肥姐小食店

营业中

休息中

20/2/2023今晚晚餐（因為一齊上韓文堂嘅朋友仔去咗旅行冇人同我食飯）晏晝食得比較飽我諗住夜晚唔使食咁多有d掛住肥姐嘅墨魚，所以放咗學由佐敦搭巴士去油麻地其實都差唔多夜晚八點半鬆啲，但係都大排長龍好多人。原來買滿指定金額（$80）可以唔使排隊，喺店舖左手邊拎紙仔剔就得。因為佢係後邊啲阿姐幫手執齊俾你，唔係檔面嗰個阿姐做。我買左5串墨魚（$15/串）2串紅腸（$10/串）墨魚好好食 （阿媽都忍唔住搶咗我好多嚟食😈)當然唔夠即場食咁冰凍啦，返到屋企都變咗少少常溫，但係都仲係咁爽口。紅腸好普通 （下次應該唔會再嗌呢個）佢有個好處係剔紙仔可以比你自己揀啲甜醬豉油芥辣直接擺落盒入邊定係分開用袋就係裝住返屋企先自己落。(走盒失敗，不過真係好多人排隊，唔好搞到人，食完洗返再用嗰盒）

旺角肥姐相信無人不曉，今次唔係掃街，係買肥姐返去佐白酒，簡直將肥姐小食昇華到另一境界😇買滿$75以上可以直接交點心紙購買，不用排隊，上菜迅速，姐姐非常有效率又友善，外賣醬汁會另上，唔擔心索哂汁而影響食物味道。每次肥姐必食 -- 大皇牌套餐。墨魚🐙好新鮮彈牙，好食！大生腸🟠完全冇內臟腥臭味，不過口感較為實，如果鍾意爽脆口感，可以食返小生腸。我就兩款都愛，兩款都必點！雞腎🐔好爽，加上醬汁食到唔停得口！肥姐小食佐白酒真係絕配，買返屋企一邊食一邊傾下計飲下酒，真係好正呀！😋

202211月平日--肥姐小食店地址位於:旺角登打士街55號地下4A號舖肥姐小食店一定是在登打士街長龍必食店之一上次太夜，只買到墨魚，今次是平日約七時，前面人龍約有四、五個客人。多款滷味放在冷櫃中，乾淨企理有皇牌套餐(墨魚+細生腸+火雞腎$34)，也有大皇牌套餐(墨魚+大生腸+火雞腎$38)等等款式供應我不想吃腎，散買了大生腸($14)和墨魚($14)，不要套餐店員收錢時會問要不要膠袋，外賣用紙包裹放進了膠袋，方便衛生街頭小吃，就在店外路邊開餐大生腸，沒有怪味，有腸脂又多層，非常有咬口，鹵水入味，加上芥辣和甜醬，完美配搭墨魚切得厚身，但也不會韌，軟腍易咬，有滷水味也有墨魚鮮味，令人回味無窮$28墨魚、大生腸，必食必試

肥姐 is the best street food as always.We have ordered the 大皇牌 however their 火雞腎 was sold out.So we got two octopus instead! Both octopus and 生腸 taste fresh!!!Mustard is a must for eating this street food I have actually only tried their 大皇牌 but not other food there.Btw, I also bought the Peking duck wrap from the shop next to it and we were so regretted. That is the worst Peking duck wrap ever.

相信大家出親旺角都一定會掃下街食下街邊小食咁~係廣華對面轉角位總會見到有好多人排隊嘅肥姐就係其中一間~今次叫左個大皇牌套餐(墨魚 大生腸 火雞腎)~~ $38蚊🦑墨魚      好彈牙 好煙韌 都食得出幾新鮮 好食!😊😊🦃火雞腎  一個字 爽! 加埋芥末另有一番風味!大生腸     冇內藏腥臭味 驚內藏嘅人都可以一試 可能會令你愛上~!最緊要係個醬令到呢三樣平平無其嘅小食昇華左不少 ! 下次去旺角大家都可以試下~🤤

講到呢間位於登打士街嘅小食店，應該冇咩人唔識，長時間都大排長龍，個個都一串兩串咁買，然後企係附近食，相當有風味，呢日經過，見到又大排長龍，但原來買$75以上就可以係另一邊落單，唔使排隊，於是我就去買嚟當晚餐食啦🤪❣️大皇牌 $38❣️墨魚 $14❣️大生腸 $14總共買左1份大皇牌，2串墨魚同1串大生腸，大皇牌就包大墨魚、大生腸同火雞腎，墨魚🦑夠厚肉，爽口彈牙，火雞腎容易咬開，反而大生腸就較為實，都係食番細生腸會較爽較有口感，醬汁仲可以另上，可以自行調較個味道👍🏻，講真滷味本身就冇咩味，加左豉油、甜醬同芥辣就豐富好多😋😋🏦是次消費總額 $80 👅好味度：9（10分滿分）滷味夠凍夠爽口，而且員工好快手，幾分鐘就拎到嘢食，之前有人話佢地服務差，但我個日啲姐姐都好好笑容，又快手又提醒你要快啲食，會再幫襯🤩🤩

每次經過旺角都一定要食肥姐滷味，每次食物味道都唔會令人失望，今次都係叫咗皇牌，再另外加咗一串膶，再配埋獨家嘅醬汁，簡直係不得了。肥姐一直保持水準，要繼續支持肥姐。

每次出嚟旺角我都一定會去搵肥姐，無論條隊有幾長，我都一定會排隊。 我真係佢嘅粉絲嚟㗎，佢咁多年來都屹立不倒，全靠佢嘅墨魚真係超級好食。其實嗰個墨魚本身就冇乜味，但係一加咗肥姐嘅秘製醬汁，成件事就唔同晒啦，根本呢個食物就只應天上有。再加埋甜醬芥辣，你都真係會食到嘩嘩聲。其實佢個雞賢都好出色，佢嘅雞腎好爽脆，而且係我嘅至愛。只係今次去食，佢已經賣晒，好傷心。下次我都一定會再排隊再買，幾長我都一定會排隊。建議早一啲去排隊，撞正放工時間，就會好長龍㗎喇。

基本上所有90後如果有去過旺角，都一定行經過呢一間小食店。 冇錯，就係肥姐小食好記得當年仲係5-6蚊一串雞腎，咁當年窮嘛，細蚊仔冇乜錢，所以成日淨係叫1-2串，或者同朋友share食，當年覺得好好食，因為食得出佢都算新鮮做，口感好好，好爽脆，同埋會食到一絲絲香甜😂😂😂。咁我一定會叫要芥辣醬，仲要重芥辣，企係街邊食，別有一番滋味。而家人大左，專登去重拾回憶，仲買左佢最貴既皇牌套餐，食當年完全唔敢買既既大生腸，明明都係一樣多芥辣，但自己一個係垃圾桶隔離拎住個口罩享用，已經感受唔到當年既味道😟，冇左個一絲香甜味，唔知係年紀問題定食物問題🥲。唉，人生沒有如果，最好既調味料果然只有饑餓以及思念。

同個friend 難得去旺角shopping，佢講咗好多次肥姐小食店好好食好出名，未掃過街嘅我都唔知佢講乜。去到就知，哦！原來係滷味店，仲要排晒長龍，心諗咩料呀。我唔食內臟，所以淨係揀咗雞手腳，再黐個friend嘅皇牌餐隻大墨魚黎試吓。見到隻雞腳嘅色諗起飲茶有籠嘢又係咁多色素😂上面jeet咗好多芥末。疫情吓個個都就咁企響街邊食，好啦🤡又幾好食喎，好有香港feel不過呢啲小食多滋味啦，多食擺明冇益😂

馳名肥姐小食，就算冇食過，經過旺角就一定見到好多人排隊，我幾乎冇見過冇人排隊嘅肥姐小食😂食咗無數咁多次，都係覺得皇牌組合最好食！有墨魚、細生腸、大雞腎，咁多年，味道依然冇變，都係咁好味😋

見好耐都無食，突然好大食一次🤣但每次去都排長龍，無意中發現可以係openrice落order，十分方便間中食一次，回味，買返屋企慢慢嘆😌呀媽教落~必須要甜、芥、豉一起~正😋👍

經過每次見到唔買都會心囉囉攣為咗令自己有覺好瞓😂😂就算食飽飯都要買返一盒返屋企買得多經驗自然多如果又唔係即場食咁如果個數量唔少其實滿$70就可以喺左邊直接購買唔需要排隊星期四假期前夕嘅晚上🌃唔算多人排隊最可惜嘅就係生腸同細生腸都已經賣晒冇記錯買滿$70以上就可以有盒👍🏽👍🏽汁另上如果住得遠仲可以加錢加冰🧊冰鎮返屋企腎 爽口彈牙大墨魚 鮮甜啖啖肉車程遠所以我哋返到屋企都仲凍其實買七串都唔算太多😆😆😆

細細個行旺角已經成日幫襯，咁多年都屹立不倒，就算封咗關一樣成日排隊難得今日經過見到唔洗排就沖去買懶得揀就叫個大王牌有大生腸，墨魚同雞腎，真係咁多年都咁好食，買完行埋一邊唔夠3分鐘又開始要排隊

以前中學出油麻地就一定會食肥姐已經超級耐冇食前牌經過見到即刻要買返個大皇牌只可以話依然咁出色！中學嘅味道返晒嚟🥰最鍾意食佢嘅生腸同墨魚超級爽口再加埋啲甜醬豉油芥辣真係冇得輸真係好鍾意食🥺🥺🥺