突然好想食叻沙所以搵咗呢間星馬菜試吓！
覺得揀嘅食物都幾好，好encore-able🤣
.
🪄 招牌海南雞飯跟油飯+冬瓜雞湯 （$85）
🪄 龍蝦叻沙摻摻 ($110)
🪄 鮮油咖央多士 (跟餐+$19)
🪄 凍蜂蜜桔仔水 ($12)
🪄 凍香茅薄荷特飲 ($18)
.
❥ 招牌海南雞飯跟油飯+冬瓜雞湯
海南雞好嫩滑，份量都算幾多！配3款醬，覺得配薑蓉最好食，豉油都唔錯但偏鹹～油飯食落都好香！冬瓜雞湯比平時嗰啲大碗，味道不過不失～
1
❥ 龍蝦叻沙摻摻
有半隻龍蝦同鉗🦞拆出嚟都幾多肉，配落湯度食都幾好味～ 配料都好多，豆卜/魚片/魚蛋/芽菜/通菜，食落都彈牙同索咗湯嘅味～
最重要係叻沙湯！好濃郁椰香味好夠，幼米粉同油麵好掛湯，好正！！
❥ 鮮油咖央多士
多士烘得都幾脆口，然後有好大塊牛油同好多咖央醬，好邪惡但好食！！😋同埋佢有把細個食啫喱糖嘅紙遮仔，超有回憶😆
❥ 凍蜂蜜桔仔水
清新得嚟甜甜地，幾fresh！
❥ 凍香茅薄荷特飲
味道偏淡，少少香茅味但係冇咩薄荷味，同埋顏色好似有啲太鮮艷🙂↕️
.
一句總結⚡️
好抵食嘅星馬菜，嘢食出色過嘢飲！
🚙 泊車指數: 🤏🏼
元州街同昌華街都有10幾個錶位～但都要等吓同睇吓好唔好彩🙂↕️
