誠記

营业中

休息中

因為返學嘅原因，會落嚟堅尼地城街市食，呢間茶餐廳係我之前成日食嘅飯堂之一，因為佢平靚正又好食😋呢間粉面可以揀一餸、兩餸或者更加多餸都得，我每次食都會叫牛筋同蕃茄湯底，最鍾意就係食佢炆到入口即溶，十分入味嘅牛筋🤤🤤 蕃茄湯底煲到好濃郁，麵索晒湯底好好食😋😋😋除咗呢啲餸之外，仲可以揀菜同埋其他肉，好多種類選擇，同埋其他餸都好好味😋👍🏻👍🏻👍🏻

Honestly been craving this noodles. Used to come here pretty often during Uni days and it is both a good memory and a really good bowl of noodles. I ordered a Satay sauce noodle with some mushrooms, vegetables, scrambled eggs and some squid. Perfect for a quick lunch or a hungover meal!

街市餐廳氣氛好好，都係家庭食客，一人食都唔會尷尬。星期日老闆同侍應好忙但是態度都好。叫咗馳名既沙爹麵，炒蛋好香但係雞絲唔算好食，麵地有少少鹹，比較適合重口味既人。下次會試其他野。

呢間又係我大學個個禮拜都食兩次嘅飯堂😌，佢係士美菲路街市入面嘅一間大排檔好多學生都會幫襯，因為佢平平哋就有好大碗麵炒飯碟頭飯🤩🤩但係就比較麻甩嘅啲餐牌都有少少黐立立🙊但係啲嘢食就幾唔錯 ·🍲沙爹豬扒濕炒河粉 $44呢個係一個hidden item😎，其實呢間餐廳炒粉麵飯嘅配料係可以自己揀嘅，譬如今次我就將肉片轉咗豬扒， 碟河粉一上到枱熱辣辣出曬煙🤤， 一睇就知係即叫即炒， 44蚊有3大塊豬扒同超多芽菜， 雖然唔係新鮮炸起但係啲豬扒食落都好鬆軟😙😙，河粉撈埋啲沙嗲汁同芽菜都好惹味同好有口感·📍西環堅尼地城士美非路12K號士美非路市政大廈2樓熟食中心

細個嘅時候住喺堅尼地城，屋企人就係帶我嚟呢度食下午茶。搬走左之後，黎親堅尼地城都要返嚟懷緬一下過去。呢間街坊小店冇靚裝修，無好好既服務，啲阿姐阿哥個個唔用紙寫低，但係又會落錯單😂(以前細個佢真係記得晒架!)仲要喺熟食街市入邊，所以黎得嘅都一定係街坊。呢個餐牌入邊，款式有好多，配搭亦都有好多，但就係冇套餐😂你以為啲阿姐幫你埋單時，個個都記得價錢咁堅？睇呢個牌應該一目了然啦😂其實我都唔需要睇餐牌，次次黎親必嗌墨魚頭配雞翼。我知佢呢度出名係沙嗲牛肉，但係情意結嘅嘢，唔好問點解🤷🏻‍♀️再嘆番杯奶茶其實已經唔細個嘅時候咁好食，奶茶都冇以前咁好飲，但係情意結嘅嘢呢啲邊有得比呀🤗

今日難得放假，想食番個豐富的早餐獎勵下自己，唔少香港人每次去茶記食早餐、茶餐都一定會叫沙嗲牛肉麵！講到特濃沙嗲牛肉麵，一定唔少得堅尼地城呢間茶記。呢間一向做開街坊生意嘅茶餐廳，餐廳環境咁多年都冇太大變化，而馳名嘅沙嗲牛肉麵更加係水準不變！湯底正！充滿花生香，牛肉較薄身，食落幾有口感，炒蛋都煮得嫩滑。我地2個人叫左一碗沙嗲牛肉炒蛋公仔麵，一碗沙嗲雞絲炒蛋公仔麵，2杯茶走，總共88蚊。特別一提，呢到伙記係比較粗聲粗氣，唔好諗住有咩服務啊😂

今日同個fd準備返工前嘆個tea，見到有個熟食中心，睇下尋唔尋到寶先🤡呢間野誠記，見佢舊舊地一心想試下有無隱世奶茶飲下，答案係無既😂叫左個西多士+熱奶茶，盛惠29$，價錢算親民～熱奶茶無乜茶味，可能人多，師傅都無乜心機沖，但反而西多士有驚喜，炸到外脆內軟，唔會太燶啱啱好，同埋佢用煉奶代替左蜜糖，食落去感覺零捨不同，個味道十分配合，下次可以再黎試下其他野！希望下次嚟嘅時候人少d,杯奶茶會好飲啲啦

首先入到去，個中年男人已經係對啲客呼呼喝喝。坐底，舉手舉捉5分鐘，個中年男人同個女待應當睇唔到，隔離枱落完拎轉面就走。嗌又嗌過，照當聽唔到。好喇，忍夠，我直接行出去落單，女既照當聽唔到，當人隱形，中年男，就話佢忙，落唔到。好，你忙，咁我企喺度等到你唔忙，你就態度差到叫我返埋位，態度勁差勁大聲話唔該晒，連講五六次。仲話我態度有咩問題？就係咁，十五分鐘都落唔到單你食埋我果份

作為hku一份子。點可能唔識誠記呢間野。雖然！雖然！雖然（要講三次） 我只係食公仔麵，不過一d都唔可以睇小呢間野首推！： 鮮牛油多. 焗底既麵包之間夾住個鮮牛油。一咬落去！嘩。簡直係不得了，合口即溶既牛油！正。不過呢。。基於小弟真係好怕肥，最多都係兩個人share個多士😰😰 小弟年齡已經不同以前，以前可以大淡大淡食。宜家都好擔心會肥因爲身層代謝慢左好多😢😢😢佢既飲品只可以單點。凍飲差唔多廿蚊一杯。就算我宜家出左黎做野都覺得唔平（可以係我窮）不過佢杯飲品好大杯。有成差品多出面茶記三四倍既份量。我都係間唔時會叫（凍0茶超小甜🤣）講到公仔麵我呢幾年間食過幾廿次每次都一定係叫沙爹公仔麵佢麵既質素都keep得住，只係有一次煮得過龍個麵林左😞其餘硬度岩岩好（本人鍾意食硬身公仔麵）d麵吸晒沙爹湯味。超好食，好濃沙爹至於餸個方便：有炸魚，炸雞排，炒蛋雞絲，牛等等可選擇我多數都係叫雞排/炸魚 雞絲 炸蛋麵炸物就一定係即叫即炸，所以好熱辣辣好脆，雞絲好軟滑唔會overcook

誠記雖藏身街市之中，卻乃臥虎藏龍，頗有驚喜。街市的衛生環境雖則稱不上為良好，但食物質素卻可彌補此劣勢，尤其是沙嗲系的公仔麵，此醬風味獨特，一試難忘，配上份量極足的墨魚頭和豬頸肉，墨魚頭彈牙有嚼勁；豬頸肉爽口有肉味，可謂絕佳配搭！

星期日去堅尼地城逛，試試這間星期日也開的熟食街市茶檔。 環境屬典型街市熟食檔格局，算衛生。 服務一般，因客多伙記少，伹相當佩服他們的記性。 不知是否家庭式經營，吃飯時間客又多，肚餓和講效率者不宜光顧。奶茶和咖啡不錯。 豬扒湯麵大大碗，豬扒香口有咬口。 油占多士可選擇提子麵包，好特別亦好好味。 紅腸蛋麵不過不失。 炸厚雞扒蛋三文治相當重量級，很特別的配搭，香脆又熱烘烘。 至於沙爹雞絲公仔麵，湯頭香濃似沙爹羹，味道亦很濃郁，不是我杯茶。不過，我也情有獨鍾港式茶餐廳文化，亦難得星期日開門做生意，喜歡啊！

放假同朋友去摩星嶺camping，入營前諗住去附近既士美菲路熟食中心祭下五臟廟，估唔到咁都會發現到隱世美食！熟食中心位於街市上層，佢同一般既熟食中心間隔無異，於是我地就揀左誠記。本身都鍾意食沙嗲牛肉公仔麵做早餐，一如既往嗌左一個開始新一日，點知一食真係不得了，絕對係我食過最好食既沙嗲牛麵！佢既沙嗲微辣得黎有層次，食到少少花生碎同好細粒既調味料，麵底亦夠彈牙，唔會overbooked，質素拋離一般茶記，隨行朋友都食到Lam lam脷另外食店既員工記性同心算都好好，因為佢地唔會出單，所以食完都係乖乖地去收銀埋單，佢地就會秒速同你講要幾多錢。

去完附近行山，專登過黎誠記食晏，避開左lunch time😌😌無咁多人嘛上到熟食街市，最多人就係誠記喇😆去到就有姨姨放低menu，實在太多野食啦🤩眼花繚亂🤣望黎望去人地食咩，又睇下openrice食評，前後都搞左3-4分鐘🙈當中我覺得好怪既係～係我地揸唔定主意既時候，有三四次啲叔叔姨姨會突然企係到等你落單，係突然！！😂😂😂其實我睇左就會叫你，我諗可能佢地太心急想我地快啲有野食掛？😝最後我費時要人等咁耐，咁就拿件臨叫左碗午餐肉韮菜餃菜通👇🏻一見到碗通粉個湯咁深色既😳好驚會好咸，咦～又唔係喎～清架喎，無味架喎，好神奇😂😂好驚喜有兩大塊午餐肉呀😚～～平時出邊餐廳邊會比得咁慷慨🙈🙈一大塊切半咋～仲要係好味既，滿足👍🏻撩一撩個底，非常飽滿既韮菜餃出現啦😆好似有三定四粒，多菜少肉架！正呀喂🤩不過略嫌有啲咸，師傅重手左🙈再試試菜心，細細條好鮮嫩咁～🤪食極都仲有，最鍾意食菜，太好啦👍🏻👍🏻😚總括黎講，誠記你話佢係咪正到要專登黎食又未至於，但去開港島區黎食又幾唔錯，食完會覺得賺左🤤因為實在係好多餸好大碗好平價😚😚往往熟食中心比人感覺啲人好親民，野食環境好地道，價錢好貼地🥰

<午餐肉煙肉牛肉菜麵$38> (評分:3.5/5) (抵食:4/5)牛肉夠鮮，午餐肉系厚切咖，兩大塊好抵食（不過味道麻麻），煙肉煎到岩岩好，好多菜，麵底系普通公仔面底，我諗應該有個半個面底$38真系食到頂上心口<炸豬扒炒蛋咖哩面$33> (好味:4/5)(抵食:4/5)炸豬扒超正豬扒腌得好入味，炸完好香好鬆化，浸落啲沙嗲湯度一齊食真係無得輸炒蛋火候控制得啱啱好，好滑又有蛋汁，成功鎖住沙嗲湯，正<雞絲蕃茄菜面$33> (好味:3/5) (抵食:4/5)食完沙嗲湯底，嗌咗個健康之選，雞絲番茄菜麵雞絲同埋菜嘅份量超級多，大大話話都差唔多10條菜同埋10粒雞絲，淨係食餸都食到飽不過同沙嗲湯比，蕃茄湯相對淡左啲，下次都係嗌番沙嗲湯底<奶油多$7> (好味:4/5) (抵食:4/5)奶油多$7真係抵到爛仲可以揀要粗麥、白面包定係提子麵包，好貼心呢

小編今日又黎呢度食午飯，皆因抵食最適合我D唔捨得食既同事，有陣時會唸人生在世要對自己好D，當然唔係話叫你日日大豪客甘去食啦，但一星期起碼要食兩餐好D都唔過分吖？今日陪同事黎呢度食，當然要講好味既沙爹一定係永順，但山長水又遠確實唔可以平日返工日子去，唯有黎呢度頂下癮好過冇啦！雖然水準冇永順甘高但勝在價錢非常抵，3餸都ONLY 33元渣，去邊度揾吖！另外呢度D阿姐真係民間高手，每碗麵唔同餸都可以一字不漏記得曬，真心佩服！當然沙爹味就唔係話極度濃郁但都可以接受既，墨魚頭好味道同埋唔係好多度有得食，可惜呢度冇一丁否則應該會更正！