讚好台灣

营业中

休息中

Nestled in the bustling streets of Whampoa, this affordable Taiwanese restaurant offers a delightful culinary escape that captures the essence of Taiwan's vibrant food scene. The Signature Dishes Beef Dry Noodles are a must-try, featuring a rich bowl of braised beef shank, brisket, tendon, squid balls, and meatballs. The sauce is deeply flavorful, with a perfect balance of spices that warms the soul. The tender beef shank melts in your mouth, while the brisket and tendon add depth to the dish. T

去開黃埔行完商場，同朋友行返出街睇下有啲咩小店食埋晚飯，經過見到呢間台灣菜都幾多人幫襯，而且野食幾多選擇，所以就同朋友坐低試下香酥排骨乾拌麵（口水汁） $63排骨炸得金黃酥脆，內裏肉質仲保持嫩滑，醬汁加左口水汁微辣帶麻，混雜花生碎同芝麻嘅香氣，每一條麵都掛滿醬汁，食落好過癮，旁邊仲有少少青瓜絲，清爽解膩，平衡咗整體嘅油香同辣味豐盛牛肉麵 $72湯底嘅牛肉香味濃郁，牛肉炆得軟腍，有牛腱、牛腩、牛筋、花枝丸同貢丸，麵條粗幼適中，彈牙有嚼勁，而且麵份量十足，味道濃而不重，食完好滿足香滑牛筋 $39牛筋炆得軟糯入味，入口即化，帶點Q彈嘅口感，醬汁滲透晒入牛筋，食落滑溜溜，味道好豐富，仲有白蘿蔔平衡咗牛筋嘅濃味滷味拼盤 $45滷味拼盤有豬大腸、豆腐同滷水蛋，滷汁香氣濃郁，滲入每款食材有機低糖豆漿（餐）+$16豆漿帶濃濃嘅黃豆香，唔會太甜，健康又好味冰珍珠奶茶（餐）+$12奶茶茶味濃郁，奶香同茶香平衡得，珍珠煮得Q彈有嚼勁，甜度適中，唔會飲完覺得漏，食台灣菜必點！

呢次喺黃埔「讚好台灣」食飯，試咗幾款台式嘢食，感覺幾正。豐盛牛乾拌麵連口水汁，麵條彈牙，牛肉片嫩，口水汁有啲麻辣同蒜味，撈勻食落去幾開胃。肉燥綜合湯麵，湯底清清地，肉燥好香，加咗豆皮同貢丸，湯麵滑溜，飲落暖笠笠。麻辣湯有花椒味，辣度啱啱好，飲完暖胃。小食方面，夜市小香腸烤到外皮脆，裏面有肉汁，微甜。路邊攤拼盤有鹽酥雞同甜不辣，炸得脆，灑咗胡椒鹽，幾香。飲品飲咗凍胚芽奶茶同凍香芋奶茶，胚芽奶茶有穀物味，奶味夠但唔膩，香芋奶茶有芋頭香，甜度啱啱好。「讚好台灣」嘅環境簡簡單單，木質裝修幾舒服。嘢食味道實在，由麻辣到鹹香再到清甜飲品，配搭得啱，價錢合理，份量都夠。無論同朋友食飯定自己一個嚟，都覺得台灣菜幾溫暖。下次想再試吓其他菜色。

每次想食台灣野一定諗起佢價錢平民，而且大大份有時平日下午黎仲要排隊等位豐盛牛肉拌麵(口水）包括有 金錢牛腱、牛腩、牛筋、花枝丸、貢丸的確好豐盛 牛腩炆得軟淋又入味，仲有唔少酸菜麵質亦很彈牙，配上口水辣汁一起食少少麻辣，更加惹味香酥排骨乾拌麵(口水）排骨炸得乾身香脆灑了胡椒鹽粉 味道更突出最鐘意佢有唔少青瓜絲口感爽啲，感覺健康木魚豆腐（小）豆腐炸得香口加少許青瓜絲，木魚同醬汁口感更加豐富路邊攤拼盤拼盤有鹽酥雞、台灣腸同花枝丸花枝丸口感彈牙點少得珍珠奶茶珍珠煙煙韌韌，好有咬口

《讚好台灣》作為台中區內極具風味的台灣餐廳，確實名不虛傳。今晚與朋友前來品嚐，整體體驗令人回味無窮。小食部分，我們點了魚酥皮蛋豆腐。冷豆腐冰涼細膩，豆香濃郁，搭配糖心皮蛋、木魚花與蔥花，鹹香中帶著清爽，是一份完美的開胃菜。而路邊攤拼盤包含鹽酥雞、小香腸及花枝丸，香口惹味，特別是撒上孜然粉後，呈現出濃濃的台灣街頭風味。主食方面，滷肉鹽酥雞飯令人驚艷。鹽酥雞外皮酥脆，肉質鮮嫩，搭配經典滷肉飯、滷蛋及配菜，味道層次豐富且飽足感十足。而香酥排骨乾伴麵則以彈牙的麵條、鮮嫩的肉燥及爽脆的青瓜組成，搭配酥香多汁的排骨，無論是口感還是味道都非常出色。飲品方面，冷胚芽奶茶及冷珍珠奶茶是絕佳搭配。胚芽奶茶香濃而帶著穀物香氣，令人回味；珍珠奶茶的粒粒珍珠十分煙韌，奶茶絲滑濃郁，口感一流。整體而言，《讚好台灣》無論是食物質素還是餐廳氛圍，都讓人留下深刻印象，是品嚐台式美食的不二之選。

今次呢間真係有驚喜！**手工五香肉卷飯**絕對係必試之選，肉卷外皮煎得香脆，內裡嘅五香肉餡調味恰到好處，鹹香得嚟帶少少甜味，配埋滷肉汁撈飯真係無得頂！另一個主角**豐盛牛乾拌麵**都唔輸蝕，麵條彈牙有咬口，拌勻特製醬汁後每條麵都掛滿濃郁牛肉香。牛肉份量十足，仲有爽口嘅青瓜絲平衡油膩感，成個組合好完美。小食方面，**滷蛋**入味非常，蛋黃完全吸收晒滷水精華，係拌飯拌麵嘅最佳配角。飲品揀咗**冰蜂蜜柚子茶**，少甜少冰嘅設定好貼心，柚子清香解膩，同濃味主食好夾。**路邊攤拼盤**，一次過可以試勻多款台灣街頭小食！拼盤有齊鹽酥雞、甜不辣同花枝丸，炸得金黃酥脆又唔油膩，點埋特製椒鹽粉更加惹味。特別鍾意佢哋嘅甜不辣，魚漿味濃郁，口感彈牙。另一道驚喜係**魚酥皮蛋豆腐**，凍豆腐滑溜，皮蛋香濃，加埋脆口嘅魚酥同特製醬汁，冷熱交融嘅口感好特別。飲品**冰百香果綠茶**，少甜少冰嘅設定剛剛好，百香果嘅酸甜同綠茶清香平衡得好好

平日晚上同同朋友一齊約食飯，朋友話想食台灣野，我地喺附近搵左間台灣野 讚好台灣，8點幾都有唔少食客。我地兩個人叫左個麵同小食share。肉燥三寶乾拌麵三寶係台灣腸，貢丸同花枝丸配上青瓜絲 麻醬，份量都幾大份麻醬味道香，掛到麵。清新香脆青瓜絲加落拌麵更有口感，麵質煙韌。台灣腸用料實在，外皮香脆，滿滿肉饀，仲好juicy,啖啖夜市味道。貢丸彈牙，咬落有啖啖香菇味。花枝丸有咬口，味道都唔錯。小食試左台灣經典 甘梅脆薯金黃炸蕃薯同梅子粉真係好夾，酸酸甜甜，好開胃，外皮好香脆，綿密嘅蕃薯好清甜。飲品叫左杯 凍珍珠奶茶 走甜少冰茶底味香濃，奶茶質感幼滑，珍珠都好有咬口。餐廳坐得舒服，店員有禮，食物都幾好食，值得再訪。

朋友話以前讀poly個陣成日都過嚟食呢間台灣野 今日終於帶咗我嚟試下了 睇咗餐牌價錢唔算貴 份量夠大都幾抵食夜市小香腸滷肉飯滷肉鋪係飯上面令到每一啖飯都吸收哂肉汁嘅精華 小香腸食落帶點微甜 同係台灣食嘅味好相似滷肉香酥排骨飯排骨外皮夠薄同時肉質好厚實 食落亦唔會好油膩 2個飯嘅配料都有半隻滷蛋 生菜 花生同菜脯 呢個份量女仔絕對夠食有突! 路邊攤小拼盤分別有鹽酥雞 小香腸同花枝丸 鹽酥雞唔會乾柴同keep到肉汁 最鍾意係花枝丸 口感彈牙而且食落唔會成舊粉咁甘梅脆薯 (大)外皮炸到金黃酥脆 番薯中心則保留咗綿密嘅口感 再灑上甘梅粉咁食好開胃高山冷泡烏龍入口有淡淡嘅茉莉香 食咗咁多炸野飲返枝冷泡茶中和返啱哂珍珠奶茶珍珠好煙韌 奶茶都唔會太甜

滿滿既台灣味❤️‍🔥紅磡都可以食到裝修都係走日式風格～好寬敞坐得好舒服👍🏻去既時候已經係夜晚9點～都仲有幾枱客人幫襯～相信係一間受歡迎既小店🫶🏻Menu一目了然～剔低哂想食既野然後交比職員就可以～岩哂我依啲I人😆紅燒牛筋腩麵 $63湯頭濃郁～有滿滿既牛肉精華麵質煙韌 牛筋腩炆得軟腍 好味😝充滿膠質🥰路邊攤拼盤 $45選擇困難人士揀拼盤就岩哂啦😋有齊鹽酥雞、台灣香腸、花枝丸😍好滿足食台灣野點少得珍珠奶茶！！（跟餐+$12）味道同係台灣飲既一樣👍🏻偏重奶味既奶茶仲可以另外備註走甜 好貼心呢～一個人食左$120 ～ 飽住走😆好滿足

不時都會約老表出嚟食飯、聚舊吹吓水，不過，早排佢就病咗一輪，其實都係啲小病，但唔斷尾，依家佢好番晒，就約佢過嚟紅磡嘅「鑽好台灣」食吓台灣嘢，因為佢都幾鍾意食台灣菜，當然小弟都鍾意啦！餐廳嘅格局都幾特別，睇門面以為喺一個大舖位，但喺原來左右兩邊喺唔互通嘅。而裡面嘅裝修都幾骨子，一室淺木色系，簡約得嚟又有份雅致感。餐牌印刷精美，更有唔少台灣唔同景點嘅介紹，睇見都想去番轉台灣呀！由於好多頁，都有啲難影，幸好落單以剔紙仔形式，一大張落單紙就睇晒有咩食，包括台式便當、湯麵、特色乾拌麵、多種台式小吃，台式飲品又可用優惠價加配，點餐紙右下角更特別介紹咩叫做台灣嘅味道，非常有意思。其實睇完個餐牌，真喺好多嘢都想試，因為一向都幾鍾意台灣嘢，咁兩個麻甩佬食量都喺有限，所以就一人揀一款主食，另外加啲特色台式小吃試試，而飲品有優惠，當然唔可以錯過啦。上菜速度都幾快，眨下眼就一枱都喺美食。魚酥皮蛋豆腐 $35魚酥即喺啲木魚碎，呢道冷盤簡簡單單將豆腐、皮蛋放埋一齊，淋上醬油再灑下大量木魚碎同蔥花。雖然簡單，但味道豐富，啲豆腐又夠嫩滑，皮蛋爽口，蛋黃好綿密，木魚碎又添了幾分鹹香味，有畫龍點晴之效。路邊攤小拼盤 $4

路過紅磡做野，見到有間裝修幾靚，Lunch稍後時間都仲幾多人既台灣餐廳。紅燒牛筋腩麵搭配軟嫩的牛筋和腩肉，湯頭仲可以揀大骨湯/牛湯/麻辣湯濃郁。我揀咗牛湯味道醇厚，好味。牛腩牛筋非常入味又淋，四塊大大塊都唔夠喉。麵條係幼麵，有彈有嚼勁，整體非常滿足。 肉燥綜合湯麵今次湯底揀咗大骨湯，比較清爽，肉燥的香氣與大骨湯好夾。配料多樣化，有牛筋，軟骨，大腸滷蛋，一次過可以試幾種。佢又的確樣樣都幾入味，唔錯。珍珠奶茶 &熱胚芽奶茶奶茶奶味同茶味都平衡嘅係我鍾意嘅茶味濃少少嘅配搭。胚芽奶茶有驚喜，有淡淡的穀物香氣，熱飲的溫暖感覺令人放鬆。 路邊攤拼盤見唔見小食就當然嗌拼盤，樣樣都可以試又唔會份量太多。鹽酥雞，小香腸，炸墨魚，全部都係做得幾地道，滿足到口腹之欲之餘，就真係少吃多滋味，適合兩個人分享甘梅脆薯（小）店員推介呢款小食，用番薯炸到外脆內軟，再灑上甘梅粉，好特別。推薦！整體而言，各道菜品都唔錯，有台灣風味，店舖亦都簡潔明亮坐得舒服。

⭐️紅燒牛肉飯紅燒牛肉飯是這道菜的主角，牛肉經過長時間燉煮，肉質軟嫩入味，帶有濃郁的醬香和微微的甜味，帶有香口味道，紅蘿蔔粒經過燉煮後變得軟爛，帶有自然的甜味，能夠中和紅燒牛肉的鹹味，增添清爽的口感，米飯是這道菜的基底，選用一等好米煮出來的飯粒飽滿、口感Q彈，帶有淡淡的米香，增添風味。還有四款配菜，滷蛋嘅蛋白部分吸收了滷汁的味道，鹹香濃郁，蛋黃則帶有綿密的口感，鹹菜帶來了一絲酸鹹的風味，令口感脆爽，粉絲吸收了紅燒牛肉的湯汁，變得滑嫩入味，令口感豐富，青菜帶有清爽的口感，增添清新的風味。⭐️鮮蕃茄綜合湯麵鮮蕃茄綜合湯麵是一道結合了多種食材和風味的台灣湯麵，味道豐富且層次分明。湯底以新鮮番茄熬煮，帶有酸甜味，清爽開胃，同時帶有濃郁的番茄香氣，肉燥的鹹香和油脂為湯麵增添了濃郁的肉香，牛筋和軟骨經過燉煮，口感軟嫩且帶有滑潤感，牛筋的濃郁肉香與軟骨的嚼勁讓湯麵更有層次，滷製的大腸帶有獨特的香氣和微微的嚼勁，滷汁的鹹香與番茄湯底的酸甜相互融合，味道更加豐富，滷蛋吸收了滷汁的精華，蛋黃綿密且帶有鹹香，為湯麵增添了另一種風味，台灣湯麵帶有台灣小吃的獨特風味，清爽及多重口感，吃起來非常滿足。⭐️路邊攤拼盤鹽酥

懷念讀書時期嘅味道啊，之前讀Poly一定會過嚟食，見證住佢由小店裝修再成為兩間舖，但味道及人情味依舊 首先，我們點了兩款牛肉麵：豐盛牛肉麵配蕃茄湯和豐盛牛肉麵配紅燒牛肉湯。每碗麵都飽含牛肉、牛筋及牛肚，湯頭的味道各有千秋。豐盛牛肉麵配蕃茄湯，湯底清新，酸甜適中，搭配滑嫩的牛肉，讓人一口接一口。反觀豐盛牛肉麵配紅燒牛肉湯，則展現出濃厚的醬香，牛肉燉煮至軟爛，湯頭醇厚，令人回味無窮。兩款麵的麵條同樣出色，彈牙的口感與湯頭完美融合，讓人感受到正宗台灣牛肉麵的魅力。此外，我們還點了熱珍珠奶茶和有機低糖豆漿。熱珍珠奶茶的珍珠嚼勁十足，奶香濃郁，喝上一口，讓人瞬間感受到幸福感。有機低糖豆漿則是健康的選擇，豆香清新，不油膩，搭配牛肉麵的重口味，恰到好處。在小食方面，牛肚絲的口感脆嫩，搭配特製的椒麻醬，麻辣適中，喚醒味蕾。路邊攤拼盤則讓我回味無窮，包括台灣腸仔、炸花枝丸及鹽酥雞，每一口都仿佛回到了夜市的熱鬧氣氛。特別是鹽酥雞，外酥內嫩，調味恰到好處，讓人忍不住再來一口。

今日啟德體育園開幕，同朋友過嚟參觀下，之後去黃埔行下，見到有間食台灣菜餐廳，朋友話想試吓！讚好台灣裝修簡潔，燈光明亮。主打台灣菜，有麵和飯選，亦有台式小食和飲品供應。麵食湯底有4款選擇，有辣有唔辣，適合不同客人口味！肉燥香酥排骨湯麵配大骨湯：排骨肉質香酥厚實，麵條彈牙、大骨湯香濃甜美，加入肉燥令味道提升。肉燥三寶湯麵：三寶是台灣腸、墨魚丸和貢丸。台灣腸色澤紅白分明，口感紮實，嚼勁十足，滋味香甜又多汁。墨魚丸和貢丸好彈牙。蕃茄湯底非常濃郁，配搭新竹米粉味道非常出眾，味道鮮甜爽口。路逷攤拼盤：鹽酥雞口感酥脆，肉質鮮嫩。小香腸汁香味美口感十足，花枝丸味道帶甜香，彈牙咬口。西門町滷味拼盤：大腸口感彈韌，湯汁香氣濃郁。滷豆腐和滷蛋都好入味。冰台灣奶茶：味道不會太過濃厚，味道柔和獨特。有機低糖豆漿味道香濃滑順，是有益健康的飲品。

豐盛牛肉麵😍個蕃茄湯底真係好濃郁，飲落去酸酸甜甜，好開胃！🍅 牛肉麵嘅牛肉都煮得好淋，入口即化，真係好正！😋香酥排骨乾拌麵都唔錯，排骨炸得好酥脆，拌麵嘅醬汁都好入味，食落去好滿足！🍖 魚酥皮蛋豆腐就比較特別，魚酥同皮蛋嘅組合好新奇，豆腐都好滑，值得一試！🐟🥚路邊攤拼盤就係咩都有啲，啱晒我哋呢啲咩都想試吓嘅人！🍢 冰香芋奶茶加珍珠真係好飲到爆，芋頭味好香濃，珍珠都好Q彈，🧋💜 冰百香果綠茶就清新啲，啱晒食完濃味嘢之後飲！🍹最後，個滷蛋都滷得好入味，蛋黃都好香，真係食到停唔到口！🥚#豐盛牛肉麵 #港女食評 #OpenRice #打卡必食 #蕃茄湯 #香酥排骨 #魚酥皮蛋豆腐 #路邊攤拼盤 #冰香芋奶茶 #冰百香果綠茶 #滷蛋