自己人

营业中

休息中

荃新天地「自己人」環境裝修得不錯，型格中式風,色彩繽紛仲有舊香港元素，光線柔和，適合一家大細聚餐。金魚戲水，湯蝦餃造型得意，湯底係清甜雞湯，蝦餃餡料彈牙。滷水鵝片，鵝肉切得厚薄適中，啖啖肉又入味，滷水滲入鵝肉好香。桂花黑醋海鱸魚，非常有驚喜，造型出色，鱸魚外脆內嫩,黑醋底醬味道濃郁唔搶戲，魚肉嫩滑。金瓜烙就爽爽脆脆，南瓜絲炸到金黃香脆，但又唔油膩，一啖咬落甜香即溶，外酥內煙靱。辣味雪茄春卷，造型有創意，微辣口感，外皮炸得香脆。紅寶石粉果，外皮Q軟煙韌，內餡豐富。鰻魚粢飯用咗蒲燒鰻魚，再加埋煙靱糯米，層次豐富，好飽肚。鬼馬流沙，鬆軟的包點，流沙心係蛋黃味濃好冧。福果芋泥，夠綿密，芋香濃厚，唔會過甜，充滿潮州特色。爆珠馬蹄椰子水，清甜椰味加埋爆珠口感，飲落好爽口又有驚喜。咸話梅手打檸檬茶，就酸酸鹹鹹，平衡得剛好又解渴。

📍 自己人 (荃灣)荃灣楊屋道1號荃新天地UG樓UG43&81號舖最近試咗間潮式餐廳嘅套餐A，成個套餐夠四位食，價錢 $798，真係好抵！🧡潮州沙律（潮汕秋葵海鮮沙律）沙律用嘅秋葵鮮嫩，配埋海鮮嘅鮮味，口感爽口，真係開胃。🧡潮汕滷水炸乳鴿（2只）乳鴿外脆內嫩，滷水味道濃郁，食落去好有層次感，最正！🧡滷水拼盤（例）拼盤有多款滷味，豬腱、鴨胸咁樣，肉質滑溜，滷水味道一流，配埋醬油好好味。🧡當紅雞軟骨（例）軟骨炸得金黃香脆，咬落去有啲彈性，口感非常好，唔會油膩。🧡百花紫菜酥（例）紫菜外層酥脆，裡面包住嘅餡料又香又滑，食完一口想再食多一口！🧡鮮荔枝球（4件）荔枝球外面香脆，裡面有新鮮荔枝，果汁四溢，夏天食最啱！🧡小小梨子（4件）梨子造型可愛，口感爽糯，原來係咸水角嚟，食完唔會覺得膩。🧡紅寶石粉果（4件）粉果皮薄餡多，紅寶石嘅顏色好靚，味道又唔錯，值得一試。🧡老香黄雪山包（4件）黃雪山包鬆軟，內餡香甜，真係一口接一口，根本停唔到。🧡蝦乾香蔥麵麵條煮得剛好，蝦乾香蔥調味，簡單又好味，帶出咗潮州嘅味道。🧡五仁豆腐最後一道甜品，豆腐滑滑嘅，配上五仁嘅香味，整體味道平衡，一口都唔想錯過。回頭:yes，整

這是跟朋友吃飯的好去處，地方闊落，店員友善。食物方面，食物味道中規中矩，沒有特別驚喜。相信是想打造創意精緻菜式的，繼續努力！是次叫了套餐，食物款式多👍🏻👍🏻有湯有甜品

今日同老公去荃灣試新嘢 潮州菜加新式點心 款式賣相夠曬特別影相呃like一流📸🔹金魚戲水（湯蝦餃）真係成條金魚咁游喺碗湯度蝦餃皮薄到透光 蝦肉爽到彈牙個湯清甜唔油膩 🔹鳳梨雀仔個樣得意到唔捨得食 外皮酥化 一咬鳳梨餡湧出嚟 酸甜開胃🔹芥菜帶子餃芥菜切到碎碎地 帶子大大粒 一啖食落好鮮味 🔹抱抱環餃個名改得貼切 一粒細蝦餃黐住大蝦餃餃皮煙un 啖啖爽彈蝦肉🔹黃皮燉角螺湯黃皮嘅微酸同角螺鮮甜飲完成個人潤曬 夠曬火候🔹魚翅撈飯翅湯極濃 撈飯超正 翅既份量都算夠個湯底真係冇得輸 忍唔住食曬成碗🔹滷水大墨魚墨魚片片都厚切但唔韌 滷水香得來唔會死鹹🔹佛跳牆灌湯餃勁足料 鮑參翅肚嘅精華咁湧出嚟一啖咬落去爆汁 好鮮味🔹流心燒賣估唔到燒賣都可以流心 辣油爆出嚟個下超驚喜口感層次好豐富🔹趴趴熊仔（流心朱古力）熊仔patpat一搣 朱古力漿即湧出黎味道濃郁 朱古力唔太甜 唔會膩🔹手打鴨屎香檸檬茶茶底香濃 檸檬清新 手打果然唔同 而且賣相好有仙氣呢間玩創意得來味道有驚喜 價錢合理平日早上11點至下午4點仲有點心半價優惠侍應仲好貼心提我哋趁熱食下次約班friend再黎掃menu🤤

話說星期二約咗朋友去哩間自己人食晚飯我哋一共點咗7椂有3款點鬼🐎流沙、雪笳春卷、抱抱𧎚餃👈點心就冇乜問題、問題就係炸蠔餅哩個真係中伏到呢😡😡😡炸粉又厚蠔仔又少另一個係海洋紫菜炒飯一個字(鹹)😡😡😡😡😡只於百花紫菜酥我就覺得紫菜有（韌）失望最後係走地雞味就夠味不過唔滑.

荃新天地呢間自己人gaginang睇個名就知道係食潮州菜啦但係除左潮州菜之外 都有好多精緻點心連夜晚都可以飲茶 造型仲好得意啱晒打卡添環境好靚好寬敞 好多壁畫好有特式食潮州菜必食滷水鵝 呢間出品唔錯滷得夠入味又唔會過鹹 肉質算嫩滑酸菜焗花甲每隻都咁好肉 好鮮甜完全冇沙椒鹽鮑魚夠惹味 超厚肉鮑魚咬落好彈牙職員推介嘅煙燻豆腐同平時香港食到嘅唔同 豆味好重帶少少煙燻味 吸左海鮮湯汁都唔錯叫左份紅燒魚翅足足有2両翅 翅針好粗好爽口點心主打造型別致 雪茄春卷拎住嚟打卡一流金魚戲水湯蝦餃真係好似金魚 皮煙韌餡足料本身有茶位費 但叫手打檸檬茶就可以免茶錢每杯上面都有個噴煙小茶壺好cutie

香港人對自己人這個字都比較熟悉了，都會想起是潮汕那裡的，這間就是以這個主打，更有全日點心提供，小菜亦有很多選擇，難怪晚上人氣十足了。金魚戲水（４９元）賣相真的很可愛，特別是在湯上面漂著的綠葉，看起來更像了。吃起來是蝦餃來的，口感彈牙，蝦肉挺多的。鳳梨雀仔（３９元）儀式感滿滿的，吃起來是鳳梨酥的味道，表皮挺酥的，內裡鳳梨香甜。風馬流沙（３９元）賣相搞笑，忍不住虐他一下了，內裡是香滑的蛋黃流沙，味道鹹香。潮汕蠔烙（８９元）挺傳統的煮法，炸得比較香脆的，但蠔仔吃起來還是挺鮮嫩多汁的，配魚露或辣椒醬都好吃。滷水鵝片（９９元）鵝挺肥的，吃起來肉質特別細嫩，鵝味香濃，配上香濃帶點藥材香的滷水汁，味道更惹味。滷水大墨魚（９９元）口感非常嫩滑有彈性，淡淡的墨魚清香，配上芥末醬汁更突出鮮味。孜然高原羊排（１４９元）選用了肥瘦相間的羊排，吃起來特別嫩滑多汁，又有油香，而且經過炸香，味道更香，孜然調味挺濃香的，比較能蓋住羊羶味，愛吃羊的一定要試試。鮑魚東坡肉飯（１２９元）大大件的東坡肉，吃起來很滑嫩，肥而不膩的，還有點豬肉香，用上醬汁來拌飯，真的挺不錯的。鮑魚口感挺嫩滑的。

自己人GAGINANG主打新派潮洲菜， 佈置特色充滿東方色彩，柔和橙光， 舒適寬敞的卡位， 舒適地享用精緻點心， 與朋友聚餐一個不錯的地方。多款點心維妙維肖， 水中央暢泳的金魚餃、 雀籠裏趣緻的鳳梨雀仔、 得意朱古力熊仔包， 讓人 樂意要相機先食! 🐠金魚戲水維肖維妙的金魚餃， 彷彿在清澈的湯中暢泳，趣味可愛， 咬開煙韌的外皮， 吃到彈牙蝦肉，鮮香美味，差點而不捨得吃下。🐤鳳梨雀仔金黃可愛的雀仔， 外皮酥脆，內裏 填滿純鳳梨餡， 啖啖濃郁鳳梨甜香，甜而不膩。潮州沙律新鮮的海鮮， 有鮮蝦、 魷魚片與秋葵搭配，浸泡在醬油和酸甜醋汁中，味道清新可口， 滋味的開端。潮汕滷水炸乳鴿剛剛炸起的滷水乳鴿，外皮酥脆，肉質鮮嫩多汁，帶淡淡的鹵水香氣，令人喜歡。百花紫菜酥薄脆的紫菜， 上面填上滿滿的蝦膠， 入口鮮味爽彈，香氣四溢。蝦乾香蔥麵彈牙麵條， 每一口散發著香蔥的芬芳， 加上乾蝦的鮮味，令人食指大動。老香黃雪山包軟糯的包子， 充滿彈性 ， 中間填滿 內香甜的叉燒餡料，口感糖甜綿密，讓人一口接一口。紅寶石粉果鮮豔的紅色餃子， 外皮煙韌， 大口咬下， 啖啖蘑菇粒和黑松露香氣，口感細膩，味道獨特。小小梨

好耐冇過嚟荃新天地，原本之前唐宮小聚嗰位轉咗做【自己人】主打新派潮州菜啊！餐廳裝潢時尚，闊落舒適，提供一係列精緻點心及潮汕特色美食，仲有多款特色飲品～手打檸檬系列、咖啡啤酒都有⋯潮流興打卡，這裏緊貼潮流，點心造型都係非常精美可愛超打卡，忍唔住點了幾款，睇得又食得🫰🏻🫰🏻金魚戲水(湯蝦餃) $49栩栩如生、金魚造型的蝦餃，喺清澈嘅高湯裏面暢泳！既生動又可愛，連金魚的魚鱗都清晰可見，餡料係豬肉同蝦，好味好味！小小梨子🍐 $39外面軟糯香脆，裏面嘅餡料係黑椒和牛，微辣惹味，係牛肉版嘅鹹水角！鳯梨雀仔🦤 $39即係鳳梨酥，外皮鬆脆，鳳梨餡酸甜適中幾好味 😋用個雀籠裝住好可愛超打卡！雪茄春卷 $39煙灰缸內的雪茄造型春卷像真度非常高，第一啖咬落去煙灰係香口嘅黑芝麻，春卷皮包住麻辣魚柳！外表係雪茄，內裏係水煮魚🌶️🤣黑天鵝🦢 $49估佢唔到，酥脆嘅天鵝內裏係汕頭滷水鵝肉，酥脆又惹味，幾款點心中，我最鍾意呢個！福果芋泥 $39潮州傳統的甜品，配搭白果、枸杞、白芝麻，口感細膩綿密軟糯，香甜可口。魚翅撈飯 $ 169奢華的代名詞，大時代產物，而家百

這間新派潮州菜食府，早前和朋友來過飲午茶，地方寬敞，皮梳化卡座，座位之間距離闊落，沒有壓迫感，坐得舒服。他們的點心造型可愛，既精緻又好味，今晚同老公來食晚飯，試吓其他潮州菜式😋「潮汕炸乳鴿」親民價錢$49一隻，價錢親民，熱辣辣上枱，皮脆肉汁豐富，味道唔錯好食。「潮汕炸蠔餅」炸到卜卜脆，喜愛食香口嘢的朋友就最啱。「老菜脯海鮮粥」潮式粥底，配料有蠔仔、青口，蝦、魷魚等，味道鮮香濃郁，加入老菜脯，為這道粥增添了一份獨特的鹹香，讓人回味無窮。「滷水拼盤」拼盤中包括鵝肝、鴨舌、墨魚和滷豆腐，滷得夠入味，唔錯。「金魚戲水」（湯餃）餃皮捏製的金魚造型逼真，在清甜的湯底中彷彿真的游動起來。「辣酒花螺」花螺個頭雖小，卻新鮮爽口，配上冰涼的辣酒醬汁，每一口都刺激著味蕾。「福果挑膠薑薯」銀杏的香，薑薯的甜與桃膠的滑嫩相互交融，再加上芋圓的細膩，整體口感豐富😋

今晚，女友一早約左我去荃新天地一間名叫「自己人」的食店。雖然我哋都吾係潮州人，但對個名（gaginang)就有好感。呢度佈置親切又有味道，讓人一進來就感到舒適。我們點了很多好味嘢，首先上的是「馬蹄爆珠椰子冰」，清涼可口，上邊有個放咗乾冰嘅小茶壺,非常精緻可愛。接著是「新鮮油柑汁」，清新得來又有點回甘；真的很開胃。最精彩的當然是「潮州滷水炸乳鴿」，外脆內嫩，肉質鮮美，令人回味無窮。還有「黑蒜蝦燒賣」，黑蒜味四溢，蝦肉鮮甜，好到不得了。再來的「抱抱蝦餃」和「雪茄春卷」有樣有內涵；吃得津津有味。「梅汁金不換沙白」的口感亦很特別，辣中帶酸，正合我地心意。最後，我們還試了「佛跳牆灌湯餃」和「黃皮燉鮑魚」，非常特別；每一口都是享受。吃完這麼多道菜，我們還點了「熊仔朱古力包」，甜得剛好，真是完美的收尾！今晚的晚餐非常滿足，下次要同未來外母嚟再試吓。

今天中午，我和朋友到位於荃灣的「自己人」聚餐。這間餐廳以其獨特的潮汕風味聞名，令人期待。我們點了幾道招牌菜，首先上桌的是黑天鹅（汕頭滴水鹅肉），肉質鮮嫩，配上特製醬汁，真是無法抗拒。接下來的黑蒜蝦燒賣，香氣四溢，讓人一口接一口。鮮荔枝球也很特別，清新的口感為整餐增添了不少色彩。最讓我們驚喜的是抱抱蝦鲛，外脆內嫩，配上潮汕滴水炸乳鸽，味道絕對值得一試。佛跳精灌湯鲛則讓人感受到濃厚的鮮味，馬蹄爆珠椰子水更是消暑的首選。我們還品嚐了城蛋黃角和酸菜龍登，口感獨特，讓人流連忘返。蟲草花紅棗墩扃難和黃皮嫩鲍魚也非常美味，羊肚菌墩螺頭更是鮮香四溢。最後，老香黃雪山包和鳳梨雀仔作為甜品，讓人心滿意足，酒釀小丸子和福果桃膠姜薯則為這頓飯畫上完美的句號。

前段時間去過潮汕，不過冇機會食到荔枝蝦球，得知道荃灣呢間「自己人」竟然有呢款點心，立即約埋朋友嚟試下先。一入門口就已經被一幅牆畫吸引住，然後旁邊就可以見到師父們準備點心，半開放式嘅設計，看得見嘅衛生，食客食得安心。金魚戲水兩粒湯蝦餃外表設計成金魚嘅樣子，非常有趣，好似真係喺魚池遊水咁，唔捨得食鮮荔枝球煙韌糯米皮細味有點甜，包裹住蝦粒，外面一粒粒紅色嘅脆脆，口感豐富小小梨子梨子造型嘅鹹水角外皮，入面包裹住牛肉及黑椒內餡，口感煙煙靭靭潮汕滷水炸乳鴿呢款炸乳鴿必選，外皮脆肉質嫩滑，肉汁都鎖住喺入面，十分滋味滷水鵝片這盤滷水鵝片睇起來油亮入味，鵝肉切得厚薄剛好。吃起來肉質軟嫩，帶點嚼勁，滷汁的香味很濃，但不會太鹹，反而有點甘甜 汕頭醬炒牛小排(沙茶醬)牛小排肉質軟嫩，沙茶醬香濃惹味，鑊氣十足。醬汁裹滿每塊牛肉，鹹香中帶微甜，配飯一流黃皮燉鮑魚湯色金黃清亮，鮑魚軟嫩彈牙，黃皮果香清新解膩。燉煮火候恰到好處，湯頭鮮甜，滋補又不油膩咸話梅手打檸檬茶個人比較喜歡呢一款咸話梅手打檸檬茶，話梅鹹香同檸檬茶嘅酸味非常夾清香茉莉手打檸檬茶茉莉花味香濃特出，飲落口感清新，亦係唔錯嘅選擇餐廳環境非常舒適，店員服務

朋友介紹去咗荃新天地試吓間新派潮州菜，果然冇介紹錯！由頭食到尾都有驚喜，仲要服務好好，抵讚！ 頭盤試咗**煙燻豆腐**咬落去豆味好濃，口感滑溜，湯底開胃得嚟又唔會太鹹。跟住個**豆漿蟹肉蕃薯葉苗**幾特別，豆漿湯底清甜，蟹肉鮮味同蕃薯葉苗出奇地夾，食落好fresh！ 點心方面，**鳳梨雀仔**同**金魚戲水（湯蝦餃）**造型精緻，鳳梨酥皮香脆，蝦餃湯汁鮮甜，蝦肉爽彈。*雪茄春卷*真係好似食緊雪茄，雪茄係有點麻辣味嘅春卷好過癮！ 最正係**潮汕滷水炸乳鴿**，皮脆肉嫩，滷水味好入味，仲keep到肉汁，必點！**佛跳牆灌湯餃**料多湯濃，一啖咬落去超滿足。最後個**鰻魚粢飯**有驚喜，鰻魚燒得香口，飯粒煙韌，加埋鰻魚汁同芝士真係好夾，食到尾都唔會膩。 整體來講，每樣菜都做得用心，價錢合理，環境又舒服，一定會再嚟試埋其他點心！

環境裝潢都好，被安排的兩人座位是靠近落地玻璃所以景觀吾錯。食物賣相好，但其實味道一般，服務員整體服務及態度差。因為第一次光顧有一杯免費鴨屎香檸檬茶送，但等左20分鐘先黎。