芽籠

今晚行经湾仔想食喇沙 ，结果拣了呢间芽笼， 试了佢哋嘅A+B+C套餐 果然冇拣错 ，A.香叶烤鸡喇沙掺掺,烤鸡香脆喇沙汤底好味足料，B.越南春卷都好正宗,大大片生菜上还放有一片九层塔 绝对系有心机嘅配搭 ，C.南洋白咖啡冷热同价 ，埋单 $86 不用加一，加上坐得舒服， 特别要赞赏店长服务贴心，因为本来想加多个油饭系他提醒我嘅套餐应该够食建议如果食到唔够可以随时 再加，到我用餐时他特意来问我需要油饭吗？呢种咁上心嘅服务真心值得表扬， 一定会再去食佢嘅海南鸡配油饭。…查看更多

今晚去咗湾仔「芽茏」食东南亚菜，食材新鲜 调味正宗，份量多！今次试咗咖喱猪颈肉同喇沙，绝对值得encore ！🍛马来咖喱烤猪颈肉配饭 $86劲正🤤🤤🤤猪颈肉厚切够份量，面头烤到微焦香口，咬落软腍又多汁！咖喱汁椰香味浓，香料层次分明又唔会太辣，捞饭食劲好味！🍜香叶烤鸡扒喇沙掺掺 $86汤底浓郁带啖啖鲜甜，鸡扒用香叶腌过再烤，皮脆肉嫩；掺掺吸汤力一流，仲有豆卜等配料，口感丰富，好味道😋🐔酸辣无骨凤爪 跟餐凤爪腌得够入味，酸辣汁好开胃，咬落爽脆弹牙🥬虾头膏生菜 跟餐生菜青脆新鲜，虾头膏酱咸鲜惹味🥪斑兰咖椰多士 $28必食甜品！多士烘到金黄脆身，斑兰咖椰酱清香唔假甜，夹住冰冻牛油片，冷热交融嘅口感好过瘾😍😍🥤薄荷青柠梳打 跟餐薄荷叶同青柠清新感十足，甜度调得刚好，解腻效果满分😆☕热桂圆红枣茶 跟餐桂圆红枣落足料，天然甜味暖入心，饮完好舒服～…查看更多

午餐去食巴东牛肉饭，之前食过，味道很好，就是为了巴东牛肉饭，所以再去帮衬，可以算是回头客，但可能已经换了厨师，跟大半年前嘅巴东牛肉已经今非昔比，牛腩非常韧，完全咬唔落，味道就根本不是巴东酱的味道，比马六餐厅的一样差，餐厅环境和员工服务态度比较起本地茶餐厅就很不错，但也应该不会再去帮衬。$68在香港食个碟头饭午餐，虽然也是正正常常嘅价钱，但这个巴东牛肉饭就真的不是正正常常的巴东牛肉饭，是十分之失望。香港地，人工租金食品来货价相对内地不便宜，但正常嘅午餐价钱食不到正常的牛肉就十分之失望，去买一个两𩠌饭，肉质跟味道，应该也比在这里好，最低限度你选择的食品和味道也会正正常常，不会是完全两回事。…查看更多

今日收左工闷闷地就约左闺蜜行街睇戏食饭，行到累累地就揾左间餐厅食野休息下。首先叫左个小食斑斓咖央多士，每次食东南亚美食都系必点，厚厚一层牛油配咖央酱，外脆内软。好好味。我地再叫左两个套餐，非常抵食。套餐跟两款小食，第一款小食系酸辣无骨凤爪，闺蜜十分喜爱，而且无骨啖啖肉，食得好自在。第二款小食系街头鸡肉串烧，呢个配咪沙嗲酱，非常野味，好值得一试，而家串烧好金香，好好味。主食方面有香茅鸡扒配檬粉，食檬粉嘅灵魂系𠮶樽酸辣酱汁，酸酸辣辣，非常好味，我个人十分喜爱，世界级享受。另一款主食系香叶烤鸡扒喇沙惨惨，呢个有成两大块鸡扒，非常有诚意，十分满足，而家汤底好香浓。闺蜜十分喜爱，真系好好味。随餐重有餐饮跟咪，一杯系薄荷青柠梳打，非常冰镇心凉，岩晒咁火辣辣既夏天。另一杯系冻咸桔水，呢个对喉咙十分好，非常止咳润喉，不错既选择。…查看更多

餐厅：芽笼地点：湾仔道菜式：新加坡菜餐牌：下午茶餐有好多款选择，有越式汤粉，娘惹风味，米饭捞檬，马来咖哩，包饮品七选一，无加一，仲可以追加地道小食。越式烤猪颈肉配捞檬 $58越式烤猪颈肉配捞檬一客九片猪颈肉，烤得又香又脆，加上好多花生碎更添口感。檬粉捞有好多生菜丝，红白萝卜丝，青瓜丝，薄荷叶同葱花等，好清新。一大支鱼露另上，味道酸酸咸咸，够嗮味。呢款仲可以配饭。海南鸡喇沙掺掺 $53海南鸡一客六件，好有鸡味，又嫩滑。个喇沙汤又香又滑，梛汁又够，辣度刚好，好惹味。面底系黄色粗面加幼身米粉，前者有咬口后者幼滑吸汁，加埋系好正嘅口感。豆卜4件好吸汁。糖心蛋半只。仲有爽口芽菜，青豆角同脆脆加添口感。无骨海南鸡配油香饭 $62海南鸡鸡件有十几件，有脾有胸有单骨鸡翼，质素唔错，皮滑肉嫰，颇有鸡味。配有三色酱，分别有甜豉油，姜蓉同酸辣酱，自己调味。伴有青瓜四件可解腻。鸡油香饭热辣辣大大碗。虫草花鸡汤入面有虫草花同葱花。个汤鸡味香浓。酸辣无骨凤爪 加$22酸辣无骨凤爪一客六件，爽脆酸辣好醒胃。垫有酸红萝卜丝，洋葱丝同葱段解腻。餐饮包括柠茶柠水，咸桔水，马来手工拉茶，南洋白咖啡，桂圆红枣茶同黑糖姜枣茶。冻饮加$3。冻咸桔水大大杯，下底有桔仔皮，味道酸酸甜甜好解渴。马来手工拉茶叫左少甜，味道都唔错，微微甜，质感都好滑。热桂圆红枣茶有好多红枣同杞子加桂圆，好香菊花味，味道只系微甜，好养生。总括而言，茶餐份量似正餐，不过价钱平d。平日下午茶时间都满座。…查看更多