肥姐小食店

营业中

休息中

要食港式冰鎮滷味，首選一定係肥姐10:20分去到，慶幸趕到收工前買到，咁夜都有4、5個人排隊🙈排隊期間已經聽到雞腎賣哂，所以叫大皇牌餐雞腎轉咗豬心，想加豬潤都賣哂，再加一串大生腸先止到癮🤭水準依然保持到！滷味會淋上特製醬油、甜醬同黃芥末醬，佢哋次次都會事先問下你要咩醬💕內臟處理得好乾淨，呢點真係大大加分唔會食到有異味對內臟菜式嚟講係非常重要全部都爽口，令我喜出望外係豬心，唔知係咪太耐無食，口感同味道嘅都係中上下次早啲去叫佢個大雜錦，樣樣都有得食係最開心💕

兩日前又再出旺角，上次只影到個招牌，今次搵到個好位，連個改良咗嘅紙兜都影埋，雖然可能有機會出意外（前面位姐姐萬一向後一褪，咁就大件事啦😱），但總算有驚無險，順利完成拍攝。🤠新設計唔只比較乾淨俐落，而且仲方便拍攝呢！今次叫咗我以往食開嘅大生腸，細生腸及豬膶，承惠$35。我點嘅時候，要求要少芥辣嘅，但唔知個事頭婆新抱（肥姐個新抱，我點知係佢？咁出名嘅名店，肥姐同佢新抱又點會無接受大大小小傳媒嘅訪問呀？接受得傳媒訪問，又點少得出埋佢哋個樣呢？）唔知係聽錯定唔記得，臨畀我之前，仲唧多少少芥辣上去，變成依家咁。😠大生腸同細生腸，同樣保持到水準，爽口無胛味，但大生腸嘅厚度比以前食開嘅好似薄咗，抑或我已經食到唔記得第一次食大生腸嘅味道？今次體驗最大問題出現起豬膶度，以往食嘅豬膶，熟得嚟軟身，咬落好香，超好食（呢個味道我肯定無記錯），但呢次食落就有啲硬，應該係煮得過熟，唔知會唔會同肥姐放手畀佢新抱主理，功夫未到家有關？我諗我下次都會試多次，睇吓佢哋係一時失手，抑或都仲係咁嘅口感，係依家嘅口感的話，會轉其他嘢，唔再食豬膶。至於生腸，因為係我至愛之一（大細都係，尤其是大生腸），唔會轉啦！

呢間肥姐成日都想幫襯，每一次行過都要排隊，終於我喺旺角開工好順利咁樣買咗嚟食！事實證明呢條女真係好抵排，我食咗佢嘅大腸生腸墨魚全部又乾淨又新鮮，每次經過如果條路唔係好長，我都會買來食🤗

尋日1點幾，見到肥姐開咗，立即去朝聖，由於時間早，所以冇乜人，有相為證，只得幾個人起度左度右計，咁梗係第一時間去朝聖。都有一段時間冇嚟，食物價錢加咗，我至愛嘅大生腸加至$15，一般嘅都要$10，我叫咗豬耳、紅腸及大生腸，食物冇相係因為一手捧住三串嘢，一手揸機拍，好唔方便，所以冇拍。今次嚟到有驚喜，因為裝食物嘅物料包裝改良咗，以前係用傳統嘅油紙捲成甜筒形，依家係用似係再造紙嘅長方形紙兜裝，一邊開口，另一邊密口，平放食品嘅面積大咗，啲醬汁亦唔會好似以前咁墜哂起底，依家比以前方便咗將每年食品都蘸到醬汁，亦唔會怕個袋穿窿滲漏，搞到成手都係豉油（以前經常發生），方便衛生好多，絕對係德政。食物方面，豬耳我嫌佢唔凍，食落暖身，所以有啲黏身，唔夠爽；紅腸無醙（音縮）味，證明係新鮮貨，好食；大生腸感覺無以前咁爽，但最緊要係冇餲（音壓）味。我諗我以後每次經過附近，都應該會繼續嚟朝聖嘅。

店名/Shop Name：肥姐小食店 (旺角)地址/ Adresss: 旺角登打士街55號地下4A號舖種類/Type：滷水小吃外賣推介/Recommend：再加上我喜愛的肥媽鹵水干和大墨魚！正！說真的，還是站在肥媽店前一串吃更滋味人均價錢：～15-30/人滷水鵝肝再肥媽最愛吃的，甘香軟綿綿的鵝肝，入口軟綿甘香滷水鵝肝是一道以鵝肝為主料，搭配上肥媽獨特配方的滷水多種配料，在滷汁中燉煮而成的美食。鵝肝肉質柔嫩，口感鮮美，口感豐富。滷水鵝肝的滷汁是這道菜的精髓，肥媽的滷水汁沒有強烈的顏色，香氣四溢，口感醇厚，深受人們喜愛，所以隔離的店舖都在門外貼通告，請勿在此排隊。滷水鵝肝的食材選用上乘的鵝肝，味道鮮美，營養豐富，是高級美食中的佼佼者。滷水大墨魚八是一道傳統的粵菜名品，以墨魚八爪為主要食材，在滷汁中燉煮而成的美食。墨魚八爪肉質鮮美，口感彈牙，口感豐富，飽滿而不膩，令人回味無窮。最後一定不要忘記加他們店內獨特的Guide Lert和甜醬，加了兩種漿料後，所有的滷水更錦上添花吃到停不了嘴

自從多咗旅客之後，肥姐小食店就排晒長龍，記得好耐之前食嘅時候都唔使排隊。雖然條隊有10幾個人，但係等5分鐘左右都會叫到野食，可謂夠「快」。我哋叫左大皇牌套餐，入面有八爪魚、雞腎同埋大腸，記得叫佢加埋芥末醬呀。平時都係用紙杯裝住，但係呢間小食店就會用一個小紙盤裝住，可以打下卡，可謂夠「靚」。呢三樣嘢食都冇腥味，加埋簡單嘅醬汁，就已經好好食，「正」！提提大家，肥姐小食店係位於馬路旁邊嘅舖位，通常啲人都會企喺路側邊食，但係會好擠擁。其實行前兩步會見到好景，嗰度有瓦遮頭同埋人流冇路邊咁多。

每次經過旺角都一定好想食肥姐，但有時候真係好多人，未必排到隊😅今日見唔太多人，排咗一陣就有，好開心😆可惜今日無細腸🥹只好叫大腸🥹🥹今次叫咗超多串，食咗啲平時無叫開既豬肚，都ok 喎😋

旺角最火🔥的小食店，肥姐當仁不讓，好多人排隊呀！！！又來打卡一家網紅店啦！工作日晚上過來也是挺多人排隊的，一開始挺不理解的有這麼好吃？雖說下午1點才🈺業，但是隊伍已經浩浩蕩蕩。不誇張，街頭排到街尾不知道點什麼所以直接點了招牌的三串（💰40），原來都是冷的，精華在於芥末醬吧！紅肉腸，魷魚，腸都還可以，味道挺特別的，第一次吃這種冷串。果然🈶️排長隊的理由，過來玩的朋友記得來嘗嘗。

每逢天氣一熱就想食啲凍既野🤤哩個係我最愛之一😂肥姐小食🙌🏻佢既魷魚真係冇得輸，今日唔算排左好耐都係幾分鐘。天氣熱行過真係要整返串，配返芥末甜醬🤤🤤🤤OMG

除左有大小皇牌：墨魚，細生腸，大生腸，火雞腎。還有鴨脷（舌），豬心，豬潤（肝），豬脷（舌），紅腸，豬耳，豬頭肉，豬頸肉，共11種超大一盒，同朋友夾黎食都抵肥姐小食秘製的豉油和甜醬加上微微沖鼻的黃芥末醬，滷味全都冰鎮著，保持涼爽的口感，內臟處理的都很乾淨，新鮮又爽脆，如果食唔到咁多推薦大皇牌（墨魚大生腸火雞腎）喜個人認為大生腸比小的更有嚼頭

黎肥姐食街頭小食。第一眼見到呢兩兜糞盤仲要成二百幾蚊都覺得幾貴😋不過一開始食就另眼相看！個魷魚好爽脆好好味！雖然啲生腸依然有少少臭味，不過texture好掂！個雞翼尖都好味個人！不過我最欣賞係呢度個芥辣，又香又辣！正！臭豆腐要加豆板醬同甜醬先好食😋用竹簽喺豆腐中間拮個洞，再加d醬入去，超正呀，下次試下

食過好多間類似嘅舖頭始終做得最好味嘅都係肥姐不論味道、口感都係所以每次經過都會走去排下隊分別只係食幾多串🤭🤭墨魚係必食，有時會食個大皇牌😚嗰條隊永遠都係咁長，但永遠都係郁得好快加油！如果冇得食會係一種缺失

店名: 肥姐小食店地址: 旺角登打士街55號地下4A號舖油麻地站A2出口，行5分鐘環境: 外賣價錢:4/5味道: 4.5/5相信大家都唔會無聽過係油麻地嘅呢間滷味店，成日都大排長龍，今次去都有成十幾個人排緊😣大皇牌$40有生腸，墨魚同雞腎，可惜個日雞腎賣哂，於是轉左豬心😗一如既往質素好高，生腸墨魚好彈牙爽口，配上芥末鼓油同甜醬，味道啱啱好😍豬心就比我想像中淋，我以為會好彈牙，點知唔係，有啲似豬肉咁🙈豬頭肉$10質地有啲似豬耳，有少少軟骨加肉，但就無大皇牌咁彈牙🤣#stitchfoodie旺角 #stitchfoodie油麻地#foodie #香港美食 #美食推介 #港島美食 #九龍美食 #食好西 #香港吃貨 #打卡美食 #生日好去處 #拍拖好去處 #香港食評 #香港餐廳推介 #香港小食 #香港甜品 #香港西餐 #香港中菜 #香港泰菜 #香港日本菜 #炸雞 #放題 #火鍋 #打邊爐 #香港拉麵 #香港川菜 #香港台灣菜 #珍奶 #吃貨 #hkcafe

開左關之後經過呢間旺角人氣街頭小食舖 人龍竟然由店鋪處於嘅街頭排到街中尾段 本身見到咁多人排已經冇乜興致 奈何有親戚想試下😩排左一陣向後望已經又增長左1/3 好彩排得算早🫢呢間小食舖出名就係D滷味 冰鎮完即刻撒上唔同醬汁 拎起一串串來食 D食材對我來講都算冇乜嘗試過🫢講完之後姨姨就會問要咩醬汁 唔驚芥辣辣嘅話就要曬啦 有齊甜醬同芥辣🍗大皇牌（墨魚+大生腸+火雞腎）💰45入面包曬最熱門嘅三種串串 墨魚同魷魚其實差唔多 不過個人覺得口感更煙韌更大條 切成小塊之後都見到好粗嘅墨魚鬚 佢都十分爽脆多汁 一咬落去就有埋咀嚼聲添 不過留意唔好食曬D芥辣 hi走少少會好D 因為真係幾辣下🤣生腸口感乍一食同墨魚差唔多 所以我都撈亂左 但係咀嚼耐左就發現其實都幾腥 咬開會爆小小汁…唔係好啱我口味😓火雞腎同普通雞腎口感差唔多 就係大隻D 所以都滿足D！🍖豬脷💰10食得多牛脷覺得好正 所以今次試埋豬脷 豬脷口感同牛脷有D似 不過更加腥😩都係食返有調味嘅牛脷好D🍖豬潤💰10豬潤冇乜特別 冇特別軟爛 幾大塊都ok！串串嘅食材多數係可以冰鎮唔需要調料嘅 所以食墨魚個隻好容易入口 但係稍微腥D嘅例如生腸個人都係覺得

旺角最出名就係街頭小食，咁啱行過有間肥姐滷味店，於是就試吓佢個大王牌+豬潤，呢間小食店出晒名多人排隊，今次排咗20分鐘，卒之輪到我啦，個大王牌裏邊有，生腸墨魚雞腎，我另外加多左串豬潤。價錢來講佢算係咁，好食得來唔太濃味，滷味煮到啱啱好＇排咗20分鐘嘅，我都覺得值得嘅，佢啲甜醬唔太鹹，芥辣亦唔會太勁。最重要嘅就係買完可以企喺門口即食，服務態度亦都好好。值得推薦大家試一試。。唔好見到條隊太長就怕咗。。