蒲羅

营业中

休息中

因為上班的關係，與同事到樂富這間餐廳吃午餐在疫情期間，下午1點鐘的時間仍是要等位的，難道真係咁好吃咁值得試?餐牌上有個李先生辣板麵，覺得好似幾有趣，好啦!一於試下李先生係甚麼料子!原來李先生係一碗好多小配料既野，有魚仔，花生，肉碎，菜脯加一粒蛋。望落個樣都幾日式，仲配埋魚蛋湯?!(個湯普通咸咸地似味精)飯有一隻辣醬，初頭撈住食覺得好惹味，之後就愈食愈辣，辣既後勁好強食到流晒汗!自問都算食得辣，但最後食淨1/5因為真係太辣啦媽! 如果好辣既朋友仔可以黎挑戰下，驚辣既朋友其實可以叫佢少辣醬/自己不走佢先，咁就唔會好似我咁爆菊花~~

鋪頭几靚 好似小清新餐廳 但係食過最難吃嘅通菜 Menu 係寫馬拉盞通菜 實際係咖喱？？？通菜？但菜食落又冇味 非常之神奇嘅搭配 量又好少 性價比唔高 唯一OK係肉骨茶湯 唔會再幫襯！

今日約左舊同學食野🤓見到間馬來西亞野幾企理，試下先😝😝手撕海南雞 $72話說呢排本人又keto緊，要食多少少脂肪😍呢個海南雞夠曬正，雞皮又唔會太多，不會過膩🤓keto人一定好愛❤️❤️❤️巴生肉骨茶配雞油香飯 $58 tea set肉骨茶大大碗，仲有成個蒜頭，真係好養生😝媽咪話個湯幾好飲，但有dd咸，送飯岩曬。勁多件肉，好抵食🤓串燒併盤 $58 tea set又係keto又最愛，無碳水🧡有雞肉、魷魚同蝦各2串。蝦比我想像大隻好多，又爽口😝牛油果五色米紙卷 $48 tea set健康之選，入面有牛油果、紫椰菜、蘿蔔等等，好邊康，配芒果醬汁，整體感覺好健康，幾正😝😝嘢飲方面非常推介橙茶❤️

下午茶時間試試星馬茶，下午茶包熱飲幾抵食🤪。🥢檳城蝦麵$58湯頭鹹鮮惹味。五花腩配參峇醬（喇沙/串燒均有附送）香辣好味。🥢娘惹茶燻鴨喇沙摻摻$59喇沙湯底味道偏啖。茶燻鴨份量多，肉質有彈性，充滿煙燻香氣。🥢街頭串燒拼盤$58鮮蝦、魷魚鬚、雞肉先搽上醬汁再燒，香甜入味。配埋參峇醬當然更惹味。🥢斑蘭咖吔多士$26多士香脆乾身，溫度微暖。濃香幼滑嘅咖吔醬甜味濃厚。📍蒲羅 (樂富)樂富聯合道198號樂富廣場A區1樓1104-1105號舖

再次到呢間餐廳食，點解？好味囉😋屋企附近都有咁有水準嘅新加坡菜，真係唔錯👍上次食喇沙，今次就食佢哋另一個招牌菜：海南雞飯🐔，真心好味，啲雞除咗雞翼之外，其餘都起晒骨，啖啖肉，好嫩滑，配咗3款同口味嘅醬：🔴中間橙紅色嘅係海南雞醬，辣中帶點酸甜🟡鍾意傳統啲嘅話，可以試下右邊係黃色嘅薑蓉⚫️如果唔食辣嘅話，就可以點黑色嘅甜豉油我三款醬都好鍾意❤️😜今次我仲點咗個甜品🍮：娘惹班蘭椰青糕，賣相幾靚，唔太甜，好香班蘭味，口感唔似啫喱咁煙韌，咬落去即斷，質感幾得意😋午餐/下午茶仲可以+8有特飲，我叫咗杯美祿哥斯拉，好抵飲😚

樂富商場由領展接手咗之後，同以前嘅樂富商場簡直係兩個分別，品牌多元化咗，商場靚咗，連食肆都多左好多選擇，嗰日同個friend行完UNY之後，去咗廣場a區食野，食左一間有特色既泰國餐廳叫「蒲羅」，入到去播啲音樂都好似去左當地嘅feel頭盤：新加坡鹹蛋黃單骨雞翼（8隻）及 參峇醬燒豬頸肉，個雞翼外脆內嫩，又唔會好重蛋黃味，第一次食覺得好有新鮮感，個豬頸肉有少少炭燒既香味，令我回想返喺泰國同呢個朋友食緊街邊嘅攤檔咁主菜：海南雞飯拼喇沙米線海南雞飯唔止啲雞好嫩，個醬汁仲要係特製同出面其他泰國食肆既海南雞醬汁唔一樣，個喇沙湯底除咗好入味之外，米線仲好彈牙，同平時食譚仔/雲桂香好大分別，加上價錢都好合理非常值得推介飲品方面：我同朋友分別叫咗一杯凍嘅海鹽雪糕椰汁珍多冰同埋凍香茅青檸荔枝梳打，珍多冰配雪糕真係一個perfect match，荔枝梳打甜度適中加上香茅，有一種好fresh 既感覺

難得去到樂富，去試下搵好野食，估唔到呢間咁正，門面光鮮，而且份量十分充足，只係食材的選擇唔夠嚴謹。試左個肉骨茶飯餐，味道唔錯，不過啲肉就好硬，如果可以選用肉排會更佳。但係有一樣野要讚，好難得有地方餐廳有提供紙袋放口罩、濕紙巾及特色牙籤。

位於樂富的莆羅，主打喇沙、蝦麵、雞飯等等的新加坡菜。街頭雞鴨絲湯米粉很大一碗米粉，大食的我也沒有辦法吃完。湯底應該由雞鴨骨頭之類熬煮而成，偏清淡不油膩，但又嘗到肉香。湯麵中有著不少的雞絲和鴨肉絲，兩種紅白肉混合，再加上鴨皮的油脂香，肉味誘人。而且它的米粉不像平時食到的米粉，更有彈性不易變爛。整碗麵的味道偏清淡，但又絕不簡單。另外還點了一道怡寶芽菜微辣的醬汁配芽菜，清爽但又有點刺激。最後加上桔仔話梅水，生津解渴透心涼。

近來好像多了很多新加坡菜，其中一間在樂富商場。對於新加坡菜，香料的配合是十分重要的，作為一個濃味人，我當然也喜歡新加坡菜，今次來到蒲羅感受一下新加坡風情。裡面的裝修主要綠色熱帶風情為主，餐廳播放着馬拉歌，一邊用餐一邊聽馬拉歌，好像去了新加坡✈️兩點開始有抵食下午茶，主食 + 飲品 ，而且份量沒有縮小👍🏻🦐新加坡大蝦喇沙 $58 個人喜好選擇了油麵，先試一啖湯，香料味很濃烈，而且很喜歡是辣味足夠的，跟令一間新加坡過江龍連鎖店的喇沙只有椰汁味很大分別。另外值得一讚是蝦分成兩邊，連蝦尾殼也剝了，我再點另上的叄巴醬一啖吞落肚；魚蛋細細粒是新加坡口味；豆卜吸收了湯濃味的精華；吃到最後我一匙一匙把沉底的香料混合油麵吃掉, 香料混合香茅/薑/醉蝦乾 /干蔥等等 ，精華所在🥑牛油果五色米紙卷$48牛油果/青瓜/甘筍/紫色椰菜/沙葛等五種蔬菜及顏色混合出來，外層透明煙韌，有一些像水晶包的皮，但薄很多；這個素食卷清新健康,最好味就是配上芒果醬，芒果味道很出，我把整碟醬也吃完了🥥椰汁斑蘭冰 （跟餐加$8）外表看起來上來很清新，整杯綠色加一塊斑蘭葉，斑蘭味道十分重，不太甜，有別於一般東南亞飲品，迎合香港人健康的

🐔海南雞飯海南雞飯用上了三黃雞，薄薄的一層雞皮油光透亮，裡面夾透明住啫喱狀的骨膠原，配上嫩滑高質的雞肉，一放進口中骨膠原在舌尖上慢慢化開，再喝一口清甜的冬瓜湯，滋味倍增！醬料有薑蓉、辣醬和甜豉油，我獨愛薑蓉，拌飯一流！🍜 娘惹茶燻鴨喇沙米線喇沙湯底椰香味濃，湯頭香辣惹味，用了很多香料去烹煮。湯碗份量非常大碗足料，裡面有茶燻鴨肉、溏心蛋、豆卜、通菜等，而且更有一些乾蒜粒和花生粒，口感多層次！米線也處理得okay，煮得煙韌。🍢街頭串燒拼盤雞肉串塗上沙爹醬，烤得香口；大蝦和魷魚鬚，鮮甜彈牙，蘸上蝦醬非常惹味。🫓烤馬來蔥餅配咖喱馬來蔥餅酥脆鬆軟，口感多層次，配上椰漿味重的咖喱（裡面還有青豆呢），熱食真的超邪惡！🍫美祿哥斯拉🌿香茅青檸荔枝梳打⬅️馬來拉茶（左）➡️南洋咖啡（右）≡※≡※≡※≡※≡※≡※≡※≡※≡※≡※≡※≡※≡※≡※≡※蒲羅 - 樂富樂富聯合道198號樂富廣場A區1樓1104-1105號舖≡※≡※≡※≡※≡※≡※≡※≡※≡※≡※≡※≡※≡※≡※≡※

-🔸串燒拼盤 $58🔸海南雞飯 $58🔸半熟蛋配咖央多士 $36🔸新加坡大蝦蝲沙米線 $58-放假同幾位朋友聚舊，喺樂富商場搵到依間新加坡餐廳，食個下午茶都係$38起，仲包凍熱飲品，性價比超高。未食過咖央多士嘅我試咗少少，綠色嘅醬甜甜哋又幾好味，加埋烘到脆卜卜嘅多士都幾好味。串燒拼盤有大蝦、魷魚鬚、同雞肉各兩串，沾埋沙嗲醬，味道不錯。海南雞飯係超值之選，一份嫩滑嘅去骨海南雞，仲有一碗調味剛好嘅油飯，perfect match！我就食喇沙湯米線，湯底好香而且較為杰身，令每啖米線都沾滿湯汁，勁正！

呢間餐廳主打星加坡、馬來西亞菜。當然唔少得海南雞飯、喇沙、肉骨茶等等。午市有午餐、下午茶時段亦都有下午茶餐。價錢唔貴，而且選擇非常多！海南雞飯拼白胡椒肉骨茶$92呢一個套餐相當之啱我，又可以食海南雞飯、又可以飲返個肉骨茶。肉骨茶可以揀白胡椒味。呢個海南雞賣相幾靚，雞有光澤，而且雞仲好滑有驚喜！而白胡椒肉骨茶熱辣辣，白胡椒味好香，夠暖胃！冬天飲真係好正！我哋兩個都叫同一個餐，非常滿意！餐飲揀咗熱青檸紅茶、熱南洋咖啡。南洋咖啡真係好有風味，我鍾意煉奶嘅味道！另外加咗個多士一齊食，咖也多士斑蘭味，夠脆夠多咖也醬。餐廳又平又好食，性價比高！

樂富難得開咗新加坡菜，見餐廳裝修都幾靚，入去試吓睇吓係點今次一行兩人，叫咗兩個主食，兩個小食，同埋兩杯特飲。第一個主食係新加坡大蝦喇沙，有摻摻或者米線，今次揀咗米線。配料好足，糖心蛋，魚片，魚蛋，豆卜，魷魚仲有豆角。成碗面都好夠味，豆卜索哂湯，正第二個叫咗海南雞飯，啲雞好滑，唔會好肥好油，三款海南雞醬汁合格，油飯同埋冬瓜湯都另外叫咗街頭串燒拼盤，有雞肉，蝦同埋魷魚，配埋醬汁超級好食！燒得好合時，一啲都唔硬。跟住有牛油果五色米紙卷，配左芒果醬，好清爽，都幾好食野飲叫左海鹽雪糕椰汁珍多冰同馬來芒果汁配芒果雪糕，打卡好靚，甜甜地清返喉，為今餐劃上句號

蒲羅店內色彩繽紛嘅環境令人心曠神怡，餐牌選擇多元化，服務亦貼心，提供濕紙巾同口罩袋，從細微位照顧客人需要，呢點好加分，係可以再encore嘅星馬菜餐廳🌀海南雞飯拼巴山肉骨茶呢個配搭好正，一次過食到肉骨茶+海南雞👍🏽肉骨茶散發淡淡藥材香味，唔會過濃，口味大眾化，配料有排骨、豆卜等，仲有杞子及蒜頭，飲完暖笠笠❤️海南雞肉質嫩滑，特別鍾意佢哋已經去晒骨方便食，個人十分推薦👍🏽配上3款醬汁：甜醬油、辣醬及薑蓉，各有特色，味道豐富雞油飯充滿油香，水準屬中上，值得一試🌀 新加坡鹹蛋黃單骨雞翼每件雞翼都被咸蛋黃醬包裹住，食落有咸香得嚟唔會膩，個人覺得炸粉再薄少少會更完美🌀咖吔多士烘得熱辣辣嘅多士夾住斑蘭咖吔醬，味道清新牛油半融，同咖吔醬及多士完美配合，作為餐前小食或飯後甜品一樣適合

今日係樂富行完超市肚餓就係商場搵下有咩食！跟住發現到原來呢到有蒲羅😲好掛住d海南雞同喇沙，所以即刻入去坐低食個晏🍽兩個人叫左兩個lunch set + 一個小食！牛油果🥑五色米紙卷 $62有6件另配有芒果汁🥭給沾上，由於紙米卷入面既餡料都係蔬菜，所以咬落會比較清爽！海南雞飯拼巴生肉骨茶 $88超多海南雞，油飯好香！肉骨茶夠濃足料！跟餐配熱馬來拉茶 $0味道都之前飲既一樣，唔洗落糖都會有甜味！娘惹茶燻鴨喇沙摻摻 $72喇沙湯底香濃，燻鴨有鴨肉同鴨胸，份量多！而麵底配搭有口感👍🏻跟餐配凍美祿哥斯拉 +$8超多朱古力脆脆波係面，而美祿調配濃度足夠！