辣，大大件好松化😚佢仲有芝士/紫菜响铃都系即叫即炸架～HKD59#手工即炸鱼皮 🐟❣️大大片炸鱼皮系丰锅既手工之作，好似真系冇见过第二度有，真系枱枱必点‼️好似揾熨斗烫直左咁🤪即食或浸汤都好正😊HKD54#手工四宝丸 🦑🦐🐟🍢❣️手工四宝丸有墨鱼丸/虾丸/鲮鱼丸/墨汁墨鱼丸，全部都好弹牙，fafafoodie唔小心跌左粒墨丸落枱时竟然有回弹😲啲丸仲好真材实料，唔系沟好多肥猪肉个啲丸🫣真系有好多墨鱼粒🤩赞HKD89#白鳝片 🐟白鳝新鲜，肉质爽口弹牙，仲有啲油脂香～不过要小心细骨呀😉HKD102酱油费 $8p.p.加一服务费#丰锅鸡煲#fafafoodie_石门…查看更多

夏天想打边炉，去咗石门嘅呢间---🌟丰锅鸡煲🌟，地理位置非常方便，马铁线一出，行几分钟就到👍🏻餐厅除咗打边炉，仲有鸡煲，仲可以拣唔同嘅辣度，边炉嘅汤底款式都有好几款，有辣有唔辣，而火锅配料非常多选择，酱料同白饭自助✨️._.🐥| 滋补螺片花胶鸡煲 (半只) |🐥两人食半只份量差不多，汤底嘅料好足，鸡件斩件方便食，鸡肉新鲜肉质嫩滑，仲有花胶大大块👍🏻.🥟| 中优状丸 |🥟(黑松露墨鱼丸+虾丸+墨鱼丸+黑墨丸+绫鱼丸)一碟可以试齐咁多款丸类，每款两粒，一人一粒又唔怕食得太饱食唔到其他嘢，份量啱啱好.🦀| 花心蟹粉丸 |🦀一碟有成八粒，蟹粉流心，满满嘅馅料，好满足.🐂| 顶级雪花肥牛 |🐂打边炉又点少得肥牛，一片片薄砌，舖得几靓，雪花纹靓，渌几渌就食得，牛味重.🐖| 猪颈肉片 |🐖一碟分量都唔少，舖排得又系好有心机，碌熟咗之后肉质唔会韧，仲保留到肉味同软腍度.💛| 自创爆芝响铃 |💛响铃对我黎讲又系火锅必点，选择唔系得一款，好特别，又有紫菜味又有爆芝好吸引，最后拣咗芝士味🧀，好吸引，仲有得拣三件同六件👍🏻._.…查看更多

沙田友推介近期超有人气🔥隐世美食丰锅鸡煲，小编专程去试一试，认真唔简单！原来餐厅用上10年花雕酒炒鸡煲，真系劲香啊🤭丰锅仲系🐟海鲜控同🥩肉控嘅天堂，平民价钱抵食又好味💖餐厅环境简约舒适，大部份都卡座，平日晚市7点几已经爆场🫣，小编建议大家最好预先订座，同预留定海鲜先有保证😎𓏸𑁍𓏸𓈒𓂃𓂃𓂃𓂃𓂃𓂃𓂃𓂃𓏸𓈒𑁍 ᵂᴴᴬᵀ ᵂᴱ ᴼᴿᴰᴱᴿᴱᴰ招牌麻辣鸡煲（半只鸡）🐔 $178 哗！真系麻辣鸡煲嘅天花板😍鸡肉用咗10年花雕酒炒🥃到半熟，鸡件大大只又厚肉，仲好嫩滑添！麻辣汤底香辣度刚好，香气扑鼻，真系愈食愈开胃！汤底仲有浓浓酒香，配搭鸡肉真系一绝🔥 麻辣控同鸡煲迷一定爱到喊🤤海鲜 🦞 （需预订）❁ 鲍鱼 $48/pc鲍鱼大大只，厚实爽弹，入口鲜甜，超值😋❁ 苏格兰蛏子王 $48/pc蛏子王啖啖肉，鲜味爆棚，真系好好味！❁ 帆立贝 $48/pc新鲜肥美，口感嫩滑，最钟意食🐚贝类，呢个系海鲜控必点🌟 ❁ 草虾 $88/pc新鲜虾肉，实肉得黎又弹牙，仲好大只添啊🦐顶级安格斯牛（小）🐂 $198牛肉质感细嫩，油花分布均匀，入口即化，牛味浓郁，配麻辣汤底系perfect match💯😍即点即炸 ❁ 自家制响铃 - 香脆可口，食落好过瘾，系鸡煲嘅最佳拍档😋 ❁ 自家制炸鱼皮 - 第一次见炸鱼皮系原条上枱🤩炸到金黄酥脆，鲜味满满，停唔低口🐟❁ 十优状丸（10粒）🥟 $108-黑松露墨鱼丸、虾丸、墨鱼丸、黑墨丸、鲮鱼丸每款丸都弹牙鲜美，手工制作真材实料，食到唔同层次嘅鲜味🤤唐生菜 🥬 $35 清爽生菜平衡返麻辣感，食完咁重口味梗系要食返D 菜，好refresh🌱啊！今次真系一试见真章，相比其他鸡煲店，丰锅认真出色👍🏻由肉类去到海鲜，每样都超惊喜！餐厅职员又服务好好，下次都要再带埋屋企人嚟食啊🥳…查看更多