蒙麵

营业中

休息中

相信有黎開紅磡區搵食嘅朋友，都對蒙面呢間車仔麵店一啲都唔陌生。一段時間冇黎，今次嚟到見到門口多咗好多勞蘇，好可愛。一如以往呢度未夠六點就開始排隊，大概等咗三四個字左右就可以入座，都係叫返以往必食嘅蕃茄湯底，個人喜好鍾意配出前一丁，牛腩，糖心滷蛋，同埋辣汁魷魚，另外叫咗個小食，就係好出名嘅即叫即燒叉燒。辣汁魷魚同埋糖心蛋兩個雖然係車仔送，但係佢係會另外上碟唔會放落個車仔麵度。糖心蛋選用鴨蛋，糖心次次都做得好靚，永無失手，鴨蛋真係比雞蛋要香香，入味得黎唔會過咸。辣汁魷魚個汁好好食好惹味，魷魚較淋身，唔係煙靭爽口嗰種。自家製蕃茄湯底車仔麵，呢個真係冇得頂，新鮮蕃茄每日自己煲，每一次黎食嗰個濃稠度都會有少少唔一樣，但係味道依然係世一，啲薯仔煲到入晒味，基本上我每次都會清咗成個湯，牛腩又係必須要嘅車仔送，夠晒淋夠入味，而且佢個牛肉係好新鮮好重牛味㗎。最後係佢嘅燒叉燒，雖然$30一串，一啲都唔平，但你食過就知道高質，每一粒都燒到有燶邊位，嗰種蜜糖焦香好正，食得出真係落足功夫製同燒，而且佢個豬肉揀得好好，唔會肥，肉質爽口，咬落仲有肉汁添嫁溫馨提示呢度嘅車仔麵係要最少叫三個餸，好多人都有叫佢哋另一個王

呢度嘅車仔麵餸都幾多選擇，3餸起有平有貴～睇價錢食飯la，但胃呢就得一個，有錢都試唔晒😂，特別嘅係今次另外追加咗花甲，每隻都鮮甜冇沙，每日限量供應賣晒就冇架啦😉+$38/份追加蕃茄薯仔湯，媽媽嘅味道 薯仔一咬落去 夠淋身軟綿綿 ❤️幾正～+$14 升級湯底鍾意肉地口感嘅朋友，可以揀午餐肉，厚切嘅程度係比足半罐你，對得起個厚字！+$13/件重點推介叉燒同平時食開嘅質感唔同，外表燒到燶邊夠晒脆口，加埋搽完蜜糖之後嘅焦糖感！正！ p.s.一串都幾多舊下幾飽，小鳥胃嘅朋友記得share 好啦，不設加單的，即叫即燒，埋位第一時間叫就啱ga la!+$30/串埋單嗰陣比左個👍🏻老闆讚好食，隔住個口罩都feel到佢笑容好燦爛🤣！呢間小店都幾出名，著重出品，唔係一般嘅車仔麵，堂食外賣都要排隊，老闆仲幾有性格，店內張貼唔少告示😂，儲落唔少熟客仔，成日大排長龍，阻到隔離左右啲鋪頭🤣🤣🤣！經過紅磡黃埔嘅朋友仔不妨嚟一試～是日排左9個字隊店內環境一般，比較狹窄，座位唔多，要食趁早😆蒙麵 (紅磡)紅磡差館里9-15號協輝大廈地下1號舖

/ / 勁出色人氣車仔麵 🍜 必試蕃茄薯仔湯底 / /來了來了！終於來到紅磡最受歡迎嘅 #良心小店平日夜晚去幫襯都排咗～45分鐘不過食物味道係值得嘅✨當晚去到, 最多人推介嘅花甲已經賣曬ᵀᵀ» 特濃蕃茄薯仔湯 ( ᴴᴷᴰ 14 )» 油麵 ( ᴴᴷᴰ 10 )» 柱候牛腩 ( ᴴᴷᴰ 16 )» 芝士燒魚卷 ( ᴴᴷᴰ 13 )» 溏心鹵蛋 ( ᴴᴷᴰ 14 )我知我知, ᴴᴷᴰ 67碗車仔麵係貴值勝在佢個自家製湯底真係夠曬濃又夠香用上原個蕃茄嚟煮帶微微蕃茄酸油麵煮得較淋身, 掛到湯啖啖都食到湯汁💦至於餸方面, 我叫嘅三個餸都唔錯下次再𝘦𝘯𝘤𝘰𝘳𝘦溏心鹵蛋！

位於紅磡既車仔麵店，長期都排長龍，7點去到，大概等左30分鐘一碗叫左花甲，豉汁鳳爪，滷水大腸花甲新鮮鮮甜，而且份量都幾多，鳳爪幾入味滷水大腸反而比較普通，冇乜咬口煮得太淋另一碗就升級左特濃蕃茄薯仔湯真心講句個蕃茄湯唔算好濃郁，家嘅味道比較健康叫左溏心滷蛋，辣味魷魚，柱候牛腩牛腩炆到好嫩，一啲都唔靭，但略嫌味道唔夠溏心蛋蛋味濃郁，但醃得唔夠入味，魷魚爽口另外菜脯唔好食，有啲鹹-沙嗲韭菜豬紅 $28沙嗲好香花生味，豬紅入味軟滑-招牌蜜汁叉燒串 $30叉燒分量十足夠晒抵食整體係唔差幾好食，不過就試一次就夠

紅磡呢間蒙麵我諗大多數人無去過都聽過佢係一間較新式既車仔麵 係會岩我口味多一啲既( ˙֊˙ )一年前去過 今次再食好似不自覺地叫番差唔多一樣既野ˎ₍•ʚ•₎ˏ但蒙麵竟然無再賣蒙麵.ᐟ .ᐟ◦馬來喇沙湯底/銀針粉/花甲/溏心鹵蛋個碗面盆咁大個再裝到滿一滿銀針粉意想不到地同喇沙湯底好夾喎喇沙幾惹味都夠濃味花甲睇住佢新鮮一大桶咁送貨(˙𐃷˙)入口鮮嫩肥美無沙份量多 值佢價錢既鹵蛋的確係溏心 用左鴨蛋 比雞蛋濃香◦特濃蕃茄薯仔湯/粉絲/南乳豬手/五香牛筋/辣味魷魚一睇就知足料 係自己煲出黎既湯黎~(˘▾˘~)男朋友話豬手同牛筋都炆得夠耐兼入味魷魚就正常 都真係幾辣下◦招牌蜜汁叉燒串食過覺得好食 今次一人一串(´∇｀)最好上菜影完相就快啲食啦蜜汁燒到燶邊香噴噴叉燒半肥瘦 有咬口但唔難咬～今次星期日晏晝去排左20分鐘左右比想像中快喎 如果唔洗下下排咁耐可以耐唔耐黎下喎( ͡° ͜ʖ ͡°)✿✿✿✿✿✿✿✿✿✿✿Follow @lastbitematters for more

蒙麵 紅磡差館里9-15號協輝大廈地下1號舖人均：$70-$100好西隊長恨咗好耐終於嚟到嘅一間餐廳今次排咗唔算太耐🚶🏼🚶‍♂️大概半個鐘餐廳嘅特別之處係外牆貼咗好多手寫嘅字條講明餐廳嘅規矩有啲人可能覺得佢哋串串地不過侍應嘅態度都正常有禮自選車仔麵(蠔仔煎蛋、辣味魷魚、豬紅河粉湯底: 新鮮花甲)重頭戲之一🥰一嚟到滿滿嘅花甲雖然花甲都幾多但係質素其實唔錯🤩入口鮮甜辣味魷魚非常爽口🦑加上香辣嘅咖喱汁食到人Shu shu聲🤤蠔仔煎蛋比較港式入口比較普通蠔仔量唔算多招牌蜜汁叉燒串🤤餐廳有特別講明唔可以加單所以好西隊長一嚟就叫咗兩串試吓先見到老細真係用炭火燒第一口食落去炭火味十足🔥叉燒肥美蜜糖香甜得來有少少黏口🍯真係唔錯不過比較油膩一串其實都夠🫄總括尼講呢間車仔麵比較貴但材料一啲都唔馬虎質量都唔錯👍🏼係可以再encore🤟🏼不過由於餐廳比較出名所以人流都比較多最好早少少嚟啦😉

排晒長龍嘅紅磡車仔麵終於到我食到喇，原先諗住早啲去，點知都係要排咗成個鐘，有得入去是終於可以放肆叫嘢食啦。我就叫咗最出名嘅蕃茄湯底蒙麵配咗韭菜餃同咖喱魷魚，朋友仔就叫咗花甲麵，花甲數量都幾多。湯底好濃郁，配菜都好入味，再加埋串燒雞翼，同腐乳通菜，兩個人都食唔晒，佢嘅份量都算頗多。

開業咁多年來今次都係第一次光顧，知道座位💺有限，店舖唔算大，但仍能保持有顧客在門外排隊等候🚶🏼‍♂️🚶🚶🏻‍♀️🚶🏼‍♂️，相信有一定嘅吸引力🧲.———————————————————————————🥢花甲🐚、生炒魷魚🦑、豬皮🐽💬叫咗一份花甲，睇住新鮮入貨送到，忍唔住叫，放埋入車仔麵內，變得升級咗，好鮮甜；豬皮🐽入味腍身，生炒魷魚🦑有兒時嘅回憶，走鬼檔口嘅伯伯慢慢炆煮嘅味道，亦都係當初吸引到嚟試嘅原因😋.🥢特濃番茄🍅薯仔🥔湯底，鳳爪🐔、豬腸🐽、冬菇🍄💬雖然好濃郁好夠火候，不過唔夠熱，餸料相當十足，每款都係獨立醬汁炆煮，算是有誠意😋.🥢串燒蜜汁叉燒🐽💬非常有驚喜，差不多每一組客人都有叫，即叫即燒，真心幾好味，炭烤味香蜜糖味甜，而且啖啖肉，難怪人人等半個鐘都照等，一定有原因😋

慕名而來，知道呢間野好出名又低調有性格😂好想試下究竟有幾好味，果然無令我失望！店面真係好細，雖然我地四個人等左都四五個字，而且入到去都係暫時分開坐，但係食物味道真係唔錯👍🏻可以將就下。所有食物都係即叫即整，所以排緊隊嗰陣d員工就已經叫我地order定叉燒，費事等咁耐！叉燒光澤同味道都好正 好甜好入味，唯一不足係佢太靭同太大舊了😢如果可以再切細少少就好。車仔麵我地都係揀左蕃茄湯底，好足料比左好多薯仔，沙爹肥牛份量好多，完全唔孤寒溏心蛋真係好溏心，入口即溶。好有滿足感

放工去食蒙麵，諗住會排好耐，好在等左35分鐘左右就有位，鋪頭唔大得幾張細台。特濃薯仔蕃茄湯底$14+新鮮花甲$36+鹵水大腸$15+辣味魷魚$16+溏心鹵蛋$14+響鈴$10+粉絲$10Total $115 好貴的車仔麵，不過樣樣都想，貪心都好合理。薯茄薯仔湯好味，好有媽媽煲嘅感覺，叫左會索湯嘅粉絲同響鈴係絕配，超多花甲，同埋好鮮甜一定要叫，大腸同魷魚都係比較淋身，大腸更係入口就溶左，完全唔洗咬。招牌蜜汁叉燒串$22/串 （必點）好好味表面茶滿蜜糖，好香口好味，唔柴有肉汁，唔可以錯過！麻辣烤雞翼$26/3隻外表咬落有小小脆，唔係好辣帶小小麻，唔止外皮有味雞肉都入味，都是唔錯選擇。係有期望下食都覺得好食，咁應該真的很不錯啊！

車仔麵由細食到大，但要搵一間好食都幾難🤔呢間車仔麵舖位細細 經常排長龍而且舖頭好細， 點解呢? 因為款式多，而且味道好 多明星客咖哩魷魚 - 好淋但真係堅辣， 建議跟麵一齊食多春魚 - 炸得好香脆蘿蔔 - 好清甜炆冬菇 - 又淋又入味雞翼尖 - 👍👍👍仲有雞翼、 牛腩、 丸類、雲吞……仲有好多車仔餸除咗車仔麵仲有串燒，不過呢間舖唔會加單，每台客只接受一次order。 想食多啲嘢就一次過要諗定曬喇

三年冇返嚟香港，好掛住香港嘅車仔麵，即刻周圍試唔同款式嘅車仔麵，呢間叫蒙麵嘅細妹話好出名，叫我試一試。特登出紅磡試，簡直難食到難以形容，返嚟香港一個幾星期食過10間車仔麵，呢間一定係最難食，叫咗佢嘅招牌蜜汁叉燒串，啲肉韌到咬唔郁，車仔麵啲餸又難食，蒜味雞翼完全冇味，連個蜆湯都一般般，比較正常啲嘅係杯檸檬茶，可惜都係一般水準。完全浪費金錢，胃同時間嚟呢度食，佢價錢比其他車仔麵檔偏貴都唔係一個問題，反正車仔麵都唔貴得去邊，但係食到一啲咁難食嘅嘢真係會令你心情惡劣，非常不推介！零個⭐️！

之前搭的士返屋企經過間舖頭，見到個名咁特別，已經想試下。要等20分鐘嘅招牌叉燒真係幾好食，同燒味店嘅叉燒唔同，我覺得係新鮮啲，同埋冇咁鹹，買咗兩串外賣返屋企食。車仔麵都OK，菜甫幾大粒，豬腸洗得幾乾淨，冇腥味，而且炆得幾稔，牛筋都唔錯，唔硬。咖喱魷魚另外分開裝，呢個我就覺得麻麻地，因為好鹹同埋凍冰冰，但係質感來講都唔係話咬唔到嗰啲，係爽嘅。加咗杯凍檸茶，有啲過甜，冇乜茶味，不過呢度都唔係飲凍檸茶嘅。睇得出老闆係有個性，收銀個姨姨冇乜禮貌，不過呢度應該都係食性格嘅，間唔中過嚟食下都OK，反而就冇乜人情味，唔係幾襯紅磡呢個地方，可能開返喺啲commercial 嘅地區，嗰啲人會比較受落呢種銷售模式。呢間舖頭令我諗起好多年前大角咀嘅車品品，兩位店主都係有性格之人，哈哈哈⋯⋯

久仰大名紅磡車仔麵蒙麵，今日終於食到喇，如經過紅磡嘅話大家一定唔好錯過，我今日點左一碗花甲叻沙湯底，配上牛肚、冬菇同魚餅，真的滋味無窮，花甲新鮮，牛肚入味而不韌口，冬菇肉厚味道香濃，再配上自家製的菜脯，真的徘徊在味蕾中，再加上懷舊咖喱魷魚，韭菜豬紅，真的令人津津樂道，值得一讚的就是叉燒，叉燒味濃郁，咸度適中，肉質鬆軟，可以講係非一般嘅叉燒，我相信你地一定要試試，雞翼好味唔使講啦，皮脆肉嫩，整體來講真係一試難忘，最可惜就係店舖太細，等太耐啦，但係都值得嘅。希望呢間店舖，繼續做落去，秉承傳統懷舊美食文化，再講，食材豐富美味，質素高，唔少得店舖老闆嘅努力，老闆一身整齊嘅打扮，淥麵嘅時候他的態度專注入神，可知他對食材有一定嘅要求❤️❤️❤️

今日來紅磡搵好野食。其中一間想試的，就係蒙麵。見到門面，已經feel到老闆的幽默。覺得特別搞笑的係：- ‘專注出品，廢話少説‘ ’唔等得，唔好食‘我哋大約等左半小時就入得了。🐽招牌蜜汁叉燒串$28呢個係小店的招牌菜。個人覺得係必叫之選。叉燒燒得熱辣辣🔥叉燒肥肥地，好軟淋，外皮有啲焦焦地，鋪滿蜜汁甜甜地，好食👍🏻🥚糖心滷蛋呢到用左鴨蛋🦆，坊間比較少見。比雞蛋細隻啲，質感實啲，有流心效果。值得一試。🍜蕃茄薯仔湯底車仔麵印象中好似無食過車仔麵係蕃茄薯仔湯底。感覺好健康。湯底好濃郁，真材實料。原本想叫花甲，但到我地時已賣哂。但老闆好好，都比幾粒我地試吓👍🏻唔駛失望。餸方面推介牛肉🐂。份量都幾多，同蕃茄湯底又夾。整體來講，大家去開呢度，又唔趕時間，可以一試。支持下小店、同本土食物😋