至尊重慶雞煲 (創興廣場)

营业中

休息中

好難食啊！雞冇雞味！雞煲完全冇味！太甜了！一D味都冇，好難食啊！人多，又嘈！不過唔係太貴，味道好難食，唔明點解仲有咁多人排隊等住食！我自己整都好食過呢抖⋯⋯!!!!!

食物無分季節， 尤其是雞煲，食完雞煲之後可以打邊爐~ 絕對是我杯茶！近近地來到旺角至尊重慶雞煲，實在抵食到爆炸~~ 食辣當然是大辣，辣得非常興奮！這是什麼？ 是吸滿辣湯的彈牙花膠，一邊食雞煲之餘，亦可一邊可以令皮膚漂亮的花膠，怎可以吃過夠~ 想不到有滑嫩入口即溶的肥牛，由於是辣湯底，令肥牛的油膩感一概洗去，非常驚喜！肥牛油脂分佈平均，真是令我吃不停口！ 雪白色的大腸，想不到洗得如此的乾淨~ 只需要 $158 /一位 想更加抵食，星期一至四 9:30pm - 11:00pm 只需要$128 /一位!!!!!!

上星期日放假！相約老友去【至尊】打邊爐，先雞煲後邊爐係我至愛😋，因為朋友好耐無食辣，怕佢頂唔住，所以今次只係點左中辣，下次都係要食返大辣先得，到喉唔到肺😅不過對於唔食得辣既人黎講，中辣已經好夠味既，美中不足就係當晚既啲響鈴全部都唔脆口，林晒，牛肉點極都唔夠數，其實店鋪比得人填落單紙，經常唔齊數，又要我填多幾張紙，你比唔足數我又要再填紙，咪又係浪費紙張⋯⋯⋯另外如果打打吓邊爐覺得唔夠辣，可以加到大辣就最好不過啦！要知道打邊爐係需要不斷加湯底或加水，加加吓就無晒辣味，又點會食得過癮呢？

This place has been around since 2013 so it must be good.It was amongst all those chicken pots restaurants that opened in the 2013 craze.The only unfortunate thing is the access to the restaurant because there are long queues for the lift during peak hours.The restaurant is big, with lots of long tables in the middle suitable for large groups which is a must in the MK area.There is a wide drinks selection including beer, Chinese herbal drinks and now there is water as well which wasn't previousl

在旺角叫雞是正常事，我係講叫雞煲，請勿心邪!旺角的雞煲店的確多得很，大班人就要揀經濟實惠。至尊重慶雞煲有幾間分店，旺角店因應MK環境，開到凌晨三點! 而晚上價錢只是每位$158 (兩小時)，夜鬼仲正，$118就有得食!未點食物之前，先去飲品櫃取飲料。食麻辣雞煲，有啤酒飲會好好的，好在這店啤酒的選擇確實多，除了熟悉的嘉士伯、SKOL等外，還有較新的MAX忌廉麥啤。雞煲可自選辣度，食物亦是自由選擇。辣度由微、小、中至大辣，我不是辣人，這晚亦無謂挑戰大辣，恰巧同枱的都不是大辣人，便點小辣。用較傳統的石鍋盛裝，汁料好濃，而雞件也大件肥厚。雖然只是小辣，但因湯底濃烈，一會兒之後再吃，辣度明顯提高了，建議定時要加水。火鍋料的選擇尚算豐富，必吃的貴價料有花膠、美國肥牛、黑豚腩片等，個人認為肥牛沾上辣湯後，更為惹味。 平時常吃的火鍋食物也齊全，最愛豬皮和炸魚皮，其中炸魚皮只用輕輕沾少許汁便可，不必滾住食。剩餘的湯汁，放個公仔麵或烏冬就最Perfect了。每位$158有這樣豐富的食物，就算平常不食開辣，都真的覺得抵食!

繼早前瘋狂得過份的雞煲熱，相隔一兩年，終於再次投入其懷抱 回到旺角創興，那些年初嚐雞煲的地方，排長龍等升降機已是常事 明明熱得大汗淋漓，想不到入座率甚高，開冷氣食熱鍋果然是不少港人的習慣 雞煲固然是主角，另可任食配料及雪條雪米糍，再有任飲無酒精及酒精飲品 限時兩小時，正價時段（下午五時至晚上十一時）成人每位叫價$158+10%，合理 記得初訪時的小辣雞煲，隨著年齡增長，受辣程度倒無進步，反而點了微辣 辣度說不上重嗆，調味鹹度合宜，醬底略稠不漿，當然會越滾越少水越濃味 雞件不會太肥，肉未算嫩但不重雪腥，份量對我們而言剛好，主要為過口癮 按照餐墊上所寫，未加湯前落花膠，雖可任食，但煙韌彈牙，不會散爛 膠質黏感仍在，不過有鹹辣相伴，夠入味自然更香口，多吃數件也不覺膩 火鍋時間，一定會點肥牛，肉不腥臊，不會過薄以致易柴，獨清一碟也不足為奇 同場有黑豚腩、羊肉等，而炸魚皮、魚皮餃、枝竹、豆腐及各丸物則是基本款 順帶一提，軟嫩吸湯的薯粉是必備良物，意外地掛上花椒，多帶一分麻感愈惹味

一班人相約聚會，遇到最大問題往往是在那里吃會吃得較經濟；友人提議到旺角吃辣雞煲，我們便來到了交通方便，方便聚會的旺角《至尊重慶雞煲》人均消費才$158，開懷暢食，銀包又不會太傷，夏天吃辣出身汗，感覺就是爽！我們點了「大辣雞煲」初嚐時，只感到味道頗香，雞肉質感嫩滑，未有辣意；注入高湯，再放進「花膠」、「紅薯粉」、「牛柏葉」、「生菜」等食材...辣度徐徐湧上，辣得很是過癮！另外，這里的「牛肉」、「炸魚皮」及「韓國公仔麵」質素也不錯，「自家製薏米水」亦算清甜，整體水準較預期要好。

難得與友人共聚，大班人當然要打邊爐啦！ 剛好有人提意要食雞煲，便選上了至尊重慶雞煲。大辣雞煲， 非常惹味。 雞件甚多， 醬汁非常濃郁， 但大辣還是覺得可以再辣一點😁食光雞件，便可以先加入花膠、牛柏葉吸收醬汁， 再加多點湯打邊爐。 肥牛用上安格斯，質素甚高，還有點雪花， 美味啊！另外，加薯仔、薯粉、公仔麵和烏冬，吸味之選， 辣得很爽！朋友另外又加了木耳、冬菇、粉膠這些爽口食物， 掛汁也不錯啊！想要食到最辣，當然就加唐生菜/油麥菜啦！

來過呢度已經2，3次 深夜1.2點dry dry地嘆翻個雞煲就最正貓頭鷹時段就最抵食 兩個人埋單都係2百幾.一去到門口就會問您大中細辣 坐低無幾耐就會有一盆香噴噴既雞堡雞件好滑加上d汁亦超濃超惹味 生熟程度亦恰到好處食完全身暖粒粒好爽.食完d雞之後 當然就係打邊爐la食物既種類應該有既 都不缺少既但5算太多但都足夠湯底可以自取 自己調配濃淡度飲品方面有汔水，韓國飲品，茶都有.食完仲可以嘆個雪糕添又平又抵食呀 大滿足

朋友提議想吃雞煲 所以挑選了這一間食品質素一般 不過咁嘅價錢總算合理但火鍋嘅爐火有點慢 食物比較遲熟很快便到了兩小時 店員催我們埋單所以我們吃得很趕 吃完好似唔覺太飽不過整體黎講 $168任飲任食還可以啦

約大圍朋友食飯，有朋友提議想食雞煲，我哋有男有女，就不如食任食雞煲抵食啲，所以我哋就去咗至尊雞煲，都抵食嘅＄158全包價，食咗個雞煲就可以任點任食，最正嘅係可以有啤酒任飲，啱晒啲男仔。朋友點一個小辣雞煲，個醬汁係濃味，辣嘅程度可以接受，雞肉就係雪藏雞，肉質可以接受。唯一挑剔嘅地方喺座位比較迫，佢哋係長枱型嘅設計，旁邊就係你唔識嘅客人。我哋四個人好快就食完咗個雞煲，咁就搵姐姐加湯，就開始我哋打邊爐。嘢食嘅選擇都可以，而且好快送到，雖然朋友覺得佢哋嘅肉唔太新鮮，但係呢個價錢可以接受，今次已經係第二次來食，質素同上次嘅都差不多，同埋佢哋嘅抽風設施都可以改善下，個場入邊真係好大煙。

係呢間食左好幾次 主要係因為地點方便而且價錢合理 晚上任食都只係158蚊一位而且飲品多選擇 特別推介lotte既檸檬茶同蘆薈汁(有埋果肉)鷄件既味道夠惹味 但係都係建議食返辣 因為之前食過唔辣 個味道真係爭好遠至於其他材料方面 唔建議食丸類味道一段

母親節去難得唔需要排好耐。雞肉有d鞋同唔太入味淥耐dd先食好d。好少任食鋪頭雞蛋唔需要加錢，牛拍葉魷魚好新鮮，淥耐d淥到入味好好食，芋頭片要小心，淥太耐會爛如果想食好d 可以加$45 要碟肥牛靚好多但淥完縮到好細塊有d唔夠喉嘢飲同雪糕就有驚喜，多左幾多選擇嘢飲有道地蘋果茶同lemon tea吧頭有IF椰青水自己攞另外啤酒除Skol 之外竟然有Carlsberg雪糕櫃就多左維記mochi 有vanilla 同荔枝味正！

夜晚一點好想食雞煲，見到創興重慶雞煲開到三點，即刻上左去叫左個小辣雞煲，啲雞夠哂入味，洋蔥吸哂啲汁好正。雖然夜炸，但叫啲菜落幾多黎幾多👍🏻👍🏻啲牛大大件，但花膠就麻麻了，口感不太好。順帶一提，啲姐姐好好人，因為我地夜，所以冇咩響鈴，個姐姐特登開過一盒新比我地好有人情味。仲有啊，飲品都好多選擇，甜甜既忌廉溝鮮奶，想健康啲，仲有茶比你選擇，仲有雀巢雪糕仼食，我覺得係仼飲仼食雞煲，都係高質👍🏻👍🏻

食物不錯平日街外火鍋都預左係清腸胃但今次無食物嘗算新鮮亦富有人情味朋友生日超時左20分鐘無趕人走情況出現氣氛亦不錯員工會幫手廁所亦好清潔可見衛生做得好足可以同朋友一試