茜廊餐廳 (德福廣場1期)

营业中

休息中

茜廊餐廳九龍灣偉業街33號德福廣場一期P8號舖很少在德福花園食飯，和小學同學相約食飯見面，為了遷就有BB的朋友方便，在九龍灣晚飯。九龍灣的餐廳是幾難找的。終於找到坐下了。他們reception那個女仔幾友善，都幾靚女。又加埋有聖誕裝飾，心情也不錯，忘記之前找不到的小不快。叫了一客牛扒燴飯，有湯及熱飲，大約每人140元埋單，算是有點貴。主要是因為那牛扒只有幾小塊在上面，映相已經映大了，實際是更小粒的。反而我朋友的蝦賣相可以。下次希望他們牛扒大件一點吧！他們算是中價餐廳啦。

中途成班落車走去食野，無所謂是但搵餐廳。 環境：西餐廳。 食物：意式焗肉丸,只有幾粒,份量太少了,濃郁的芝士肉醬,肉丸口感彈牙,肉味濃好食。公司三文治,好耐冇食過,一碟有四件,餡是火腿、煎蛋、生菜、煙肉、蕃茄及沙律醬,豐富,好味呀,中間的是薯角,味道好。雲呢拿雪糕班戟,幾好食呀。

知道呢間餐廳開左好耐, 之前都好想試個早餐, 但排晒長龍, 可能假日既關係啦, 今日10點多去到竟然有位, 以前呢到早餐食到11點, 但我喺門口發現佢地貼咗張紙話早餐用餐時段改為11點半, 其實多半小時都好好, 因為可以比啲瀨床既朋友們, 11點截真係太早啦! 呢到既早餐分開西式早餐同粉麵餐仲有一個係叫英式早餐, 種類都多跟餐要多士, 多士好脆口, 除咗比牛油之外仲有士多啤梨果醬添, 果醬配多士, 簡直好味到不得了吉列魚柳剪蛋 - 冇諗過早餐時段會有薯角食, 但唔脆口而家偏咸, 魚柳唔算厚肉, 但都鬆脆而家好燙口牛扒腸仔 - 腸仔偏咸, 牛扒都軟熟, 味道不錯凍檸茶 - 夠凍, 檸檬新鮮, 茶味濃, 幾好飲

早幾日同朋友黎九龍灣行街見到間唔錯嘅餐廳抱着一試嘅心態走咗入去😂入到去氣氛唔錯可能就嚟到萬聖節好多萬聖節嘅裝飾😍見到餐牌都有好多嘢食我叫左安格斯牛扒朋友就叫左牛柳扒（？）忘了名字😂安格斯牛扒硬左小小反而牛柳排有驚喜😂可以一試

如題 價錢貴 份量少 味道一般格黎美心可以提供差唔多質素一句講曬 唔抵食 一個咖哩南一碗細飯份量 牛腩仲要太硬咁就收8十幾唯一係上餐快 平時唔打食評都要比個劣評想一試朋友三思

平時好小去九龍灣咁岩同女朋友係附近有野做經過見裝修唔錯又幾多人食 就入去試下入到去有卡位坐睇完個menu揀左 帶子伴牛柳同埋紐西蘭西冷要左牛尾湯呢個要加分個蒜蓉包唔會涷既到鐵扒上枱 侍應仲好細心提女朋友小心辣到手帶子好正 可惜得一隻牛柳唔錯 唔係拎鬆肉粉"拿"到淋哂肉唔似肉咁西冷可能女朋友唔食咁生 加上鐵板上好似熟左小小 但都算ok重點係薯條新鮮炸起 熱辣辣個黑松露洋蔥汁 其實就係洋蔥汁 (可能我鼻塞聞唔到黑松露香味）但係都唔錯侍應keep住加水 雖然多人 但都無黑面趕客女朋友覺得可以再戰茜廊，食完仲係到睇menu諗定下次來試乜野

總結失望而回！野食麻麻，又貴價，再加上服務麻麻！之前食過一次下午茶覺得都幾好食同地方都坐得ＯＫ，所以就帶男朋友一齊試下!點知就好失望！一開頭點餐都無咩事，上曬餐包餐湯之後侍應先講炒飯炒麪全部都無曬，要我地改過食第二樣。姐係估唔到咁大間餐廳可以連最基本既炒粉麫飯都無架喎！咁算啦，食過第二樣啦。牛尾又無曬，其實個時已經嬲嬲地無咩心情食架啦！好地地星期日出街食飯咩都無！咁最後叫左兩份牛柳帶子泥到之後，份量簡直少到難以置信！但要$168加一，真係一啲都唔抵唔好食！我唔會再去！

呢間餐廳上次其實食過之後，我自己已經ban咗唔會再嚟，不過因為老豆鐘意，加上老媽子生日，所以再試下過嚟食啦。我自己本身好鍾意食牛扒，一去西餐廳，我嘅首選一定係食扒，所以我都食過唔少平，貴，同好貴嘅扒。咁當然我今日都係揀$232嘅安格斯牛扒，個侍應問我要幾成熟，諗住叫6成，但係有鑑於呢類型嘅餐廳唔同高級扒房，幾多成熟真係未必掌握到，所以叫5成，起碼唔會過熟先啦。咁配菜嘅麵包，湯同沙律其實ok嘅，可能呢d真係唔係難整，所以照道理都唔會難食。而我老豆就叫西冷牛扒，叫咗唔要鐵板上，好啦，等咗一陣，佢哋d嘢食已經嚟晒，而我嗰份唔知去咗邊，等咗好耐先見到尊貴嘅安格斯牛扒，本來滿心歡喜，拎起把刀，切落去，嘩！成件扒係well done，已經遲出，仲要已經唔係鐵板上，竟然係well done，真係非常離譜。即刻叫侍應過嚟，同佢講件扒well done喎，比佢望完，佢叫我中間切開比佢睇下，講真我食過咁多扒，真係一望就知道全件扒都已經係well done。不過佢叫到，我都切開比佢望，佢一望完就話可能師傅失手，再去整過一份比我（第一塊個樣唔錯）。好啦，終於等到第二塊嚟，個樣黑麻麻咁，切開係介乎4成左右熟，過

今晚約左同阿媽食飯，本身想同佢食餐好嘅，所以就揀左嚟間。第一，睇落去比較高級；第二，兩年前食過都OK；第三，我自己都好耐冇食過牛排。一入到去間餐廳就見到D職員懵懵地咁，D位又逼，但係實際上又冇乜人，已經扣哂印象分。想叫人落單嘅時候舉左好耐都冇人理，落單個職員又寫得超慢，服務態度真心覺得差。我同我媽咪都叫左紐西蘭牛排，唔係話唔好食，但係唔似食緊牛排，我果碟嘅賣相我覺得都幾好，不過我阿媽果碟就真係大牌檔賣相囉！所以冇影到相。跟住上嘅餐飲更加畫上左一個「完美」句號！我一開始諗住檸檬茶唔會我咩大問題啦，點知D紅茶苦到......而且完全飲唔到檸檬味一開始完全冇諗過嚟兩年嚟間餐廳唔只係價錢上有變化，就連服務都有兩年前嘅不過不失，去到而家嘅大牌檔服務，絕對冇下次！

難食，貴價，不可一不可再！今日去九龍灣德福行街，行到肚仔餓就大家大細去搵野食啦星期日人流勁多！本來想食茶木，但睇番個號碼，無番1個鐘都輪唔到我地，唸住行下搵下其他野食啦！行到出面見到呢間茜房，見幾多人食，媽媽又話想食排，就入左去，估唔到咁就出事啦。一開頭點餐都無咩事，上曬餐包餐湯之後侍應同爸爸講炒飯炒麪全部都無曬要我地改過食第二樣。哇，咁大間餐廳可以連最基本既炒粉麫飯都無架喎！最神奇係佢個餐牌又有得叫架喎。不過好啦，唔緊要，我地體諒佢地，叫過第二樣啦。點知食食下，佢地又泥同我爸爸講話佢要既牛尾無曬，我爸爸就問佢地究竟有咩有，結果個侍應又講左一大輪無既野出泥，剩番既都係我地唔鐘意食既卡邦尼意粉，青口同貴價牛排，其實個時已經無咩心情食架啦。正餐無得食，咁就求其叫左啲炸魚薯條啦。點知你真係估佢唔到，落order之後，我地又被告知連炸野都無曬，咖哩既又無曬!一間餐廳打開門做生意，餐牌上要咩無咩，一啲誠意都無！從來未食過咁樣既餐廳！真係希望大家唔好去啦，廢事激到成肚氣！最激氣最激氣既係我地焗住叫既牛柳帶子泥到之後，份量簡直少到難以置信！個餐要$168加一，但塊牛排根本稱唔上係排，好似人地食剩既頭

是日朋友聚會因為就我返工，就揀左係九龍灣食而呢間係朋友臨時決定之前都有食過上水嘅茜廊覺得不過不失，所以都冇異議首先，佢黎左個蒜蓉包好香嘅蒜蓉味，加上鬆脆嘅口感我非常鍾意食今次叫左碗牛尾湯，酸味味咁幾開胃我自己叫左咖哩雞扒飯啲咖哩唔係辣個隻咖哩，佢呢隻咖哩帶啲椰香味道亦有咖哩嘅味道不足之處係啲雞扒有啲鞋口，一啲都唔滑朋友亦係叫咖哩，佢就配左中東包我地張台格黎塊板，本來都唔為意朋友講起先發現到咁污糟，係抹完塵嘅塵水嘅積....

去九龍灣行街,行到好攰,見到呢間餐廳咁多人諗住實冇死,點知又中伏日式咖哩漢堡定食咖哩冇咖喱味,飯好淋,雖然未至於一pat pat,但唔好食塊扒都係冇牛味,唔知用咩肉整炸魚薯條份量少,不過咁平就算係咁但魚好細舊,炸粉好厚,冇魚味薯條唔夠脆,冇薯味卡邦尼意粉以為食西餐呢啲最穩陣?你咁諗又錯啦啲意粉冇咩料,得幾粒菇同火腿,同價錢完全不相符意粉算係正常味青口茄茸闊條麵啲青口真係又腥又細粒,唔新鮮薯蓉焗田螺賣相唔靚都算,薯蓉冇薯味,田螺又細粒,冇料到一啲都唔香

平時食茶木食得多有時都會悶今日同屋企人食完飯後 就想食一食甜品所以我哋去到呢間餐廳到叫左一客黃金雪山塔如果平時唔係食太飽的話其實都夠兩人食但因為我哋食飽先去食甜品所以一家大細 大家一齊食都ok黃金雪山 塔 上有一 球 雲呢拿雪糕下面再配合 厚切 多士再加鮮雜果同埋士多啤梨醬 賣上十分正字顏色亦十分豐富多士食落口外脆內軟但唔太妍可以配合雲呢拿雪糕一齊食口感別有一番風味加上有 忌廉 士多啤梨醬等等 食落口少甜唔會太漏 但記得先食雪糕否則多士嘅香脆口感可能會被破壞

二人餐（約$300，加一）羅宋湯配蒜蓉包蒜蓉包好味，用豬仔餐包整既頭盤： 薯條，炸蝦，菜（份量比較少）頭盤： 薯仔沙律 （和以上菜色重複）主菜：鐵板牛柳（蒜蓉汁），肉身較淋，沒有牛肉味，所以我們要叫職員給點芥辣。主菜： 蒜香蜆肉炒意粉，最好味這道菜（但也只是水準一般，正常菜色）我想不會再有下次光顧

與朋友相約在德福, 走了一圈還是不知道吃什麼好, 除了麥當勞, 其他餐廳的價格都不便宜, 最後挑了這家. 餐單上的選擇頗多, 但肉類為主, 最後點了2點較為清淡的. 牛尾湯頗濃郁, 蒜蓉包很大塊, 抵食. 材料上調味上頗為清淡, 蟹肉沒什麼味道, 主要是意粉有一點水水的感覺像是未炒透, 意粉跟材料像是分開烹煮的感覺. 南瓜茸味道略欠, 但配珍珠飯頗易入口及不會太膩, 燒豬脾肉的賣相像火腿片, 味道上比火腿片較濃厚, 還可以. 還有餐後飲料, 整體味道雖然普普通通, 但抵食上可以給個.