豆漿大王

营业中

休息中

好難得香港有賣咸豆漿同粢飯嘅店舖，當然要一試！位置不太就腳，要看google地圖才找到。食物CP值高，價錢便宜好味！咸豆漿很大一碗，內有蝦皮油條蔥花，比想像中飽肚。建議快點吃，油條泡太久變軟口感會不好粒粒豆腐布丁小小一個，但很好吃！粢飯內的油條超大舊，飯反而比較少。整體份量不大，就是適合早餐的量，中午和晚上吃就不夠了。侍應姐姐會主動問要不要切開，服務貼心！炸銀絲卷即炸，要耐心等待。熱辣辣脆卜卜，加上甜甜的煉奶超好味！煎菜肉包也是即煎，還行，肉餡充足。總結：價格便宜，食物可口，是值得回頭再光顧的店舖。

☆豆漿大王👑𝘚𝘰𝘺𝘢𝘣𝘦𝘢𝘯𝘴 𝘒𝘪𝘯𝘨以平民價錢食到米芝蓮美食！今次推介嘅係cp值極高嘅地道餐廳 喺2019年獲選米芝蓮星級小食店😍-上海雲吞麵（$37）雲吞麵夠曬足料🍜有大量雪菜同金馬火腿 麵質煙韌有嚼口 餃子亦係每日新鮮包製🥟而最令人眼前一亮嘅係鮮甜濃郁嘅湯底 比普通上海麵香濃有層次 熬製得非常出彩👍🏻(˶‾᷄ ⁻̫ ‾᷅˵)推薦指數:8/10.粢飯（$16）嚟呢間小食店*必點*嘅一定係粢飯 揉捏粢飯嘅力度啱啱好完全冇鬆散 油炸鬼炸得非常鬆脆亦唔會過份油膩🥖加埋帶有甜味嘅肉鬆同炸菜 果然食得出鎮店之寶嘅味道😋不過建議趁熱食 如果攤涼左米飯就會變硬影響口感(˶‾᷄ ⁻̫ ‾᷅˵)推薦指數:8.5/10.熱鹹豆漿（$8）叫得豆漿大王當然以豆漿聞名🥛一開頭都擔心鹹豆漿會唔會味道有啲奇怪 點知竟然有驚喜😳豆漿內有油炸鬼、蝦米、炸菜、蔥花 🦐豆味頗濃 即使浸過帶有鹹香嘅豆漿油炸鬼依然焦脆 味道的確幾特別令人回味 值得嗌嚟試下🤤(˶‾᷄ ⁻̫ ‾᷅˵)推薦指數:8.5/10.整體來講雖然環境比較逼夾 但食物味道真係一流 絕對值得來訪～.

今日星期日想食一個傳統中式早餐，但又唔想食茶餐廳，所以專程去新蒲崗食豆漿粢飯。豆漿大王在新蒲崗大有街工業區，左右隔離嘅食肆門口都係一樣，門口沒有大招牌，要行近見到門口Menu先至知道係豆漿大王。我哋叫咗幾款店主推介嘅食物鹹豆漿，好少飲鹹豆漿，第一啖食落去覺得怪怪地，但跟住習慣咗，覺得幾好飲，裡面有蝦米乾、油條塊、炸菜及蔥花。普通豆漿，不鹹不甜，枱上有糖，想甜要自己加糖，但沒有黃豆味。鹹粢飯，裡面有榨菜、肉鬆同油條。如果想加料可以加錢，我就全加料比多$7。個粢飯味道淡，全靠啲餡料，油條好脆，肉鬆軟綿綿，榨菜鹹鹹地幾好食。酸辣淨雲吞，酸辣湯好足料，有木耳、豆腐、蛋花、豬皮等，酸辣度適中。雲吞皮薄餡靚。肉鬆奶脆多，多士非常鬆脆，上面放滿非常鬆化嘅豬肉鬆，都幾特別，未食過可以試吓，但又唔係非食不可。雞翼炸得幾香口，炸粉唔厚，外皮有少少甜甜地，但整體覺得偏淡，如果可以加重少少調味料就會更加好食。總結：雖然係星期日早上，位置又喺工廠區，交通唔係好方便，但估唔到有好多人嚟食，門口都泊咗啲車專程嚟買外賣。放假得閒可以嚟試吓，價錢相宜，好過日日食茶餐廳。

為咗美味的粢飯冒名而來🤤位處新蒲崗工業區的「豆漿大王」門面低調外表跟鄰近的食店差不多就靠等位等外賣的人潮來記認點了粢飯（多炸菜） 及 酸辣湯粢飯即叫即包熱辣辣的糯米飯不太厚剛好包住滿滿的餡料一口咬下，不得了！油炸鬼是脆的！肉鬆跟炸菜亦美味非常可惜住得太遠否則，我日日來買一個做早餐食足一個月都不會厭👍🏻酸辣湯相比之下顯得沒大驚喜但亦合格有餘老公問我值不值得特登來食我說，如果你肯車我來就非常之值得😆

唔鐘意食飯既我 但特別鍾意食粢飯朋友都成日極力推介呢間豆漿大王係特別好食 成日都有人排隊 今日朋友就特登走去排隊買一舊俾我試吓 見佢咁有誠意真係冇得推 😂😂粢飯比到我嘅時候仲係熱辣辣 原來新鮮包出嚟 入面勁多肉鬆 油炸鬼仲係脆 榨菜唔會太咸 糯米飯仲有小小甜甜地 的確係好好食 😋 咸豆漿😂朋友話食粢飯一定要配埋咸豆漿先好食😋我都係第一次飲 原來入邊有油炸鬼 蔥 蝦米 朋友仲加埋蛋比我 原來真係好好飲 一直以為咸豆漿就係豆漿加鹽 而家先至知一路都誤會哂 😂😂😂

我由細到大都好喜歡食粢飯😍貪佢抵食、飽肚、好食、又方便食。食過淘大既分店，粢飯一般。見新蒲崗呢間分店嘅粢飯評分比較高分，就特地過來，試試睇下有冇分別。上菜時，粢飯熱辣辣，新鮮包出黎咁。店員已幫我剪開一半，方便食。粢飯裡嘅肉鬆好新鮮，唔係淋晒，非常好👍🏻榨菜切得好碎，唔會太咸，但唔太食得出榨菜既味道，如果榨菜份量多返啲，會比較好。油炸鬼微熱，但唔脆口。糯米夠實，夠煙韌，唔錯👍🏻大大碗嘅熱豆漿，只係$8，好抵，唔係稀豆漿，比較厚身，豆味都有，又唔甜，唔錯👍🏻兩樣野加埋都係$24！非常之抵食。暫時來講，我食過最好食嘅粢飯都仲係將軍澳寶琳站嘅一間上海餐廳。佢嘅粢飯真係好好食，價錢亦都差唔多。

之前跳舞間唔中都會黎豆漿大王食晚飯，佢地嘅豆漿、粢飯係招牌菜，今次食一定要食翻個粢飯，仲要叫左多肉鬆，叫左個上海小籠包，但因為係好新鮮，要即刻蒸嘅，所以要等15分鐘左右，（太肚餓所以食左一個先記得影相，其實有四件的）之後我地叫左個酸辣麵，有少少辣，唔知點解有好大陣泰式辣醬味，不過都好味嘅，之後仲叫左個酥炸雞翼，一碟有四隻，炸粉較薄，但略為鹹左啲，不過我地飽到都食唔晒，最後壓軸介紹嘅係鹹豆漿，好好飲架，仲好飲過普通豆漿，佢入面加左蔥花、蝦米同埋好多塊油炸鬼，超好飲，不過我地最後都有再叫多個凍豆漿，食得太多鹹野，要解下渴。雖然食物整體都好好味，但餐廳環境就略為污糟，座位都比較逼夾，如果介意就真係要考慮一下外賣，因為依個係late lunch，所以係下午茶餐時段，非常抵食，埋單先至係$117，整體而言十分推介。

咸漿多料但居然係普通豆漿咁水樣嘅，而唔係爛豆花質地，唔夠咸鮮蝦皮太多有D 腥粢飯係香港我食過嘅鋪可排到第二名，衰在炸菜唔香唔咸無味香港似乎無鋪賣正宗上海排骨麵，都係炸排骨而唔係紅燒，呢碟仲要勁肥上海麵最好食係濸浪亭，但鋪好細咸漿粢飯最好食係美華，可超越上海當地鋪，但服務差，落單亂所以呢間其實唔差，只係樣樣都排唔到我心中第一啫，已經好多香港大部份上海鋪

難得過黎新莆崗, 又點可以唔試下呢間豆漿大王呢? 聽講佢係米芝蓮2019推介街頭小食, 而且仲上過電視咁巴閉, 大食妹當然要去試一試啦<咸豆漿>大食妹第一次食咸豆漿, 因為覺得豆漿變咗咸嘅會好奇怪但今日食過又覺得幾唔錯, 豆漿大王嘅咸豆漿質感比較稀, 但裏面加入左好多蝦米、菜莆同青蔥, 味道微咸<咸粢飯>為左配咸豆漿, 大食妹仲突登嗌左份咸粢飯咸粢飯竟然係新鮮整嘅, 超開心薄薄嘅粢飯裏面包住一層榨菜、肉鬆同超脆油炸鬼, 雖然粢飯好易散同份量偏細, 但以味道黎計, 豆漿大王嘅粢飯絕對係大食妹食過嘅最好味之一<煎餃子>朋友就嗌左份煎餃子上枱嘅時候係熱辣辣脆卜卜嘅金黃色嘅外皮, 裏面有啲韮菜同肉碎, 料唔多, 但好好味<酸辣湯(細)>另外, 我地再跟左碗細嘅酸辣湯豆漿大王嘅酸辣湯偏辣, 而且多料濃郁, 好惹味

講起食粢飯，豆漿大王一定係不二之選。咁豆漿大王嘅粢飯出名嘅主要原因係因為佢嘅餡多，而且係即叫即整，非常新鮮，唔會話啲油炸鬼冧晒嘅。除咗粢飯，佢都仲會有下午茶丶午餐，有啲基本嘅餃子麵食同飯餐嘅，仲有銀絲卷。鹹粢飯 $16我就叫咗鹹粢飯，佢另外有甜粢飯，係砂糖加油炸鬼鹹。鹹粢飯主要就係有榨菜丶油炸鬼同埋肉鬆。咁一條粢飯呢都係$16，其實都幾抵食。黐飯可以叫餐廳一開二俾你，大家可以同朋友share都OK。粢飯嘅飯乾身，唔會太過冧身，唔會好似煮咗好耐咁，厚度啱啱好。而榨菜唔會太過鹹，搶晒成個粢飯味道，肉鬆都俾得好足。而油炸鬼就唔會話放得太耐，變冧晒。所以，我咁鍾意食豆漿大王嘅粢飯。

呢個食店係工廠大廈下面，門口仲要唔明顯最鍾意呢啲小食類小店可以試多啲種類叫左呢度好多話必食既野粢飯真係唔錯，入面仲要係脆咸豆漿好好味煎餃都香脆個酸辣湯好濃味但佢嘅辣我食唔到絕對有下次嘅小店

難得黎到新蒲崗，附近舖頭又未開，食過暖粒粒早餐先。😋😋😋咸粢飯，咬落去非常有驚喜，舊油炸鬼脆到不得了，好似食緊薯片甘，好香口。外面薄薄一層的糯米飯，口感煙煙韌韌好有咬口，＊有份有咸有甜，仲可以加料添）😋😋咸豆漿，第一次飲，櫻花蝦超多仲有油炸鬼添，油炸鬼浸到淋左，口感幾特別又幾好飲。😋😋煎菜肉包，平時食蒸既菜肉包多，今次食煎既，包面脆脆，餡都幾多，邊食邊爆汁，正😋😋上海雲吞面都幾好食，大大碗，仲要送埋煎蛋同餐肉，好抵食食物好多款式最衰甘遠如果唔係可以經常黎～【豆漿大王】📍新蒲崗大有街34號新科技廣場地下9號舖

星期五夜晚七點幾去食、全場爆滿亦一堆人等外賣！不過好快就量體溫入座。⬇️叫咗咸粢飯加椰汁凍豆花、$16+$13=$29。⬇️好多枱都等緊粢飯、隔離一早喺度但10分鐘之後我個粢飯到啦。係熱辣辣但我條油炸鬼好扁唔多脆，個味都唔錯但因為唔脆有啲失望。⬇️食完隔離枱粢飯仲未到，我碗豆花又好似失左踪。都係唔好意思要追一追、轉個頭即上 ⋯ 豆花都好一般不過都滑，因為椰汁味搶左所以食唔到豆香。糖水係個底所以一時甜、一時椰汁味、總之食唔到豆香。⬇️我要俾錢走、隔離枱仲等緊粢飯但其他嘢佢哋已經食完 ⋯ 落單啲姐姐亦都一頭煙，佢哋啲出菜喺滿座嘅時候係有啲混亂、攞住碗麵行足半場問邊個order架，兩碗熱豆漿又落左四張枱先揾啱客。⬇️應該暫時都唔會食住 😭😭 等佢冇咁旺先！

聽聞呢間豆漿大王嘅秶飯唔錯，於是買外賣返屋企食。要咗一碗咸豆漿同秶飯，全加料。秶飯經過大半小時嘅車程返到屋企，我都對佢無乜太大期望，點知一食，超級驚喜！舊油炸鬼脆到不得了，好似食緊超級薄脆嘅餅乾甘，仲有好香口。最外面嘅層糯米飯，好薄，飯煮得好夠乾身，又有咬口，好煙韌。炸菜好爽口好碎，同肉鬆嘅形態好似。咸豆漿，第一次飲，口感好得意，好多櫻花蝦，仲有油炸鬼，不過今次嘅油炸鬼浸咗落熱豆漿咁耐淋曬了。我覺得都幾好飲喎，雖然話咸豆漿，但飲落一啲都吾算咸。可惜新蒲崗太隔涉，如果唔係就可以多啲買嚟食了。

真係一試就愛上 絶對驚為天人 咸粢飯$16/個 用上泰國糯米 軟身帶嚼勁 餡料有 香甜帶麻油香既寧波炸菜 即炸油條 與及香酥入口即溶既油炸肉鬆餡料跟糯米比例高達 7:3 相當誇張 當所有食材都配搭得宜 再加上即叫即製味道自然會有加乘作用 食粢飯若唔加杯豆槳 總會感覺不對勁一個普通粢飯都可以做到如斯高質食客既支持 米芝蓮既加持 成為最自然不過既事