豆漿大王

营业中

休息中

咁大王粢飯必叫都係例牌咁好食介紹咗朋友佢都話冇得頂同以前深水埗間豆漿大王係一樣味道唔知係唔係同一間呢今次試多啲其他嘢叫咗個酸辣水餃對個酸辣湯有啲失望因為唔係話好傳統果種佢係比較水身嘅但係都足料嘅就唔係話好香個隻囉水餃係厚身皮嗰種都係我鍾意食嗰款所以都OK嘅唔都冇乜特別囉都係普通水餃囉又叫左秘滷肉碎拌麵呢個就係主要食過未其實餸就唔多未到其實都幾香幾唔錯都幾意想不到但就真係幾辣下食唔到辣嘅朋友呢就爭啲喇麵質都幾唔錯係幾彈牙嘅煎餃子呢係我最愛嘅韭菜餡我覺得佢都煎得幾好啱啱好唔會太燶亦都脆口嘅餡料方面比例都OK都好香韭菜味另外終於試咗薑汁撞奶好濃好龍濃嘅薑味我記得好似＄15其實都幾抵食都幾大碗㗎生菜冇乜特別啦都係咁，$15份量都ok晚餐來講兩個人135食到咁多款野OK啦

呢度啲粢飯即叫即包，食落去熱辣辣，口感煙煙韌韌當日就加多左油條+肉鬆。不過肉鬆多左反而搶左其他材料既味道，所以下次應該淨系會加油條好lu!另外我地再嗌多左一個肉鬆蔥花球同上海排骨麵，個麵都唔錯，不過個排骨我就嫌油左啲啲，但都入味既成餐飯個人覺得最好食反而系個蔥花球，新鮮炸起外圍夠脆，而且香蔥味夠香，而配菜既肉鬆都比得夠大方，不過食得多就覺得有啲鹹，所以就問左個樓面姊姊拎左啲煉奶黎點個蔥花球，一咸一甜

食左1. 餈飯～裏面是熱的、脆的油炸鬼2. 熱豆漿～無糖，但豆好香好滑3. 卥水鴨腎～食嫩，有驚喜4. 酸辣湯～真係辣的，入口ok, 可以少辣更好5. 卥水豆腐～一樣幾滑整體好好食，又平，兩個人都係$90, 抵！

已經好耐無食到d咁有質素既上海野好彩我地黎到果陣都仲有位，不過之後慢慢都不停入客.. 好似好多人都知道呢間隱世豆漿大王栥飯, 飯唔硬，油炸鬼好脆，肉鬆同炸菜比例剛剛好秘滷肉碎拌麵, 肉碎頗多，滷汁香味夠濃😋😋好惹味😍😍菜肉雲吞，皮夠彈，餡料唔會太咸，值得一試油豆腐酸辣湯真係好正，熱辣辣酸酸地好惹味!仲有樽裝只此一家，想去近d食都無😫😫😫 不過地點都唔算格攝.. 好易搵到.. 下次一定會再黎食😎😎😎

變種巨大雲吞酸辣湯麵🍜大大粒 饀料都夠多😋跟餐配左熱豆漿 係無糖既 好健康😙但我唔鍾意飲😂😂同同事share埋煎9菜餃🥟雖然油左d 但煎得香脆！！原來佢既餈飯係全港最好食🤔🤔下次試下先！

好味餈飯，用料豐富，即做好味，但用顏色膠袋直接包熱食物，會影響健康，有待改善。市面上無見過用顏色袋裝餈飯，其他地方不容易有咸豆漿食，這裏有供應，。其他食物只是一般，門口隱閉，容易錯過

今晚又嚟新蒲崗工作，未到晚飯時間，但係嚟到新蒲崗唔洗講嘢，去整番件粢飯先，因為都有啲掛住咧間豆漿大王，所以就去咗嗱～睇完餐牌，都係叫咗全加料招牌上海正宗粢飯（$15+$6）=$21 ，再加$7配埋凍豆漿，絶配！我件即叫即包嘅全加料粢飯裏面啲餡有孖油條，勁多肉鬆，勁多榨菜，好多糯米，好彩我同朋友一人一半，如果唔係晚飯都唔洗食。食後感～（1）豆漿唔會太甜，好濃黃豆味，好好飲。（2）我之前自己一個食一份粢飯只係叫正常份量嗰隻，今次叫全加料粢飯真係大大份，好多餡，好好食。真心推薦咧兩款食物～～

今日突然好想食粢飯就駕車黎新蒲崗豆漿大王啦。駕車黎新蒲崗，兜左一陣先揾到。門面唔似食店，所以駕車黎要用心留意下先唔會MISS。兩個人叫左一個上海正宗粢飯，都算大件，粢飯即叫即包，熱辣燙手，分兩份同朋友share岩岩好。味道幾好，好味GE，可能加左$2加肉鬆，所以餡料好豐富。買黎做早餐一流。粢飯有炸菜、肉鬆、油炸鬼。食落糯米煙煙韌韌，肉鬆鹹左D，油炸鬼就熱上，卜卜脆，味道鹹左DD，不過粢飯就係呢個味。唔好GE地方係工廠區，店舖係比較細間，座位都好鬼窄，坐得唔舒服。不過平價食店，算係咁。仲有，以呢個間格，通風做得幾好，唔熱唔侷，真係算係咁架啦。叫埋炸銀絲卷同雞翼。炸銀絲卷炸得唔好，個底好硬，食唔到。雞翼又鹹得濟，所以都無食晒。

第一次試食特式食物咸豆漿🤤午餐時間去鋪頭好多人，full曬🤣抬既擺位好窄 坐得唔舒服 但小店係甘架啦🤣咸豆漿有蝦米仔, 油炸鬼食完第一啖 會嘩..好食 未食過既味道😌我覺得好好食 同平時既豆漿好唔同😆跟餐+$15 只有熱♨️好多料 好滿足 唔會過咸👍🏻超多餡既栥飯, 有肉鬆，油炸鬼 $15😆同埋好似有少少麻油味好夠熱👍🏻好新鮮但一個人食栥飯同咸豆漿 會好飽 食唔曬🤣 員工效率都快 唔次5mins就有野食🤣

上海餃子麵🍜 $35 (包豆漿🥛)呢間係糧尾必去架😂價錢好抵而且食物都唔錯😍今次叫左個上海餃子麵😝餃子大大粒 皮雖然唔係好薄但夠淋 而且餡都幾多 仲有4隻甘多😋另外上海麵條都幾好食 軟硬適中 湯底夠濃😚叫左杯熱豆漿 係用碗上嘅 好大碗🙊仲叫左一個上海正宗粢飯($15)同朋友share😍🍙好好味 餡料好豐富 有炸菜、肉鬆、油炸鬼等等🤤食落糯米煙煙韌韌 油炸鬼脆卜卜 味道夠😎可以買黎做早餐🤗😂呢到唯一唔好嘅就係工廈店舖比較細間 座位都好窄🙈坐得無甘舒服😛

已曾有同事試過食物有怪味， 已不只一，兩次， 也反應過，但今次食炸某又有怪味就有點過份， 亦再跟他們反應， 然後個老闆娘出來後說她試過沒有怪味，就問我同事想換什麼， 我同事即說點會沒有怪味， 有很重的殺蟲水味喎，同事唯有叫左碗淨麵算了。氣憤是他們講到好似我地講大話咁 ，已不是第一次食物有怪味， 反應完不改善不特止， 還要態度這樣， 門口阿姐好熱情叫人入去，但入到去就另一回事，所以我們已列入永不幫襯名單。

第一次嚟呢度搵野食，個門口都幾隱蔽，行過左差d搵唔到我哋兩個人入到去，見到仲有大把四人枱，但阿姐偏偏叫我哋同人地搭枱結果我地寧願坐中間既二人枱二人枱擺位極窄，極奇怪，都唔知過唔過到消防條例我地叫左粢飯，有甜&咸選擇，甜粢飯雖然係幾少見， 但係我哋都係鍾意食咸多啲飯夠煙韌，軟硬適中， 餡料油炸鬼脆口，榨菜野惹味，肉鬆中規中矩炸雞扒 雖然味道ok，但係超級細塊， 中間仲有舊肥，唔值$20呢個價叫咗兩碗甜品，一碗係凍豆腐花，另一碗薑汁奶花 我哋誤會咗薑汁奶花喺類似薑汁撞奶， 原來唔係， 其實係豆腐花加薑汁奶， 薑奶都夠辣，豆腐花香滑， 食法配搭幾新鮮， 我係第一次食到凍豆腐花，都一樣咁香滑，重豆味酸辣湯淨餃子，酸辣湯夠辣夠酸，配料足但餃子皮厚，但一夾已經想散咁，肉餡少

係澳門工作/年，發現澳門有好多特式食物，其實好多都係舊式食物，但...因為香港既鋪租越來越貴，舊式既食店就漸漸被淘汰！例如咸豆漿知道呢到有咸豆漿食，即刻出發搵美食鋪頭細細，不過都好多人食先講下我既最愛..... 咸豆漿!!! 真係好好味, 味道岩岩好, 入面有蝦米仔, 有油炸鬼同蔥花豆漿完全冇燶味 ! 香濃豆味 煎餃子（ 韭菜餃子）, 呢碟餃子, 足意令我再黎呢到10000次  !!!皮薄, 超多餡, 餡既調味岩岩岩岩好 ! 唔太咸, 唔會淡 ! 唯獨係油左小小, 要自己用紙巾吸下油酸辣湯 + 釀豆腐, 反而呢2樣有小小失望...酸辣湯有d太酸...味道唔係我like 果type ...釀豆腐, 塊肉太太太小啦, 豆腐係好味...但....成個咁食就唔係好夠味lulast but not least , my favourite 栥飯, 其實好想食埋甜既...不過太飽啦已經....如圖所見, 超多餡, 栥飯夠唒軟身, 肉鬆香口, 油炸鬼夠唒脆, OMG ! 好想再食多個呀 !!!! 

呢間專門食粢飯、豆漿、豆腐花嘅鋪頭唔大，今日黎到只係想食碗豆花，廢事阻住人做生意，都係外賣一碗豆腐花返去慢慢嘆。食豆腐花要稱得上好味，我有兩個指標，第一係佢既質感----豆腐花要夠滑，第二係佢既香氣----要聞到或食到有豆味。呢度既豆腐花唔錯，兩樣都兼備。大熱天時，要雪凍最好味！豆腐花，係健康嘅甜品，可以一試！

本人好鐘意食瓷飯，今日去開新浦罔見到open rice comment 幾好，所以去買個外賣返屋企食，點知失望，咸到飛起，一d都唔好食，很失望，原本諗住下次試下其他野，我諗都唔駛再去了。..............................