茜廊餐廳 (德福廣場1期)

营业中

休息中

茜廊的分店以前經常去食 事關食物質素好，當西餐來看價錢又平民九龍灣分店剛剛裝修後，立即來食下午茶下午茶套餐種類非常多，也可以order晚市餐牌上的食物香煎鵝肝蘋果配紅酒汁（2件） $68 鵝肝入口即溶 配上剛焗起的多士 上面淋身下面脆卜卜的 作為頭盤食細細份的幾開胃炭燒美國極黑牛肉眼扒 （10安士） $268 order了5成熟 經理好溫馨的提問是否需要用鐵板上配上蒜蓉汁 5成熟鎖定的肉汁 肉也很鮮嫩椰香焗咖哩牛筋腩意粉 $52 秘制的咖哩汁 牛筋腩不會因為焗而乾身 反而淋身配上意粉比利士朱古力雪香 $38 紫薯豆奶雪糕紅豆冰 $48 紐約芝士餅 $48下午茶份量的芝士餅三小件 不會太膩適合餐後食最後必須配上咖啡作為餐後飲品味道 賣相 衞生 服務 抵食 推介

上次裝修之前，招牌蒜蓉牛油消失，今次裝修之後，又一名物消失，無咗牛尾湯。錢貴咗，理解。主餐牌種類越來越來越少，又話堅持保留最經典菜式，唔通佢指係佢哋最弱嘅所謂意大利飯同意粉？外子叫另一馳名菜色，紅酒燴羊膝，話無。要再諗食乜，侍應去如黃鶴。之後叫咗個所謂的帶子意大利特色飯，其實係淡貿貿汁撈普通飯。另外叫咗個星洲炒米，佢話好耐嗰喎。。。。唉～作為九龍東三十年老街坊，我都真係唔想寫衰佢咖，與其見到一間盛極一時嘅餐廳逐步腐敗，我寧願佢最風光嘅時候引退。

又開新店我喜歡光顧中價西餐廳，價錢雖然比一般快餐店和茶餐廳貴一點，但勝在食品水準有保証，坐得亦會比較舒適。茜廊是我比較喜歡光顧的西餐廳，食品水準不錯，價錢合理。茜廊有數間分店，最近在九龍灣得福廣場一期又有新店開張，路經此地，當然要順道光顧。餐廳在得福廣場一期平台位置，地方很大，座位亦多，佈置優雅，座位寬敞，環境舒適。餐廳有多款套餐、主菜、薄餅、沙律、小食、甜品和飲品選擇。坐下就叫了主菜西班牙烤 BB 豬 ($178)和香煎鰽魚柳大蜆配溫室菠菜 ($178)，轉餐加$28，包餐湯、餐包及咖啡或茶。先來野菌忌廉湯，湯底幼滑，菌粒不多，濃稠適中，味道不錯。餐包蒜蓉包徹溫，有翻叮感覺，口感一般。西班牙烤 BB 豬 ($178)，比較精緻，份量不多，只得6塊，但賣相不錯，外皮烤至微焦，色澤搶眼。BB 豬件件厚身嫩滑，肉汁豐富，外皮香脆，非常好味，值得推介。BB 豬可以跟炒飯、薯菜或意粉。所跟炒飯亦不欺場，飯粒炒得香軟乾身，嚼口不錯。香煎鰽魚柳大蜆配溫室菠菜 ($178) ，香煎鰽魚柳，味道鮮嫩，件碟大蜆，蜆肉肥美，配上鮮嫩溫室菠菜，口味清新。最後來個跟餐凍檸茶，消消胃氣。

雖然辦公地點已經由九龍灣轉咗去新蒲崗四個月，但亦無阻我返回九龍灣覓食嘅興趣。這晚下班後就決定夥同兒子過嚟撐檯腳，而地點就選了早前進行內部裝修，上個月尾才正式重新開幕的「Sidewalk Café 茜廊餐廳」。餐廳位於德福花園平台，由 1981 屹立至今，開業已經有 36 年，一向有不少街坊捧場。推門內進，地方頗闊落，而且椅桌擺放得不算密麻，令室內看起來具空間感。近門口  Counter 放了小擺設，天花的嘅吊燈既 Cyber 又型格，配上室內古式石理牆身、用作裝飾的壁櫃和銅色金屬屏風，為裝潢添上一抹時尚。安座後先拿起餐牌細閱，散點項目非常豐富，包括有沙律、湯品、頭盤、小食、意粉、飯、特色主菜、薄餅、東南亞美食、甜品、飲品及酒類。如果點主菜加 $28，可配餐湯、餐包及咖啡或茶，不過小食、沙律及甜品就除外。另外餐廳亦設有晚市套餐，而且選項更多達 24 款，定價由 $88  至 $268  不等，包餐湯/果汁及飲品。先揀兩客頭盤小食做前菜，選了法式焗田螺 ($38)  及黑松露醬薯條 ($38)  各一客。田螺上面鋪滿薯蓉，入口彈牙，既有牛油香也有蒜香，濃香惹味；而配上一小兜黑松露醬嘅薯條，

食多啖都唔想，叫左雞肉黑松露意大利飯雞又乾又柴又老，黑松露冇味唔香，意大利飯又硬唔creamy, 餐湯是忌廉湯，唔好玩啦，冇味淡過水，冇誇張，仲敢收成舊水，食完一啖真係想叫回水

以前就要去番工，唔到最後嗰刻都唔到，早餐好中意幫襯拒個面包或燒賣。畢業後幾年都無去過，依家開埋餐廳，就試下拒個早餐。一般的西式早餐選擇，無什麼特不特別。叫了腸仔炒蛋羅宋湯通粉。起初以為係分開上，但原來係一齊上，個人最唔中意就係甘，放埋個蛋同腸仔上去，無嘢原有嘅味道。個通粉好一般，湯係正常羅宋湯味，但唔夠濃，自己仲要狂加黑胡椒先店。個炒蛋係好食，幾滑。但係我最唔明係點解要加6蚊先至可以將煎蛋變炒蛋呢？個炒蛋甘值錢？我真係好有疑惑。加埋個炒蛋差不多50蚊一個早餐，講真好貴，又唔係特別，唔值。唯一真係要讚係杯嘢飲沖得好味，無論奶茶同檸茶都好飲。

星期日早上去茜廊食早餐，要了雞扒一丁，一上枱已見湯同麵的颜色偏淺，作為一個食了多年一丁麵的香港人，其實要分辨是否真正一丁根本不難！吃了第一口已明顯覺得不像出X一丁，麵亦overcook了…家人要的沙爹牛肉出X一丁一上枱已看到有分別，試一口果然唔同，麵質完全是兩回事，是真正出X一丁。其實不用出X一丁不是問題，好多茶餐廳都用大光麵，我唔知兩者成本有幾大差別，但問題是你寫明是一丁，收得四十蚊個早餐（一碗麵加飲品），請不要誤導食客。

黎到星期一, 一個禮拜既第一日既第一餐, 硬係對自己好D~^O^~黎到餐廳大約有1/3既客，唔算多人，可能仲早卦嗌左個麥皮餐~ 仲將杯野飲轉埋做熱牛奶 (另加HKD6.00)首先, 野飲到, 冇特別, 熱牛奶一杯之後係芝士火腿三文冶, 中間加左生菜, 口感食落脆脆口，唔錯最後係麥皮. 呢個.. 佢入面應該有提子乾, 食落味道唔錯, 最緊要既係佢冇加糖, 成個感覺好健康~第一次黎食，其實我嗌野食時都又冇特別留意個價錢，只係埋單想睇睇有冇加一，但係張單只係就咁寫銀碼，希望下次會有張單比我睇睇啦

雖然九龍灣德福廣場，最近曾經經歷過店舖重組和大型裝修，有不少舊鋪去，新店來。但是「茜廊餐廳」九龍灣分店，在德福廣場一直都留守着，舖位幾乎從未移動過。由我小時候到現在長大，德福在這二十多年來，由最初的「德福花園」變成現在的「德福廣場」，「茜廊餐廳」在九龍灣的分店仍然䇄立不倒，長期擔當着九龍灣區內工人文員午市用膳的必然選擇之一。當日我跟阿媽，細佬三人在九龍灣德福用餐，最後選擇了光顧「茜廊餐廳」，還好還趕得及在餐廳滿座前入座，否則等到餐廳坐滿辦公室職員，我恐怕未必有機會，安然坐下享用「茜廊餐廳」午膳。「茜廊餐廳」果然不是一般地方茶餐廳，反而有點像工廠區商務午餐的集中地，場內沒有嘈吵的聲音。不少工人文員在「茜廊餐廳」享用午膳時，即使是聊天，也會儘量保持中至低音量的聲綫，令全場可以確保有比較寧靜的用餐環境。去工廠文職人員最愛的「茜廊餐廳」，當然首選享用他們最愛的午餐，單是午餐，已經有十七款菜式可供選擇。「茜廊餐廳」午餐既有扒餐，亦有沙律或日式咖喱飯可供選擇，當然「茜廊餐廳」有他們的招牌咖喱餐，配菜雞牛豬隨你喜歡。「茜廊餐廳」還有一樣招牌食品，你看餐牌味未必有留意，但在「茜廊餐廳」吃午飯或晚飯，有

今天是星期六，趁假期到了九龍灣逛街。在德福廣場掃貨了一整個上午，買完東西當然就要享用一個豐富的午餐。今天來了位於德福廣場的茜廊。入內門面尚算寬敞，不用等太久就可以入座。我們點了兩個set lunch ,分別是雞肉焗飯和羊戰膝併煎三文魚。等了不久食物就送上來了，兩份均份量十足，先講雞肉焗飯。這個焗飯議和風嘅方法烹調，沒有我最怕的芝士，雞肉嫩滑，醬汁亦不會太鹹，味道十分可口。另外羊仔膝亦非常入味，肉質嫩滑。而且份量十足，三文魚亦煎得非常之好。百多元的情況底下算是誠意十足。

今晚好想食扒去左茜廊其實久唔久都會去但是平常吃不外如是⋯今晚比平時更好等我介紹一下先1️⃣西冷牛扒配黑松露汁七成熟好味入味最重要不會太鹹2️⃣西冷牛扒配蒜蓉汁七成熟好味入味最重要不會太鹹3️⃣+$5牛尾湯次次都會飲這個因為夠熱好多料同埋好夠味道4️⃣西班牙烤乳豬配沙律熱滕滕烤得好美香脆可口味道剛剛好不會太鹹5️⃣餐茶凍檸茶有茶香味大致上都好好💯👍🏻👍🏻👍🏻👍🏻👏🏻👏🏻👏🏻👏🏻有進步有改善值得分享！

門口服務員有禮，入座後點餐侍應小姐亦很好，有禮，主動建議食品及推介，但價錢可以優惠一點會更好！大力推介牛尾煲，咖哩牛腩也不錯的選擇，肉眼生熟都控制得好好，有幾隻汁選擇，我當然選黑椒啦，唔會死咸。

昨日下班後,在貴店買了一盒肉醬意粉,回家後發現肉醬根本不能作伴菜到最後,意粉吃了一半,肉醬已經所剩無幾,希望貴店可增添肉醬的份量,茄味濃郁,意粉分量充足

一教瞓醒已經係晏晝4點，呢個時候應該食lunch定tea好？答案係：食個bruchner一餐抵三餐意式茄汁焗豬柳意粉焗豬扒意粉之中嘅中上水平，茄味幾濃，仲拉到少少芝士絲，下午茶價錢都合理，份量足夠飽肚。BBQ豬仔脾伴薯蓉田螺沙律等咗20分鐘先有得食。終於粉墨登場，發現隻豬仔應該仲細過隻雞，圖中可見一隻豬脾同兩三粒田螺差唔多大，好想目賭迷你豬真身。黑松露炸薯條以為會灑返啲黑松露粉，點知只係沙律味嘅黑松露醬，比同期嘅老M搖搖薯條更無黑松露味，撇除個醬，啲薯條幾好味。普通侍應服務都ok，啲疑似經理級嘅反而態度幾差下，由門口趕客趕到埋單。價錢其實偏貴，下午茶當正餐食就抵嘅。

十二十八天氣清行街行在九龍灣行路行到水池塘肚餓突襲停茜廊見如此裝潢 但念可以一試試過真味道 那知卻是一般最妙是經理和服務員 竭而不捨不斷尋求以更一般服務 騰空更多空間讚