豊勝手丼 (已搬遷) 新店位置

位於銅鑼灣的豊勝手丼，是一間主打丼飯的日本料理小店。曾帶不同的朋友來吃過晩餐，覺得食物質素越黎越好，今天便找爸爸一同吃晚飯。海之幸丼$338我選擇沒嚐過的海之幸丼，全部都是我喜歡的食材呢。海之幸丼包括: 油甘魚，比目魚邊，吞拿魚腩，三文魚子，松葉蟹鉗，日本海膽。材食材豐富，蓋滿整個丼飯，不知如何吃起呢。油甘魚厚切肉腍，鮮甜甘香。比目魚邊油香滿瀉，在口中散發甘香，加上黑松露，味道更令人驚喜。吞魚拿腩脂肪豐盈，魚腩整件變成粉紅色，魚油爆發呢。三文魚籽粒粒鮮甜，配米飯一流呢。米飯不如上次甘甜，好像換了米飯品牌，飯量充足，會有飽肚感呢。

認識我既朋友都知道我是一個愛吃海膽的人，經常到不同的餐廳親親海膽。海膽就是有它的魔力，令我有想吃的衝動。今晚的目標是銅鑼灣。餐廳在謝斐道稍靜的位置，鋪頭很小，坐位只有十數個，要有排隊等位的心理準備。餐牌上的是刺身和丼。贅赤雲丹丼 $308這是一個定食的型式，同時會有沙律前菜和味噌湯。贅赤雲丹丼用上原板韓國海膽，還有日本海膽，赤蝦和碎蔥吞拿魚腩，夠晒豪華。兩種海膽各有特色，韓國海膽顏色暗淡，較有口感。日本海膽顏色較鮮，口感嫩滑，入口即溶。當然，能夠同時吃到兩種海膽絕對是個種享受。赤蝦又長又大隻，鮮味，肉質彈牙。碎蔥吞拿魚腩看似普通，但吞拿魚蓉非常幼細，口感一流。其實這裡還有一個三國雲丹丼，同時有齊三個國家的海膽。想不到這細小的餐廳，能提供多種海膽，實在令我感到意外。

本來想食拉麵。去到一蘭見到一條大長龍。所以轉陣過隔離睇吓有乜食見到呢間鋪仔細細，店主好有禮貌邀請我入去所以就試吓啦Lunch Time我係第一批。有位。10分鐘後已滿座Menu 好簡單。可以選佢已經幫你set好嘅餐。或者自己選擇擺咩魚生上飯個度（最少三款). 每樣魚生不同價錢有貴有平。懶得選所以求其叫咗一個角切魚生試吓。有驚喜！足料又新鮮。有齊三文魚吞拿魚帶子仲有鮑魚仔。好味wor ! 分量剛剛好夠我食，大食d就未必夠飽喇。唯一可以改進係飲品選擇太少。不過佢啲綠茶都好好味！下次可以再去試吓其他嘢。不過最好訂定位！

Lots of variety on the menu! The don can also be customized with toppings of your liking. Pricing was reasonable for what was given. As always, seating in HK can be a bit crammed and uncomfortable but that’s just something you Java to get used to. Space is limited so don’t linger for too long but quality is great.

今日去咗銅鑼灣食晏，同事請客，因為早排我幫佢做咗啲野，佢帶咗我去謝斐道橫街一間細細間的店，食日本丼，原來北海道釧路興食呢款自己揀魚生嘅飯，呢間店就係做咁樣的形式，佈置似足魚市場，木牌刻上所有刺身的名字，不過我哋就懶得自己組合，揀咗餐牌上已經配好嘅套餐。我食7號馥之丼，材料是吞拿魚蓉加黑松露火炙帶子，套餐包湯沙律同埋飯。估唔到真係好足料，有成六隻好大隻嘅帶子，煎到半生熟，兩面煎香中間保持生嫩，吞拿魚茸都唔少送飯夠晒餸。另外前菜好似係魷魚醃得好好味，沙律用中華汁，米飯用日本米，仲有一樣值得提，就係啲吞拿魚茸飯裏面有白飯魚。這個丼賣$238，真係好正。

今日到銅鑼灣開工，相隔一保街附近便是很有名的一蘭拉麵，但午飯時間勁誇，排足2條隊。好在附近美食多囉囉，比我搵到這間豊勝手丼日本美食，正！在門外已被其宣傳海報吸引住，魚生、赤蝦、海膽款款吸引。雖然店子小小，但裝修、擺設也很日本feel,感覺非常親切。若晚飯記得要打電話訂位，否則人多有排等。最後揀左赘沢雲丹丼，因贪其海膽夠多， 原版韓國海膽和日本海膽，海膽份量之多，啱哂我這個海膽迷。兩款海膽各有味道，以颜色吸引度來講，當然是韓國海膽，色澤鮮黄。但以size來講则以日本海膽夠大。味道方面，韓國海膽清甜鮮味,但日本海膽更勝一籌，好香滑而更帶有海水鮮味，口感好嫩滑，每一啖食落口都品嚐到那種鲜香海膽味，鮮味在口中不斷徘徊，大滿足。另外吞拿魚腩以攪碎抖蔥製作，細嚐到吞拿魚的鮮味，佐飯簡直一流。至於兩隻超大赤蝦，蝦肉爽口清甜，鮮味無窮，每細嚼一口都嚐到那種鮮甜味。至於餐前有味噌湯和前菜的醬油沙律菜、螺肉，吃後非常飽，極鮮味的午餐。

中秋佳節，想食好少少，但又怕臨時臨急周圍full booking，好彩打電話預定仲有位。自從銅鑼灣Cubis六樓嘅Okinawa Bridges結束營業後，一直在香港都無食過滿意的刺身丼飯了。。。今日好想整返個全海膽飯，於是決定試一試豊勝手丼。三款海膽分別是: 韓國紫海膽、日本馬糞和加拿大海膽海膽新鮮無苦味，塊塊分明另點了一份帆立貝刺身，份量雖然少但鮮甜有咬口，屬北海道貴價貨唯獨小店略嫌狹窄，有「背貼背」坐的感覺。總括而言，品質不錯，性價比高，有機會會encore

今次4人行去食，啲味道很好，刺身啖啖有口感，又好味，尤其是松露帶子另外叫左一款蟹膏，超濃香蟹膏味，送飯一流。芥末超新鮮又香同平時普通芥末無得比，順帶一提，中意食飯又兼唔夠，係不停可以添飯嫁要去食最好book定位，因為地方真係唔大，人多仲好難有位。

成日睇open rice,見到食評唔錯，順路即管試一試，好期待🙈鋪頭細細間，得幾張台。呢間鋪頭有set好左既刺身丼，都有得比你任簡既刺身組合，每種收費都唔一樣。（唔記得左影張menu）但我好喜歡佢咁既做法，可以叫自己最喜歡既刺身種類。飯底本身包左既，（細細份既飯底，岩曬keep fit既女士）任加白飯唔使加錢。～～講返個飯先～～三文魚夠肥美，甜蝦好大隻！仲要兩隻咁多。（根本就係天使蝦既size😂😂😂天使蝦得一隻究竟有幾大隻？🤔）海膽好大份喔都！呢個價位比我想像中大份。吞拿魚容都夠曬甜。總之全部都好岩心水成日都好想再食。記得$17x都相當抵

銅鑼灣謝斐道一向多野食，今次去左呢間食日本丼，超正，難怪咁多人客又要排隊等食。呢間叫豊勝手丼，佢地方細細不過都好有日本味道，而且招呼都好好，不過咁多客嘅原因我相信係佢嘅高水準食物。我食了卜口丼，岩晒喜歡吞拿魚嘅我，佢包左吞拿魚，吞拿魚腩同碎葱吞拿魚腩，睇見menu圖都好吸引，上碟仲正，佢一set有沙律，味噌湯同前菜，最吸引當然係丼，佢嘅吞拿魚未食都覺得新鮮，色澤光澤，而且有肥有瘦，正丫，果然肥嘅入口即溶，超正嘅吞拿魚腩嚟，瘦嘅都好鮮甜，厚切超正，碎葱吞拿魚當中加了魚仔，所以增加了口感，同飯食一流。味噌湯都好好食，吾係一般日本餐廳得個咸字，佢嘅味噌真係吾錯，飲完好舒服。整體吾錯，如果環境可以大d坐得再舒服d更好，不過食物正，加晒分，下次再嚟。

今日突登走過黎食個午丼 門口細細店裡細細只有4張枱16個位，坐滿晒既話都迫迫地架~ 好等大家食飽便走唔好坐太久 不過勝在店員好鬼nice又有禮, 所以無乜bad feeling (同埋可能星期六食晏人唔多) 。嘩 一睇張menu好多野都想食 有分set丼、自選組合丼及新推既燒魚定食。 真系睇到無選擇困難症既我都有d 猶疑不決 五品丼 - 顧名思義有5款刺身，三文魚、油甘魚、赤蝦、活帆立貝、海膽(日本)。覆蓋整個丼面，不知從何入手 唔需要講咁多有圖有真相真系超級新鮮鮮甜 自選組合丼 - 可配3款自選物 (加20可配埋前菜、湯) ，我地揀左大拖羅($108) 、磯煮鮑($68) 、鰻玉子燒($38) 。又系滿滿的覆蓋整個丼面 拖羅超肥美鮮甜，磯鮑煮得好冧好入味，玉子燒如果可以厚身少少就perfect勒！唔知系咪想保持食材新鮮及水準，所以保持小店形式呢！ 下次試埋燒魚定食再上黎報告

今日本來約咗朋友食宴，點知佢話唔多舒服要休息，天氣忽冷忽熱，保重身體要緊，於是乎是自己食，想起不如食過丼。梳梳乎乎食過丼，揀咗豊勝，佢話係北海道釧路形式，自選刺身組合，因為每款不同價錢，每個丼組合及價錢都不一，仲有，加$20食埋定食，有湯及沙律更抵。廿幾款選擇中卜口丼最吸引，皆因我鐘意肥美，有三款吞拿魚肉，普通吞拿、魚腩及碎肉，見到咁多拖羅真開心，即食一件，入口即化簡直完美，漸進方式食都幾好玩，魚肉無咁多脂肪一様軟棉好食。前菜是螺肉，醬汁十分滋味，沙律汁都好味，比較酸甜，混合食更好味。麵鼓湯味道正常，有昆布。$288個丼，因為係頂級，份量咁多，抱住黎食好野心態，值得的。

對於一個吃貨黎講🤤表示好滿足😋蟹膏配飯真係無得輸🦀對女仔黎講一個set係夠飽！但同男仕黎驚佢吾夠飽 吾緊要！呢到係可以免費添飯🍚🔊免費還免費 大家要記得吾好眼闊肚窄 吾好浪費食物🙅🏻呢間餐廳 可能你會話有啲貴喎🙄🙄但我覺得係試得過🤤🤤🤤

今日去銅鑼灣SOGO買護膚品，買完就自然喺銅鑼灣食埋晚飯。我捐窿捐隙搵到豊勝手丼食日本野。其實豐勝手丼就喺伊莉沙伯大廈對面，都吾難搵。店鋪細細間，晚上7點鐘差不多坐滿人。好彩我有位。Menu選擇吾少，講得出名的手丼都有。看見menu,已令人涶涎三尺。我揀了北海蟹丼＄198。侍應端上蟹丼時，十分吸引。有松葉蟹肉，松葉蟹腳，松葉蟹鉗，味噌蟹羔，蟹籽。松葉蟹肉細緻，新鮮甜美。松葉蟹腳細長，蟹腳肉很多，甜美度很棒。蟹羔也不少，拌飯一流。跟set有麵鼓湯，沙律，豆腐，我喜歡吃豆腐，因為豆腐面上有一片芝士，芝士和豆腐一起吃，很美味。不用到日本北海道，在香港食北海松葉蟹，亦可以體驗到日本的風味，滿足

星期二咁岩係港島放工，一放工就搵個friend去食飯，咁見前兩日出左糧，就緊係同個friend去食好西啦。跟手係銅鑼灣搵左間日本野，叫豊勝手丼，係出面望望個餐牌，就見到有好多唔同款既丼，刺身咁我同朋友未入到去，就已經有心水，我地叫左兩個丼黎share。分別係五品丼，同北海蟹丼。五品丼真係唔錯，入面有三文魚，赤蝦，油甘魚，活帶子同海膽，刺身真係好新鮮，食既時候仲有好淡好淡既海水味道。另外北海蟹丼都好鬼正，每舊蟹肉都好大粒同好新鮮，真心好好食，同咪個蟹羔真係要試一試，因為好impress，好新鮮好好味，我唔知點形容個口感，但個蟹羔真係好好食。咁除左丼之外，仲有前菜，配料同一個味噌湯，開初我同朋友都覺得唔夠飽，可能要再叫多少少野食，但食完之後，又覺得幾ok，岩岩好。整體黎講，我覺得好好食，正啊喂