莆田 (荷里活廣場)

营业中

休息中

倒敍法之核心，告訴你結果之後才告訴你發展過程，扭橋至強，如電影<凶心人>等，令你久久不能忘懷。今次過黎鑽石山食，係之前係荃灣食完之後，覺得真係唔錯，再翻啅。和家人吃個簡單飯聚，又要好泊車，又要好坐，又要好食，個日荃灣店話我知，呢個地方，係唔錯的選擇。中秋的第二日追月晚上，第日要番工，加上之前請三日假，可以放九日去轉歐洲的日子，仲要食八點半，差唔多任坐。今次可以食啲上次食唔到嘅野。開頭就番吃呢個冰浸苦瓜，依舊甘甜涼快美味，我越來越喜歡不用蜜糖就隨口吃，全因其滋味無窮，"今天竟吃得出那睿智愈來愈記掛"，是我越成熟，還是味覺不同了呢。上次吃不到的有這個酥炸蟶乾，蟶子乾應該係三十年人第一次吃的東西，全因的好愛蟶子，不過，呢種食法太新奇，對我來說我喜歡又煙韌又juicy彈牙的蟶子，如果係屋企睇波送酒大概會適合一點。土荀凍，福建名菜，自土瓜灣的廈門珠記後就未試過的美味，不過我喜歡廈門珠記多一點，呢度相對冇咁野性，味道來得高貴大方。喜歡的還有這裡的莆田荔枝肉，荔枝味好強烈，而那些肉又不會太過肥美，還附上一些荔枝肉，吃得味道像是清一點，健康一點，有大中小你選擇，可以就人數來叫，絕對好方

莆田這間食店聽就聽得多了，但一直未找到機會試試。近日網上見佢開業15年兼送一些禮物，當然要去試試啦。因為知道它是長期排隊的食店，又擔心禮物派曬，所以我們6點半左右到達，但已有很多客人了，而且是限時的，一個半小時要交枱，如果打算三五知己傾計幾粒鐘，相信它不是一個好選擇呢。莆田扁肉湯 ($78)扁肉的口感好似魚皮餃，細細隻，易入口。每口都是滿滿的肉汁和湯，而湯底加入較多的醋，酸酸的，甚感開胃，另我一碗接一碗吃下。酥炒芋頭 ($88)這款是我最喜歡的菜式，外皮鋪滿焦糖醬汁，脆脆地，外甜內鹹很特別，芋頭味道很香，而且不覺油膩。興化炒米粉 ($78)特點在於米粉，莆田米粉很幼，炒過後保持爽口，與其它米粉有分別。而其它材料不算特別，菜、肉、蝦……，與主角米粉很配搭呢。蟹肉紫菜豆腐羹 ($88)紫菜健康有益，蟹肉味道突出，食完都不覺口渴，應該不是味精湯。雖然我們點了一個湯也點了這個羹，但材料有別，所以不覺重覆。凡是十月生日的食客都會有禮物，女友正好也是十用生日的，所以埋單時店員都送了莆田限定禮物給我們，入面有一包莆田米粉和一本精美記事本，很開心啊。

之前係銅鑼灣分店食過，今次同媽咪慶祝生日，所以第一次黎到鑽石山既分店。整體黎講，食物特別亦好食，但侍應生們既服務好混亂，令人失望，下次要食應該會去其他分店。蝦苗撈頭水紫菜 - 驟眼睇以為係髮菜XD，食落先知係貨真價實既紫菜。鹹鹹地配上蝦苗，好香好送飯。(小知識︰頭水紫菜係指一年裡面第一次收成既紫菜，營養價值高，份量少，好矜貴 <~~菜牌話既)冰鎮苦瓜 - 其實本人係唔食苦瓜既，但父母鍾意食，所以想俾佢地試下。苦瓜片好薄，一入口有青瓜既清新感，咬到第4下，甘味先慢慢浮出黎。雖然我唔食苦瓜，但我都食左幾片，因為可以點好香既蜜糖(水XD)，甘甘地都幾清熱氣XD九轉小腸 - 冇銅鑼灣店咁好味，不過都好爽，味道唔算好濃酥炒芋頭 - 芋頭外圍有或脆或硬既蜜糖包住，芋頭亦有粉有硬。粉既好好食，硬既就稍嫌乾左啲，但味道係好食既！興化米粉 - 米粉好幼好滑，配料都好惹味，只係有我唔食既芹菜啫...椒鹽豬手 - 叫左兩件，再二開四。上次係銅鑼灣食好食好多，究竟甚麼出了錯....?*叫左佢一開二，但上枱又冇開到，唯有叫啲好難叫到既侍應生幫我地拎入廚房再切開佢...農家擦粉 - 驚喜！配料有切成粒粒既

拍拖婚後也盡量抽時間與父母共聚。父母怕阻礙我們，常提議我們倆口子二人世界。但我知道他們也希望大家能多相處。所以，一有機會便一家人一同外出逛逛。今晚便一家人去看電影和吃晚飯。老一輩大多愛中菜，今晚特別一點，不選大路的粵菜選擇了福建菜莆田。在門外等候安排時，店方突然推出興化米粉給客人試試，味道不算太特別，但炒得乾身美味。門口亦擺放了薑茶予客人。試了一杯，很好喝！不會太甜，薑味突出卻不會太嗆喉，絕時是女士欣物！店員很快便安排座位給我們，店員大致上也很有禮貌，加上店內帶點中國風的舒適裝潢，整體感覺不錯。打開餐牌，食物種類種類頗多，而且很特別。大部份食物也附上清晰的圖片，設計貼心。下單時，店員也能清楚解釋每道菜的特色和味道如何，讚！因太多選擇，花了一點時間才能完成下單呢。終於有時間嚐嚐台面上的小碟。炸菜和滷水眉豆花生：炸菜不太特別，但味道是不錯的。滷水眉豆花生很好吃！滷水味突出，不會過咸。眉豆花生充滿了滷水味，不會煮得過腍，仍帶點脆口。真的很好吃！絕對值得付這茶芥錢。看到餐牌有多款特別飲品可選，因此也點了兩杯嚐嚐。冬瓜薏米水：有凍或熱。份量很多！薏米亦下得重手大方。味道不錯，不會太甜，解渴之選！

今日公眾假期，喺荷里活廣場睇完戲差不多六點，以免晏啲食飯時間多人等，不如早啲食晚飯。廣場無咩選擇，之前試過莆田都幾好，所以兩個人揀左呢間喇。環境裝修簡單，枱與枱之間頗近，所以都聽到隔離枱傾計。食物每枱有一小碟甜醬油花生眉豆，醬油濃帶甜，花生眉豆少少淋，夠入味。我地唔太餓，叫左蝦苗紫菜、酒糟雞(細)、扁肉湯(細)。蝦苗紫菜（$48）酸酸甜甜，好開胃。酒糟雞（$98）以沙鍋上，份量足有七、八件雞，有少量雲耳，伴以大量南乳味醬汁，非常咸。扁肉湯（$78）都係沙鍋上，大小不一嘅扁肉放上加有醋嘅雞湯，外形似魚皮餃，餡料有豬肉伴少量菜，味道清淡，都不錯。服務Serve我地嘅侍應無論樣貌、服務都好似未訓醒，唔知落單搞錯枱號定其他原因，每樣食物都將我地同隔離枱搞亂，問佢問題淨係O咀(經理即刻補位回答，反應快)，埋單亦要叫兩次先記得，希望有所改善。

這個商場雖然已經有幾間中菜餐廳，但是我比較喜歡這家。它的裝修雅致，給人一種舒服的感覺，而且座位之間又不會太過狹窄，跟朋友交談時感覺也好些。餐桌上擺放的調味碗也很特別，上面印有一個開心小女孩的圖案，令人看見都有種開心的感覺。一般黃魚都是椒鹽油炸的，而這裡的煮法，卻是用上湯煮，帶出黃魚不一樣的味道。這個豆腐做得不錯，豆腐內部仍是很滑的，配合醬汁，很清新。這回餐廳提供扁豆作為餐前小食，真好。這個蠔餅略為太過煎炸，蠔太小，建議應該加多些蠔，減少些油就好。

莆田係褔建一個地方名，而呢間係來佬新加坡top50餐廳，短期內已開三間分店，雖然係閒日，但都幾爆場，好在有訂位唔洗等，但要讚讚等位位置有個好似涼茶鋪嘅嘅金色胡蘆同紙杯仔俾人免費加茶飲，做法似日本的小店，夠貼心。 先說說餐廳環境，有VIP房，用盡所在空間放枱，店面細細應有四十枱以上，二人枱至大圓枱都有，枱與枱之間空間不足，剛好旁邊枱你一個講嘢好大聲嘅男人婆，成日行出行人聽電話，好討厭。明顯一個侍應要招呼好多將枱，個個都做到面如死灰零笑容，但工作還算有效率零錯誤。新派餐廳格局但又收茶錢(係菊花茶)又收花生，計計埋埋都唔少嘢，最終無咩貴價菜食過都每人兩嚿水落樓。 冰鎮苦瓜 $48 先要讚讚佢餐牌啲相影得好靚，令人食欲大增。苦瓜賣相好靚，一朵玫瑰花咁，點菊花蜜食。朋友好鍾意，我就一般，或者我未過半生。 冰鎮鮑魚 $68 本來想點招牌菜螄X, 但點知八點就賣哂，於是點咗都係餐牌推介嘅鮑魚，size大約分到兩至三啖，係彈牙嘅，但逢一餐食完好有空虛感。 金葉包 $27一件 兩件起唔記得係咪叫呢個名，總之就係炸饅頭夾啲肉絲。上枱時會畀膠手套你再用刀叉橫腰切開個包，但環保關係我無用。炸得香脆，肉絲濃味，

我對福建菜的識知只有福建炒飯, 但究竟是不是福建菜呢? 還有的就是福建雲吞, 但原來福建菜是博大精深的, 而且因為福建是沿海城市, 出產大量海鮮, 所以有不少菜式都是以海鮮入饌, 追求鮮味, 所以也頗適合香港人的口味.莆田這個品牌不是來自福建, 而是來自新加坡, 在新國經營得有聲有色, 備受傳媒推祟, 上年正式到香港插旗, 同樣大受香港人歡迎, 加上之前TBB金剛小儀的飲食節目都有介紹這裡, 令這家長龍店變得更熱烘烘!上座後, 侍應即端來前菜一碟, 是眉豆花生, 甜甜鹹鹹的, 煮得非常入味, 盡顯誠意. 奉上的是菊花茶, 味道清雅幽香, 更有清熱降火之效. 桌上擺放了一罐福建家鄉特色醬料, 味道有點像泰式酸辣汁, 用來蘸點米粉也挺不錯!這裡的安排非常貼心, 大部份招牌菜式都分為大, 中, 小size, 按照人數同點不同size的菜式, 數目分明, 又怎會發生早前大學生與大圍某大排檔的風波呢？紫菜蟹肉豆腐羹 (小/ $88)很久沒有在家喝這個湯了! 想不到也是福建菜之一. 跟在家喝的味道不太相同, 一來加入了要點功夫處理的蟹肉絲和豆腐粒粒, 二來是加入海量的紫菜, 紫菜的份量比湯羹的容量

大人飯局由西式占美奧利花變為中式莆田,只因占美在咱們選定日子已告客滿,印象中未曾跟大家吃過福建菜,況且近期也有不少有關此店的食評,其菜式看來也蠻特別,那就跟大家一起夜莆。莆田幾家分店又以鑽石山分店最方便大家,早到的我為免用餐時間由入座起計,問過性格活潑的知客小朋友後得知平日晚上訂位後沒有用餐時間限制,周五六日則是別論,我也安心地先行入座等待大家了。店裡座位編排稍為密集,不太大的桌子被安排坐六個人便要坐得親密一點了,如果有10-12人又不介意最低消費的話,有著玻璃屏風的貴賓房其實蠻不錯的。當我入座後,態度友善的侍應送來前菜兩盤,顏色黑黑的像醬油炆花生眉豆,有五香味的醬油甜甜的把花生眉豆炆得軟身入味,而且也沒有炸花生般熱氣及平凡,來碗白飯可以連汁也不會浪費。看似普通清茶其實是清香菊花茶,每位$8的無限量供應其實也蠻相宜呀,菊花茶微香清甜,還有清熱明目作用,多飲有益。最吸睛的反而是面前的藍色碎花食具,如果這套餐具可以購買,我都有興趣買一套回家哩。莆田的餐牌設計及圖片極為精美,最喜歡還是封面那淺藍色四個字"幸福原味",能跟一眾好友相聚的確是一種幸福。人未到齊不過我們已感肚餓,先點一些前菜來享受

下午茶基本套餐($68，下面果6款)，加$30可以追加多3款，總共有12款野食可以揀架🙆，每樣細細份最岩第一次食福建菜又想試哂既你地😆，呢個Tea都夠兩個人食，可以食咁多款加埋有個舒服環境，抵哂啦！呢間福建菜係新加坡拎左獎架🏆，所以味道有番一定既質素，而且仲有鮮香既菊花茶飲，即泡即飲但無唔收茶芥🍵，清清地好岩配呢「九小碟」。九轉小腸，呢個菜好考功夫，一條一條腸穿入去，滷得好入味，好有咬口👄，去臊味既程序做得好好👍，一d臊味都無。莆田印糕，傳統甜品，煙韌得黎帶綿綿口感☁️，花生碎既餡好味。冰浸苦瓜，1號本身係好怕食苦瓜😖，但呢碟苦瓜切到好薄，好爽脆，點埋蜜糖🍯，苦澀味都無哂！香茅凍，唔太好香茅👀，但食得出好香既天然香茅味，係一個唔錯既甜品。家常燜筍乾，入味香濃。金湯莧菜，呢個係香港見得比較多，食到有咸蛋味🐣，菜好嫩。水晶豬蹄凍，睇落晶瑩剔透◻️，有咬口得黎帶點辣🔥，刺激味蕾。興化米粉，應該係食過最幼既米粉，雖然細細碗但食到好濃海鮮味同配料香👃，加埋枱面既酸辣醬更惹味！紫菜蟹肉豆腐羹，蟹肉鮮甜，豆腐滑口，加埋足料紫菜，好味又暖胃。呢間既福建菜真係試得過，店員既服務仲好好！窮遊指數：8.5/10

今日男人媽媽生日，去到礸石山見到有間新加坡褔建菜。見環境吾錯，就一行5人去左食飯。入到去已經有菊花茶和小食（炸紫菜和花生），而開瓶費是免費，今次帶了一枝金泊白酒。今次因為男人媽媽生日，吾方便影相，今次我地都叫了不同6個餸左右已經夠，但份量其實多少少更好。九轉小腸：係驚喜小菜，腸入面仲有小腸，口感好味但吾滯，加上自家製辣醬（有青檸汁在內）更加好味道，推介！～魚湯：一個煲大約可以有6碗，魚頭都好多而有少少藥材都足料，不太腥，味道不錯，但偏油。聖子：一黎到鐵板上，盀和八角之類在底部，聖子不太大但厚肉，好甜，加上少少咸味好新鮮的感覺。芥蘭苗腐皮：咸得滯，芥蘭苗炒得不錯，醬汁太杰。豬手：每人一個手套（但用完都係爛會整到手），有5件剛好一人一件，豬手皮好脆口，但肉吾多，都多肥膏有少少滯。南乳雞：少少南乳醬汁吾咸好香口，雞都滑身而吾硬，木耳吸收少少南乳醬汁更好味道。但待應人數不足，所以倒茶，倒湯之類都要叫幾次先有人理，有待改善，但環境真的不錯。而因似大集團旗下，所以問優惠，原來用匯豐信用咭有9折，平左八十多元，都飽飽地離開！～ 

經過門口，見內裡裝修非常舒適，另門外下午茶十分吸引，可以一次過試各款美食，睇見都吸引，我們試埋花茶，味道係花香，但似淡了的 “紫貝天葵“， 個玻璃茶壺係好迷你的下午茶上檯了，睇見都開心，各碟十分精美，味道各有特點，有咸有甜 ，但每碟份量都算少推薦大家試試

打著”來自新加波的福建菜”為旗號的莆田，由半年前在鑽石山站的廣告箱得悉其開業試食活動後，眨眼間已在香港有了三間分店，雖則近水樓台，離家距離甚近，但仍然未有機會去一嚐其真味。這天晚上，恰有機會，我們倆口子便選了這裡一試究竟。店子內陳設一目了然，是中式酒樓的桌椅，有點像是稻香旗下潮樓的裝潢。由於座位也頗多的關係，我倆即使在7點鐘晚飯時間，不用等位也能即時入座。拿起餐牌，厚厚的，而且食品的相片也下過不少功夫，十分精美。食品的種類亦很多，除了一些基本的麵食之外，前菜與湯類亦不缺少。當中，還有2至10人的套餐，2人餐包括三道菜餚(水晶豬蹄凍/蒸煮黃花魚/自家製滑豆腐)，一碗湯羹(紫菜蟹肉豆腐羹)，一道主食(莆田滷麵，可選)和甜品兩客(琵琶川貝凍糕)，價錢方面，則盛惠368元。留意的時，這店子會提供餐前的小吃，是南乳花生，會另收8元的芥費。首先第一道來的是水晶豬蹄凍。豬蹄連著脂肪，被切成小粒，晶體彈彈的，狀甚有趣。用筷子夾也要萬二分小心，因為極為滑手，一不小心便會掉在台上，然後付之流水。咬下去，凍凍的感覺，並不感到肥膩，相反是感覺彈牙，加上其伴碟的醬料，是很好的頭盤，打開了胃口之門，和享受的序幕。

家人早在一星期前已訂台, 當然理解時間未到未必一定有枱，但接待員可笑的答案, 以及怠慢的處事都叫人不可理解我哥提早到達, 接待員卻跟他說沒有位,叫他八點幾再來查詢, 我們訂的可是八點鐘呀！如果貴餐廳不能準時給已訂枱的客人, 那乾脆不要制訂訂枱這個服務除了我們還有其他客人都有這個問題再查詢時, 接待員說多等五分鐘就可以最後我們足足等了二十五分鐘坦白說都已經等了一段時間, 也不在乎再多等一會可是餐廳一點的交待都沒有一句明白前陣子有藝人為其餐廳宣傳過, 除了食物之外, 服務/訂台系統也是固然重要,要不然, 多好吃的食物也不會有回頭的客人已經不是正日食飯, 令人費解的餐廳皮蛋煮法頗為新穎, 不覺油膩, 入口剛好苦瓜配上一小碟蜜糖, 薄切的苦瓜加上蜜糖甘苦甜與共, 不愛吃的也不妨一試太漏了,感覺有點滯蟶子有點臭,還是吃別的菜式好了但大概不會對這餐廳有回頭, 未吃已經一肚氣了

和友人特登去試試莆田（福建菜）。我們大約7時半到達,已有不少人在輪候， 等了大概二十五分鐘左右有位，安排了我們坐圓枱位，環境唔錯，寬敞舒適！ 不久侍應就給了前菜和茶, 朋友說前菜很有家鄉味道（朋友是福建人），茶也不錯，是菊花茶。先來的是冷盤：「 阿元香草雞」- 賣相很精緻，口感冰冰涼涼，感覺清新，雞肉算是嫩滑，味道ok，香草味不太明顯，不過不失，作為頭盤是ok的。接著就是....「鹽焗蟶子」，熱騰騰的，好鮮甜，好好味。友人說福建有很多蟶子，福建人一般愛用它烹調，但當地的會比較大隻。「椒鹽豬手」，餐牌註明是選用 7吋豬手，實際是否有7吋我們就沒有深究，因為我們見它外皮焦脆已急不及待了....的確酥香不膩，感覺沒有肥肉，口感好，香口惹味，感覺啖啖骨膠原。「炸饅頭配肉絲」外表焦脆，上枱時還很熱，明顯是新鮮即叫即炸，夠香脆，要挑剔就是要用刀叉放入配料（醬油肉絲）時有點困難，而且太熱不好用手輔助。甜品，我選的是「黃金紫薯泥」，紫色番薯泥賣相唔錯，味道有紫番薯原味+香甜南瓜湯底，口感香滑，薯泥綿綿的。總括，食物味道不錯，服務ok，環境舒適，價格屬中價，整體不錯。值得一試。