誠記

营业中

休息中

成日聽人話喺熟食市場尋到寶，今日打完網球就去咗士美菲路熟食中心🤫聽人講誠記嘅沙嗲係好似打邊爐咁嘅味道，係非一般嘅茶餐廳口味，終於今日可以try try😌下午時分都坐滿人，我哋分別叫咗西多士、免治牛肉多士、沙嗲牛肉公仔麵、沙嗲雞絲米粉。都等左頗耐，差不多半小時先有得食😧沿途都有小插曲，聽到唔少人追單，普遍侍應嘅態度都比較差，所以有一檯發生粗口對罵事件，搞到氣氛有啲緊張，我哋都唔係好敢追單。有時候太忙可能真係難免有呢啲情況嘅🤫🤫講返食物水準方面，沙嗲湯底的確出色，唔會太鹹，食完都唔會口渴，就算食米粉都好滋味👍🏻比起招牌沙嗲牛，個人更愛雞絲，因為牛肉那得有啲過火，太淋反而無牛味之餘 口感亦都冇咁好🤨 西多方面 雖然好多人推介，但相比上次喺大埔熟食市場黎講，可能唔係新鮮即製嘅關係，就算係用坊間比較少見嘅咖央口味，味道確係一般👋🏻免治牛肉烘多士都比較一般，本來以為會用上整免治牛飯嘅肉粒，點知原來係罐頭鹹牛肉，頓時扣分！整體來講，沙嗲雞絲米粉係值得推介嘅，但其他食物就好似都比較普通，如果落單情況稍為改善，我應該會多啲幫襯😂😂

其實好多街市都有隱大廚，加埋佢地既鑊氣都未必係咁易搵，之後推薦大家黎誠記食我至愛既麵(仍然係我依家既首選)，食下食下仲有好正既野忍唔住再推咁我就唔晒時間影門面、樓面、餐牌個啲咁就俾大家知埋個價啦沙爹乾炒牛肉公仔麵 配凍飲$47 配大凍飲$49有留意既都知，誠記既沙爹出晒名又濃又好味佢既炒公仔麵都好值得討論，因為佢乾炒得幾好，唔會一浸油係底，幾乾身得黎濃既沙爹仲有撈係啲公仔麵度，好正加埋鑊氣某程度上仲正過沙爹既湯麵佢既配菜會令你覺得更夾而唔會奇怪，牛肉正常，個角燶燶地幾正既嫌唔夠重口味加少少自家製豆瓣醬(少少好喇多左咸死你)，特別係啲牛肉，吊吊味都好好味椒鹽豬扒飯 配凍飲$51 配大凍飲$54我好肯定話你知，你見到佢碟椒鹽豬扒飯，你下一次一定會叫勞蘇食推介 —— 椒鹽豬扒飯椒鹽梗係唔止椒鹽咁簡單，有葱、蒜、葱頭、洋蔥、青椒等等，爆香曬超正超有風味豬扒唔係好粉個啲，好腍好好味最強重點黎喇，佢碟飯加埋甜豉油，彌補左成碟飯欠缺既甜味，當你覺得白飯太淡，甜豉油加爆左既配料超正極細心，相當好味，而好味得有層次，係必食之選試下佢既熱奶茶，相當普通，唔特別滑，茶味唔夠，無咩特別不過算係咁啦，咩都贏晒咩

呢間喺西環街市熟食中心，嘅老字號近期好出名，而且又近地鐵站，今次同朋友嚟試吓果然係名不虛傳！我哋星期六去食Lunch ，12點已經好多人，因為員工唔多，所以order比較慢，但出餐嘅速度都唔差！嘢食方面我哋叫左一份蛋牛治，另外仲有誠記湯意粉，兩杯凍奶茶。蛋牛治好足料好好味。另外誠記湯意粉好大碗，可以足夠兩個人食！最後凍奶茶好滑好香，亦都係推介之一！餐廳環境方面，因係熟食中心地面比較濕滑，所以要小心，另外員工亦都好有效率，盡力幫助客人落單，同埋佢哋真係記憶力好好！

西環熟食市場老字號林立，這裡的餐點款式多樣，自由搭配，是我最喜歡的原因之一。餐蛋麵看似平平無奇，但餐肉是茶檔專有的原塊餐肉，而且是雙蛋太陽蛋，份量十足又具港式味道。肉絲炒麵金黃香脆的麵底，肉絲、芽菜、紫洋蔥等配料毫不吝嗇，令每一口都充滿豐富的口感。餐牌上的任意配搭，少有出現在平民的肉絲脆麵，雖沒有餐廳的優雅節奏，但有濃厚的香港人回憶，想起兒時在球場旁林立的小店。這樣既簡單又滿足，順帶一提！這𥚃的厚多士也是非常讚嘆，好吃得叮叮和我也忘記拍照，可見其魅力！

過開黎西環做野，所以黎左誠記食個下午茶先天氣涷涷地又有d感冒未清，所以叫左個紅腸冬菇米粉加熱檸樂，朋友仔就叫左個蛋牛治。紅腸係煎過，好香同脆卜卜，好滾動喔冬菇好淋好入味，熱檸樂夠哂大杯，仲有香脆嘅蛋牛治美食在人間喔

呢間位於士美菲路熟食中心嘅誠記一直都好受西環乃至中上環嘅人歡迎。筆者好多朋友都推薦自己去試下誠記，話d嘢食仲正宗過傳統嘅茶餐廳，拍得住以前冰室嘅水準，所以筆者特登搭車黎食個下午茶。筆者叫左一個咖央多($7)同一個西多士($16)，先講講咖央多，佢嘅醬料係非常正宗嘅塗醬，並唔係只係食到一味嘅甜膩。唯一比較上不足嘅係，多士唔算太熱，無左麵包嘅香味，不過脆度足夠。至於西多士，筆者認為係自己食過嘅所有西多士入面最好食嘅，佢用嘅麵包非常鬆軟，有彈性至於更加吸收晒落嘅醬料，一咬落去同爆漿無分別。另外麵包同蛋漿炸嘅程度拿捏得岩岩好，而且佢係即叫即整，之後再落煉奶同牛油，份量絕對唔少，所以筆者建議要趁熱食，如果唔係就有機會令到西多士變軟同結實，影響口感。

在香港島跟九龍，還有很多未被「領展」收購的政府街市，跟市政大樓。當中還有很多隱世食店，都藏身於各大街市樓上的熟食市場裡面。那些街市熟食市場食店，很多都會有濃厚的地痞大排檔，而且價錢頗為經濟實惠。繼我以前在香港島南區的「鴨脷洲市政大廈」熟食市場裡面，就曾經光顧過兩間排檔茶餐廳，我無獨有偶地都是光顧，和試食兩間茶餐廳的「西多士」小食。恰巧香港島除了有「鴨脷洲市政大廈」熟食中心之外，在香港島西區的「堅尼地城」市政大廈裡面，又有一個熟食中心，不過我在「堅尼地城」熟食中心食的食品，就不是「西多士」之流的小食。今次我在「堅尼地城」的市政大廈樓上，找到了一間店名叫做「誠記」的排檔食店。「誠記」跟很多市政大廈的排檔食店有但最大的分別，就是「誠記」居然有一大本，印刷釘裝都非常精美，仿如一本書籍的餐牌小冊子。而且「誠記」的餐牌小冊子，裡面所有的食品飲品，都是分門別類，整齊排列在餐牌每一頁之上。「誠記」的餐牌小冊子美觀程度，隨時不遜色於商場裡面的大型食肆。而且「誠記」裡面粲牌列出的食品種類，一般都是以茶餐廳的炒粉麵飯之外，其餘的都是以茶餐廳類的三文治跟小食為主，當中還有以「誠記」自己店舖命名的粉麵菜色。例如

Ordered: 沙嗲牛肉米粉，菜肉餃炸雞扒公仔麵，花生醬煉奶多士1. 之前聽過誠記啲沙嗲牛肉面好好食，佢嘅湯底同一般茶餐廳唔同，係真係香濃嘅沙嗲湯底，普通嘅茶餐廳淨係會放啲沙嗲醬係牛肉上面，所以佢嘅沙嗲牛肉麵真係好出色。2. 個多士就不過不失3. 個菜肉餃唔錯，菜同肉嘅比例係一半一半。

勞蘇食平時都唔傾向寫一個人去食飯個啲食評，一來唔係餐餐都值得寫，我又唔係為湊數寫兩句好味好味個啲人，二來試到既野食唔多，參考價值相對細啲但最後都忍唔住破例一次，寫我好鍾意黎而毫不起眼既誠記誠記係堅尼地城既熟食中心入面，無咩門面或裝修可言架喇，但留意返，通常食街市最驚就係唔衛生同油煙味勁，佢衛生算正常，油煙味係幾乎無，比起好多餐廳做得更好而且由於近港大同港大宿舍，好多港大生會黎食，坐位都係木枱膠/鐵椅，唔好有咩特別期望，不過都唔算迫既餐牌都係一般街市熟食中心或牌檔咁，乜都有，諗到都有得拼，炒到既都做得出主打出名多人食既有：沙爹、濃沙爹牛肉麵、墨魚須頭、牛筋、豬排、椒鹽豬排一般排檔都係食鑊氣，但勞蘇食推介 — 韮菜餃炒蛋粗麵加腩汁，必須加腩汁，佢既牛筋咁多人食其中一個原因就係佢既腩汁好味習慣先食炒蛋，半熟炒蛋，真係蛋有蛋味，好味在蛋既質素食落口就知，加埋加左腩汁既湯底味道就啱啱好之後食韮菜餃，佢用既係似雲呑皮既皮，薄身同冧身好多，餃好足料好好味認真係其中幾間我食過最好味既餃，菜同肉比例好好唔食韮菜既可以揀菜肉餃，都係咁正最後就係麵底，佢既粗麵係薄身個隻，一住挾上黎有少少通透咁既，蛋味好濃，

今日去西環做野，試試好多人讚嘅誠記，叫左個沙嗲牛肉叉燒通，誠記炒飯，凍央凍檸茶。飲品不過不失，沙嗲牛是合格不錯，炒飯就。。。出事了🤦🏼‍♀️一入口已食到生米，我地二人各食一啖確認有生米情況，向店員反映，店員拿回廚房給貌似老闆的人，(貌似老闆)大聲回覆，“我地d炒飯係咁乾”！我回應他是生米問題，他試了一口，怒啤住我，和店員咬耳仔幾句，店員走過嚟問我另點甚麼，我再要一碗沙嗲牛肉麵，之後成餐飯那(貌似走闆)都怒視我，叉起腰企我隔離。完全無食慾再食落去，我只係來食飯，點知係受氣！何況係最基本的出品問題都唔正視，唔通叫個客食生米？佢自己試完都知出了問題，一句道歉都無仲要凶人！自問好聲好氣提出問題，呢d又舊又不可一世嘅老店，香港人都好難去支持😡

以前讀香港大學嘅時候，地鐵未開落堅尼地城就只有搭小巴。其實都好似有聽過吓士美菲路市政大樓3樓有間大排檔幾好食，但係又唔會無啦啦朝早去到食架我無住Hall。而家搬咗去堅尼地城住就好多時候可以去周圍食下野，呢間誠記我就聽過有人食完個面便沙嗲湯底都要飲晒。我心諗誇張咁就一定要試吓啦。咁環境上邊市政大樓來講佢真係算乾淨，座位上都算闊落，冷氣都夠。Open seating 自己隨便坐。冇茶餐乜都冇所有野都係單點。介紹翻沙嗲牛肉，肉片唔算切得太厚亦都唔會太削。食落都幾入沙嗲味，應該有預先醃過，唔算會好似出邊嗰啲茶餐廳沙嗲還沙嗲肉片還肉片。公仔麵就唔係出前一丁亦都冇得俾你加錢揀出前一丁不過都唔係一個好大嘅問題。至與佢嘅湯底，沙嗲味濃，唔會太杰都唔會太咸。唔算超heavy。值得一讚嘅就係佢出碗麵嘅時候，成碗面係好熱辣辣真係好耐冇試過可以所有嘅配料都係辣嘴。如果之前嗰晚飲咗酒，呢碗麵真係戒酒一絕。當然重口味野嘅就一定要搵啲balance 返，我就帶咗一份奶醬多同埋一杯大嘅凍鴛鴦。驚喜嘅係佢嘅鴛鴦茶味好香，同咖啡味好夾。奶醬多嘅多士係厚身麵包，都唔係度度有得食。整體而言，誠記出品比界外一般嘅茶餐廳或者連鎖

今日小編和同事們去左堅尼地城覓食、典解去咁遠？事關同事A話堅尼地城有間食沙爹好好味，咁當然不能過錯過啦呢間舖頭ｏ係堅尼地城士美菲路熟食中心入面，午飯時間雖然人山人海但都有好容易搵到位既。小編當然叫我最愛既沙爹公仔麵啦，一黎到、目測d沙爹好似好濃郁咁、但又唔係杰撻撻既質地，飲左啖湯試下、就覺得沙爹味真心唔錯！好濃厚既口感但又唔會話好漏咁。同事們都話呢度d沙爹好出名、我覺得非常👌🏽OK既但都想搵日試埋元朗ｏ個間X順再黎過終極評分題外話：食完都唔覺得好口渴咁，即係味精應該唔太過份、加分！

鮮油奶多 蛋牛治 沙嗲牛肉炒蛋腸仔公仔麵 沙嗲牛肉火腿奄列公仔麵 🍽全部都好正 鮮油奶多塊牛肉係真係太邪惡了 不過配煉奶太正 沙嗲牛麵個湯依舊夠鹹夠濃 係重口味左d 不過就係咁先好食🍜鮮油奶多出面又脆又熱 入面就有舊冰涼既牛油 煉奶balance翻鮮油嘅油膩感 配埋誠記沙嗲牛肉麵簡直正到爆😗坐街市食野又有feel 🇭🇰 間唔中食下好正呢度嘅服務員唔興寫單 所以買單嗰陣好搞笑 佢會續啲續啲啲慢慢計返條數出嚟 又啱哂架wor 😂😂😂

仲有啲朋友係大學讀緊書，如果想敘舊又要近近地嘅，就要去我哋呢一間大學的回憶，士美菲路街市嘅誠記啦。午飯時間嘅時候，一定坐滿晒人總要啲朋友去霸位先有得食架，今次都唔例外！一如以往每一次落單都係食一樣嘅野，沙嗲雞扒蛋公仔麵配凍奶茶，有時仲會配埋菜添。可能真係大學差唔多每個禮拜都會食所以總係覺得佢呢度嘅沙嗲湯底好出面係唔同嘅，而且真係好足料㗎，雞扒係即叫即炸嘅，全部都係真材實料，唔會好似出面咁加左好多其他額外嘅粉，而且每次食蛋都係會後悔但都係會嗌嘅，真係好厚架。除此之外，咁耐啲侍應都仲係嗰幾個，每次嗌收錢都可以唔洗寫單，用心算就ok，雖然唔係d咩佳餚，總算係一個貼地回憶。

今日有閑情逸致呢到堅尼地城 ，諗起之前上網見過一個關於堅尼地城士美菲路熟食中心的一篇報道：就係講緊呢間誠記。 專誠上嚟探個究竟。報道話呢間茶餐廳係家族生意 ，阿哥同細佬都有份打理呢度嘅業務。 當中佢哋嘅叉燒更加係自己製嘅的， 全因當年唔知阿哥定細佬， 學廚返嚟嘅心得而製成嘅 。一般熟食市場嘅格局，但係位置一啲都唔迫非常闊落。 我揀咗個位坐低，枱上面已經有餐牌。 餐牌設計得好靚 ，上面更加寫住茶餐廳嘅字樣， 睇嚟非常之為作為香港嘅茶餐廳自豪。 餐牌選擇非常多，基本上香港茶餐廳有嘅嘢佢都有 。我望咗一望隔離附近食乜嘢， 大多都係湯麵為主， 於是我就嗌咗一個炒蛋叉燒通粉…侍應態度非常好。 唔使一陣食物已經送上 。炒蛋都夠滑 ，係有少少油。 叉燒都唔錯 ，未至於驚嘆。 29蚊 都算值得， 至少還境闊絡又唔迫人 。可能係上午時段嘅關係。下次都會再幫襯嘅！