荳子 (PopCorn 2)

营业中

休息中

荳子是無論什麼時候都長期人龍滿滿的餐廳。原因很簡單，就是它的出品非常有保證，而且性價比極高。這天又有機會來偷閒一下！除了最濃醇的咖啡外，最有名的就是它的咖啡拉花了！ 這次獲得的3D拉花是一隻可愛的小花貓 嘻嘻。 光看著牠已經足夠令心情好起來了！為了保存牠可愛的面貌，全程是小心翼翼的喝 哈哈。這杯法式焦糖燉蛋拿鐵味道是微微甜甜的焦糖燉蛋，其後再散發一種咖啡的濃郁回甘啊！幾乎每一次都要點這個黑松露軟殼蟹意粉！從遠處就能聞到的黑松露香味，已經讓人口水直流！ 意粉煮的煙韌彈牙，每一條都被濃郁的黑松露醬汁給包裹著，每一口都是滿滿的幸福啊！ 軟殼蟹大大隻，炸的熱辣香脆，而內裡的肉質鮮嫩多汁又有肉感！這個組合真的大愛啊！這個黃金蟹肉意粉也是荳子的特別推介之一。 黃金顧名思義當然是加入了邪惡又惹味的蛋黃，而這個意粉特別之處就是額外再加入了蟹膏、蟹肉和蟹柳，令口感和味道都更上一層樓！ 意粉同樣是煙韌彈牙又能好好的掛汁！

尋日同女朋友去慶祝元宵諗左好耐去邊一間食，突然記得將軍澳有一間唔錯嘅餐廳，本身都諗緊使唔使排隊然之後特登早啲六點幾入去，唔算太多人，啲位都算幾多同埋坐落幾舒服。第一份點左個黑松露軟殼蟹意粉，成隻軟殼蟹起入面，意粉硬度適中，個汁同味道都好好，跟餐加咗個羽衣甘藍沙律同埋餐飲黑糖薑母茶另外一份叫咗個豬仔肋骨半份，係有少少乾不過啲肉都好淋，個汁都好好味，跟餐叫咗個肉醬薯條，飲Earl Gery Tee Latte。最後埋單都係528，同埋好彩早入去，走嘅時候大約七點半見到出面已經有10幾個人排緊隊

閨蜜聚餐經常好苦惱要去邊到食今次就試左間就腳嘅餐廳坐低之後環境幾有氣氛 坐得亦好舒服叫左1個黑松露軟殻蟹意粉黑松露味道香濃而最值得欣賞係個軟殻蟹 食落鬆脆 亦好足料食完主菜 當然就到甜品啦個到有個雪櫃show蛋糕 等客人可以先睇下蛋糕再選擇但見到款款蛋糕都咁靚咁精緻當然忍吾住叫左2款啦雖然賣相真係唔錯不過如果你係對蛋糕要求較高恐怕要失望因為佢蛋糕味道相對普通不過不失但整體而言依間都係好適合朋友聚餐嘅餐廳亦值得再試

今日喺將軍澳覓食，醒起依間餐廳唔錯，於是過黎睇下洗唔洗排隊。去到可能時間尚早，未見人龍，仲安排我地坐窗口位，真係非常好彩。第一份Lunch set點左忌廉番茄牛柳絲意粉。意粉偏軟身，配上酸酸地嘅汁幾開胃，牛柳絲唔韌。第二個係蜂蜜紫薯烤雞意大利飯。喺點之前我係完全幻上唔到會喺點嘅樣，純粹抱住試試下嘅心態去點。上到黎嘅賣相算係唔錯，有驚喜。食落蜂蜜味好重好香，加上紫薯粒，有啲似食緊甜品，味道係唔錯嘅。烤雞唔太燶，不過調味夠，皮勁脆。加25蚊可以要一件cake，我就當然唔會錯過我最鐘意食嘅抹茶卷蛋啦。卷蛋入面嘅Cream濃抹茶味，但係又唔會好heavy。蛋糕唔太甜，同cream同紅豆嘅甜中和番，非常好食。另外，跟餐係包一杯野飲，分別係蜂蜜檸檬、黑糖薑母茶，同埋美式咖啡，都唔錯嘅。

今日同老公都放假，係popcorn行左一陣都唔知食乜好。行多兩行唸起Beans，所以就行左黎食。上到去見到條龍比平時少人，所以就繼續排隊等位。排左大約10-15分鐘左右，我地就有位坐喇。😬我地兩個分別叫左兩個sets, 一個叫左「手撕豬仔骨肉漢堡·太陽蛋·薯條·洋蔥」配coffee，而另一個呢，就叫左「黃金蟹肉意粉」配合黑糖薑母茶。😋（可能人多啦！個意粉叫左成30分鐘先到嘅🤦🏻‍♀️）最後當然有食甜品啦「手撕豬仔骨肉漢堡·太陽蛋·薯條·洋蔥」🤣（個名長到呢🤣🤣）配coffee等左成30分鐘先到嘅「黃金蟹肉意粉」🤦🏻‍♀️配黑糖薑母茶😋

相約友人下午茶，朋友想吃西式菜， 於是我就選擇了這間位於將軍澳某商場裏面的一間餐廳。由將軍澳地鐵站出發， 大約五分鐘路程你就會到達這間餐廳。餐廳裝修走簡約風格， 一走進去就是小清新的感覺， 彷彿每一位食客都是文青。是次點了 帆立貝薄餅， 菠菜意大利飯， 還有朱古力慕絲。老實說， 這裏的菜式份量不算多， 我想剛巧應該夠女生食用。 帆立貝薄餅大概有七吋大， 看得出很足料， 味道正正常常不過不失。菠菜意大利飯烹調的火喉合理， 吃得出意大利飯的收水功夫做得足夠。 菠菜味也很出， 和意大利飯很搭配。朱古力慕絲口感濃厚， 每一口都夾雜著餘韻， 整個甜品就是情意綿綿的感覺。每人大約150元左右， 就當是吃這裏的環境和情調 也算合理。

昨日约左朋友係將軍澳Pop Corn食lunch. 係Pop corn商場行左去Pop Walk,這边商場較新，但食店一般，行左一圈，無乜頭緒食乜，於是行返去Pop Corn. 好在時間尚早，見到Beans門口無人排隊。當然即刻入座。牛柳絲意粉 - 這個意粉份量好足夠，牛柳絲好軟滑，意粉好有咬口，配上好濃番茄汁，味道唔錯。套餐包一杯咖啡。黑蒜蜆肉意粉 - 黑蒜好惹味，可惜蜆肉不太新鲜，比較失色。朱古力Mousse Mountain - 濃香朱古力，mousee好軟滑，不太甜，非常好吃。這裹甜品真不錯。

今晚見早早哋，揀咗黎呢度食，應該唔洗點排卦🤨 到步⋯⋯六點左右，正！無人排！直入😃坐低後，被後面幾個正嘢嘈到無哂心機揀，有時嘈都唔緊要，係個啲把聲同語氣好似八婆咁😒 就叫女友㨂埋😝女友又叫翻佢食開個個，跟住再叫一個漢堡，叫主菜就有飲品，通常我倆都係要熱檸檬蜜糖，但今次我要咗黑糖薑母茶，試吓新嘢😅 杯檸蜜始終都無剛開舖時咁美味，而杯薑母茶都幾好味，夠哂薑😊👍🏼黑菘露軟殻蟹意粉到先，隻蟹好味😋 菘露好香味，可惜意粉淡味咗少少😛我你漢堡到喇，好靚樣😃 本身係太陽蛋，但我唔食生，叫咗要全熟😝 估唔到咁食法都幾好味😋😋仲好足料添，好多豬仔骨肉👍🏼不過啲薯條差少少⋯⋯ 但下次黎都會再叫，我幾鐘意食😋😋

每次行過呢間都一定會很多人排隊，一直都想來試試個benedict egg, 但結果竟然是熟蛋來的………一點也不流心………十級失望……不過我會再來的，希望下次再來幫襯個蛋會有改善~

之前和朋友來睇戲，本來打算到這裏來，但因為時間不夠，怱怱吃個麵包就算了。今天專程想要來這裏，在地鐵站上來，找了一段時間，最後是問人才找到這荳子Beans，來到時是快到下午兩點，但門口依然排著人龍，等了5分鐘，身後的人龍更長，我大約等了15分鐘。看到Lunch set 只是$50-70，不貴哦。最後為了小愛人，點了夏威夷燒雞帕尼尼．薯條，當然為着是薯條才點這個。食物來到有點吃一驚，份量是極巨大，最終打包了一半回家。薯條外脆內軟的，燒雞伴着沙律醬十分美味，沙律菜夠新鮮。另外點了一份蟹肉牛油果他他，這個份量不大，但沙律十分可口，蟹肉不多不少，牛油果creamy! 麵包送上來先熱烘烘的如果食量不大的人，這沙律是足夠，而我吃這個已經夠飽了，還剩下一片麵包。而飲品不過不失，未算十分出色。最後加＄25點了甜品，嘩嘩嘩！十分yummy! Lychee lover, 入面是mouse and sponge cake, 不過有點略甜，和小愛人一人一半，份量剛好。總括來說，這裡是必來encore的餐廳。

因事入將軍澳，特登揸車過去吃。餐廳環境幾好叫左芝士薯條，蜜糖雞翼，一個龍蝦湯，一個沙律，2個意粉！再一次强調，真的好好味！不過，上左2前菜，湯同沙律前，2個人坐細枱，成台都喺野，個侍應無啦啦隊左碟雞翼俾我攞住，個人就走開左，我知你忙，我幫你執枱，幫你放，無問題！ 5分鐘之後，又突然隊碟意粉要俾我，大佬丫，張台無位，唔想要我一隻手攞住個盤，一隻手攞叉吃野？美味，抵吃！ 但真希望提高小小服務質量，小小心聲同意見！

呢間餐廳喺將軍澳人氣好旺，同三個同事嚟食晏，懶醒諗下午兩點過咗食晏時間，點知嚟到依然有客人排緊隊，等咗大概二十分鐘入座。坐低每人叫咗一份午餐，另加兩個小食兩款甜品，食物份量唔多，不過味道真係唔錯。客人多枱當然會密，但某部份嘅枱密到有啲似放題，傾計唔係一個好選擇，勤力嘅我哋都係食完急急腳埋單返公司做嘢。芝士肉醬薯條，肉醬唔係茸有粒粒咬口，薯條新鮮，芝士太少。自家製蟹肉薯餅，食唔出薯仔味，有淡淡嘅蟹肉味，裏面嘅蔬菜粒中和炸嘅油膩感。黑松露軟殻蟹意大利粉，完整一隻軟殼蟹，意粉調味較少，令黑松露味更突出。黃金蟹肉意大利粉，以蟹蓋做裝飾，意粉舖上蟹肉蟹黃煮成嘅汁，另外仲有兩條蟹柳，好味。黑蒜.蜆肉.帆立貝.白酒意大利粉，味道唔錯，但無特別地方。手撕豬仔骨漢堡.焦糖洋蔥.太陽蛋.薯條，包同薯條係唔錯，但手撕豬仔肉實在太鹹，連包食都遍鹹。午餐後想食甜品可以加$25揀一款甜品。玫瑰紅莓千層酥，夾心比一般嘅千層酥實少少，唔太甜，都幾清爽。焦糖燉蛋，燉蛋入口厚滑，焦糖脆口。午餐包以下三款飲品：檸檬蜂蜜，黑糖薑母茶，普通裝美式咖啡，除薑母茶外，其餘兩款可以揀凍飲。

平日lunch難得唔洗排隊，lunch set價位又唔算太貴。所以就入黎一試。試d平時少見d既野先: 北京燒鴨蒸包漢堡，薯條，沙律。今舖發達啦！燒鴨好多。哦，原來係個包偏細個。hmmmm,其實可以考慮下買個饅頭，切開一半，，搽下燒汁，再放返燒味檔既燒鴨，再加返d洋蔥。自己整，絕對無難度!!北唔北京，就見仁見智飲品係凍檸蜜（唔洗加錢）,潤下黃金蟹肉意粉好多醬，每條意粉都被醬汁包圍住。口感唔錯。寶物尋歸底，臨尾有返個重d既咸蛋味

排隊從來唔係問題 為左食想食嘅野而排隊係心甘情願但哩啲咁嘅質素嘅餐廳 就算唔洗排加唔洗錢都唔會再食食物普普通通但服務？你唔需要對我好恭敬 只要你正正常常就得落單個女人黑口黑面當你係天生但全程唔耐煩 比餐具個陣又悔氣 整跌野仲要望一望跟住行左去算中間答左幾次未食完都仲係咁問想收走想食哂先走都唔得？我地唔係嗌兩杯野飲坐足一日嗌到成枱野唔可以比啲時間我地食嗎？入來時其實唔夠位坐 同我地講陣間會拍多張枱比我地 後來無左件事都算 當你地多客想做多啲生意 理解 但起碼講返聲啊 今次第二次來食但唔會有下次

朋友極力推介既餐廳，見到d食物相真係幾吸引。第一次嚟都係亂咁叫，見到佢有3D立體拉花，即刻唔洗諗叫左杯玫瑰latte。真係好可愛，完全唔捨得飲佢落肚😆朋友見到有杯沙冰寫住話有煙霧效果，為左打卡，點都要試下。杯野送嚟個陣真係好大煙，不過好快就散晒😂呢杯係橙味既沙冰，好甜，勁甜，仲可以自己加埋爆炸糖，不過如果唔係為影相，應該唔會叫，真係太甜喇。食物方面，我地叫左焦糖單骨雞翼，甜甜地幾好味，而且仲方便食用。巴馬火腿哈蜜瓜·陳年黑醋，價錢唔貴，不過可以俾多幾粒哈蜜瓜既，切到咁細粒。主食方面就揀左手撕豬仔骨漢堡，d薯條份量好多呀個手撕豬仔骨d肉好入味，而且份量都係好多，唔會食食下個包就無晒肉。另外仲叫左個肉醬溫泉蛋長通粉，唔會點衰既菜式，不過不失。今次食得太飽，未有機會試佢d甜品，下次一定會再嚟食過