茶舍 (MOSTown新港城中心(5期))

行完山搵地方醫肚，撞入馬鞍山呢間「茶舍」，本來對食物無咩期望，點知佢個千島醬煙肉菠蘿Pizza一上枱，就徹底改觀我對茶餐廳Pizza嘅看法！一上枱已經聞到陣陣烘焙香氣，餅底焗到金黃微焦，賣相相當吸引。最大驚喜係個餅底，唔係一般茶記那種厚粉團，反而係薄脆得嚟帶點煙韌，咬落去「咔嚓」一聲，口感相當討好。配料配搭先係精髓所在！煙肉鹹香十足，菠蘿粒經過烘焙後甜味更加突出，仲保持到 juicy 口感。最正係佢哋落嘅千島醬，唔係就咁唧兩條就算，而係均勻鋪滿成個Pizza，酸甜滋味完美中和咗煙肉嘅油膩感。三種味道夾埋一齊，鹹鹹甜甜，味道層次豐富到不得了，完全係意外地匹配！雖然話係邪惡之選，但菠蘿嘅清新感令成個Pizza食落一啲都唔滯。每啖都同時有煙肉嘅香脆、菠蘿嘅清甜同千島醬嘅微酸，三種味道係口腔裡面碰撞，真係會令人食到停唔到口。以後喺馬鞍山想食個有誠意嘅Pizza，呢度絕對係個好選擇。呢個配搭證明咗，只要用料足、功夫到，茶餐廳都可以做出令人驚喜嘅Pizza！…查看更多

今日下午大約4點，我買左2份下午茶外賣，返到屋企，即刻攞d外賣出嚟，點知發現俾少咗個肉醬意粉，咁我即刻打電話去茶餐廳，我話買左外賣少咗個肉醬意粉，我聽到個員工係電話問佢嘅同事有冇人擺漏嘢，個員工話肯定擺齊晒，喺電話入邊個員工好冇禮貌咁同我講，話佢同事肯定擺齊嘢，唔會搞錯，態度極之冇禮貌，言下之意好似話我講大話，真的沒有下次幫襯🤬🤬🤬，今時今日咁嘅服務態度，真係把鬼，自己員工擺漏嘢，死都唔認，…查看更多

咖喱牛腩焗飯 賣相吸引，飯面舖滿大大件牛腩。再加上焗嘅金黃芝士鋪面，焗出嚟嘅表層仲有微微嘅焦香。咖喱醬汁濃稠香滑，辛辣味適中，香料味濃，味道非常濃郁，拌飯食啱啱好，越食越開胃。牛腩煮得嫩滑，濃郁牛味。焗飯嘅飯粒好乾身，吸晒咖喱汁嘅精華，不錯。蛋黃煙肉卡邦尼長通粉 意粉煮得剛剛好，口感彈牙又夠實淨，每條都沾滿濃郁嘅蛋黃醬汁，香味四溢。煙肉煎得微微香脆，卡邦尼醬汁嘅濃稠度調教得非常之好，唔會過稀亦唔會太厚，食幾啖都唔會覺得膩，奶香十足。蒜蓉汁雞扒滑蛋包飯 滑蛋真係做到絲滑般口感，香濃又順口，份量剛好。雞扒煎得啱啱好，外層香脆，內裡肉質非常嫩滑多汁，加左甜甜地嘅燒汁，滑蛋撈一齊食，非常惹味。份量亦相當足。…查看更多

茶舍(馬鞍山) 幫襯左佢成年啦，係馬鞍山少有吸引我成日都想返食既餐廳，記得有一次同5歲仔去食早餐，咁岩小朋友生日，收銀姐姐送左舊蛋榚比小朋友拎走，好開心，好warm.佢既美式早餐好正，成日都踩單車過來食。吉列豬扒+沙律菜+2餸，大大份，一定夠飽。咖啡好飲，香濃，奶滑，唔係普通茶餐廳質素。炸雞髀，炸薯條香脆，蜜糖雞翼小朋友最愛。有西式意粉，和式炒飯，咖哩，芝士焗飯，焗意粉，實有樣野岩食。而加個個星期日都會黎食lunch, 佢既食物一定對得住價錢，支持佢開多d分店呀！…查看更多

今日去朋友屋企，順便喺附近嘅茶舍買埋外賣上去。見到門口都要排一陣隊，睇嚟午餐時間都好多人過嚟幫襯呢～餐牌上有好多唔同嘢食可以選擇，蛋包飯、意粉、焗飯、長通粉應有盡有，仲有套餐同常餐。我哋叫咗兩個主食加埋沙律🥗同飲品，人均都唔做 $100，估唔到份量都好多，好抵食呀！✨菠蘿鮮茄三層焗豬扒飯豬扒厚身又夠嫩，香口鬆軟，仲夾住肉汁，加埋蕃茄嘅酸味同菠蘿，味道非常豐富！而且因為即叫即焗嘅關係，點餐嘅時候，店員都提我哋要等一等呀，加埋外賣錫紙盒包住，上到樓依然熱辣辣！✨香濃鮮茄汁鮮蝦蜆扁意粉扁意粉同樣鮮茄味香濃，醬汁濃稠之外，扁意粉彈牙又掛汁，配埋新鮮既大蝦同蜆，味道唔錯。✨煙肉凱撒沙律午餐想食少少菜，叫埋沙律就啱晒啦～沙律材料包括煙肉、羅馬生菜同車厘茄等等，好味又健康，想食簡單啲午餐，可要叫返份呀！…查看更多

馬鞍山茶舍的環境非常舒適，適合朋友聚餐或家庭聚會。昨晚我點了蒲燒鰻魚滑蛋包飯和香濃茄汁鮮蝦蜆扁意粉，兩道菜的表現都讓我感到驚喜。首先，蒲燒鰻魚滑蛋包飯的鰻魚烤得恰到好處，表面微焦，味道香濃，搭配滑嫩的雞蛋，醬汁滲透到米飯裡，讓每一口都充滿了鮮美的滋味。米飯的粒粒分明，口感也很棒，讓人不禁想再多吃幾口。至於香濃茄汁鮮蝦蜆扁意粉，則是一碗充滿海鮮氣息的美味。茄汁濃郁，與意粉的結合相當完美，蠔油的香氣也讓整道菜更添層次感。裡面的蝦和蜆都非常新鮮，口感滑嫩，讓這道菜非常可口。意粉的煮法剛好，不過軟不過爛，吸附了醬汁的味道，吃上一口令人陶醉。總的來說，馬鞍山茶舍的這兩道菜無論是顏色還是味道都十分誘人，讓人感受到餐廳對食材的新鮮把控和對味道的用心。特別推薦這裡的茶飲，搭配美食更顯格調，值得再次造訪！…查看更多

長年都見呢間茶舍係好多人幫襯，今日同朋友終於都抽到時間嚟探店，地面乾淨企理，坐得算係幾舒服！用qr code落單方便快捷，食物價錢一啲都唔貴，非常合理！羅宋湯、沙律~羅宋湯非常足料！口味唔會太酸或太辣，啱曬我胃口！沙律菜非常脆口！絕對係新鮮嘅象徵！蒜香雞翼~應該係即叫即炸，外脆內嫰，釋放出濃烈嘅蒜香，熱辣辣！非常好食！鮮蜆白酒煙肉蒜香天使麵~天使麵唔會過淋，蜆嘅份量亦都比想像多，完全散發出海鮮應有嘅鮮味，整個意粉都非常夠味！南瓜野菌皇烤雞意大利飯~用上非常香濃嘅南瓜蓉同汁料去煮，相比起意粉會比較濃味，配搭烤雞,味道非常突出，份量亦都非常大！真係好抵食！由於朋友上次嚟過食嘢，有keep到優惠嘅飛尾，今次竟然可以當廿蚊使用，真心抵呀！80蚊減10蚊，150蚊減20蚊，正常一個晚餐都會用得著！門檻極低👍🏻不得不提，侍應嘅服務態度非常好！每次奉上餐點或收走餐具亦都非常有禮，感覺非常良好！…查看更多

呢排轉左去馬鞍山返工，要係呢個所謂美食沙漠度揾野食真係有啲啲難度。終於比我揾到間大件夾抵食，又坐得舒服既高質茶餐廳，款式多而且大部分都好岩食，所以一星期食2-3日都唔會厭，有時放工都會買外賣返去同爸媽食鮮茄三層芝士焗豬扒飯係我Top 1既例牌，最鍾意鮮茄酸酸地夠哂開胃，豬扒都厚厚地又大塊，容易咬開唔會un米蘭肉醬焗扁意粉出面既肉醬意通常用普通圓意粉，我欣賞佢呢度用扁意粉，睇落啲醬唔係好多但撈起上尼條條麵都掛汁，女仔都可以食得哂成兜，唔會覺得滯～南瓜野菌烤雞燴飯呢個飯我唔會自己一個嗰陣食，因為好大兜飯一個女仔一定食唔哂，通常外賣返屋企一齊食先會叫～燴飯入面好多料，好creamy啲飯又唔會太濕，勁飽肚另外仲有個濃湯海鮮飯我都成日食（今次無叫），湯汁好香濃，入面有好多海鮮，性價比好高～好值得讚既係佢啲焗飯焗意個盒係超keep warm又硬正, 我拎完外賣唔覺意行左陣街先搭車返屋企都仲係好夠熱，唔洗再加熱先食…查看更多

之前無論邊個時候經過餐廳，餐廳門口係有一條長長嘅人龍，難得今日早放工，又未到晚飯時間，即刻衝入去買外賣返屋企慰勞吓老公仔🤭🤭打開餐牌發現原來有好多選擇，而且價錢相當親民，唔怪得無論午市、下午茶定晚市都咁多人😆😆「茶舍」係走較新式茶餐廳路線，除咗有蛋包飯外，仲有唔少Crossover餐點，連港式鐵板餐都有👍🏻👍🏻鐵板餐仲可以外賣添😲😲紐西蘭肉眼扒 （10oz) $138 10oz 肉眼扒成塊面咁大塊😲😲5成熟剛剛好，切開入面仲係粉嫩多汁，外面則煎到焦糖化，就算外賣嘅擺盤都一樣咁講究，返到屋企都依然咁好味，兩款醬汁揀咁黑椒汁，微辣惹味撈埋扁意粉一齊食更佳。另外更驚喜嘅係外賣扒餐仲會跟送一套不鏽鋼餐具🍴食完可以洗乾淨重用，相當環保♻️香煎豚斧頭扒煎蛋飯 $62斧頭豬扒相當厚身，切落去仲有肉汁嫁，荷包蛋嘅蛋黃汁撈埋飯一齊食更滋味，份量之多都係$62，真心性價比極高👍🏻👍🏻…查看更多

在新港城逛街後，經過這間餐廳， 環境和餐單都幾吸引，便去試試看我和朋友分別叫了魚籽三文魚蛋炒飯， 蒲燒鰻魚滑蛋包飯，咖喱吉列豬排滑蛋包飯魚籽三文魚蛋炒飯這道炒飯色彩鮮豔，魚籽的橙紅色和三文魚的粉紅色形成鮮明的對比，讓人食指大動。魚籽三文魚蛋炒飯的口味比較鹹香，帶有微微的鮮甜魚籽爆開的口感、三文魚的鮮嫩、炒飯的粒粒分明，以及蛋香的濃郁，共同造就了這道菜豐富的口感。蒲燒鰻魚滑蛋包飯蒲燒鰻魚滑蛋包飯的口感豐富， 鰻魚的肉質軟嫩，醬汁香甜，蛋包滑嫩，米飯粒粒分明，口感層次豐富。 金黃色的蛋包包裹著香氣四溢的鰻魚，配上晶瑩剔透的米飯，視覺上非常吸引人。吉列豬排咖哩滑蛋包飯 吉列豬排外酥內嫩，咖哩醬香濃滑順，滑蛋軟嫩，米飯粒粒分明，每一口都能感受到多重的口感。 吉列豬排的酥脆、咖哩的濃郁、滑蛋的鮮美，三者完美融合，創造出獨一無二的風味。吉列豬排、米飯、咖哩醬，搭配起來飽足感十足，非常滿足。金黃色的吉列豬排、濃郁的咖哩醬、雪白的米飯，搭配上嫩黃的滑蛋，色彩豐富，讓人食指大動。份量好足夠，價錢又合理， 性價比很高，推薦👍…查看更多

游完水順便買外賣回家做晚餐之前吃過這間冰室幾次 第一次買外賣知道份量好大 點了兩個餐已經夠三個人吃了生煎豚肉斧頭扒首先要大讚包裝真的好仔細 醬汁分開放這個set有餐湯沙律 羅宋湯都很足料我選了薯菜 薯條也是另外分開放的 回家吃依然香脆斧頭扒好厚身 肉質好軟腍最正是扒餐外賣原來會跟一套不鏽鋼餐具可重用的夠環保 刀好好用 雖然小小的但切斧頭扒都沒有難度蒜蓉汁雞扒滑蛋包飯足足兩大碗飯的份量 香草雞扒大到蓋住飯面半熟滑蛋充滿蛋汁 再加上蒜蓉汁好下飯呀等外賣時發現原來手機落單外賣會有折扣下次都是先落單再去取 又省時間又省錢…查看更多

人稱美食沙漠的馬鞍山其實都有唔少好野食，今日早收工就同女朋友去左成日都有人排隊嘅茶舍食晚飯，佢位於福安同體育館對面所以好易搵餐廳佈置好靚，好有清新感覺，內裏有少少打卡位而食方面都唔錯👍，唔單止大大份，而且仲好好味我哋兩個分別叫左兩個扒餐，套餐包有餐湯🥣、沙律🥗、主食同餐飲紐西蘭肉眼扒加扁意粉配黑椒汁$138生煎豚肉斧頭扒加扁意粉配蒜茸汁$138兩份都係大大份，餐湯有濃濃蝦味，飲落口感濃滑，不論肉眼扒定豚肉斧頭扒肉質都非常軟腍，口感厚厚每一啖都滿足，只係斧頭扒貼住骨位嘅肉有啲唔夠熟值得一讚嘅係員工服務態度非常良好，當知道我地唔夠醬汁嘅時間會叫廚房再煮多一碗熱騰騰俾我哋🔥…查看更多

平時比較少嚟呢邊食飯，見到呢間餐廳有咁多好評，同埋啲嘢好似大型夾抵食，就拉埋屋企人一齊去。.去到嗰陣咁啱lunch time，估唔到係地舖都會要排隊，可見本身食物有一定質素。.入到去見到個Menu好多選擇，有焗飯又有啲偏向西式嘅餸，搞到我都唔知食咩好😂.最後都係揀咗D餐 紅酒牛肝菌牛肋條，本身個餐已經包嘢飲，但我再加多咗少少錢有餐湯同埋沙律。牛肋條份量都幾多，食得出有淡淡紅酒味，個汁都幾濃郁，出奇地好食。屋企人就叫咗南瓜野菌皇烤雞意大利飯，食落都creamy，而且配菜都好夠。成個飯份量都好大，一定包你食得飽😂唯一注意嘅係佢嘅餸係有芫荽（有標明喺menu）。.餐湯方面都幾濃郁，配咗少少蝦醬（？），飲落去有啲鮮味。…查看更多

今日放工嚟食晚飯，同平時一樣要排隊先有飯食。結果我排足半個鐘等到有位果陣，個侍應姐姐叫我後面嘅3個女仔入去先。 我問一問果位侍應姐姐，咁我排咗咁耐都要俾人打尖嘅？ 姐姐冷處理求其望一望隔離就話有枱就快食完，你等等佢地啦。 咁就頭也不回走咗😂好唔好食都係其次，激住食真係唔係第一次。…查看更多

在馬鞍山區有一家名為「茶舍」的餐廳，提供了一系列精緻的菜餚，讓人享受美味的用餐體驗。首先，我品嚐了他們的黑松露野菌蠔仔意大利飯。這道菜以黑松露和野菌為主要材料，搭配鮮嫩的蠔仔和意大利飯，味道豐富而濃郁。黑松露的香氣在每一口中彰顯出來，與野菌的鮮美相得益彰。意大利飯的口感煥然一新，帶著微妙的嚼勁，完美地融合了所有的味道。接著，我品嚐了紐西蘭肉眼扒，這道菜以5成熟的方式烹調，保留了肉質的鮮嫩多汁。肉眼扒搭配著粟米、薯條和翠玉瓜，增添了菜餚的豐富度和口感的層次。紐西蘭肉眼扒的嫩滑口感和濃郁的肉香令人難以抗拒，每一口都是一種享受。另外，他們的羅宋湯作為小套餐的配菜，給整餐增添了一份清爽的口感。這碗湯的湯底濃郁，配上新鮮的蔬菜和肉塊，帶來了滿滿的滿足感。小套餐沙律則為整餐增添了一份爽脆的口感，新鮮的蔬菜搭配著醬汁的調味，讓人食欲大開。整體而言，「茶舍」餐廳以精緻的菜餚和舒適的用餐環境吸引了許多食客。無論是黑松露野菌蠔仔意大利飯還是紐西蘭肉眼扒，都展現了他們對料理的用心和技巧。配菜的羅宋湯和小套餐沙律也都非常美味。如果你想品嚐精緻的菜餚，這裡絕對是一個值得一試的餐廳。…查看更多