譚仔雲南米線 (偉華中心)

营业中

休息中

沙田開左間譚仔咁耐,一直都好想試下...所以今日有時間,就同媽咪同呀妹去食...入到去...d位唔算太窄...唔係d人講到1張4人枱有7個人食...好闊落呀~3個人叫左1個酸辣米線, 1個麻辣米線, 1個土匪雞翼(大)開頭以為酸辣米線d湯係紅色,點知原來好似清湯一樣咁清,飲落去~~真係酸咪咪咁~幾開胃...d雞肉好似手撕雞果隻咁...好味~~土匪雞翼~好味~~3個人食2個米線,1碟雞翼都已經好飽 ~總括黎講呢間都ok~下次會再黎食既~~

最近沙田開左第一間譚仔,見佢成日都禁多人,就佢試下啦,雖然好多人等位,但係都好快有位,我叫左個腩肉炸醬米線+5小辣,可能我吾係太喜愛吃麻辣,所以覺得一般,無咩特別!!但係佢個 炸醬都幾好味.佢都expend 得好快,今日行過沙田中心,見到另一間譚仔裝修緊.

嘩, 見排晒大隊, 門外仲有成排凳仔俾人等位,估不到係喊多過笑?!12點正, 當時不用等位;兩人叫了個過橋餐;跟清湯, 凍檸茶及土匪雞翼.全都味道ok, 清湯幾鮮味, 只係雞翼略油, 預左.服務ok 正常快手, 冇咩問題吖.兩人食65蚊, 抵噃...

今日同朋友行開沙田..咁就去搵間譚仔啦!!因為知名e頭開左間ma..^ ^9點幾黎到..見到門口仲有好多人wor!!!但又唔係拎飛等位lo....都唔知d人企係度仲咩??咁我同個朋友就行入去lo...之後d阿姐理都唔理下我地lo...我問..."唔該有冇2個位啊??"其中一個阿姐.."你自己去搵下啦!!"= =如果我搵到就唔洗搵佢...即使冇佢都可以話排隊拎飛嘛!!咁我地就行返去收銀個位...另一個阿姐見咁人...就話拎飛等啦!!但當時俾飛我時...我朋友都搵左2個!!因為岩岩有人走既....咁將台仲有d食物!!叫左2次阿姐過黎抹野...佢地都係講..."得得..轉頭黎"個陣真係幾火下嫁.....覺得唔夠人手咪講多幾個lo..阿姐過黎抹台...咁我就順便叫埋野食la...費是一陣佢又唔理我lo!!叫左2碗"豬潤米線" 小辣.....不過上得唔夠快lo...豬潤 - 仲可以keep到水準...唔會太粉..唔錯!!但碗湯咸左dd lo......食食下時聽到d阿姐佢地講...唔夠"登"lo...= =好難會夠登lo......因為一張台可以坐到勁密lo!!搞到食野都唔多舒服lo!!!!4人

終於等到譚仔進駐沙田了......讀報得悉譚仔原來分了家,有兩條line,以招牌有冇”三哥”兩個字來區分，有，即係譚仔湯底創辦人三哥條line，沙田呢間係冇嘅！！迷上譚仔因抵死夾大件，湯底夠特別，可能事先知道呢間唔係三哥主理，總形住形住可能會差敢D,就算湯底出事，"一個女仔食唔哂嘅份量"可補不足．．．．．．今次點了譚仔最夠份量的過橋米線，但望落去寒寒酸酸咁，好似Q版，俾唔到”大大碗”感覺我（重俾漏咗腐皮添），兩個人真係唔多夠食,由於一向食開大辣今次要了三小辣所以唔知點同平時比較，單計三小辣又幾好味，重有少少胡椒豬肚湯味添．炸醬好好味,其他普普通通車仔麵水準.土匪雞翼就似未完成未焗好，表皮唔夠乾身芝麻出奇地多，咬入口入面反而有少少乾爭爭．有別第二間的皮略脆內裡有少許肉汁．或許是新開張，一切未上軌道，幫襯譚仔咁多次都未試過土匪雞翼係先嚟過米線！呢間就係咁！！但落單阿姐很好人,我點了一碗過橋米線,另點了兩杯飲品,她會提醒我第二杯飲品要收回原價,還提議不如點汽水抵啲云云,很好人啊

Open Rice 綱友:昨晚我同老婆去咗沙田譚仔米線, 一齊order咗酸辣雞肉腐皮米線同一杯涷檸蜜, 土匪及香草雞翼, 我有以下意見:食物方面:酸辣湯底故不能做到酸中帶辣, 湯底被過量溝淡不酸不辣涷檸蜜只是一杯多冰, 少蜜, 談而無味的凍飲環境方面:由於新開業環境是清潔整齊地方太細, 枱數太多, 客人要 6-7個人 迫埋一張細枱服務方面:人手不足, 因工作量過多引至有漏單的情形 (order 兩杯涷檸蜜只來一杯, 兩份雞翼只來一份, 追咗幾次先追到) 侍應因客人太多, 正所謂做到發脾氣, 對客人粗聲粗氣價錢方面:唔知點解同款食物, 貴過其他分店 (如小鍋米大約$38, 沙田要$43)總結:食物質素不能保持, 服務態度有待改善, 將增加的成本(如鋪租)轉嫁於食客身上(所以價錢與其他分店不同), 有負於一向支持譚仔米線的食客不以為然令我諗起電影"食神"一段劇情來反映謀些商人的行商手法....."D食物要做咸D....客人就要叫嘢飲.....D嘢飲加多D冰.....客人就快D飲完.....D位做得迫D....等D客快D食完快D走......."希望各位消費者, 光顧一D所謂出名的食店時,

我係譚仔超級fans,一直幫襯開官塘康寧道，那間的湯底比沙田這間濃很多，在這間已吃了超過10次，湯底好‘稀’，得個鹹字，如果唔係住沙田，早就放棄呢間。無耐中了‘譚仔癮’，中毒太深，頂住癮先，好過出到官塘食。最近好多人complain坐得太擠迫，打從第一天開始巳有同感，lunch time 幫襯方程式：﹣＞　等位２０分鐘﹣＞　落order 後再等２０分鐘﹣＞　“定格”（除了雙手可動，其他身體部位已經擠迫得不能動）用餐１５﹣２０分阿姐會好積極收晒面前的筷子碗。至於值唔值？從每天可見的排隊人龍已找到答案，譚仔的食物可以彌補其他環境不足的因素，他的fans 係唔會計較７人擠在４人枱“定格”用餐，

各位鍾意食好嘢的朋友:我一向好少寫食評, 食物好唔好食, 係好個人的決定, 不過服務態度差劣, 就不能接受, 我平時都有食開 "譚仔米線", 今次係沙田分店實在太令我失望, 樓面侍應 的服務態度可以形容係 "生意好唔休做, 唔理客人感受"之前有朋友食評覺得一張 3呎的圓枱 坐 "6個人" 好迫, 昨天我就品嚐過 "7個人一張枱" 的經歷, 食開 "譚仔米線" 都知道人多好迫, 不過有好嘢食迫D都無所謂.起初張枱已經坐6個人(3對男女), 大家都明白好迫要互相忍讓, 但其中一對男女走了後, 惡夢就開始啦, 個帶位 "侍應" 用一種 "理所當然" 的態度同我地4個人講................"呢度坐多3個人"當時同枱的一位女士已反駁......."兩個人走咗.....點解變咗坐多3個人......"個帶位 "侍應" 再用一種 "依法有據" 的態度同我地4個人講............"你地坐得鬆.....可以坐7個人.....我地d枱係坐7個人"我就好唔滿意同問個 帶位 "侍應"....... 一張枱係咪坐十個人.......個帶位 "侍應" 就一言不發叫3個女仔坐呢張枱, 我即

譚仔而家都開到黎沙田，呢一日有野做。就入黎呢度食午餐，呢度都算幾多人。都等左位一陣啦。唔知點解，呢一間咁迫既，坐得唔係太舒服。我地兩個叫左個過橋米線同加個大既麻辣雞翼。過橋米線都係叫特辣啦，呢個米線既好處就係乜都有得食。湯底比其他譚仔既辣，算唔錯既。大大碗，食到好飽。麻辣雞翼都係幾好食，醃味幾好。雞翼都算幾大隻，比之前裕一品食既好好多。凍奶茶呢間都算唔錯，茶同奶既味好夾。要彈既係，杯奶茶唔夠大杯，大杯就好啦。呢間野食都唔錯，但坐得太迫啦。

Having dinner here a while ago taught us just how true that axiom was: "don't blindly follow the crowds". Passing by one evening on a weekday, we could not help but be impressed by the long queue lining up in front of this new restaurant at Shatin, and so we ended up becoming part of the queue ourselves. Not that the queuing process was particularly unbearable - we actually got seated within 15-20 mins, which was not too bad at all; however, the dining environment was a major let-down: shop was

譚仔黎左沙田...佢地真係咩area 都有分店呀!!!只係6點半...就好多人排隊了...哈哈...大家都唔使去到咁far食喇~叫左:過橋米線好大個碗呀~有好多料~米線就少左d...魚旦彈呀!炸醬甜甜的...個清湯真係好清...冇咩味...唔通...佢要我地試下d料既鮮味~!~!蒜泥白肉好香...d蒜未熟...有d spicy...d白肉好薄...肥瘦分明的...吸收左d紅油...土匪chicken wing上面有d粒粒芝麻/ 黑pepper?!?!又剛弄好...暖暖脆的!入味!!!但係here 真係好迫...侍應會係咁放d人去坐你張table架!

7月1日夜晚9點幾, 冒名而來譚仔米線試下, 平時見好多人排隊, 因為夜晚一入去就有位, 不幸有以下經歷: 1) 細圓枱6個人坐, 勁迫2) 細圓櫈冇"ai pan", 要全程彎腰.3) 坐低左, 運洗筷子既茶都冇, 想飲杯茶就一定冇, tissue 一張都冇.4) 叫左個套餐+杯o茶, 等左15分鐘先黎, 丸每樣得一粒, 唔彈牙, 好普通, 最多既係肥豬肉, 有5舊, d米線普通到無譜, 其他餸都唔好提.5) 食到一半,約10點2, 阿姐行埋黎話:「先生我地要收鋪, 而家要俾左$先」, 飲晒杯凍o茶都撲息唔到果陣怒火, 果陣個場仲有一半客, 個個食到一半同一面無奈俾$. 茶餐廳都唔會有咁既服務同食物質素, $50蚊食一碗米線仲要一肚怒氣, 以後唔會唔會再去譚仔!!!!

沙田新開了譚仔，又聽0的同事講話OK唔錯，咁就試吓啦，點知一食.......錯晒大碗就真係幾大碗，一碗已經有6粒墨魚丸，我要了酸辣湯底，但唔係好明點解無得揀辣味程度，其他食雲南米線0既舖頭都有得揀啦，湯底唔夠味，味線又太"林"，失望到極，一張小小圓枱坐成6個人，迫到手掙撞手掙，再度失望

今日諗7月1號....一定多人去食譚仔!!!!點知去到都唔洗等位...一坐底D位好迫丫一睇餐牌...嘩貴過旺角咁多既.....我地叫左個餐個份量冇旺角咁大碗.....好快就食曬.....可能岩岩先開舖..間野冇咩待應!!!!!希望下次會再去食

本是滿心歡喜沙田終於都開左間譚仔諗住以後去食譚仔都唔駛搭車去元州街食因為本人由2002年開始幫親譚仔...個時係永隆街老店吃了第一口麻辣米繩已經深深地被它獨特麻香中帶辣吸引了之後不定期去食,每個月食一次，到每一星期食一次還不斷向各方好友介紹譚仔但這一間實在太太太太難食我不是第一次去食...初初還以為剛開張.....所以味道有點不同更加不理會我女朋友說：『這間不是三哥開』心裡想爛船仲有三分釘，就算差，也不會太離譜，今日早放工想住近近地去試多次點知......xxx...小辣麻辣湯底無左麻香味....仲有d怪味.....只係有一樣冇變係"辣"腐竹一d都唔淋.....好似只係搵溫水左.....但冇熟左咁.....嘩!!!咩垃圾黎架.......我好似去左第兩間米繩鋪頭食咁價值貴左....兩餸加辣...唔飲野...hk$28....唔緊要.....因為沙田鋪租費....情有可原...但係都唔好咁q差呀.....起碼都保持番d水準呀......唉!!!!下次都係遠d出番元州街食....冇咁嬲