至尊重慶雞煲 (創興廣場)

营业中

休息中

前日考完試諗住relax一下～同媽咪去旺角行完街諗住搵好嘢食，咁啱見到呢間雞煲餐廳，見到好耐冇食雞煲，就上嚟試吓～佢係任食火鍋🍲只需要$158就可以任食兩個鐘～再加$10就可以任食雞煲，幾抵食～前菜有得任食香醋雲耳同埋雞腳，青瓜等等～醃得好香好好味😋我同阿媽都食唔停～雞煲可以揀唔同嘅辣度，因為我唔係幾食得辣，就揀咗BB辣。有一大煲雞煲，入面有好多香料同雞，雞肉幾爽滑，好入味！先食晒入面啲雞，再加湯～咁火鍋湯底就好好味😋美國肥牛片新鮮嘅肥牛片，淥完食落覺得好爽口～半肥瘦嘅牛肉片，配埋醬料幾好味😋黑豚肉係大片嘅黑豚肉，同樣係半肥瘦，食落幾有咬口脆魚鯇我同媽咪都好鍾意食魚呢個脆魚腩，食落覺得好爽口，而且唔會有腥味，幾正！蔬菜我哋好鍾意食蔬菜🥬就叫咗唔同款式嘅菜，好似金菇，生菜等等～蔬菜都幾新鮮，係健康之選椰青水喺其他火鍋店少見，呢度可以任飲椰青水～非常適合解辣同埋降火，同火鍋好夾！

雞煲一直都是和朋友聚餐選擇首選之一，每隔一排就會好想食翻次又辣又惹味的雞煲，至尊重慶雞煲推出$158 兩小時任飲任食雞煲，雞肉肉質嫰滑，以秘方新鮮醃製，雞煲可選擇大、中、小辣同BB辣。雞煲上枱後，加熱後炒一炒，可以令雞件入口時帶有鑊氣，更惹味。食完雞煲後，可以用電話掃一掃QR code落單，火鍋配料都有三四十款選擇👍我們選擇了新鮮鵝腸、牛柏葉、肥牛、炸魚皮、豬潤、金菇和紅薯粉等....肥牛切得厚薄適中，牛味很濃郁，牛柏葉及新鮮鵝腸淥一淥，又爽又脆。炸魚皮香脆可口，就咁食已經好好味😋金菇和紅薯粉吸入濃湯很入味，味道一流。這裏的飲品選擇都很多，啤酒種類都有兩至三款👍最後食返個雪條，滿足！

今次嚟到旺角呢一間我於創興廣場嘅至尊重慶雞煲， 絕對係一個性價比極高嘅雞煲火鍋， 約埋三五知己一齊嚟食環境又大又舒適，而且食物種類都幾多，至於佢嘅雞煲亦都相當出色，好足料㗎， 佢嘅牛肉片都幾好食， 蔬菜種類都幾多同埋都幾新鮮， 特別一提佢哋有一個手工包嘅餃子，都幾唔錯㗎， 皮薄餡多， 飲品方面非常多選擇汽水啤酒果汁涼茶乜都有，甜品方面有好多唔同味道嘅雪糕同埋雪糕糯米糍雪條等等， 呢一間會再嚟食，因為佢嘅性價比非常之高。

至尊重慶雞煲可算是不錯的 星期五$168全包任食 雞煲夠入味 同多年前食一樣 唯一不足的是款式少 不過呢個價錢不會有太多要求 但當日現場所見 呢間野很受年輕人既歡迎不過有樣野想同大家講 間餐廳收10點 9點3 last order 但見佢9點仲會放人入去 呢方面真係唔多好

真係勁耐冇食過雞煲打邊爐今日去番已經開左好耐既至尊原來裝修過黎 有番好多卡位 環境坐得寬躺闊落餐牌如下有2個大飲品櫃叫左好多肉類同 丸類雞煲叫左中辣 我覺得食得辣既人都可以再試下大辣既叫左好多野食呀 有芝士腸 豬大腸 芋絲 魷魚 🦑 蟹柳豬紅 仲有勁多丸去到豉油同調味料隔離呢 有即包既餃子 🥟有韭菜水餃或者洋蔥餃 我就比較鐘意韭菜水餃 洋蔥🧅餃會比較重大味都好好食 好新鮮 仲要冇漏單員工既服務態度好好😙 對客人好有禮貌 都好幫客人😙

之前食過銅鑼灣嘅分店，第一次食旺角分店。感覺旺角分店嘅人比銅鑼灣多，所以上菜速度冇咁快。而且不時都會有漏單嘅情況出現，店員嘅服務態度都唔係話特別好。但會以呢個價錢來講係幾抵食嘅，而味道都算係唔錯，下次嚟食嘅話 都會揀係冇咁繁忙嘅時段啦

雞煲一定係唔少香港人嘅至愛，而家啲雞煲開到周圍都有，大排檔都整咗好多自家炮製嘅雞煲！不過我依然鍾意出去試吓🤣難得喺旺角就搵咗呢間至尊雞煲！都好多人排隊環境:❤️❤️哈哈，都唔係好識比分，正正常常餐廳格局，有啲酒樓嘅感覺！不過中間用咗長枱，但係就幾迫，冇乜位置，如果坐到梳化位會好啲！食物:❤️❤️❤️以呢個價錢來講，可以做到任食火鍋，覺得都算係唔錯！絕對冇得用高價嘅雞煲佢做比較，始終真係唔同價位！但係整體上雞肉好入味嘅，而且都算好滑！成個味道好香！👍🏻火鍋配料方面就參差咗少少，肥牛真係比較廉價既貨式，最好食都係午餐肉同埋蜂巢豆腐🤣🤣

The most most most most most x1000 affordable meal ever. Me and my friend decided to get this chicken pot around 3pm.It was so good and every bite never fail my taste bud and guess what it only cost us HK$196 for 2!!!! ❤️ Where else can you find this price?😱🤤 We ordered the chicken pot with tiny spice so that it's not too overpowering. The perfect taste, after we almost done with the chicken, we pour a bit of the broth in and made ourselves some hotpot sensation. 😂 Really good and will recommend

本來可以用$168一位的價錢享受雞煲可是卻變成差不多$700一位的雞煲😱😭😭☹️☹️。事發當晚我同朋友九點多離開餐廳後才發覺遺漏了一部$400充電器在「至尊雞煲」。立刻跟「至尊」聯絡可是「至尊」確認沒有拾到此物。其實在10點禁堂食下，在我們離座後都應該沒有第二枱新食客。真的希望「至尊」員工可告知部充電器的下落。😔😔😔😔😔其實D食物也不差，服務也OK。飲品及甜品款式都算多。只是兩個小時內要食完所有嘢就真的有點兒趕。。。😕

昨晚18/4與朋友到創興食放題，最後揀了16樓至尊雞煲，$178.人少少扺食，點知… 坐冷氣風囗位要求轉枱那女職員黑囗黑面，還說冇得再轉(全場大把位)、雞煲汁底是甜不是辣的、落單寫４件嚟２件、又漏單、食物追極都唔嚟就要埋單話last call、唔收碟、還聽到隔離枱有男伙記鬧客人食緊屎，當堂無晒胃口，服務差，食物味道唔掂，還有魚皮腐竹嘞到咬唔到，原來這店有咁多負評，唔怪得咁靜啦，仲有，寫紙点餐咪算囉，攪埋Ｄ手機落餐是為了漏單的藉口，攪到無回頭客，執得！食放題食唔飽都係第一次。

今晚一家五人分兩張枱首次到創兴至尊食雞煲, 因疫情分兩張枱, 我们一家人經常外出食buffet, 放題… 次數十分頻密, 食過不少酒店餐廳食肆…, 但竟然食到發生個侍應話我們"你哋食緊屎呀”！真係首次, 不講食物好唔好食, 落單送餐快唔快, 送漏單, 個電磁爐work唔work(全部都唔掂0分), 淨係那個侍應咁嘅態度、 咁对客人講嘢, 点做飲食業呀, 点会請D咁低質嘅人, 影衰晒成個飲食業從業員, 最後那侍應不肯跟我們講对唔住, 而負責人話炒咗佢即走, 但相信只是扮嘢对客话炒咗佢完事, 希望是真係炒咗佢, 那條友真係不適宜做飲食業的, 每人$178.食放題打边爐食唔飽都係第一次, 仲要谷氣走人。

好耐冇食過呢類咁抵食嘅任食雞煲火鍋，$158加一就食到😍真係又興奮又期待，覺得自己好似去返以前讀書時期果陣，同一大班同學考完試就去慶祝咁🤩兩個人去半隻雞份量剛剛好，一入門口入座前就要揀好辣度，揀咗bb辣，因為媽媽唔太食得辣，但又想食雞煲嚟到個雞煲份量目測係多過半隻雞，質地好稠身，好濃味，建議係食曬啲雞之後再落湯打邊爐，等雞煲嚟既時候，可以用QR code落咗火鍋材料先，之後再出去拎小食、甜品同飲品，飲品都係自助形式的👍🏻不過記得飲得曬同食得曬先好拎同落嘩單，唔好浪費食物🤭火鍋配料都好多選擇，媽媽鐘意食既羊肉片都有，當然係要order比佢食啦😍😋仲有臨走嘅時候先發現原來仲有雪糕櫃，無食到，下次要食返先得😝

They having chicken pot as main dish, and you can choose spicy or not, other than chicken pot, you can order other foods such as beef slices, pork slices, fish slices, shrimp dumplings, fried fish skin, ngau pak yip, dumplings and squid slices, mussels etc.If you order spicy one, please make sure you are the one who like spiciness otherwise i guess you gonna get disappointment loll, but luckily you can choose spicy or notBeef slices looking fresh but i would say pork taste is better lollBut Pork

係好耐冇食過嘅至尊重慶雞煲啊！話說以前中學嗰陣時成日都去食，因為佢真係又平又好食而家市面上多咗好多五花八門嘅雞煲，同埋因為屋企人自己都識整雞煲嘅關係所以都少咗出去食今日經過創興，見到時間尚早 搏一搏睇吓會唔會有位🥰🥰點知竟然有位！ 環境仲比以前整齊企理左！多咗好多卡位🥰🥰 其實同朋友食飯最緊要坐得舒服😌跟入口嘅位置都係放滿左一排嘅飲品同埋雪糕櫃而以前放餃子同響鈴嘅位置就變咗放一啲涼拌小食我哋兩個人要咗雞煲小辣 味道超級香濃，真係好正每一件雞都鋪滿雞煲醬 又香又麻又甜又辣🥰🥰🥰啱晒重口味嘅我！而家呢度都係用qr code落單 可以睇返你之前落咗啲乜嘢order 咁就唔會驚有漏單嘅情況出現雖然呢度係任食，但係佢哋牛嘅質素一啲都唔差！同埋你見到上一面全部都係好薄好薄嘅一片，但係淥左之後比想像中好好多最推介大家食呢度既《黃金魚籽球》其實即係芥末沙律丸🥰🥰 甜甜辣辣咁 好好味仲可以保持到質素非常之好！

叫咗個少辣嘅雞煲，辣度啱啱好裏面有花椒同乾辣椒，麻和辣並存個汁好濃，如果接受唔倒可以加佢準備好嘅上堂沖淡，但唔建議落太多份量超過半隻雞，兩個人食已經好足夠食完雞就可以加湯打邊爐。呢度有小食提供，酸辣白雲鳳爪、手拍青瓜、酸辣木耳，打邊爐肉類都齊，仲有脆肉鯇魚等等。order係用自己電話掃QRcode落~~~~~~~~😋味道: 7/10📸賣相: 7/10🛋️環境：7/10💁‍♂️服務: 8/10💎性價比: 9/10💲人均：$200⏪回頭率：70%~~~~~