豊勝手丼 (已結業)

銅鑼灣美食包羅萬有，日式居酒屋頗受食客歡迎，今日光顧嘅豊勝手丼，位於登龍街食肆集中地，在時代廣埸附近，交通相當方便。一行三人在非繁忙時間午膳，較容易揾位。店舖清潔光猛，和式居酒屋格局。午市套餐選擇多，我揀左厨師精選，今日嘅菜式係灸燒海鲜便丼，前菜嘅雜菜沙律很開胃，雜菜新鲜爽脆，味噌湯豆味清新，豆腐滑溜。熱飯亦夠香滑軟熟，幾款海鮮都很鲜味。灸燒使海鲜表面稍熟而內裡保留軟滑質感和海鮮鲜味，口感特别，三文魚和帶子經輕點豉油後，更能提昇味道，夾雜酸羗效果更好。

今日和家人在銅鑼灣時代廣場購物，下午二時先吃個午飯，不用在繁忙時間爭位，輕鬆舒適。豊勝手丼最近搬了新店舖，位於V Point地舖，食店裝修清雅，一貫日式居酒屋風味。我們各自點了午市便丼，我點了碎葱吞拿魚腩加黑黑松露火灸帶子便丼，前菜甜梅子沙律幾清新，蔬菜鮮甜，麵豉湯亦淡香可口。便丼飯軟熟稍腍但很香口，多塊帶子鋪滿飯面，帶子鮮甜加上黑松露，特别醒胃，加有吞拿魚蓉幼滑鮮味，送飯最啱，加埋甜辣子羗，更加醒胃，還可添加熱飯，確保飽足，來一杯熱暖綠茶，閒話家常，又添一份温馨感覺。

環境4分：門面店內設計非常之日本式，有好多日本特色嘅布掛响牆上同埋天花板，可以畀四分！衛生5分：樓面望落好企理，Ｄ木櫈可以做埋櫃桶好慳位，木枱上面有筷子，匙羮，紙巾，好乾淨，可以畀佢五分。服務5分：樓面服務員笑容好，帶位落單快手快腳，又會推介食乜，仲不斷加茶，滿硬分。味道5分：1)     鵝肝丼入面有兩塊鵝肝，兩塊大帶子，兩舊冬菇，半隻半生熟蛋，同埋露筍。鵝肝軟硬適中，少少油滲落Ｄ飯度特別香。帶子算大隻，煙煙韌韌咁，好鮮甜。半生熟蛋唔凍唔熱，仲有少少流心。冬菇又厚又淋，索曬味最好食，五分！2)     加廿五蚊要埋個餐，沙律同前菜蘿蔔酸甜開胃，麵豉湯入面有三隻蜆，好清甜。抵食5分：食之前特意留番一半嘅餸為咗免費加添一碗壽司飯，可以任食壽司飯，都算超級抵，到八月十五號仲有七折搬遷優惠，畀硬滿分！

豊勝今日跟朋友到銅鑼灣逛街，然後覺得好肚餓就搵嘢食啦。天氣熱特別想食日本野，即是刺身囉！登龍街有好多選擇，我之前食過拉麵、釜飯，都令我覺得很難忘。而今日美味的刺身竟然比我遇上。我幾乎可以話呢條街係日本街！成間餐廳丼飯有好多刺身，相片看來相當吸引我們各自叫了一個丼飯，那些海鮮🦞刺身真的令我一試難忘。說實在的，我去年去北海道吃的也不及他新鮮美味。我們吃了五品丼和北海蟹丼。丼內的刺身新鮮好味到極！尤其是海膽，鮮、甜、回甘！大蝦又肥美，真係諗起都想再吃。

話說呢。小妹本來想去試丼丼亭既lunch set。點知呢。落巴士之後路過登龍街見到新開張既呢一間「豊勝手丼」。咦咦。好大張紙寫住七折。就係比呢個七折吸引左🤦🏻‍♀️。望左張menu好耐。最終因為個七折。就order左個$328既海之幸丼 有油金魚+比目魚邊+吞拿魚腩+三文魚子+赤蝦+松葉蟹鉗+日本海膽。加$25就可以變定食有沙律、前菜、味噌湯。因為得兩枱客、所以5分鐘左右已經把食物送上、但上枱之後。第一個感覺、個飯好似好細、女仔就應該足夠、但男仔就未必足夠哦。前菜、沙律、味噌湯👉正常野。第一啖食松葉蟹鉗👉「鞋」正常的、吾覺得奇怪其他👉新鮮。就是新鮮😅。但要一提既係海膽👉好甜。沒有膠味。在飯中間放左小小魚仔👉如下圖。總而言之👉這一餐就係正常、新鮮。但如果沒有七折就偏貴了、用這個價錢、我會選擇「穴 居酒屋」既lunch set。不但新鮮、更抵食、而且坐得舒服。溫馨提示👉七折會做到8月15日

登龍街真係好多食店，上次食咗一間日式拉麵，今次就揀咗另一間日式丼飯。記得呢一間食店啊以往喺謝斐道，剛剛搬來銅鑼灣呢。。餐廳其實唔算好大，不過都好整齊清潔，由於午飯嘅時間，人流不多。所以坐得幾舒服。入面嘅裝修幾有特色，好有日本小店嘅風格，木製嘅桌椅，天花板用繩索編織左好多個魚網，上面中掛咗彩色嘅布簾。。 丼飯款式都好多，最少有16款。另外有刺身、小食等，除此以外仲有壽司九貫同魚生九貫，可以滿足不同人客嘅需要。。丼飯，最平由$178起，最貴就係$328嘅海之幸丼，最貴當然用料比較多啦，有油甘魚、比目魚邊、吞拿魚腩、三文魚子、赤蝦、松業蟹鉗同日本海膽。但係花多眼亂，對於選擇困難，最後我就揀咗季節與廚師發板$278季節與廚師發板 $278丼飯+蜆湯+三文魚沙律估唔到丼飯都有omakase 用料好豐富：三文魚腩吞拿魚腩深海池魚油甘魚活帶子穴子三文魚子蟹肉蟹膏總共有九款材料，而且每款都係好新鮮，刺身雖然唔係極厚切，但係咁多款加加埋埋食完真係好飽。幾款魚身都新鮮，第一啖食嘅蟹肉係好有鮮味，有驚喜。。set (+$25)前菜+湯另一驚喜就係set 入邊嘅醋漬車厘茄，味道不會過酸但係非常開胃。本身以為係

之前都喺過呢間餐廳食過，不過係喺佢舊鋪，佢搬咗之後，地方寛敞好多，坐都坐得舒服啲。欣賞佢哋地方簡潔乾淨，職員冇乜特別客人要serve嘅時候，就會拎塊布呢度抹嗰度抹，好注重衛生。嘢食方面，之前試過佢哋嘅刺身飯，所以今次就試吓佢嘅北海蟹丼 ($198) 同天婦羅丼 ($198)。以同樣嘅價錢，北海蟹丼嘅性價比稍稍高啲。蟹膏好香，蟹肉有淡淡嘅海水味，算鮮甜。至於天婦羅，一定要趁熱食，因為咁先夠脆，如果擺得耐，就會爭啲。特別要講一講佢嘅蝦天婦羅，好爽口。

之前食過一次，對佢嘅柚子梅酒印象好深刻，所以一心諗住黎encore，點知唔知係咪因為佢哋搬咗舖嘅關係，未有酒牌，所以冇得叫酒飲。不過侍應話客人可以自備酒類飲品，唔額外收費。今次我就試咗佢嘅蘋果同水蜜桃梳打，其實都唔錯，因為唔會太甜。食物方面，其實都幾多選擇。不過前兩日先食完刺身，所以今日就叫咗個天婦羅丼。入面有三隻蝦，兩條蘆筍，一件冬菇同一塊唔知咩葉哈哈，仲有半隻糖心蛋。整體來講，食材都算新鮮，天婦羅炸得都算香脆，糖心蛋睇個賣相就知好夠流心啦！但估都估唔到，最令我印象深刻嘅係佢嘅番茄仔。廚師應該加咗一啲特別嘅醬汁，所以酸酸尾尾，好開胃。

星期六約了朋友到銅鑼灣行街兼食午飯，立即便想起早前在登龍街見到新開張的豊勝手丼。餐廳裝潢極具東瀛風，餐牌上有好多不同的丼飯🍚，每一款都好吸引，令我和朋友選擇了很久。經過一番掙扎，我選擇了「五品丼」，這個丼是由五種刺身組合而成，包括有非常肥美的三文魚、新鮮的油甘魚、大大隻的赤蝦、珍寶活帶子及極道鮮甜的日本🇯🇵海膽！當中帶子同海膽的那份鮮甜，實在令我回味無窮。總的而言，這是滿有驚喜的食店，每一款刺身都非常清新鮮甜，我下次必定會再來！

經過一間新店，為食的我又要入店試新嘢😁😁係出名食店多登龍街、比餐牌吸引☺️☺️餐牌每樣都吸引，但比我見到款九鼎丼，每款都係自己想食心水，正😄😄先上沙律🥗，有三文魚加蟹子同菜。味道清新，新鮮麵豉湯味道正，再加入豆腐同海帶。前菜已經好快食掉🤭主菜上啦，不得了，肥厚。😆😆😆😆😆估不到比想像中多，先上我最愛吞拿魚，口感柔軟，脂肪分布平均，再食蟹羔，啖啖香口，蟹味濃郁。蟹肉係即松葉蟹，每啖都好新鮮，到海膽，質感好後，海水味重，仲有甘蝦綢魚，魚子通通魚油多。最後再點了蘋果梳打。樂完美一餐

這晚和朋友到銅鑼灣的V Point 晚餐，這間充滿日本風的新餐廳，位置就腳方便，環境寬敞舒適餐牌上的各式丼飯、壽司、刺身都相當吸引；本來想試試餐廳的日本清酒，但餐廳好像因新開張還未領到酒牌，於是立即和好友約定下次要再來品嚐呢！這晚我點的是 <廚師發辦壽司九貫> ($328)，另外加了$25升級為套餐，附上日本味噌湯、沙律菜，飽得不行不行呢。廚師發辦的壽司以季節性時令海產為主，包括矜貴的赤鯥、吞拿魚腩、加拿大海膽、真鯛、穴子、烏賊、真鯛、油甘魚腩和三文魚腩壽司，共九貫，豐富得令人目不暇給！赤鯥壽司 -帶著少許亮晶晶的魚皮，入口口感爽脆，而且魚味鮮濃無比，上面還加上了少許黑松露提味，足見廚師巧妙心思！吞拿魚腩壽司- 看起來豐腴粉紅，入口肥美無筋、肉質油潤，更是入口即溶，吃得出十分新鮮，實在令我再三回味！深海池魚壽司- 來自日本的池魚現在正值盛產期，肉質緊實而爽口、略略帶點油香，味道鮮甜嫩滑。加拿大海膽壽司- 份量十足，入口即溶之外還充滿來自海洋的鮮甜滋味飲品方面，我點了信州蘋果梳打($36)，是期間限定的蘋果碳酸飲料，入口滿滿清香蘋果味。這間日本餐廳非常高質，是和朋友相聚的

走過登龍街，突然發覺這家餐廳似曾相識，原來是舊鋪搬新鋪了。之前吃過數次印象都不錯，就和朋友進去了。餐廳裝修一如以往走日式路線，現在面積更大，能同時容納更多客人，果然好生意呢。看到餐牌便感到很熟悉，是日推介還有鵝肝，直接勾起想吃鵝肝的慾望，這晚就點肝鵝丼吧。加$25可配套餐，有前菜沙律及麵豉湯。先吃一點蔬菜喚醒味蕾。鵝肝表面煎得金黃香脆，內裡呈淡淡粉紅色，軟綿細滑的口感真的讓人感到好滿足。冬菇也燒得恰到好處，外面乾身又能保持內裡水份。帶子很爽口彈牙，兩隻大大隻又厚身絕不欺場，很有口感，加上黑椒粒更可口。三樣食材配合起來，讓人禁不住一口接一口地往嘴裡送。另外本來想點清酒，但餐廳說正在申請酒牌，白桃梳打味道也不錯呢，味道清新也很天然。又是吃清光的一餐，看到空碗就覺得好治癒呢哈哈。

今日很想食海鮮丼，就即興約朋友去食海鮮丼作午餐，選''呢間，我叫了一客海之幸丼，因睇餐牌好像好豐富，果然上菜沒有令我失望， 滿滿的刺身包圍著壽司飯， 刺身顏色感覺很新鮮， 有油甘魚，肥美拖羅，左口魚，海膽，蟹肉，蝦，三文魚子 ，賣相十分漂亮， 尤其喜歡海膽， 在口腔內有回味的感覺，肥美的拖羅入口融化，餐內包了前菜沙律， 朋友選了五品丼， 賣相也同樣漂亮, 十分足料， 刺身也是厚切的，大家食完也讚口不绝，相信都會再次光顧