譚仔雲南米線 (偉華中心)

放工成個人攰到癲，諗唔到食咩，直接衝咗入沙田譚仔三哥。自己一個食晚餐最穩陣都係米線，快靚正。叫咗中辣豬骨湯底，加咗肥牛同魚蛋，湯底有少少辣味但唔嗆喉，飲得出係熬得出味嗰種，飲完都唔口乾。肥牛唔會過熟，魚蛋爽彈，米線夠滑又唔會黐埋一舊。成個餐落嚟好飽肚，真係滿足！店內坐得ok，唔會太迫，啲枱轉得快，落單到上枱唔使10分鐘，效率高👏。重點係員工反應好快，落單用QR code好方便。成日返工放工都唔想煩腦，譚仔真係幫到手，穩陣又飽肚。下次會再嚟試其他湯底🔥🍜！…查看更多

午餐叫咗米線同香草雞翼，唔知以為食緊下午茶。雞翼賣27蚊3隻，但size細得可憐，以為係下午茶餐果款細雞翼，女士咬兩啖已經冇咗，入面d肉雪到燒完乾真真，一d汁都冇。面d香草燒到燶晒，味道苦，要刮走先食得落。愈賣愈貴，但份量同質素愈來愈差。…查看更多

去到沙田做野見到有譚仔雲南米線同埋三哥平時都食得比較多三哥所以今日就試下譚仔雲南米線啦🍜用手機落單有優惠📲滿$65 就送個紅油木耳，一人份量原價都要$12 咁就落單試吓啦🤟🏻✨過橋米線 （$58）🍲湯底要麻辣小辣 （+$1）追加食材韮菜 (+$5)芫茜山 （+$3）湊就夠可以用手機落單優惠叫小辣湯底好惹味🌶️🌶️韮菜真係有多份量都唔少，食極都仲有👍🏻芫茜山就要後上因為當時未ready 好食材份量就好標準似乎堂食會比外賣較多🧐✨後補芫茜山份量唔少，洗得好乾淨，冇沙🥬✨紅油木耳手機落單優惠送的🤟🏻原價都要$12辣汁又酸又辣🌶️撈落小辣湯底好好食🥳餐廳環境乾淨企理通風冷氣亦好足夠好容易就搵到個出風口位坐💨💨食完都唔會滴汗侍應態度友善會主動遞上熱水同埋問會唔會用手機落單個人認為堂食係高質一點我食譚仔咁耐未試過咁飽會繼續幫襯🥳…查看更多

通常午餐諗唔到食咩就係叫譚仔！今次叫咗墨魚春卷豬膶加蕃茄湯底個人覺得蕃茄湯底10小辣就最惹味(本人係食唔到辣 所以只可以叫10小)試過唔同地方嘅車仔麵 或者米線覺得譚仔嘅豬膶係最肥大肉厚真心覺得比起其他配菜豬膶係最出色！…查看更多

🔥谭谭情热锅心暖火系列：美食与温度的双重盛宴！🔥🔥冬日里的暖意，尽在谭谭情“热锅心暖火”系列。一口热气腾腾的热火锅，让你在寒冷的季节里感受到家的温暖。新鲜食材，精心烹制，每一口都是对味蕾的极致挑逗。🍜 谭仔云南米线🔥 香茜皮蛋鱼肚锅 : （鸡件、鲜淮山、猪四宝）：猪润、猪肉、猪皮、生肠，预设配料有鱼肚、芫茜及皮蛋，再加上锅底的京白菜、豆卜、青瓜和木耳，用料很足，配上大量芫茜和皮蛋，再加吸尽汤汁的爽滑鱼肚，每一口都能吃出鲜美，满满一碗的幸福感。推介三款自选配料，包括惹味鸡件、健康养生的鲜淮山以及特色猪四宝(猪膶、 猪肉、 猪皮、生肠)。汤底预设为不辣，亦可自选辣度，由10小辣起。🌶 麻辣猪耳+红油青瓜：麻辣爽口，弹压劲道的猪耳朵凉菜必备呀~红油青瓜更是适合解腻！🍚 迷你米線+白饭：吃到差不多的时候就可以下一碗米线，一口米线一口汤，回味无穷。当然更是有白米饭能一起搭配着吃~隐藏食法: 趁热叹尽热锅配料后，再把汤汁舀落米线和白饭，食尽热锅精华！🍹 热柠檬茶+热柠檬水：虽然这两杯都是热饮，依旧清新解渴注意:譚仔热鍋只有指定分店提供，提提你們出發前記得查一下熱鍋供應分店！#谭仔云南米线 #美食探店 #香港美食 #沙田禾輋邨#香港 #香港旅游攻略 #香港美食 #香港必吃 #香港探店 #谭仔 #米线 #美食打卡 #探店 #吃喝玩乐 #热锅套餐 #热锅二人用套餐 #谭谭情热锅系列…查看更多

自我介紹一下，我係一名譚仔打手，2021年度總共食左138碗譚仔。但係呢間譚仔，沙田偉華中心果間譚仔，係雲桂香隔離果間譚仔，對唔住，永久blacklist。我第一次翻車係食佢既黑柏葉。譚仔黑柏葉其實好好食，爽彈之餘有牛肉香味，中間沾滿川風香辣汁，色香味在口腔裡就好似煙花一樣。但係，呢間譚仔，令我體驗到咩叫做食💩！譚仔啱推出果陣，個slogan叫做「黑色的柏葉，像是帶著神秘」；呢間？「像是帶著便秘」就差唔多！講咁耐，想像大家估到我食到咩味啦？我想講，我無誇張，果陣味真係好濃郁，雖然唔知點解果個部位會有呢個味，但係我真係果刻想拍檯走人，仲要$28蚊！第二次翻車，我差啲以為自己中肺炎。點解？我以為今次我味蕾壞左食唔到味。叫左重慶小辣結果又唔酸又唔辣... ... 懷疑人生既時候突然間覺得有陣味好熟悉... ... 咩味？ 水味啊喊出來！之後繼續食果陣，我總結到自己唔係食緊腩肉重慶小辣，而係淨腩肉配米線贈送是日餐湯（酸辣水）。陰功，成世人食就來一千碗米線，我都幾肯定呢碗係我食過最難食既！味道淡之餘所有味好separate：腩肉既肥香自成一角，米線既麵粉味自成一角，酸辣水？唉！都無味既！真係，永久blacklist🙂…查看更多

濃汁豬軟骨寬麵：配：濃汁豬軟骨，雞肉，花椒重慶酸辣湯，3小辣喺譚仔出現寛麵係一個好新嘅配搭，用寛麵配譚仔湯幾新奇，寛麵同米線韌度不一樣。另外新款>豬軟骨，喺譚仔第一次食佢正常發揮，唔太突出。腐皮好索湯，不嬲都好鍾意食。雞肉好多、唔肥，平時食米線的譚仔雞肉。…查看更多

蒜泥白肉，比以前大有進步！紅油撞蒜泥，精彩惹味一片接一片停不了，白肉薄切嚥嚥韌韌，捲著蒜泥滾滿紅油塞得嘴仔脹脹更是滿足。過橋米線番茄湯小辣，譚仔真的永不擺盤一鑊熟倒出黎堅堅肉酸，凌亂美嗎？車仔麵賣相都靚您百倍。鋪滿面的雜肉不過不失唔難食，餐牌寫滿食材，雞肉、豬膶、腩肉、豬肉、牛肉、魚蛋、墨丸、牛丸、竹笙、豆卜、腐皮、火腿，但硬係覺得少左墨丸牛丸。冷氣勁凍到噴煙，我都凍到震騰騰，食大辣可以抗寒一下，但這碗只係小辣呢。本來碗湯麵已不太熱，在極寒環境影響下急速變微暖再變凍，湯麵唔熱邊會好食！湯汁全滿鮮茄甜酸味帶點微辣，食慾全開失控狂噬。米線原整長長不散碎不短戚戚，而且滑滑彈牙不過腍不過濕，值得一讚。撈埋大量乳香肉醬連湯大大啖掃入口，夠晒絕啊！最衰唔夠熱令到食味大打折扣。…查看更多

譚仔新品蟲草花花雕醉雞翼米線 身為醉雞米線愛好者 見到即刻試吓 點知評價直升機級🚁伏伏伏伏伏.個人認為 一個好味既 醉雞湯米線一定要有酒香 有藥材香 雞肉嫩但今日呢碗真係搞唔掂⭐️蟲草花花雕醉雞翼米線 $43 加醉雞翼$12表面蟲草花 同雪耳都算多 單骨醉雞翼有4件先試湯底 😖入口鹹味勁重 感覺係好重鹹味嘅清湯👎🏻湯底酒味同藥材味都唔明顯👎🏻單骨醉雞翼 都係極品 feel到佢煮左好耐👎🏻雞皮都煮到散哂咁 肉質幾老.完全感覺到 佢地冇用心 去煮野食.題外話 上菜果時（店員話：黎齊啦 醉雞翼小食 加左係碗湯上面）👎🏻比湯浸到冇晒味 本來諗住 醉雞翼會另外上 感覺幾差好奇再問一問第2位店員 雞翼小食係咪喺碗湯上面（店員話：係呀 會加埋係湯上面 加左應該有8隻）點知 望一望我果碗 原來比漏咗我追問下 先另外比番4件 單骨醉雞翼我 服務都幾差sad🤦🏻‍♀️醉雞小食 浸住果個汁 鹹度更加高.#hkfunfoodrecord窮遊香港#hkfunfoodrecord以身試伏.#譚仔 .⭐️評分：味道：1/5 環境：2.5/5服務：1/5 抵食：2/5 加埋飲品雞翼 都算貴.‼️想睇更多資訊‼️ig/youtube/mewe： hkfunfoodrecord‼️fb:funfunfoodrecord.#飲食 #美食 #優惠 #抵食 #hk #hkfood #hkfoodie #foodiehk #hkfoodblogger #hkblogger #hkfoodies #hongkongfood #吃貨 #食評 #增肥 #搵食 #食好西 #相機食先 #香港美食 #譚仔…查看更多

有冇人覺得炸醬越來越少😂今次同平時一樣都係叫炸醬墨魚丸10小辣米線🍜仲加咗杯檸檬茶我覺得譚仔啲檸檬茶特別好飲😂我食譚仔先會叫嘢飲😂因為我平時係將啲米線夾落去炸醬度食嘅，跟住好似撈麵咁食，但係今次啲炸醬唔夠撈，所以我覺得啲炸醬越來越少，希望可以正視返😆…查看更多

睇完個廣告，發現有米線新食法，就黎左～唔知關唔關廣告事，勁多人排隊！我應該等左多過半個鐘，事關我同朋友夾埋3個，店員只會叫1人、2人或4人既飛，完全冇視3人飛，忍唔住同店員講，佢先勉強叫3人枱…Bye, 廣告入面介紹左麻辣汁烤雞炸醬撈米線，一坐低即叫，可以店員話烤雞剛剛賣完…唯有駛第二款餸…麻辣汁牛肉炸醬撈米線（$44）所以呢款撈米線同湯米線一樣可以揀自己想要既配菜，辣度方面最底都要5小辣，比起實小辣高一級。不過食完我覺得唔算好辣，接受到～😆…查看更多

🐷譚仔麻辣豬耳味薯片 ($8.9)🐷😎今次試埋譚仔同日清湖池屋合作出既🐖麻辣豬耳味薯片, 一開已經有陣辣味湧出, 佢包裝寫辣度為🌶3小辣, 攞塊出黎見到塊薯片係鋪滿辣粉既, 食落第一啖條脷就feel到麻麻地, 🥵直頭係食完麻辣火鍋🍲果種感覺. 佢話3小辣的確係無錯, 🥛食完要即刻飲野, 但食多幾塊就開始太鹹, 太多調味粉啦!🧂😋總體 (味道, 性價比) : 8/10——————————————————————————————🐷Mala Pigs Ears Flavour Chips ($8.9)🐷😎This time I tried the Mala Pigs Ears Flavour Chips, 🐖which is a special flavour chips launched by TamJai and Nissin Koikeya. 🌶They marked it as ‘3rd level of spicyness’ according to their scale. 🥵The chips were full of spicy seasoning powder, when I had the first bite, my tongue felt hot and numbing like after having the 🍲Sichuan hotpot. 🥛Its quite spicy and salty which I have to drink immediately right after the bite🧂😋Overall (Taste, CP value): 8/10…查看更多

呢間譚仔喺沙田開咗好耐 之前裝修咗需要快食或者自己一個人食飯都係一個唔錯嘅平價之選今晚叫咗牛肉米線，重慶酸辣（2小辣），配凍檸茶重慶酸辣最少的辣度係二小辣湯底非常之香口 唔會話好鹹配牛肉係一個唔錯嘅選擇本身附送嘅腐竹同芽菜吸收左啲湯非常好味但係食到後面會越食越辣 而且都幾麻 非常之過癮題外話：以前每次都會叫佢哋嘅魚蛋，但感覺佢哋而家嘅魚蛋質素差咗，冇以前咁好食，所以轉左食牛肉…查看更多

疫情關係出街少左,對上一次一個月前跟同事叫food panda, 叫墨丸都覺得好難食,今日落去食lunch, 叫左墨魚春卷5小辣,豬耳,凍華田越食越難入口,決定寫個食評,所以d相係食到中途影個墨魚春卷難食到呢,成口粉又淋,毫無墨魚味,以前係爽口彈牙,墨丸同墨魚春卷都難食的話,可能墨魚來貨差左或者用d cheap既貨減低成本到豬耳,唔知係侍應落錯醬定改左口味,個醬好油,成碟得麻味食到成口油,好難食全餐得杯華田係正常,夠濃做果d外賣優惠我又享受唔到,野食又差左,真係短時間內都唔會再幫襯我寧願你正常收費好過將d食材轉便宜貨…查看更多

今次係我第一次係Openrice寫食評 話晒都係第一次 當然係寫我既最愛 個個星期都會食既譚仔雲南米線啦！次次黎我都會食重慶酸辣湯底既（三x都係煩似既湯底 但總覺得譚仔雲南先合自己既口味！） 佢地既重慶酸辣湯底真係好惹味 唔好睇佢好似油淋淋咁 飲落去帶少少酸味其實幾開胃 一d油膩感覺都冇 次次去食我都狂飲個湯底而餸方面 我就非常推介佢個墨魚春卷 好有咬口 讚！ 不過夜晚去成日都賣晒 要撞手神！不知不覺譚仔雲南已經成為左我既飯堂喇......…查看更多