蘇山雞飯

营业中

休息中

是日來到長沙灣的蘇山雞飯食晚飯，見到店名就梗係要試佢地嘅招牌雞飯啦，仲有出名嘅鮮油多士🤤坐低後即刻掃code落單，叫主食加配小食飲品等有優惠價，咁抵叫多啲野食先，呵呵🤭⭐獅城芽菜走地雞配油飯雞件嫩滑鮮味，芽菜吸了雞油好香甜，加上香噴噴嘅油飯真係食得好滿足🤤⭐雞雜冬瓜湯跟餐送的雞雜湯，冬瓜清甜雞雜鮮味，勁好飲！⭐海南豬扒喇沙摻摻另外仲叫了喇沙，豬扒香脆有香茅香，喇沙湯好濃好好味，微微辣又帶奶香，好味到湯都飲晒😆⭐鮮油咖央多士熱烘烘的多士配上冰凍鮮牛油，咬落爆漿，牛油鹹味同咖央嘅甜味同時湧現，好食到無野講。呢樣一定都出新鮮食，凍左就大打折扣了。⭐馬拉盞椰菜苗最後少食蔬菜便叫左一份，椰菜苗爽脆，馬拉盞炒都幾有辣勁，正。⭐凍椰奶 & ⭐仙草椰奶冰朋友同自己都不約而同揀了椰奶😆貪佢香甜嘛～⭐特濃薄荷朱古力雪糕 & ⭐馬六甲椰子雪糕最後就係甜品，跟餐有半價太抵了，兩款口味都要了，估唔到一客竟然有三球！正！好滿足的一餐，樣樣都好食，朋友無介紹錯。

滑lukluk嘅海南雞，米飯嘅油度剛剛好。配上雞雜冬瓜湯，清清涼涼，解膩又暖胃。😝咖央多士，大大舊牛油，🧐加上脆卜卜嘅麵包皮，冰火交融，口感具層次，入口即化。咖央油條加薄荷朱古力雪糕🍦同上面咖央多唔同，佢整得細細粒，冇牛油入邊，將佢點上朱古力加雪糕，作為成個餐尾聲，挺好。小食拼盤 一次滿足有雞翼、泰式魚餅、脆炸鳳尾蝦春卷、豬肉串，魚餅帶點微辣，帶有青椒的獨特風味，今令味蕾享受不同層次的刺激。😝😝

長沙灣街坊一定食過呢間蘇珊雞飯，最近出咗椰子雞煲，今日好奇過去一試。我覺得係好食過大陸嗰啲椰子雞煲同綠色連鎖嗰間椰子雞煲。餐廳整開雞飯，所以雞肉質素一定有保障，皮爽唔肥，雞肉滑嫩。店員雞煲時話呢個椰子雞煲，係用成隻椰子水去整，冇加任何一滴水。建議我哋一打開，可以飲吓個湯先，湯頭非常好飲，椰子湯香甜。不過一開始飲會有少少酒味，因為佢個煲叫火焰雞煲，所以淋左d 茅台酒係煲上面。整啲火焰出嚟，但隔一陣飲個湯既酒味會揮發，淨係得返椰子嘅香甜味。另外雞煲會配沙薑，辣椒同青檸俾你點雞一定要試用青檸 沙薑豉油去點雞煲嘅雞，係非常之夾！$168半隻雞，仲要有飯有杯嘢飲，又好坐，我覺得好抵食。個口感同味道係好似大陸好食嘅椰子雞煲，加上價錢唔係貴，所以好推介。同場都有食佢經典嘅海南雞飯配雞腎冬瓜湯一樣咁出色👍🏻 海南雞肉嫩唔肥膩，加碗雞腎冬瓜湯好夾。蘇珊雞飯呢間舖頭啲飯唔係一大煲飯煲出嚟，佢係幾碗飯一個煲咁煲出黎，所以粒粒分明又有油香，同少少斑蘭味，同普通海南雞飯嘅油飯唔一樣，但都好食。佢做到招牌所講嘅，一碗回味雞飯。

最近喺長沙灣，試咗蘇山雞飯嘅海南雞飯套餐，整體感覺幾樸實舒服。雞肉切片擺得幾整齊，皮脂帶一點光澤，肉質似乎夠嫩滑，啖啖都食到雞嘅鮮味😊。雞旁有薄薄一層香菜同小青檸，令味道多咗啲清新感。飯係偏深色嘅油飯，粒粒分明，帶輕微雞油香，同雞肉一齊咬落去幾match👍。旁邊嘅湯碗係清雞湯或者冬瓜雞雜湯，色澤清透，好似冇落太多調味，但可以暖吓胃。至於三款沾醬，分別係薑蓉、沙薑同雞醬，薑蓉香氣突出；沙薑味濃；雞醬則偏鹹香，將雞肉沾一沾，層次感立刻出嚟😍。店內座位唔算多，裝潢簡約，用木枱有少少懷舊風，光線明亮，食飯心情幾輕鬆。今次叫咗一份海南雞油飯餐連湯同奶茶，三樣嘢都係套餐價大概70左右，以長沙灣地區嚟講算係正常價位。奶茶茶味順滑，甜度適中，餐後啜一啜幾舒服☕。總括而言，蘇山雞飯嘅海南雞飯走樸實路線，份量足夠，價錢親民，啱想食一頓簡單雞飯嘅時候去打卡。下次可以試埋佢哋嘅肉骨茶或者叻沙🥢。

海南雞飯，雞肉嫰滑，雞皮就略肥，雞油飯軟硬適中，跟餐冬瓜湯，味道比想像中好喝，有驚喜，這個下午茶套單價錢正套份量，讚!星洲叻沙掺掺，油麵和米粉份量各半且都很入湯味，不硬也不太軟，配料的蝦新鮮，魚蛋和魚片就一般般，長的豆卜很吸收了湯味好吃，加上通菜，這碗吃完很有滿足感，不錯。鮮油咖央多士，一厘米厚的冰軟牛油可飽足你肚子，咖央甜度OK，多士放涼了依然好吃。咖啡不放糖也好喝，奶茶一樣，就是奶茶不夠奶香也不夠茶味，但整體不難喝，起碼沒加糖也可以。

認識蘇山係因為有個 youtuber 大聲讚頌，話超好食，點樣點樣勁。所以今日雖然烈日當空行到去都好大汗 ，都敵唔過我啲為食肚蟲， 其實由荔枝角地鐵站或者長沙灣站行去都唔會超過 15分鐘，所以慢慢行都係一種享受。去到排緊長龍，但因為疏導得快好快就 triage 咗 ，分咗一個兩個人 一張枱嘅 little table， 一定唔會投訴因為晏晝一點鐘點會 唔使逼呀 。叫咗兩份餐一個正常海南雞飯($75)， 一個 獅城走地雞 飯 ($78) 加十蚊 有排骨湯。啲飯正常嘅不過如果再多啲油香味我相信一定會打贏好多人， 跟餐叫咗一杯熱同一杯 凍嘅薏米水( + $3)； 薏米水其實冇乜味，薏米都唔算好食，不過佢杯有兩片檸檬你揸啲檸檬水落去就會好飲少少。兩種雞都算好食，三皇雞真係比較滑同埋香； 走地雞冇咁香但肉質好似瘦啲 ，啲皮就健康啲。跟餐正常湯我覺得 ok， 食完唔覺口渴應該冇落味精掛， 呢一個可以讚。另外嗰碗加咗十蚊嘅排骨， 話就話好似肉骨茶咁樣但係鹹死我啦， 可能有人鍾意㗎但係打死我都唔敢再試第二次。總括嚟講都算唔錯幾十蚊有個海南雞飯味道又唔差，不過就唔覺得好似 online 讚到上有地下冇

收工經過呢間主打海南雞飯嘅小店#蘇山雞飯， 環境光猛闊落，價錢實惠，就入去食個便飯。質素幾有驚喜～食飽都即刻同朋友群內介紹！✅海南椰子雞鍋（半隻）＋油飯（餐）姐姐比個計時器我⌛️，話啲雞一滾仲要焗多陣，一打開椰子香氣撲鼻，不加一滴水，椰子雞鍋湯底以椰子的香氣和濃郁的雞肉湯為基礎，飲一啖清涼又解渴，一啖接一啖系一種享受😋椰子肉同雞肉同樣美味👍🏿配上三種醬汁 分別係海南雞甜豉油、辣醬同蒜蓉醬，仲有橄欖，回味無窮😋✅招牌海南雞＋油飯（餐）海南雞皮薄肉嫩，雞肉富有雞油， 味道香濃，唔使沾上醬汁都已經好鮮味。黃油飯由鮮雞精華炮製,，油香豐腴，  味道一流。👍✅雞雜冬瓜湯+冬OT✅特濃薄荷朱古力雪糕飲落去比一般朱古力清新，食物質素唔錯，唔怪得晚市咁full 喇!!

前排去完新加坡，有d掛住獅城既美食，所以約朋友去食新加坡菜。餐廳裝潢帶有南洋風格，坐低傾計都舒服。我地各點咗一個餐同一款小食，再加一杯特飲。獅城芽菜走地雞飯揀咗跟油飯，跟餐送既冬瓜雞雜湯清甜解熱。碟雞本身去咗骨，雞肉鮮嫩多汁，口感滑順，配埋特製的醬油，充滿南洋風味。海南豬扒咖喱飯既豬扒外酥內嫩，薯仔亦好入味，用埋咖喱汁撈飯，好快就清哂成碗飯。至於小食，夜市沙嗲串有雞肉同牛肉各兩串，牛肉串幾厚身，咬落唔嚡口雞翼係3隻雞全翼，每隻都大大隻，而且皮脆肉多汁，食落好滿足。飲品分別係凍恐龍美祿同開心果椰子奶昔，後者椰子味香濃，飲落好清新。

🥢獅城芽菜走地雞主角——獅城芽菜走地雞。雞肉選用走地雞，肉質鮮嫩多汁，雞皮油亮，口感滑順，配上特製醬油，甜中帶鹹，令整體味道更加豐富。芽菜清脆口感更為這道菜增添層次～🥢油飯油飯——另一個亮點，米飯油香四溢，粒粒分明，米飯香與雞油完美融合，令人食唔停口。🥢輕怡肉骨茶肉骨茶湯色濃郁，香氣撲鼻。排骨口感軟嫩，經過慢火煮製，骨髓鮮甜完全釋放，每一啖都感受到滿滿幸福。🥢夜市沙嗲串（四枝）鍾意小食既一定唔可以錯過夜市沙嗲串！燒至外焦內嫩，醬汁濃郁，肉質鮮美，辛香味十足。入口散發沙嗲醬香、配搭鮮嫩肉質，有驚喜！🥢星洲喇沙摻摻大大碟配料超豐富～有齊豆卜、魚片、魚蛋、蝦、芽菜同通菜。湯底香辣味道非常適中，充滿濃郁椰漿香，淋上特製喇沙醬，味道更加豐富。豆卜吸收湯汁精華，軟滑可口，魚片、蝦肉鮮嫩，整體口感極佳。🥢鹹魚茸怡保芽菜鹹魚茸之鹹香與清新芽菜配合得剛好，令人回味無窮。🥢巴東牛肉配江東椰漿飯牛肉經過醃製，口感滑嫩，肉味濃郁，配上香濃椰漿飯更是絕配。🥢特色小食拼盤拼盤包括雞翼、泰式魚餅、脆炸鳳尾蝦春卷、豬肉串，每一樣小食都有其獨特魅力。炸至金黃酥脆既春卷口感極佳，而泰式魚餅之香辣味道更是令人驚喜。🥢飲品冰

今次嚟到長沙灣嘅「蘇山雞飯」🙋🏻‍♀️試吓佢哋嘅星馬菜，果然冇令我失望😋每一樣食物都充滿南洋風味，味道同口感都好出色👍🏻 👍🏻🔹獅城芽菜走地雞呢碟走地雞肉質非常嫩滑，雞皮爽口，一啲都唔油膩。芽菜清脆爽口，帶少少甜味，同雞肉好夾。醬汁係特製嘅豉油、薑茸同蒜蓉，味道鮮甜得嚟又帶少少辣，好開胃。雞肉嘅鮮味同芽菜嘅清爽形成強烈對比，令人食唔停口！🔹油飯油飯煮得粒粒分明，入口有濃郁嘅椰香同斑斕葉嘅香氣，飯身唔會太油膩，配埋雞肉食真係一流！🔹輕怡肉骨茶肉骨茶湯底藥材味濃但唔苦，帶少少胡椒嘅辛辣，飲落好暖胃。排骨煮到好淋，入口即化，仲有吸滿湯汁嘅腐竹，夠哂入味。比起傳統肉骨茶，呢款輕怡版本冇咁油膩，更岩我心水。🔹夜市沙嗲串沙嗲串燒燒至外層微焦，內裡肉質嫩滑。沙嗲醬花生味濃郁，帶少少甜辣，仲有少少椰香，蘸滿醬嘅雞肉串食落更加惹味！🔹星洲喇沙摻摻（豆卜、魚片、魚蛋、蝦、芽菜、通菜）湯底椰香濃郁，帶少少蝦醬嘅鮮味同咖喱嘅辛香，辣度適中，好醒神！摻摻（油麵+米粉）口感豐富，豆卜吸滿湯汁，魚片同魚蛋彈牙，蝦肉新鮮爽甜，通菜同芽菜增加清爽感，整體味道層次分明。🔹鹹魚茸怡保芽菜芽菜炒得非常爽脆，鹹魚茸鹹香得嚟唔會腥

蘇山雞飯主打新加坡菜同星馬菜,其招牌菜係海南雞🐓地方闊落,有好多卡位.店內使用QR code落單,好方便👍🏻獅城芽菜走地雞配油飯套餐 $95套餐除咗有走地雞同油飯,仲有冬瓜雞雜湯走地雞最底放咗芽菜,雞肉質嫩滑,點埋3款醬汁,好惹味😍油飯飯粒分明,食落好香雞油味👍🏻而冬瓜雞雜湯入面有冬瓜同雞雜,味道鮮甜😋套餐加配鮮油咖央多士 +$19多士烘到香脆軟熟😍中間夾住鮮牛油同搽滿咖央醬,好邪惡🤤凍椰奶 +$12香濃嘅椰子味配搭埋鮮奶,甜而不膩👍🏻豬扒叻沙摻摻套餐 $70麵底揀咗油麵,叻沙湯底香濃😍油麵完全吸收哂叻沙湯底,好入味🤩入面仲有豆卜.魚片.魚蛋. 芽菜同通菜,好豐富👍🏻豬扒炸到金黃色,肉質鬆軟,唔會好乾😋套餐加配小食拼盤 +$49入面包括有雞翼.泰式魚餅.脆炸鳳尾蝦春卷同豬肉串,好吸引🤩雞翼: 炸到金黃色香脆,肉質嫩滑,雞翼分開咗兩part雞鎚同雞中翼連雞翼尖,方便進食👍🏻泰式魚餅: 炸到金黃色,入面有泰式香料,帶有微辣😍脆炸鳳尾蝦春卷: 炸到金黃色脆口,入邊有一隻鳳尾蝦,蝦肉質彈牙😋豬肉串: 豬肉味香濃,肉質軟熟😍熱咖啡 +$9咖啡味道幾濃,香氣十足😍參巴辣蝦醬通菜 $42通菜清甜爽口

屋企附近見隊長期滿，今晚6點唔駛排隊入到見到椰子雞煲同走地雞飯必食叫個椰子雞煲估唔倒有儀式感。煲仔炭爐加入臘再點火放上雞煲裝住椰子雞店員再喺煲上灒酒火槍點著成個儀式感漏斗等10分鐘茅台酒唔遮原有椰子味。側面秘製蘸雞醬汁+ 辣椒沙薑同青檸，椰子雞分量唔細( 半隻雞+ 椰子水) 湯底超清甜勁好送飯(配油飯我地兩個食一碗)✨海南椰子雞鍋(半隻)+油飯 $168✨小食拼盤 $49 Appetizer Combo(雞翼,泰式魚餅,脆炸鳳尾蝦,豬肉串)雞翼外皮酥脆肉汁豐富魚餅帶鮮香魚肉口感柔軟彈性配酸辣更惹味網狀蝦春卷外層酥脆內餡爆多汁連蝦尾吞落肚豬肉串烤到焦香外脆內嫩味道濃郁✨鹹魚茸炒怡保芽菜 $46 芽菜鮮嫩脆口著口感清爽濃郁鹹香味✨德龍薄荷朱古力雪糕 $28✨恐龍美祿（少甜) $28✨冬柑桔蜜 $18

呢間餐廳主打東南亞菜式，店主更係大廚出身，廚齡達廿年👨🏻‍🍳💗獅城芽菜走地雞飯配輕怡白胡椒排骨茶（$105）海南島文昌雞皮下脂肪少，雞皮爽滑，肉質嫩滑而雞味特別鮮香濃郁，可以分別蘸上薑蓉、辣醬或黑醬油提升風味🐓墊底嘅怡保芽菜清甜爽口，吸收哂雞油同醬汁精華🎍油飯特意選用泰國米，預先以香茅、斑蘭葉、黃薑、紅蔥頭等炒香，再加入椰奶調味，飯粒飽滿煙韌，吸收配料香味🍚肉骨茶以新加坡白胡椒炒香熬成，胡椒味重但唔搶鼻，同時帶藥材甘甜。排骨燉至軟嫩鬆化，另外加入蔥花同豆卜🍲💗Susan豬手飯（$83）豬手炆得醬香入味，豬皮Q彈充滿骨膠原，肉質鬆化🐖豬手飯更配咗一隻滷蛋同花生，最畫龍點晴當然係加咗酸菜，可以中和油膩感🥬💗Susan雞翼(+$24/ 3隻）雞全翼炸至皮脆內嫩，肉汁豐富，味道香濃惹味🐥💗脆炸鳳尾蝦春卷(+$22/ 4件）米網春卷鬆脆可口，包住原隻蝦、紅蘿蔔絲同肉碎🍤💗鮮油咖央多士（$38）香脆多士夾住香甜咖央醬同兩大塊半融牛油，非常邪惡🥪

今日帶大家去到長沙灣元州街，呢度食肆林立，今日同大家介紹一間好出色嘅雞飯餐廳，集合星加坡馬來西亞嘅口味，大家可以一齊留意吓我嘅推介✨✨✨=================Food list📌⭐️😊火焰醬香椰子雞煲：呢個絕對係餐廳嘅招牌，雞肉鮮嫩，加埋特製火焰醬，仲有好香嘅椰子味，大家記得唔好錯過🥳👍⭐️😊巴辣蝦醬通菜：蝦醬炒通菜好惹味，辣度適中，大家記得叫黎試吓啦😋👍⭐️😊鳳尾蝦春卷：呢個小食好惹味，加埋春卷炸到香口，採用新鮮蝦肉，加埋醬汁，效果一流⭐️👍⭐️😊開心果椰子奶昔：本身自己好鍾意椰子同埋開心果，兩個加埋配搭一流，飽肚感十足😬👍•••••••••••••••••••••••••••••

位於長沙灣分店有間好出名食海南雞🤤叫蘇山雞飯🐔之前已經食過太子分店，一食難忘 😍見行開長沙灣附近蘇生雞飯，所以就同朋友去左食晚餐 ✨獅城芽菜走地雞飯 $95雞肉真係好嫩滑，見到仲有啫喱狀走地雞真係好有雞味👍🏻👍🏻上面仲好炸蒜油，所以好香底下仲有芽菜，佢係粗芽菜唔係平時食嗰啲油飯好出色一粒，一粒分明同埋好香呢個餐仲有雞雜湯送🤤🤤✨特色小食拼盤 $98有雞翼，雞鎚，鳳尾炸蝦卷，豬肉串，泰式魚餅，所有小食都好好食😍尤其係鳳尾炸蝦卷入面有好大隻蝦，依個小食拼盤全部兩串，好岩share😝✨椰青好大隻，好清甜😚好食指數⭐️⭐️⭐️⭐️⭐️