豐盛牛肉麵

营业中

休息中

土瓜灣區食台灣牛肉麵的店鋪不多，這間算水準不錯，蕃茄湯底牛肉麵，今次牛展有少許硬了點，如果軟一點就更好，蕃茄湯底不錯，(但紅磡區另一間台式店的蕃茄湯底更好一點),.鹽酥雞鹵肉飯，味道不錯，鹽酥雞亦不會炸得過火，價錢亦非常合理，桂花酸梅汁，普普通通。

係土瓜灣食午餐無咩選擇，呢間食店算唔錯啦！如果唔怕熱氣，必食係鹽酥雞肉燥飯。我今日唔想食太熱氣，所以叫左紅燒牛筋麵。份量非常足夠，食極都好似食唔完咁。呢度係我同同事嘅半個飯堂，每個月都會黎幫襯幾次。如果係附近做野或住，可以幫襯下！推薦～

今日想同大家介紹一下 呢間台灣小食店佢位於土瓜灣北帝街人流唔算多 係一間細舖店內只有六至七張枱座位位置唔算舒服 比較逼夾坐得比較辛苦至於嘢食方面 其實都唔差架番茄牛肉麵：番茄牛肉麵係我最推介嘅嘢食牛肉好香濃 蚊得好琳！湯底香濃得黎好有鮮茄味暫時係我食過最濃嘅番茄湯髯鬚雞肉燥飯都好好食不過食完好熱氣 食完好易喉嚨痛

牛肉麵真係好有驚喜牛肉牛根爽口小小小小痴牙而已肉味香濃, 有點肥又不過份麵沒有什麼特別, 可以啦最正都係湯! 很清很清不油膩, 小小淡. 沒有重手落鹽個種飲得出堅牛骨味!!鹽酥雞當然係小小偏咸拼豆腐炸得香脆, 嫰滑粉漿又不會過厚食完碟底油分都不多!埋單2個人$160, 周圍以牛肉麵作招來的, 閒閒地都 $7- ~ $1xx 一一碗這裡份量很足夠又唔貴! 今晚再去幫襯!!卥肉麵食左朋友的一小口沒有嚐真味道, 但都覺得麵汁都好好味

周末想到附近食餐飯揀左呢度，朋友說杯胚芽奶茶有中學時的回憶，就睇睇搵唔搵到回憶啦是日天氣炎熱，入到去冷氣唔算強，恰巧無咩人，揀左張大冷氣既桌上坐下環境是普通一間舊餐廳咁，唔算整潔，尚可接受 牛肉麵 佬說不夠味 不夠熱鹽酥雞肉躁乾拌麵雞炸得不錯，麵質地正常，唯獨有點滯可能醬汁太油？ 配兩條生菜，怪怪的😂😂青瓜切得太長，青瓜本身不夠爽脆，因此我無咩點食，又可能係咁既原因，平衡不了汁既油炸花枝丸 普通炸墨丸 無咩特別 22蚊4粒🤔胚芽奶茶 叫左少甜真的偏淡，下次可試正常，才決定到係咪中學回憶中的胚芽奶茶整體來說ok la，未好味到會係咁想再食但又未難食到會黑面😂想食台灣野時 可果腹之選題外話：見到隔離桌投訴炸肉排太黑，阿姐隨即入廚房換過塊👍🏻

晏左放工又冇乜胃口 就諗住同女朋友尼哩度食小小就番去訓 之前都幫襯過幾次不過多數外賣番屋企食既 今次堂食叫左香酥排骨鹵肉飯加個花枝丸紫菜湯share 個飯呢食過幾次嫁喇味道係唔錯既鹵肉撈飯都好好味但啲鹵肉份量太少 食幾啖飯就已經冇哂咁濟 而香酥排骨呢就第一次食 hmm..一夾落去塊香酥皮同啲肉已經自動分開左不過咬落去呢又幾好食 塊皮少少脆脆地 啲肉咬落去都仲有肉味 係乾左啲 另外個花枝丸 咬落去有啲魷魚粒幾有咬口 湯既味道就中規中矩勒有樣野可以改善下既 我地一坐低隻手放左上枱發現張枱痴立立既 連啲餐具都一樣 啲餐具仲有啲污積添..

呢間台灣食店開左一排, 都幫襯過幾次架啦味道不過不失, 價錢亦尚算合理不過因為土瓜灣實在太多其他好野食所以次次要諗食咩, 總唔會第一時諗起佢咁時候會揀佢呢? 就係當我強烈想食湯麵類, 而男友強烈想食飯類之時就會揀呢間了, 哈哈哈一如以往, 我次次來都會ORDER 台灣牛肉麵而佢呢, 就揀鹽SO雞飯我個麵的湯底都幾濃味, 仲有少少辣辣地, 都OK 架佢個雞都炸得唔錯, 咸咸地好送飯而杯0野飲係凍的荔枝紅茶正正常常啦, 都幾夠甜

自從它開業之後試過2次，就很久沒有吃，呢兩個星期反而因為牛肉麵就吃了2次，因為都幾好味😋😋😋川味麻辣牛肉乾($53)－麻辣味係台式，唔係川味，所以唔算辣同麻，反而係有少許中藥味，我最喜歡的味道，而牛肉燉得好淋，吃落似炆淋牛脷的感覺，麵好幼而彈牙，非常好味👍👍👍鹽酥雞滷肉飯($39)包括：滷蛋、茶脯、8件鹽酥雞、滷肉少些、翠肉瓜鹽酥雞－少少咸，外皮鬆軟，夠熱😋😋滷肉－肥膏好淋，醬油味香，可惜少咗D😅跟餐熱飲加$6，涷飲加$8，整體來說都算滿意

呢間係我另一間飯堂，價錢合理，味道好。全天候價錢，大約~$40幾一個飯/面，做晚餐就最抵食。都有個下午茶餐牌，好似~$30幾，細飯+小食，份量真係較少，約平日飯既一半。鹽酥雞魯肉飯$39 : 雞炸粉剛好，足份量，都5-6粒，面灑了鹽粉(七味粉?)，變得好有台灣味的炸雞粒炸雞粒無汁自然擔心乾，但配有魯肉同汁既飯就剛好。(其實個飯都唔係乾既) 好喜歡啲配菜，不定期轉下，有翠肉瓜、娃娃菜、生菜，總有兩款菜，好啱愛食菜既我;滷蛋同菜脯係必有既，淨係配菜也有四款，真係做得好細緻，好台式風味，抵讚!!除鹽酥雞，其他也試過，值得推介:- 香酥肉排(炸豬扒): 薄脆，同酥雞味接近- 湯面: 湯味少少甜，幾開胃- 伴面: 醬不會太多太濃，幾惹味呢間係小店，如果5-6人以上都較難找位置的。

因為我愛吃台灣牛肉麵，所以見到就想食，入去見到有麻辣牛肉麵，當然要叫，另外加個鹽酥雞。台式麻辣和四川麻辣不同，四川麻辣會辣得黎有花椒的香味，而台式有少許藥材的味道。鹽酥雞很細件，味道一般。總括係普通啦👌

晚上要一枝公到小友學校聽講座。獨個兒跑到食街那邊揾地方落腳醫肚....有好幾間新店子還沒有吃過，這所台式料理店，是其中的一間....要飽肚的話，來一滷肉飯拼豬手，份量十足一定不會令人餓著肚離開....滷汁相當的入味夠味色水沉鬱；滷肉儘管只有極少量是連皮的脂肪但整體上還是偏瘦的，於我而言是不合格。不過有了夠香夠味的滷汁，以之來撈飯仍是食得下的....豬手反而令人有很大驚喜 ---- 皮是厚得來又爽到嗦嗦聲作響，肉是入味之餘同樣具彈性，好吃....伴菜有我愛吃，帶微辣的菜甫粒及清清哋的大豆芽菜....總括而言，這台式碟頭飯是絕對吃得過....仍不夠喉，來多碗紫菜貢丸湯....叫這碗湯的目的只是為了有點菜的補充，對其他東西的水平壓根兒就沒有太大期望....而事實上貢丸亦只是普通街市可買到的"港式"貢丸；湯亦是滿口人工師傅味....縱然如此，這裡弄出來的東西又未如好些朋友說那般差，我個人倒是覺可以接受的 (特別是那好幾件豬手)....

好耐冇係土瓜灣食飯，見到呢間好似好正宗的台灣餐廳，就入去試試。Menu宣傳係用台灣大米和醬料，做出真正台灣風味。點左個地道小吃士林小香腸，台灣便當有鹽酥雞鹵肉飯和香酥排骨鹵肉飯，跟餐加幾蚊有珍珠奶茶和香芋奶茶。香酥排骨鹵肉飯真係好traditional，配菜豐富有菜、芽菜，鹵蛋、菜脯。排骨炸得很酥而不油脷，鹵肉飯都好入味，米真係用台灣香米，很有水準。鹽酥雞鹵肉飯，雞肉香料有用九層塔，在很多坊間店都沒有的，確是難得。士林小香腸烤得香口，好味道！珍珠奶茶和香芋奶茶也不錯！

這一段時間都會去土瓜灣上堂,所以多左時間係這區搵食.上星期上堂前突然好想食台灣野, 知道這條街有一間台灣食店就決定來試下味道如何.平日晚飯時間都唔係好多人,所以自己一個人可以享用到一張2人枱...講真個店門一D台灣感覺都無, 認真講經過只係仲以為食雲吞麵店, 入來前已經無咩好大期望, 鬼叫自己想食台灣牛肉麵, 所以來試下都無妨, 而且店內都乾淨座得幾舒服呀..一個人自自在在都唔錯.點左個紅燒牛筋牛腩麵配一小碟酸菜, 單單睇個樣都覺得對辨, 湯夠濃郁好香牛骨味道而且我飲晒成碗最後都無覺得口渴應該就算有味精都係好輕手, 牛筋同牛腩都炆得好淋身入味再配埋D酸菜夠晒開胃. 這碗麵$48無加一, 份量夠而且味道屬中上都算價錢合理.地址: 土瓜灣北帝街59號

兩公婆本來嚟想食碗台灣風味的牛肉麵，睇門外d相好似幾台灣，點知入到嚟就中伏:珍珠奶茶的珍珠一咬就粉狀咁，我除咗係大陸飲的珍珠係咁，香港台灣從未試過。之後戲肉的牛肉麵，湯底無味如水，麵條幼又無彈牙feel,牛肉好穌又唔淋。我平時香港食的牛肉麵最多叫唔正宗，但今次要用難食形容，中晒伏。

土瓜灣又一新餐廳，經過幾次都有少少遲疑無入去，因為台灣牛肉麵唔係太好。今日又食自己，都無咩好食，就鼓起勇氣入去試新野啦！睇清楚個餐牌，其實佢都好多台灣小食，仲有去台灣我必食既鹽酥雞同炸地瓜添。不過今日一個人，唔食得咁多，佢地牛肉麵有一款我愛既蕃茄湯底，不過今一次，都係食番人地撚手既菜式，好食先再諗其它！紅燒牛腩牛筋麵，湯頭聲稱以牛骨牛肉疏果慢火敖煮，不加味精！上枱色澤對辦，味道香濃，份量唔細，牛肉牛筋數量充足。先飲一啖湯，濃味而有少少肉骨茶FEEL！牛筋舊舊軟淋適中對口，牛肉大大粒，但口感就唔平均，有D淋而入味，有D就乾身痴牙，可惜！聲稱牛肉為金錢細腱，小弟有所保留！台灣牛肉麵食得唔多，麵條應該係點唔知。不過呢度麵條偏淋身，唔係好岩我！湯底全部飲完，無太口渴感覺，就算有味精都應該唔多。大大碗又足料，收費算合理…